+ 18 << الله من واحد اذا شاف ذا الحركه سالت سعابيله
- - -
سلام ياجماعه
اخبار اعلام .. الايام هذي أيام ربيعيه .. لا ( حرّ ) يقطّع الجـــلد ولا ( برد ) يكسّر العظام
أمس جانا مطر تناقيط تالي الليل .. كنت فاتح الشبّاك وجالس أقرا بالنت .. وكاس الشاهي - الله لايخليني منه - بيدّي .. كان المنظر خطييير للغايه .. وكنت أتمنى وقتها أني أصيح بأعلى صوتي ( أبي أعرس على غرام) ... بس لحسن الحظ أن الوالد كان جالسن تحت الشبّاك في دورنا الارضي .. والا كان جبت العيد مبكّر
موضوعي الماضي وحلقتي الأولى اللي فاتت كانت ردود الفعل تُجاهها من أروع مايكون .. وتحمست وماخليت احدن متزوج الا قلطت عندوة انواع التليصق00.. والعجيب أن واحدن من ربعي حكى لي مشكلته الداخليه عن طريق " رسالة ايميل " بعثها لي قبل كم يوم .. وكان يبحث عن حلّ لمشكة زوجته ذات البلوى المبليه .. وطبعاً أنا من قريت الرساله وانا عارف أنه فلان .. وهذا من باب الصُدفه المليحه ليس إلا .. وماكان خويي يعرف أني أنا ( قرنوس ) خويّه اللي كل ثلاثة أيام أقابله بالإستراحه ..هو وخشتوة المتعوجة 00 وبالأمس ريّحت باله بمحاولة حلّ المُشكله وفي نهاية الرسالة كتبت له بالخط العريض / يابو فلان .. ترى الدورية الجايّه عليك بالاستراحه .. لاتنسَ تجيب القهوه والشاهي وكثّر حلى القهوه ياعسل
خلونا من هالبلوى .. وراح أطرح عليكم في هالحلقة الثانيه بعض الأخطاء الزوجيه .. مع تبيان الحل << عزوبي نمره واستماره ..وبيقدم استقالة بس مايدري متي 00 بس أقدر أتدخّل في مصايب هالمعرسين واحاول اجتهد ويمكن أصيب الهدف
أخوي الزوج ابو العوال
زوجتك تحب الإقتراح عليك دائماً في بعض حلول مُشكلِاتِكُم الداخليه .. لاتُلقي اقتراحها في أقرب نفاية .. بل إصغِ إليها وخلّك رجّال واعقل .. فعدم الاهتمام باقتراحها يجعلُها تُحِسّ بالتهميش العاطفي وايحز ابنفسهااا وايشكل لهاا اضطربات نفسية يعني __تعوجات في البراشم
الأنوثه ودواهيها .. خِلقةٌ فطريه من الله عزّ وجلّ وهبها لذات لونِ " الزَهَر " .. لاطِفها وداعبها على فِراشِها .. ولا تقرط فيهاااا انتبة 00وكثر من كلمة احبك اذا انت صادق00 فلها الحق في ذلك .. فلا تحرمها من ذلك النصيب ..
المرأه تمرّ بمراحل مُتعدده من العذاب النفسي والبدني ( ولادة وحمل وتسقيط وتنزيل سست غير الكروت الحمرا ومصايبها ) فمُراعة الشعور أثناء تِلك الفترة واجِبٌ ضروري على الزوج .. يعني مهوب تجيها وهي تعبانه وترفع خشتك عليها وتقول لها وهي منهـــاره بدنياً ( وراتس ماتضحكين بوجهي .. أنتــــي ووجهتس هاللي كنّه وجه عنز عقيم
المعروف عن الحرمه أنها راعية خنبقه وعلاقات مع كل إمرأه على وجه الأرض .. يعني لو تشوف لها حرمة بأقرب منتزه فمُباشرة راح تشبكها ومن باتسر بيتقهوون سوا .. والحرمه بطبيعتها تحب البشكه مع رفيقاتها .. وهذا حقّ من حقوقها في الإطار المحمود والغير مُبالغ فيه .. و ( حدّ ) الرجُل من علاقة زوجته بزميلاتها ومنعها من أخذ حقها في الذهاب إليهم غير صحيح << أحسّ أني بانجلد بعد ذا الحتسي :عيونن تلاطم:
أختي الزوجه الدويفع
الرجُل معروف بطبيعته بكتم السرّ الزوجي .. يعني أغسلي يديك أنه يروح لاهله ويقول ( والله زوجتي اليوم طبخها مخيسن زي وجهها .. والبارح لقيتها ماغسّلت المطبخ زين .. وقبل كم يوم لقيت لي وسخ بكاس الما )بس قولي امانتك لاتعلم .. لكن المُلاحظ على بعض النساء أنها تكبّ عفش بيتها وتبدا تحشّ بزوجها عند أقرب أخت لها في بيت أهلها .. جاب العيد قرنوس
السؤال اللي يمصع نفسه : هل هذا من حقّ البيت الزوجي أيتُها الزوجه الرفلا ؟
بعض الحريم ثرثاره وهرجها واجد .. ومن يوم يدخل زوجها وهي تستقعد له وماتخليه حتى يتنفّس أو يقدر يحرّك يده اليمُنى .. وهذا طبعٌ سيء وفِعلٌ مشؤوم وعملٌ قبيح << لايكثر عاد قرناس
