مـــتــــغــــلــيـــــــــة

[نايف الشريف]

بعض التغلي لايعوّد جهاله=ماني من اللي معطي الوجه مقفيه
ماهمي اللي راح قفا لحاله=لوهو يبيع انسى ولاني بشاريه
مثلي ليامنه نوى شي إتكاله=والا يقفـّـي قبل لاشي يثنيه
بكره ليامن جا وجالي مجاله=اخذ نصيبي وإن بغا شي نعطيه
هذا مقام ودايم ٍ عندي مقاله=منهو يجينا لازم ٍ يوم ونجيه
القلب ماني زايد ٍ فيه إشتعاله=هادي ولامن شب بالنار نطفيه
ياما تعبنا والعقل زاد إنشغاله=كنت الصغير اللي حلايا البنت تلهيه
يركض وراها ماتنويله مناله=حلم ٍ نصيده ثم لافقت نخطيه
منهو بغا قلب ٍ يحبه وإنعطاله=من غير مايلقى تغلي منه يبكيه
الحب كنه ياعرب عرض البقاله=خلــّــي معك نقد ٍ تبيع وتشتري فيه
الحب الاول راح مانلقى بداله=حب ٍ كما الدّين وعليك اليوم توفيه
حق ٍ لغيرك حب ماضاع إستحاله=تاخذ هواك وتعطي ماكان يكفيه
يابنت حبي لاتظنينه هباله=حب ٍ قديم وطول انا العمر اربيه
مثلي عَـرَفْ للحب واختار إنتقاله=خل ٍ على درب الهوى امشي مخاويه
خليكي للي ضو فالحب إنطفاله=قلبه ظلام وماعرف له درب يمشيه
يطرد سراب الحب إلاشاف إبتداله=ضامي ولاهو لاقي ٍ حب يرويه
الحب نبع ٍ يشربه منهو صفاله=كلما صدق فالحب يشرب ونسقيه
مابه تغلّي بالهوى خل الجهاله=منهو جفانا بالهوى ملزوم نجفيه

[العـ راعي ـليا]

اقتباس المشاركة الأصلية كتبت بواسطة نايف الشريف بعض التغلي لايعوّد جهاله=ماني من اللي معطي الوجه مقفيه ماهمي اللي راح قفا لحاله=لوهو يبيع انسى ولاني بشاريه مثلي ليامنه نوى شي إتكاله=والا يقفـّـي قبل لاشي يثنيه بكره ليامن جا وجالي مجاله=اخذ نصيبي وإن بغا شي نعطيه هذا مقام ودايم ٍ عندي مقاله=منهو يجينا لازم ٍ يوم ونجيه القلب ماني زايد ٍ فيه إشتعاله=هادي ولامن شب بالنار نطفيه ياما تعبنا والعقل زاد إنشغاله=كنت الصغير اللي حلايا البنت تلهيه يركض وراها ماتنويله مناله=حلم ٍ نصيده ثم لافقت نخطيه منهو بغا قلب ٍ يحبه وإنعطاله=من غير مايلقى تغلي منه يبكيه الحب كنه ياعرب عرض البقاله=خلــّــي معك نقد ٍ تبيع وتشتري فيه الحب الاول راح مانلقى بداله=حب ٍ كما الدّين وعليك اليوم توفيه حق ٍ لغيرك حب ماضاع إستحاله=تاخذ هواك وتعطي ماكان يكفيه يابنت حبي لاتظنينه هباله=حب ٍ قديم وطول انا العمر اربيه مثلي عَـرَفْ للحب واختار إنتقاله=خل ٍ على درب الهوى امشي مخاويه خليكي للي ضو فالحب إنطفاله=قلبه ظلام وماعرف له درب يمشيه يطرد سراب الحب إلاشاف إبتداله=ضامي ولاهو لاقي ٍ حب يرويه الحب نبع ٍ يشربه منهو صفاله=كلما صدق فالحب يشرب ونسقيه مابه تغلّي بالهوى خل الجهاله=منهو جفانا بالهوى ملزوم نجفيه

صح لساااانك ولا هنت

نااايف الشريف ...

الابداااع من اهله لا يستغرب ياغالي ..

تقبل تواااضع المرور

دمت بووود

[صدق النوايا]

هلا فيك نايف طولت الغيبه والله انا اشتقت لك كثير
من العايدين وكل عام ونت بخير
ولى طلب لا زم تلبيه انك ما عاد تغيب كذا وطول
صح لسا نك وتقبل سلا مي

[خالد العلي]

عندما اقرأ اسم

نايف الشريف
في همس القوافي
اعرف ان هناك قصيدة
تستحق القراءة ..

