كيف الحال ياشباب وخباركم بعد الاختبارات هذي عساكم نجحتم ماطول عليكم اقولكم ورطتي الله لايعيدها بس قبل ماكتب ورطتي الي راسب بالطابور والفسحه لايقراء مشاركتي نرجع لصلب الموضوع وعموده الفقري المهم
هذا مره الله يسلمك جاني اخوي وقال مشينا لسوق وقلت اقول ضف وجهك الي كانه يوم السبت الساعه ثمان بعد التوقيع ماني رايح ابجلس قال امش يارجال انت وجهك الي كانه نهاية دوام يوم الاحد قالت يالله مشينا المهم امتطينا سيارتنا الفارهه تراء ماهي فارهه ولا شي فورد مدري كم مديله لا وبعد يعرج رحنا لسوق المهم جلست بالسياره وراح يجيب ملابس له مدري يجيب شانبو لا راسه الي ماغسله ايام الحرب العالميه الثانيه المهم انتظرت اشوي ماجاء اخذت جوالي علشان اتصل عليه نسيت انه مفصول رد علي واحد من الاتصالات وقال الرقم الي طلبه غير موجود حاليا بس اذا وجهت الرجال خله يسدد المهم طلعت من السياره وقفت عند سياره جنب سيارتنا عند شنطه السياره وقمت ادخل اصبعي في الانتل المكسور من الفراغ المهم الاصبع نشب وحاول اطلع وحاول اطلعه مارضي هذي والله البلشه لا عاد مشخص المهم اتلفت يمين ويسار اذا ماشفت احد ارجع وحاول المهم جات بنت وركب بالسياره وانا اتبسم يعنني مافي شي وحاولت اطلع الاصبع هذا الي كانه اصبع واحد كسلان يبي يشارك مع المدرس الاحول المهم اخذت اشوي من المحاولات الحثيثه لاطلاع ذالك الاصبع المصيبه جاء رجال البنت وركب بسيارته وشغل يوم شغل عرفت ان الاصبع هذا ابفقده ذرفت عيناي دمعا اي والله دمعا اخص يالمتنبي اقول ياطول القصه قبل مايشغل البنت كانت تضحك وهو مستغرب وهو وخشته الي كانه ممنوع الوقوف للمعاقين وهي تضحك ونا اقول في نفسي سلم سلم سلم شغل مايدري وش القصه والمسرحيه الي بشنطه السياره وعلشان هو ينجس على الفطره قام يدوس على البنزين والبنت تضحك جعلها ماتضحك لها ((اصبروو استريح اشوي)) نكمل المهم قالت لزوجها تراء فيه واحد ناشب اصبعه بالسياره هي كانت تطالعني بالمنظره نزل من السياره وجاني وقال ياخوي مالقيت الي سيارتي ينشب اصبعك فيه وقلت له ياخوي ماني يمك انت وسيارتك الي كانه دعايه صابون المهم جاء اخوي ومعه الشنبو حق راسه جلسنا نحط الشنبو على الاصبع وهو يجر ونا اتلوي من الوجع وهو يجر وراعي السياره يجر معه المهم هون الله علينا وطلع الاصبع
وسلامتك وسلامت الحاظرين وعز الله مقامك والغدا عندنا بكره*r *r *r *r
العرض العادي
