راحت حياة الناس في جمع اموال
وطبوع بعض البشر فيها طماعه
واشوف ذا الوقت عاسر بالاحوال
حتى مشاعرنا يجي فيها مجاعه
يافهد يابوك ياثقل الاحمال
مال الرَجل يابوك كود ارتفاعه
يرقى على عالي مراقيب وجبال
ومن العقل له شور دون اندفاعه
كم فالحياه تشوف يابوك جهّال
تقصر مواقفها عن اطوال باعه
ما للفتى غير الشرف والعز مثقال
سبعٍ يغير مع الفلا من سباعه
ما يُورَث العز من ورث الاخوال
كود العمام وربعنا والجماعه
العرض المتطور