.
.
صح لسانك يالنشمي

تقبل تحياتي

[تركي 2000]

صح لسانك مليون

قصيده قمه في الروعه والجمال

الله لايهينك ويبيض وجهك اخوي نايف

[*+* مـهــآآآآجــرة *+*]

)*) نايف الشريف)*)

لعودتكـ قطرآآت من الشهد تتدفق

فوق صفحآآآت الشعر بهمس

جميل وبوح أصيل

قصيدة جميلة ومعبرة

صح لسآآآنك وربي لا هآآآنك

بشوق لجديدك الرآآآئع

كل الشكر "

[الطلحي2000]

صح لسانك اخوي نايف

مبدع كعادتك يعطيك العافيه

تحياتي

[ღ عيون بندر ღ]

صح لسآنكًٍـ وآحسآسكًٍـ آلمرهف





آبيآت وقفت آمآمهآ مذهله بروعهـ آحآسيسهآ





وعذوبهـ مفردآتهآ






وجمآل معآنيهآ








" عيوووون بندر "

[متاابع]

صح لسانك ولاهنت

يانايف الشريف

تقبل تحياااتي وتواضع مروووري

[نايف الشريف]

اقتباس المشاركة الأصلية كتبت بواسطة نايف الشريف بعض التغلي لايعوّد جهاله=ماني من اللي يعطي الوجه مقفيه ماهمي اللي راح وقفا لحاله=لوهو يبيع انسى ولاني بشاريه مثلي ليامنه نوى شي إتكاله=والا يقفـّـي قبل لاشي يثنيه بكره ليامن جا وجالي مجاله=اخذ نصيبي وإن بغا شي نعطيه هذا مقام ودايم ٍ عندي مقاله=منهو يجينا لازم ٍ يوم ونجيه القلب ماني زايد ٍ فيه إشتعاله=هادي ولامن شب بالنار نطفيه ياما تعبنا والعقل زاد إنشغاله=كنت الصغير اللي حلايا البنت تلهيه يركض وراها ماتنويله مناله=حلم ٍ نصيده ثم لافقت نخطيه منهو بغا قلب ٍ يحبه وإنعطاله=من غير مايلقى تغلي منه يبكيه الحب كنه ياعرب عرض البقاله=خلــّــي معك نقد ٍ تبيع وتشتري فيه الحب الاول راح مانلقى بداله=حب ٍ كما الدّين وعليك اليوم توفيه حق ٍ لغيرك حب ماضاع إستحاله=تاخذ هواك وتعطي ماكان يكفيه يابنت حبي لاتظنينه هباله=حب ٍ قديم وطول انا العمر اربيه مثلي عَـرَفْ للحب واختار إنتقاله=خل ٍ على درب الهوى امشي مخاويه خليكي للي ضو فالحب إنطفاله=قلبه ظلام وماعرف له درب يمشيه يطرد سراب الحب إلاشاف إبتداله=ضامي ولاهو لاقي ٍ حب يرويه الحب نبع ٍ يشربه منهو صفاله=كلما صدق فالحب يشرب ونسقيه مابه تغلّي بالهوى خل الجهاله=منهو جفانا بالهوى ملزوم نجفيه

بسم الله الرحمن الرحيم
احبتي الكرام
اولا إسمحوا لي ان اقدم لكل ٍ منكم وبإسمه الشكر الجزيل على مروره وإضاءة متصفحتي
وسأعود للجميع بالشكر والتقدير

ولكن التمس منكم العذر لأقول
ان بعض الأخوة جزاهم الله عني كل الخير أشار إليّ بأن اكتب القصائد بين الفينة والاخرى لكي اتمكن من إخراج القصيدة بالشكل المطلوب
قال انك تملك مفردات وخيال خصب ولكنك تستنزفه
مع كل الحق فيما قاله لي

ومن هنا اقول ان القصيدة اعلاه بها بعض الملاحظات بسبب كتابتي لها على عجل
ومن ملاحظااتها الاتي:

