|| ~ قصة سعودية رومانسية [ أسئلك باللي خلق قلبك اكرهني ] هنـآ وحصرياً ع الود .. |~

[ماجد العساف]

الفصل الثامن

نوف تنادي اخوها : نايف نايف


نايف : هلا


نوف : تكفى استأذن لي من جدي وجدتي قولهم تعبانه مره


نايف : طيب بس اخذي معك لمو لا تروحي لوحده


نوف: لا عادي كلها خطوتين


نايف باصرار : روحه لوحدك للقصر مانتي برايحه


نوف : يوه يا نايف احسك تكبر الامور


نايف : اتصلي فيها خليها تنزل يلا


نوف : ان شاءالله ،‘ باي


نايف : مع السلامه



:/



...




نزل من سيارته دخل القصر بكل هدوء ،، طلع للجناح فوق ،،


دخل غرفته سكر الباب ،، لبس بجامته الكاروهات الزرقا ،،


دخل فراشه البارد حط يدينه ورا راسه وجلس ينظر بالديكور


جلس يفكر ان ترك وراه الكل مصدوم ،‘ ماكان حاب يعمل هالحركه ،‘
لكن حب نوف خلاه يعمل اكثر ،‘ ما حب يعمل زي ما نايف دايم يقوله : انشر ابياتك والله انها راقيه لابعد حد



لكن نوف خلته يعملها وبقوه ..


كيف ردت فعلها ؟
كيف راح اقابلها ؟
الكل عرف وش باقي اخبي ؟



ناصر : انا اذا جلست افكر كذا بتجيني سكته ،‘ راسي يوجعني .. نوف ورجعت الحمد لله خلاص كل شي تساهيل




ارخى جسمه واستسلم للنوم لكنه صحى فجأه وقفز على التسريحه واخذ جواله



نسى عبدالعزيز ما شافه اليوم كله !!! وش هالاحراج !!




وجدي اذا عرف عنه وش بيصير وش هالمواضيع اللي دخله فبعض لا
حو لا قوة الابالله ،، اتصل بعزيز بس مارد قال اكيد انه نايم ..

[ماجد العساف]

،


،

الساعه 6 الصبآح كل المسافرين بهالوقت كانو في سابع نومه ..
الا وحده








نجود :>



سهرانه من امس على النت حاسه انها فاقدته مره


دخلت في البدايه على المسن ما لقت احد موجود ،‘ دخلت على المنتدى
وجلست اتابع اللي طافها ..




نجود ( سالم هذا كثر ما يضحكني في المسن كثر ما يغثني بعطيه بلوك

دليت وربي غثني ،‘ وبس يبغى يقابلني ما يدري اني في خلقته 24

ساعه هههه ــــ اما نايف انأ متأكده انه معطيني بلوك دليت ههههههههه

اللي سويته فيهمو شوي اذكر لما قلت له : احبك وعطاني محاضره

بعدها : عيب عليك يا بنت لا تصيري زي كذا انتي مره لازم تخافي على

نفسك وتراعي ربك وتراعي اهلك كيف تحبيني وانتي ما تعرفيني ،‘

بلاش كلام مراهقين روحي لامك احسن لك فمان الله

)

هههههههههههه والله انه عجبني جد رجال هههههههههههه






تغيرت ملامحها فجأه ورجعت بتفكيرها لورى
!!!



ليه الدنيا فتحت المجال لي وتركتني احبه غصب؟؟؟ وباليوم اللي قررت

اعلم نوف بالحقيق هيجيني خبر انهم خطبو له دانه !!! ليه طيب يصير


فيني زي كذا ،‘ عشقته بدون لا يحس سنين وبكم يوم يروح كل شي !!

والله مو بيدي والله ،‘ والا كان قدرت انساه لانه صار بمثابة اخوي ،‘

حرام اللي جالسه اسويه انا جالسه اخون اختي عشانه .. > يارب
ساعدني <


حاولت قد ما اقدر اخفي حبي له او امحيه ان صحت العباره ،‘ بس كيف
؟؟ والله لو فيه علاج لهالشي كان خذيته وما تاخرت ،‘


( ياهم ) جاملتك .. وشكلك مطول
وش رايك بــ [ كل يروح بطريقه ؟؟ ]




يقطع تفكيرها وهموها اتصال

? نوفه تتصل --


من اول رنه ردت


نجود : الله جابك


نوف : صبآح الغم والهم


نجود : افا


نوف : صبآح الغم والهم لـ حسآدك


نجود : . ..


