>قال بن شامت الهاجس عشيه ضوواني
>جاب الاقوال منظومه على نغمة القاف
>ليلة النور و الرحمن ليلة لفاني
>نوم عيني سرى ما حط لي فوق الادفاف
>قاف الاجواد يا الاصحاب والله شجاني
>على الحروف العديه قمت اتلفلفت لفاف
>يا الله العن طواري قلبي اللي حداني
>جابني في طرق وعرة تقنعت الانواف
>كنت ساكن ولكنه في ذكره بلاني
>و اصبح اليوم بن شامت عديم التصراف
>يا حسوفي على المهرى ندر من لساني
>يا حسوووفي ولكن ما يفيد التحساف
>لكن الصبر يا قلبي شف العمر فاني
>هكذا تفعل الاجواد في رد الاسلاف
>سلبتي بلجيك ما مثله في العليماني
>سلبته فخر للاهل العز و الناس الاشراف
>مصنعه من الحديد الصلب و الهندواني
>يصلح الا سلب للجيد لا هو مختاف
>يرفع الراس ذكره في جميع المعاني
>ما يطولوونه اهل المشطره و التعفاف
>ودي انه سلب لي وانقله في يماني
>يوم هو للبلاء خمسين معدووم الاوصاف
>بالوفي شروع القبوله والعواني
>بالوفي مواقعنا على خير مشراف
>با لراضي جميع الناس قاصي و داني
>و ان دعوا للبلاء ما حنا من اهل التخلاف
>و الرجاله ما لخابر حل لطم المثاني
>لا لا تغرك مناظرنا شف السيل نفاف
>لا تلموون بن شامت وحاله مالاني
>كل عامي بالايمن والحج يحتاج طواف
>واللغه الانجليزيه تبى ترجماني
>ذي يفسر حروف الميم والام والكاف
>بعد ذا اللحين يا راكب اكلوزر عماني
>وردووه الكرب مصطان من كل الاوصاف
>كنه الميج لا دبر و لو اقبل حصاني
>يمقط القاع يتغريف عليها تغرياف
>خذ بها دورتين اليوم و الصدق حاني
>دام عزمي في دربي صدق ما هو تحلاف
>برق ذي لاح لي يا الربع شفه دهاني
>با نترك حلال البهذله و التقشاف
>يشهد الله ما انا ماشي و لا جباني
>لكن اهل البرد يتحرفوونا تحرااف
>اعزم يا مسافر حلتي و المكاني
>عند ذي لبسهم اصلي و غالي و شفاف
>با مسي الا في ارضي رغم حاسد و شاني
>با نشووف الثمر ذي يشرحوونه بالاوضاب
>زرت ابوظبي شفت الهنديه والباتاني
>و اليمن زرتها و ارض المجوسي والاحقاف
>و الهدف ذي عليه الرمي ما با يباني
>كلما جيت با ارمي ما انظبط لي بمشوااف
>الف صلوا على طه رسول البياني
>يا سعد من زار بيته و الحرم حجه و طاف
>
>