بعض التغلي لايعوّد جهاله
ماني من اللي معطي الوجه مقفيه
ماهمي اللي راح قفا لحاله
لوهو يبيع انسى ولاني بشاريه
.......................
مثلي ليامنه نوى شي إتكاله ( صدر البيت هذا به من الكسر مابه , ويحتاج إلى تغيير صدر البيت وترميمه , فلو قلت انا
منهو بغاله شي قام إتكاله ( هنا تم ترميم صدر البيت والله اعلم )
والا يقفـّـي قبل لاشي يثنيه
......................
بكره ليامن جا وجالي مجاله
اخذ نصيبي وإن بغا شي نعطيه
..................
هذا مقام ودايم ٍ عندي مقاله( هنا مايحتاج للتعديل هي كلمة (-دايم ٍ - وكان الاحرى ان تكون - دام - دون حرف الياء والتنوين - ليصبح صدر البيت
هذا مقام وادم عندي مقاله
منهو يجينا لازم ٍ يوم ونجيه
.................
القلب ماني زايد ٍ فيه إشتعاله ( هنا حرف الهاء كسر البيت ) فلو كان صدر البيت كالتالي ( القلب ماني زايد ٍ فشتعاله ) حرف الفاء الذي تم ربطه بكلمة إشتعاله , هو في الاساس ( في ) ولكن مع نطق الكلمة نخفي حرف الياء ونربط الفاء بالكلمة مباشرة .
القلب ماني زايد ٍ فشتعاله
هادي ولامن شب بالنار نطفيه
.....................
ياما تعبنا والعقل زاد إنشغاله
كنت الصغير اللي حلايا البنت تلهيه
في هذا البيت حقيقة يوجد كسر في صدر البيت وعجزه
في صدر البيت : ياما تعبنا والعقل زاد إنشغاله
لو كان صدر البيت ( ياما تعبنا عقل زادوا اشتعاله ) بدون الالف واللام في كلمة العقل , وكلمة زاد , لوتم جمعها بصيغة الجمع لإتزل البيت .
وحيث تم التعديل على صدر البيت , كان لزاما ان يتم التعديل على عجز البيت لأختلاف المعنى وتعديل الكسر .
فنقول في عجز البيت ( كنّي صغير ٍ بنت بالزين تلهيه )
ياما تعبنا عقل زادوا اشتعاله
كنّي صغير ٍ بنت بالزين تلهيه
............................
يركض وراها ماتنويله مناله ( اللام والهاء كسرت البيت في صدره )
يركض وراها ماتنوّي مناله
حلم ٍ نصيده ثم لافقت نخطيه
......................
منهو بغا قلب ٍ يحبه وإنعطاله ( هنا يجب تغيير كلمة يحبه بكلمة اخرى تزن البيت في صدره ) فلو قلت انا مثلاً
منهو بغى قلب ٍ خلي وإنعطاله ( كلمة خلي بمعى فاضي لم يـُـحـِـبُ احداً .
منهو بغى قلب ٍ خلي وإنعطاله
من غير مايلقى تغلي منه يبكيه
ولابد من تغيير احد الكلمتين ( إما كلمة تغلي , او كلمة منه ) فيصبح عجز البيت احد الشكلين
إما ان يكون عجز البيت : من غير مايلقى تغليه يبكيه .
او يكون عجز البيت : من غير مايلقى تغلي و يبكيه
منهو بغى قلب ٍ خلي وإنعطاله+++من غير مايلقى تغليه يبكيه
..................
الحب كنه ياعرب عرض البقاله ( هنا لكي يستقيم صدر البيت لابد ان يكون بأحد الصيغتين )
إما ان يكون : الحب كنه عرض ما فالبقاله
او يكون : الحب كنه ياعرب فالبقاله
نكون إما ان نستغني عن كلمة ياعرب , او كلمة عرض , مع التعديل على احد الكلمتين
اما عجز البيت نقول
خلــّــي معك نقد ٍ تبيع وتشتري فيه
ان كلمة ( فيه زائدة لاحاجة لنا بها واثرت في البيت بشدة )
كان لابد ان يكون عجز البيت كالتالي:
خلــّــي معك نقد ٍ تبيعه وتشتريه
الحب كنه عرض ما فالبقاله +++ خلّي معك نقد ٍ نتبيعه وتشريه
..................
الحب الاول راح مانلقى بداله( التعديل هنا كلمة نلقى , يتم تغييرها بـ في , ليصبح صدر البيت
الحب الاول راح مافي بداله
حب ٍ كما الدّين وعليك اليوم توفيه ( هنا تغيير كالتالي )
الحب الاول راح مافي بداله +++ حب ٍ علينا دين ولابد نوفيه
........................................
حق ٍ لغيرك حب ماضاع إستحاله ( ماضاع لكمة بها مدّين إثنين - مااااا - ضاااااع ) اتت بعدها كلمة إستحالة )
المد المضاعف وبعده الهمزة تحت الألف كسرت البيت , فكلمة مااااضاااع كان لابد من عدم إستخدامها
فلو كان صدر البيت
حب ٍ لغيرك ضيعته بستحاله
تاخذ هواك وتعطي ماكان يكفيه
..............................
يابنت حبي لاتظنينه هباله( لابد من تغيير كلمة - يابنت - واختيار كلمة - ياخل - ليصبح صدر البيت
ياخل حبي لاتظنه هباله
حب ٍ قديم وطول انا العمر اربيه ( هنا عجز البيت لاخلل فيه من حيث الوزن ) ولكن الافضل لو كان
حب ٍ قديم وطول عمري مربيه
ليصبح البيت
ياخل حبي لاتظنه هباله
حب ٍ قديم وطول انا العمر اربيه

