السلام عليكم ورحمة الله وبركاته
مساء الخير لقلوبكم
اليوم كان الغدآ بتاعي صينية سمك بالخضار مع الرز
شوية تغير عن اللحم والدجاج مع الرز
وبالنسبه لي لأنو هي اسهل واسرع
بما انو اجي من الدوام وعلى طول على المطبخ
فمافي اسرع من الرز مع الدجاج او اللحم
ولأننا شعب سعودي معاصر
معه قصة طويله
مع الرز واللحم واذا الغدا مافي رز
تلاقين خصوصاً الذكور مايجلسون عالسفره
هذا من ناحيتي
فبما انو مافي بالبيت الا ابوي
فلما مانصلح رز يقول هذآ مو غدآ ^_^
المهم مابي اطول عليكم
المقآدير ^_^
طبعاً كل انواع الخضار الي بالثلاجه عندك حطيها
لأنها اول شي مفيده غير كذا كل نو يعطيك طعم ونكهه
فكانت الخضار تبعي
البيذنجان
كوسه
جزر
بطآطس
وزهرهـ<< اكيد تعرفونها واذا ماتعرفونها شوفو صورتها
هذي انواع الخضار الي اضفتها
وطبعاً الطبق الرئيسي معنا الي هو
السمك (( فيليه))
طبعا الحين نجي للحوسه شوي وبالنسبه لي
احسه مايبيله شي بالعكس اسهل من السهل
بس اقصد بالحوسه حوستي بالمطبخ
طبعاً قطعت الخضار بهالشكل
وبعدها جبت صينية الفرن
وفرشت القصدير عليها بحيث اضمن لك انو
ماتلتصق بالصينيه الخضار وتتجنبين انو تحترق
طبعاً قطعت شرآيح بصل ووضعتها
وحطيت فوقها السمك بالشكل هذا
وبعد كذا وضعت الخضار فوقها<<حسيت اني الشيف ملاك
برنامج مكسرآت ^_^
وبعد كذآ سويت تتبيله من عندي
حتى تطلع طعم
علبة معجون طماط
وملعقتين بهارات
شوي فلفل اسود
شوية خل انتبهو تكثرون بس نصف الغطا حق علبة الخل
وبيالة شاهي مويه
وملعقة ملح
خلطتهم مع بعض وبعدين صبيتها على الصيينيه
بعدين غطيتها بالقصدير هيك
وحطيتها بالفرن تقريباً ساعتين لأنو كنت موطيه
على النار بالعاده اتركه ساعه ونصف
وبعد كذا سويت الأرز
واكيد الكل يعرف طريقته
وبس ^_^
بالعافيه
مـ الشوق ـلاك