من يبي يتزوج منكم؟؟؟؟

[كراعين نمله]

مكتب المرعوش والمصيبه الكبرى والزواج المستحيل

مكتب عقار ................... لا

مكتب علاقات عامة ............... لا

مكتب تاجير زل وخيام ............. لا

مكتب بيع خرفان.................لا
الان المفااجاة الكبيره العجيبه


مكتب طعطعطعطعوس المرعوش للزواجات

والله يا طويلين العمر مكتبنا هذا يستقبل طلبات العرس ، يعني اللي يبي يعرس ومستحي يقول لأمة تخطب له لا يتردد ويرسل لنا الطلب مع
المقادير التالية

اولا: صوره الخشة

ابيض واسود للسعوديين عشان الفضايح ، وملونة لغير السعوديين عشان لون العيون والشعر ، ايه عاد تروشوا قبل ماتتصورون نبي نشم ريحة الصابون في الصورة
بالنسبه للبنات: كدوا ذا الشوش قبل ماتتصورون عشان ما تجونا بعدين تقولون ليش محد يبينا ، ولا مانع من لط الجص على الوجة لإخفاء آثار الحفر البركانية الظاهر على بشراتكن، ويفضل استخدام الفير لتهبيط الشوشة عشان مانضطر ناخذ مقاس صورة اكبر لأظهار الشوشة باكملها

اما العيال: عاد لاتطقون لنا ذا اللطمة اذا جيتوا تتصورون ، يعني مهوب عيب يكون خشمك متسدح على ذا الخدود وماخذ راحتة ولا منحرف عن موقعة الاصلي تسعين درجه جنوبن ولا براطمك تصير مثل براطم عتاب .. الوضوح اهم شي عشان البنت اللي بتقابل ذا الخشم والبراطم طول عمرها <<--- الله يرحمها



.ثانيا: صورة من بطاقة الاحوال للبنات، والتابعيه للعيال

ضرورى جدا الوثائق الرسمية للطرفين (اجل هي الدعوة لعب) ولغير السعوديين نكتفي بالاقامه بس مهوب تصير منتهية .. اما اللي في الخارج فقريبا بنفتتح فروع دولية جنبكم



ثالثا: معلومات عنك

مثلا: طولك ، محيطك ، كثافتك ، عدد شعيرات راسك (هذا ان كان بو شعر اصلن)، خشمك كم متر؟ ، كم ضرس عندك محشي وكم ضرس مقلوع وكم ضرس مسوس، والبنات يضاف لهم لون الركب والكوع



رابعا: شهادة حسن ( حسن ولا محمد) سيره وسلوك مصدقه من الهيئة واثبات من المطار بانك ماقد تعديت حدود ديرتك

هذي لازم عليها عشر اختام مصدقة ولازم بعد ترسل لنا معروض تحلف فيه بالله انك ماقد حبيت ولا قد كلمت ولا بنت ولا غازلت ابد



خامسا : وش بعد ماقلنااة

الظاهر مابقى شي ماقلناة

~*~*~*~*~*~*~*~*~*~*~*~*~*~



عاد تحت بتلقون بعض الطلبات اللي وصلتنا عن طريق وسائل الاتصال الخاصه فينا <<-- شخصيات، اللي عاد اعجبه واحد او وحدتن منهم فماعلية الا يشق الصورة وتقول هذي هي اللي ابيها ولا امها

رقم الطلب1: اسمر حليوة ( امحق حلاوة)، معصقل ويلقبوني بالمسواك لطول كراعيني ، رومنسي مررة واقدر الحياة الزوجية مررة (ايه طيب) ،ابي زوجة تعرف تطبخ مرقوق مثل مرقوق امي ، وتعرف تلف سنبوسة مثل ذيك السنبوسة المثلثة حقت رمضان ،وياريت بعد لو تصير تشبه مادونا
بس على ملامح خليجية (هاااه) وشكرن


~^~^~^~^~^~^~^~^~^~^~^~^~

رقم الطلب2: الخرخير دوت كوم
بنية سعودية ، حنطية اللون ، عمري ثلاث وعشرين سنة واربع شهور ونص يوم ، فيه اثر فلقتن قديمتن في راسي يوم اخوى يكمخن بحصاة وحنا صغار(علامة فارقة) طولي مية وربع ، يقولون اني اشبة باسكال بس انا اقول انها تخسي لأني احلى منها ( يقولون مداح نفسها ... )، ودي برجلن ينقلن من وظيفتن بالخرخير، وذا مابوة فواحدن يسكنن فيها اقرب لي من هالمشاوير ( عرس مصلحة) وسلامتكم



~*~*~*~*~*~*~*~*~*~*~*~*~*~
رقم الطلب3:
فتاة عربية ، شقراء (صبغة)، بيضا لهبا (مكياج)، زرقا العيون (عدسات) ، رشيقة القوام ( انظر الصورة)، عمري شي 35 سنه ( تجميل وشد)بتمنى اتجوز شاب خليجي عمرو فوق العشرين سنة ، مو مهم كيف يكون شكلو .. المهم يكون جيبو عمران <<-- لا تعليق .