.........................
مثلي عَـرَفْ للحب واختار إنتقاله( كلمة وإختار لابد من تغييرها , ونستعيض بدلا عنها كلمة - كيف ) وتأتي كلمة كيف بمعنى , حاله الحب , ومن ثم إنتقل واختار له خل ٍ على درب المحبه يخاويه , ليصبح البيت بالكامل
خل ٍ على درب الهوى امشي مخاويه
( مثلي عرف للحب كيف؟ إنتقاله +++ خل ٍ على درب المحبه مخاويه )
علما ان عجز البيت الاصلي لاعيب فيه إلا انه يحتاج لنطق الكلمتين ( الهوى امشي ) بنطق واحد وكأنما تم ربك ى ا في نهاية الكلمة وبداية الاخرى في النطق
.......................
خليكي للي ضو فالحب إنطفاله
قلبه ظلام وماعرف له درب يمشيه
التعديل هنا واضح باللون الاحمر
والبيت بعد التعديل
خليك للي ضور حبه طفاله +++++ قلبه ظلام وماعرف درب يمشيه
.....................
يطرد سراب الحب إلاشاف إبتداله( هنا لابد من تغيير كلمة - إلا شاف - بكلمة - لامن - مع تغيير كلمة - إبتداله - لتصبح - بداله
ليصبح صدر البيت
يطرد سراب الحب لامن بداله
ضامي ولاهو لاقي ٍ حب يرويه
.........................
الحب نبع ٍ يشربه منهو صفاله
هنا التنوين في كلمة ( نبع ) يتم الإستغناء عنها وإستبدالها بهاء ( نبعه ) او - واو تربط كلمة نبع وكلمة يشربه , مع الإستغناء عن الهاء والواو في كلمة ( منهو ) لتصبح ( من ) فقط
الحب نبع و يشربه من صفاله
كلما صدق فالحب يشرب ونسقيه
....................
مابه تغلّي بالهوى خل الجهاله ( كلمة - خل - ماكان ينبغي إستخدامها , والاستعاضه عنها بالواو افضل , ليصبح صدر البيت
مابه تغلي بالهوى او جهاله
منهو جفانا بالهوى ملزوم نجفيه( ارى التعديل في عجز البيت ليصبح )
منهو جفانا يوم لابد نجفيه
فيكون البيت:
مابه تغلي بالهوى او جهاله ++++ منهو جفانا يوم لابد نجفيه



احبتي الكرام
يعلم الجميع ان كاتب القصيدة لابد ان يكون قد كتبها في ورقه ونقحها , ومن ثم ينزلها في موقع او يقرأها على حضور .
هنا انا اكتب القصيدة على الكيبورد فورية , وأستعجل في إنزالها , وهذه ملاحظة الاخ الكريم وكانت في مكانها حقاً

امل ان تلاحظوا القصيدة بعد كل هذه التعديلات التي طرأت عليها

بعض التغلي لايعوّد جهاله=ماني من اللي معطي الوجه مقفيه
ماهمي اللي راح قفا لحاله=لوهو يبيع انسى ولاني بطاريه
منهو بغاله شي قام إتكاله =والا يقفـّـي قبل لاشي يثنيه
بكره ليامن جا وجالي مجاله=اخذ نصيبي وإن بغا شي نعطيه
هذا مقام وادم عندي مقاله=منهو يجينا لازم ٍ يوم ونجيه
القلب ماني زايد ٍ فشتعاله=هادي ولامن شب بالنار نطفيه
ياما تعبنا عقل زادوا اشتعاله = كنّي صغير ٍ بنت بالزين تلهيه
يركض وراها ماتنوّي مناله=حلم ٍ نصيده ثم لافقت نخطيه
منهو بغى قلب ٍ خلي وإنعطاله=من غير مايلقى تغليه يبكيه
الحب كنه عرض ما فالبقاله=خلّي معك نقد ٍ نتبيعه وتشريه
الحب الاول راح مافي بداله = حب ٍ علينا دين ولابد نوفيه
حب ٍ لغيرك ضيعته بستحاله=تاخذ هواك وتعطي ماكان يكفيه
ياخل حبي لاتظنه هباله =حب ٍ قديم وطول عمري مربيه
مثلي عرف للحب كيف؟ إنتقاله = خل ٍ على درب المحبه مخاويه
خليك للي ضور حبه طفاله= قلبه ظلام وماعرف درب يمشيه
يطرد سراب الحب لامن بداله=ضامي ولاهو لاقي ٍ حب يرويه
الحب نبع و يشربه من صفاله=كلما صدق فالحب يشرب ونسقيه
مابه تغلي بالهوى او جهاله=منهو جفانا يوم لابد نجفيه