يا صاحبي واللحظه اللي ما بقى فيها خجل
مررتها من دون لأقرع في الشرف فنجالها
...
أوميت كفي موادعه خوف الرزيه في عجل
والكلمه المتعريه ترجع على من قالـهــــا
...
حمار يشتال الحمل طيبه ولا طيبة رجل
لا صارت الدعوه ذخر ساق القدم ما شالها
...
يضيع عمر ٍ ما صفى بين الدناعه والدجل
واقول انا عبدالله اللي ما قبضت ريالها
...
وشلون اطيقك يا زمن والله كتب لي بك أجل
الموت يرحم من رحم والحال ترثي حالها
...
لو كان بيدي صنعتي والضيق يصنع لي نجل
ما خفت من غدر الحياة اللي لمحت أنكالها
...
ويلي ليا قصر المدى واونست من صدري وجل
هوصدق يا وجه الزمن بفنى وازم رمالها !!!
...
مااحسد يكود المختفي ما عاش في الدنيا لأجل
ما تنزع الجيد المدلى من شراك احبالها !
المشاركة الأصلية كتبت بواسطة *+* مـهــآآآآجــرة *+*
هجير الشتاء
شامخة تعانق السحاب
لله درك من شااااااعر
صح لسااااانك ولا هنت
ننتظر جديدك الرااااائع
دمت بخير "
يا مهاجره كانك هنا
لا تذخرين السالفه
البارحه هم وعنـا
وأية رفيق آخالفه
حالف لحله لو دنى
وأيضا دروبي حالفه
ماكل راس ٍ ينحنى
وما كل خل أوالفه
قسمي وحلمي والأنا
خلت عروقي تالفه
كانت ( بسيطه) بالغنى.
لا شك روحي دالفه !!
على الشهر الفضيل الخير مدامك يارفيقي بخير
وبإبدابك ياراعيها ما دامك صدق ( رااااعيها )
حلمت اليوم برقادي وتنهش في كلومي الطير
معاها بالثرى دودوه ولا ادري وش تواليــــها
وافز بقلب لو يملح على اطرافه جناح يطير
من الروعه ولا كنه تذوق من خوافيها ..
قعدت شوي والروعه على صدر الرقاد تغير
تقول العين ما تغفى وتعب روحي مواريها
خذيت من الألم هادي وزادة صرخة التكبير
وانادي صفحة الماضي وافل خيوط ماضيها
لقيت إن البخت همي وفزعات الزمن تعسير
وليل ٍما بلغ رشده سهرني وصابني فيــــــها
لا حلم ٍ قد تهنيته ولا واقع بعيشيه غيــــــــر
ولا قلب ٍ تسالمته ولا نفوس بخاويـــــــــــها
على الله طابت جروحي ولا ودي على التأخير
مدام الله كتب يومي ... شهرك الخير رااعيها