للشاعر / عبدالعزيز الهذيلي من أهالي الخرج يخاطب ابن عم له يدعى عيون يقول فيها:
عدّيت في مرقب بين الشفا العالي
.....................مرقاب غي يذل الطير من دونه
تلقى لحرش المواطي فيه مدهالي
.................... عنها القنانيص يلتاجن بركونه
حب الحبيب صبغ ماعاد ينجالي
,.................لو كل يومٍ بصافي الما يغسلونــه
غض النهد وان وطا بحويجرٍ سالي
.............. تلقى النفل والزبيدي منه يجنونـــه
له مشيةٍ مامشاها اول ولاتالي
................ واللي خلافه وقدامـه يراعونـــــه
يبكي عليه القصر والمجلس العالــي
...............حتى الفناجيل ودلاله ينوحونــــــه
ياحافرين القبر خلوه منــزالي
............... واللي على حد راسي لاتدفنونــــه
خلوني اشوف من سيّر ومن جالي
................... واشوف غض النهد يمشي على هونه
وسمعت عقب العصير اصياح رجالي
...................واثره حراجٍ على قشّه يبيعونــــــــه
لبس الحبيّب ثويب بريسم غالـــي
,.............. لالبسه الترف دق القاع بردونــــــه
والله ماهمني ولاسرق حـالــي
..........,...ياكود ظبيٍ على الرامــــي يحدّونــــه
عساه اليا من رمي يخطي به الوالي
............... عسى القنانيص غيري مايصيدونــه
وان كان غض النهد (ياعيون)ماجالي
............... فتراي ميتٍ وقبري بتحفرونــــــــــه
يا(عيون) ماترحم اللي صابه هبالي
............ على غريرٍ طويت الياس من دونــــــه
فأجابه ابن عمه بأبيات لم أجد منها إلا بيتين:
ياعزيز ان كان قلبك فيه ولوالي
............... على غزالٍ سواد الكحل بعيونـــــه
اصبر وصابر على مادبر الوالـــي
.............. واهل الحسد وفقهم لابد يلقونـــــــه
العرض العادي