نوف : وصبآح الورد و الحب لك ولأحبآبك


نجود : ههههههههههههه امس ناصر شاعر واليوم انتي ؟


نوف ماهي قادره تفتح عينها من الارق اللي جاها : آه يا عظامي ،‘ لا


مو بأنا اللي كاتبته حلاو هي (تقولها باستهزاء) كافي ناصر



نجود وتوقف فرها عللى المنتدى : اقول نوفه شفيك امس واليوم ؟؟


نوف : ولا شي ،‘ انا تعبانه ما نمت


نجود : اشوى فيه احد زيي


نوف : تجي نطلع للحديقه


نجود : يلا امشي


نوف : باي



/




نوف وهي نازله للحديقه اللي قبال قصر جدها سامي ناظرت ان نجود
سبقتها ومعاها اللاب توب



نوف : افففففف وراك جايبه ولدك معك انا ابيك انتي والا ولدك ؟


نجود : حرام عليك بس قلت نتسلى فيه


نوف وترمي شعرها الاسود ورا ظهرها : افففففففف


نجود : لا انتي حالتك مستعصيه


نوف : نجود ليه ما علمني ناصر انه يكتب شعر ؟؟ وليه اتصل بحليمه
(وتضغط يديها فبعض ) ياااااي تقهرني بارده


نجود : نوف بلا دلع هذا جزاه يعني ؟؟؟ تعرفي ناصر وش ينتظر او وش متوقع منك ؟


نوف : ايش !


نجود : ترسلي له مسج ،‘ تقولي أي حاجه


نوف : لا والله؟؟ ويطلع يقصد وحده ثانيه اتخيل شكلي ههههههههه


نجود : انتي هبله والا شكلك كذا ؟


نوف : نجيد عاد لا تقولي هالكلمه ترا تقهرني منك ومنه


نجود: والله عيب عليك الرجال شوي ويموت كافي انه يوم ميلاده قبل امس ولا ارسلتي له مسج ولا شي


نوف : وانتي وش عررفك ؟ اصلا احنا ما نهتم بهالاشياء التافهه


نجود : تبوله ،‘ انا اسكت احسن لا يضرب فيني فيوز


نوف : طيب وش اعمل ،‘ انا ما ابغى ازعله ولا ابغى ارمي نفسي عليه
ونفسي ازعل منه على حركته


نجود : انتي غريبه نوف ،‘ رغم ذكاءك احسك احيانا ما تستخدميه
معقوله ليلحين ما حسيتي كيف يحبك ويخاف عليك ؟؟؟


الريم تعلمني بسوالفه اليومين اللي فاتو قلبي عورني


نوف : اقول نجود أبغى اسئلك !


نجود : وشو ؟


نوف : احس اللي اعمله عيب وحرام


نجود تناظرها ودها تقتلها : ما ابغى افتي لك بس انتي وياه ما عملتو
شي غلط ،‘ ما اتعديتو حدودكم ،‘ عارفين ربكم ،‘ وحبكم عفيف طاهر أنا
اشوف زي كذا لانه واضح



نوف بخوف وعيونها تناظر للسما : مادري يا نجود احيانا لما اجلس معه

لوحدنا اقو لانا وش مجلسني معه ؟؟ ولما اتذكر انه ولد عمتي اسكت

وانسى العالم واسمعه بكل حواسي ،‘ ما ابغاه يروح بس دايما انا اللي
انسحب قبله ..



نجود : لانك هبله ..


نوف : نجوووووووووود وش قلنا


نجود : خلاص نغيرها ،‘ لأنك خبله ،‘ تنفع ؟


نوف : ياااااااااااااربي ،‘ المهم وش جالسه تعملي ؟؟؟


نجود : شابكه مع ناصر ؟


نوف بصدمه : جد ؟


نجود : ايه ههههههههههههههههه


يا هبله



نوف : : ( لا تقولي هبله بسئلك ناصر عنده ايميل )


نجود : كم مره اقولك ايه ايه ايه


نوف : ابغا احاكيه ابغى بلييييييييييز نجودتي


نجود : ياويلي بتفضحنا هذي ،‘ نوفه حبيبتي لا حد يدري ان ايميلاتهم
عندي ووالله اذبحك ،‘ وخاصة نايف بالله