الزوجة الرفلا
لااوصيكي لي جاء انواع التكيشخ امامة لين تقوطر سعابيلة 00ولي مشيتي
تمايلي يمين ثمن يسار 00بس انتبهي لاتطيحي والبارفيوم ابوعشرة خخخخخخ
مانبي الغرشة تجلس يومين 00والبخور خلي اجوء بيتك عطر *عطررر من يدخل وهو فاتح فموة 00وانتي معاكي الخباطة عشان تحرصين فموة من الذبان لاانوة بيفكه
دائماً لاتنتظري من زوجك قول ( آسف ) .. لأن الرجُل لايُحِب الإعتذار ( وفيه شوفة نفسن عظيمه ) .. ولكن انتظري طريقة اعتذاره بشكل آخر
يعني حاولي يخق ثمن اندفعي علية 00
في حين المُعاشرة الزوجيه أمتعيه بِكُل الطرق وبجميع الأشكال وخلي سعابيله تقاطررر00خلية يستثيرر وحاولي ان تكثري من المداعب واياة لاتكوني مثلجة ومسلمة نفسك ومنبعجة ماتحركين00 تقول مفرش سرير 00 حتى لايبحث عن المُتعه عن طريقٍ آخر 00
والاضاءة انتبهي لاتخلين الغرفة ضلام يعني تخبطون ولا تشوفون شي اقل مايمتكن شمعة لو ماعندكي اضاءة خفيفة
لاان الاضوء الخفيفة في تلك المراحل تعطي اجوءءخوقااااق
= = =
وكما عودتُكم .. لابُد من التمليحه وطرح بعض الحركات الرووومانصيه .. عشان تصير حياتكم أحلى مايكون
ربي يسعدكم
1
أيتُها الزوجه << على بالي في خطبه وجالس أحدّث .. إذا بغى زوجك يسافر أو يروح للبر .. أحشري كم وردة مُجففة ثم عطّريها بأحلى عطر واكتبي على بطاقة صغيرة أحلى كلام وادعسيها أبو أبوها بمفرش نومه .. وراح يتفاجئ بهالحركة الحلوة إذا بغى يتبوطح على فراشه وقت النوم
وانتبهي لاتقومين تطامرين علية
2
من خلال حبّـــات الفاكهه " عنب + كرز + فراولة " تستطيعين رسم ( قلب حُب ) جميل داخل طبق الفاكهه الكبير
3
أختاري يوم " قميل " ورتّبي أمورك بعد تناول وجبة العشاء .. وقدّمي له صندوق صغير مليح ويهبّل وبداخله " مفتاح غرفة النوم " واكتبي داخله بطاقة صغيره مدوّن بها ( الغرفة وصاحبتها تحت أمرك اليوم يازوجي الغالي .. عندك مفاتيح الغرفة وعندك مفتاح قلبي ) ! << أبو الرومانصية ياناس
4
من باب التجديد وتغيير الروتين الزوجي المعروف .. أحضري الفطور على سرير النوم .. أيقضيه كي يتفاجئ بالإفطار الجميل .. الفطور طبعاً بما أننا شعب خليجي فما يخلو من ( البيض والمربى والعسل والزيتون اللي يتفخ البطن ) .. لاتتهورين أختي الزوجه ثم تجيبين شاهي وينكبّ على رجله وينقلب الفرح إلى ترح .. غيّري هالمرّه وجيبي ( كاس عصير برتقان بارد ) .. وصباحكم ورد
5
أخوي الزوج .. حدد لك يوم في الشهر واطلع بام العيال لاقرب ( برّ ) واكشت انت واياها .. أنت اللي أطبخ وخلّ أم العيال تغار من طبخك
الحين يزعلون علي مايبون بر انت هي اقرب مطعم 5 نجوم واسدح لهاا الطاولة ولا تخليهاا تاخذ شوكة ولا ملعقة انت بلعهااا وارفق عليهااا
6
في يوم من الايام ازرق بروحك لاقرب سوق .. أدخل لأقرب محل ملابس داخليه نسائية .. اشتر اللبس اللي على ذوقك ثم شف لك محل الهدايا .. غلّف الهديه .. وقدّمها لزوجتك .. وخلّها تحسّ بأنك جالس تشاطرها جمالها الخِلقي
بس انتبة لاتروح لمحلات ابو كلب < ركز معي نعومي اولاسنزا فيم غيرهم مايحضروني
إلى هِنا أنتهي من حلقتي الثانيه واللي راح آخذ بعدها نفس عمييق وراح اروح اسوي لي غطسة بحر .. طبعاً أنا وربعي العزازيب ... ومن ثمّ العوده والمُتابعه للحلقة الثالثه والأخيره .. خلوكم معنا يالمتزوجين .. وانتم يالعزّاب من شنبات وشباصات صرفو عماركم واذا اعرستو راجعونا
- الله يخارجنا منكم بس - آمين
* هذا الموضوع برعاية محلات سالم أبو خيشه للأواني المنزليه .
عندنا تخفيضات ماتخرّش الميّا .. بس انتم انهـــــجو وتعالو لنا الله يحييكم
:: قرناس
محبكم ::
العرض الشجري