~^~^~^~^~^~^~^~^~^~^~^~
رقم الطلب4: ديزعة تمانية تمانية


زول سوداني ( مااقرب لي لووول ديزعات ولا الدباب خالص ) مهددينة ، ماداير اكتوب كتير عن حالتي آآآآي ، ليكن بقول ليك ابحس عن فتاة سمرا زات الشي <<-- متعيجز يكتب الشروط اللي يبيها ، والسلامو
عليكو
~*~*~*~*~*~*~*~*~*~*~*~*~*~
رقم الطلب5: ذي تستاهل رقم كشخه - مشرفه
فتاة سعودية الجنسية ، عمري 28عام ، اشتغل مشرفة في وحدتن من المنتديات <<-- تنفع واسطة ، سمرا بس مانيب حلوه مره لأن كلي ملح يكب ، ودي اعرس على مشرف من نفس الفصيلة علشان نجيب مشرفين صغار يمسكون المنتدى اذا عجزنا ( ياهي نشبة) ومايخالف لو اصير انا حرمتة الثانية او الثالثة <<-- وين الحاج متولي عنها ، وش بعد .. ايه يقدس الحياة الزوجيه وبس

~*~*~*~*~*~*~*~*~*~*~*~*~*~

رقم الطلب6: كل الارقام العربية والفرنسية
شاب سعودي ،العب ملاكمة على خفيف بس اكثر شي احب العب بلوت مع الشباب ، معرس وودي اعرس على الثانية ، ماهنا وقت اقعد احتسي فية عن مواصفاتي الزينة ، بس ابي اقول اني ودي بحرمتن سنعة ، تعاون حرمتي الاولة على الذبايح والمفاطيح ، وابيها موظفة وراتبها واجد علشان تصرف علي ، ولامانع لو معها مرسدس ( حدك ونيت ويخب عليك ) .. عاد اقصرو الهرج ولا تبطون علينا .. اخلصوا <<-- ذا كن وده يتطاق مع احد .

~^~^~^~^~^~^~^~^~^~^~^~^~^~^~^~^~^~^


~~~ جــــدار الاعــلانــات الـتـجـاريـة ~~~

المكتب لا يتحمل اي مسؤولية عن اي شي ، مهوب باتسر لين تطلقتوا تقولون كلة منكم ترا مالنا دخل .. انت الثور او البقرة اللي اخترتوا <<--اللي هذا اولة ينعاف تالية

عرض خاص ولمده قصيرة .. اعرس على وحدة وخذ ثلاث مجانا .. اسرع فالكمية محدودة ،، لاتتردد واتصل الان ، واذا وجدت الخطوط مشغولة فحاول مرتن ثانية


بشارة للعجازين واللي فيهم عرق زولين ( زول سوداني) قريبن بنفتح ملحق لنا جنب كل بيت علشان ماتكلفون على انفسكم وتجون لمقرنا الرئيسي


~&~&~&~&~&~&~&~&~&~&~&~&~&~&~
~~~ بـــريــــد الـــقــــراء ~~~

~*~الاخ صادين خاء .. ص ص خ
صورتك ذي اللي انت مرسلها ماتنفع ، تبي المكتب يقفل من اولها ، اذا ودك حنا نتبرع لك بفلوس عملية تصلح فيها ذا الحول .. ثمن راجعنا

~*~الاخت عذاب وجروح ودموع حزينه
نحنو لا نتحمل اي مسؤولية .. دامتس شفتية وعرفتي انه مهوب اطخم على كلامة وشولة اعرستي علية ؟ ، الله يعينتس على اللي طاح في كبدتس

~*~ الاخ قناص الضبان
غلطان في العنوان الله يسلمك .. بيتزا هوط هي البقالة اللي جنبنا ، حنا مانوصل طلبات للمنازل ، لازم تجي انت تقدم اوراقك جعلك العجز


~^~^~^~^~^~^~^~^~^~^~^~^~^~^~^~

اعلان بسيط عن باب المكتب

اكسب معنا باشتراكك في مسابقة زواج كول على الرقم



700070106
اتصل الان وشارك في المسابقة ... مايدريك ربما تفوز باحدى الحريم

الاولى .... وحده جنوبية حلوة

الثانية ... وحده نجدية تاخذ العئلااات

الثالثة ... وحدة قصيمية هه نص ونص

وعشر حريم منفخات اوزانهم بين ال90 و ال 100 مختلفات في القبايل

وعشر حريم من المعصقلات




موب ملطوووش ابد:D