نوف : ومعنى نايف ؟


نجود : لانه هو اللي حاكيته اكثر فهمتي (نجود ما حاكته الا مره)


نوف : اها ،‘ طيب ماراح اتكلم بس كيف تعرفي ايميل ناصر


نجود : خلاص اكلم لك تبوله ،‘ واليوم يصير عندك


نوف بغباء : طيب راح يعرف اني نوف


نجود بجديه : ماراح يعرف الا اذا كان منك انتي


نوف : شرب ،‘ انا ما اعلم احد يلا تصبحي على خيـر


نجود : قصدك تمسي على خير


نوف تتثاوب : اللي هو

[ماجد العساف]

/

ناصر : ههههههههههههههههه مهو انا يا ولد


عزيز جالس بغرفته على سريره بالملحق : ههههههه اقطع يدي اذا مهو
انت ،‘ زي صوتك وزي اسمك


ناصر وهو يزين الشاي : وش اسوي ابغى انشهر


عزيز : من هي ؟


ناصر : من هي ؟؟؟


عزيز : اللي طلعت شاعر بسببها ،‘ !!


ناصر : بعدين اعلمك ،‘ اقول عزيز !


عزيز : آمر


ناصر : ابغى اشوف اهلك اليوم العصر لان عندنا عشا اليوم فبيتنا لجدي
وسالم ،‘ فـ ودي اتعرف عليهم ،‘ وش رايك اروح لهم واطمنهم
عليك !!


عزيز وكنه يقول مو وقتك يا ناصر : على راحتك بس اعذرني لاني مو
معك اعتبر البيت بيتك (وعمل حاله مظلوم) وسلم لي عليهم ..



/


العصــر




في بيت ابو سالم جلسو الخدم يرتبو وينظمو كل شي


ام سالم : تبوله ماما تعالي


بتول : هلا


ام سالم : نمتي كويس اليوم ؟


بتول : الحمد لله


ام سالم : حلو لان اليوم عندنا عشا لجدك واخوك ،‘


بتول : يووه يمه ماني فايقه للعزايم والناس ،‘


ام سالم تسحب يد بنتها لغرفتها : لا تصيري منغلقة تعالي اختار لك شي تلبسيه ..


بتول تناظر فأمها وكأنها تقول تعبتي ماما على كلمة منغلقة !! : طيب



/


/

الساعه 4


ينطق الباب راح تركي يفتح


تركي : هلا والله ناصر


ناصر بابتسامه : هلا فيك كيفك تركي


تركي : بخير حياك اقلط


ابو تركي يوقف : ارحب ناصر ،‘ يا هلا ويا مرحبا


ناصر : يا هلا فيك كيف حالكم ؟ عساكم بخيـ{؟


.. : ابد كل شي تمام كيف الاهل


ناصر: والله بخير انا عارف انكم مستغربين زيارتي


ابو تركي : انا بس خايف ان عزيز مزعجك والا مضايقك ..


ناصر وهو يشرب القهوه : حشا يا بو تركي عزيز رجال وزيارته لنا
فرحتنا كثير عشان كذا حبيتا تعرف عليكم


تركي : هو قالك شي


ناصر يناظر بتركي : قالي كل شي .. حاب اشوفكم كلكم واولهم خالتي
منيره : )



ابو تركي : ابشر ما طلبت شي تركي ناد امك وخواتك



/




تركي : اللي سمعتوه يلا الرجال شكله مستعجل


منيره وهي موكله امرها لله الامور كل ماله تصعب وكل مالها تقرب من
عايلتها : اللي تبيه يمه اسبقنا


الجوهره تسحب ساره لبعيد : وش البس انا ،‘ المسي قلبي يمه يمه
احس بيوقف


ساره : الحين جاي يخطبك والا جاي يسلم عل امك وعليك؟


الجوهره : ومن قالك انه اذا شافني ماهو خاطبني ؟


ساره : اموت انا على الثقه .،‘


الجوهره : تشوفي




/





...... :السلام عليكم


ناصر انصدم من الشبهه الكبير بين امه وبين خالته : وعليكم السلام
(وقف وباس راسها)


