بسم الله الرحمن الرحيم
السلاوبركاته م عليكم ورحمة الله :
هاردلكم على الهزيم لكن إن شاء الله خيرها بغيرها
إن شاء الله نعوضها بالمباريات الجايه
الخبر هو أعلنت قناة لاين سبورت عن إقالة مدرب المنتخب السعودي بيسيرو
وتعيين المدرب ناصر الجوهر بديل له المتواجد في الدوحة
بالتوفيق للاخضر المبارات القادمة
ان شاء الله نتاهل يارب
ولاتنسو يا اخوان لكل جواد كبوه
وكبوتنا كانت بيسرو
تحياتي
روكي
امس سلطان بن فهد يقول جلست مع المدرب و ناقشنا الامور التكتيكيه الدقيقه اجل ناقشت
الامور التكتيكيه الدقيقه ههههههه انا مدري وش تبون من بيسيرو
و هو محدود الصلاحيات ؟! المنتخب يُدار من فوق .. تبون بيسيرو
يستقيل ؟! معصي .. هو كذا مبسوط ماخذ راتبه و بالنهايه بينكرش
و ياخذ شرط جزائي زي الحلاوه .. سلطان بن فهد كارثه لا فكاك منها ..
مقابلته بالكاس يقول سنعالج الامور بسرعه فائقه ..
سرعه فائقه = ناصر الجوهر خخخخخخخخخ
كسر الرقم القياسي بكلمة ( اعتقد ) ..
المذيع يقول ناصر الجوهر بالدوحه و تراه جاهز ..
قال ان شاء الله كل مواطن سعودي جاهز فنياً خخخخخ بعذرك تكلج
اجل متذيل الترتيب بوجود سوريا و الاردن ههههههههههههههه
لقموك الزلمات و حسبوا الله ما خلئك
لا عزاء ..
هذا تعليقي قبل الاقالة يعني الرجال أخذ حقة وزيادة وفاز باالشرط الجزائي .
للاسف أتمني تدخل الملك عبدالله بن عبدالعزيز حفظه الله
ويتم أقالة أتحاد الكرة باالكامل من راس الهرم الخطط المدروسه لين أداري المنتخب المصبيح
للاسف يبون يحرجون ناصر الجوهر الله يعينك يا الجوهر على صحافة الميول والحمدالله انها مبارتين
الامير سلطان بن فهد على قناة الكأس الان يقول المشاريع الجديدة للمنتخب وأمس يقول جلسنا مع المدرب
الان يمكن أشجع المنتخب السعودي الشقيق علشان ناصر الجوهر لبي قلبه
الي يتغير هو فكر الاتحاد السعودي الي موقف من 2000 المنتخب كل ماله في انحدار دام سلطان ونواف موجودين مهوب معقوله كل هالمدربين ماعندهم فكر ولا دلوخ
ياجماعة كالديرون الي بوقته المنتخب مقدم نتايج ومستوى وروح كنا اي منتخب يجي مايهمنا بمجرد خسر في مباراة ببطولة عاديه ومنتخب تجميع بعض وتكريم ثاني يجي اقيله ليش تخسر 4 من العراق !! شلته وجبت باكيتا
باكيتا ماكمل بطولتين تشيله تعال ياناصر درب يحقق نتايج ينبسطون اول ماتخسر وهبوط طبيعي بالمستوى رح جب انجوس قدم بطولة اسيا شي غير متوقع وفوق الوصف بمنتخب شاب بعدها مباراتين ثلاث وديه ماعجبهم مستوى المنتخب لو سمحت ديرتك تعال يالجوهر ومثل النظام يجيك الجوهر وفوز ورا فوز خلوا الجوهر فوق السما جت فترة التصفيات بدت النتايج تدهور نبي مدرب وقعوا مع بيسيرو بحكم انه الاخبر بالدوري واللاعب السعودي والوقت ضيق مايمدي نجيب مدرب من الطراز العالي فاز على ايران والامارات وتعادل مع كوريا في ديرتهم عجبهم الوضع وقالوا هو مدربنا انصقعوا بتاهل الشماليه في ارضه قالوا خلوه للملحق يجيك الملحلق وخبط لك لين قال كح يطلعون وهو مهوب مقتنعين فيه فنيا يحطون فيه الثقه الى بطولة اسيا وينتهي عقده بعدها نغيره ويبدا المسلسل مباراة وديه ومعسكر وانجولا وتوغو وشله التعيسه لين جت الخليجيه الي قرروا يلعبون بالرديف تجيك هالخليجيه منتخب بدون تكتيك بدون مستوى اللهم روح لاعبين يبون يثبتون نفسهم توصل النهائي بعدها والله مافيه اسيا بعد شهر خل نخليه يمكن يتحسن وجا وقتك يالمعسكر ووضعك مهو بالسليم يامستر بيسيرو من كل النواحي ضف له 27 لاعب ثلاث مباريات وديه كل وحده مستواها اخيس من الثاني وكل وحده بتشكيله غير ماكنك بتلعب بعد اسبوع اكبر واهم بطولة بقارتك وهم شايفين وساكتين جتهم مباراة سوريا الطامه ماتغير الا طقم المنتخب بس من الي راح
مستوى زيرو روح زيرو تكتيك زيرو نتيجه زيرو اخس واعقب الحقنا بالجوهر وشل بيسيرو ذا ماعنده شي !! والحين يجلطك انا ناقشته ان مناف ماينفع ولازم نلعب بصانعين لعب وانا قلت له وانا علمته
بالله من وين تبون تفلحون وكل المدربين الي تجيبونهم حط ذا وشل هذا العب كذا ولاتسوي هذاك
مشكلة المنتخب الحاليه سلطان بن فهد بن عبدالعزيز بتفكيره المتجمد من 2000 وقبل
متى ماسمعنا انه ترك الاتحاد السعودي ذيك الحزه ابشروا بمنتخبكم الي يبيض الوجه