هي قصيده طويله ما حبيت اكتبها كامله حتى ما يمل اللي يقرأ أخترت منها هذي الابيات وبرضه ما زالت طويله
غاب برقه وغابت مع غيبته الروح
وكل نجم عالي عن سما عيني طاح
تغيب شمس ويسفر قمر ويلوح
ونورك يالزين في ناظري ما بعد لاح
كل ليلة اسامر القمره بسطوح
اترجى طيبه ينرسل مه هبت رياح
يا قسوتك جفت العين من البكا والنوح
وطيرك ما حن لي ولو بضمة جناح
القلب قبل العين انطقته النوح
نوح عجوز ٍ منحور ولدها بالرماح
تقلي اقرب ما خبرتك بقربك شحوح
وكيف اقرب وقطيعتك اذبحتني بغير سلاح
تايه بدنيتك بين وديان و سفوح
اتبع وهم قلبي وين ما صاح
عليلٍ وطبيبه يداوي جرح ويفتح جروح
يمد بعلة مريضه طامع منه الارباح
عقلي يقول اترك اللي ترك دمك مسفوح
و بحب غيرها كل هم بينزاح
وقلبي يقول ما كنت بحبي لها مزوح
ولا يملى مكانها ولا كل الغنادير الملاح
آآه ما بقا من وفاها لي الا شبوح
ريتنا زرع كان نقلت الوفا لها بلقاح
قتلت فيني لوصلك كل طموح
اسكنتني بالحزن وسرقت كل الأفراح
علمتني كل ما بالحب قبل تروح
ولا علمتني من الشقا كيف ارتاح
دام انه زمن تنباع فيه الروح
ما اقول الا يا رب صبر قلب عبدك صلاح