ناصر : كيفك يا خاله ؟


منيره : والله بخير انت كيفك و (بصعوبه قالتها) وكيف امك وجدتك ؟


ناصر : يسلمو عليك


منيره (ما اظن) : الله يسلمهم


ناصر : كيفكم يا بنات ؟


ساره : بخير الله يسلمك


ناصر يناظر بالجوهره كان ماشاءالله جميله بس اكيد مو زي نوف نوف
رغم انها اجمل من الجوهرهفيها كمان جاذبيه ودلع ومميز شكلها


ناصر: وانتي يالجوهره كيفك مع الجامعه ؟


الجوهره بنعومتها: تمام الله يسلمك


ناصر : عسى عسى ،‘


والله يا عمي انا كسبت شوفتكم ،‘ والله اني ما اعلم وش سر انقطاع
الصله اللي بينا لكن ان شاءالله انها بتنحل قريب ،‘ انا اترخص الحين


واي شي تحتاجه بالله تحاكيني


ابوتركي : توك ما جلست


منيره: اجلس يمه


ناصر : مره ثانيه ان شاءالله ،‘ عندنا عشا اليوم ولازم اطلع لابوي
واخواني ،‘ وترى عبدالعزيز يسلم عليكم كلكم


الكل : الله يسلمه


ناصر : فمآن الله



| تركي : والله ارتحت له يبه


ابو تركي : ماشاءالله عليه والله فيه الخير


منيره وكنها ذكرت ملامح اختها من ولدها تنهدت بقوه : الله يستر قلبي
ماهو متطمن عبدالعزيز بيخرب كل شي والله يعين ناصر


الجوهره : يمه ناصر قالك كل شي بيرجع زي ما كان خلاص قربت تنحل


منيره تركتهم بحيدثهم عن ناصر اللي ما وقف






/




على الجوال ،‘


دانه : اعذرني اتأخرت عليك بس راح تلقآهم بالمكان اللي اتفقنا عليه


عبدالله : يوه حبيبتي والله ما حبيتك تعملي كذا ،‘ انا مارضاها


دانه : انا وانت واحد ،‘ خلاص عاد عبودي ،‘ انا طالعه بيت عمتي لازم اجهز يلا باي



عبدالله : بايات




/



نجود بعد توصية نوف لها : عمتي ساره


ساره : هلا يا نجيد


نجود: ناصر وينه ما اشوفه ؟


ساره : حاكيته يقول مشوار وراجع بغيتي شي


نجود : لا بس موصيته بكاسيت راشد الماجد الجديد


ساره : اها الحين يجي ان شاءالله

[ماجد العساف]

/

نجود :اقولك والله مو فيه


نوف : تهقينه زعلان


نجود : لا ،، قالولك نوف ؟؟


نوف : انتي بس تدافعي عنه وانا لا ماكني صديقتك امحق صداقه


نجود : من جدها زعلت ذي الحين اخليك تنبسطي


نوف : ... ؟


نجود ترفع ورق صغيره بيضا : ههههههه


نوف تحاول تسحبها: وش ذي؟


نجود بصوت خفيف : ايميل ناصر ههههههه


نوف : ههههههههه جد ؟ يالله نشبك


نجود : والله خطيره نوفه ،‘ لا خليها لما نرجعل لبيتنا نطلع الحديقة
ونلعب في حسبته ،‘ هو الحين مو بشابك يا هبله



نوف : وش يعرفك ؟ يمكن جالس يحاكيها وضاربنا ي الحيط


نجود بجديه : لا ناصر ما اتوقع ،‘ ابصم لك بالعشر هان ماله
بهالسوالف !


نوف وكنها تبغى احد يأكد لها هالشي : نشوف


نجود : يوه نسيت ،، وين تبوله ؟


نوف وهي تلعب في خصلة شعرها : جوا عند لمو شكله عندهم سر


نجود : عمتي تبغاها ،‘




/



دخلو البنات وسلمو على النسوان كلهم والكل يناظر فيهم وما يبغى
يشيل عينه عنهم



نوفه رافعه شعرها الاسود الطويل بشكل عالموضه ولابسه تنوره قصيره
وكعب مسمار


ونجود : لابسه جينز على بدي ضيق مبين جمال جسمها اكثر تعشق الجينزات



ولمو : لابسه فستان تحت الركبه بشوي وكله الوان الصيف على جزمه
خفيفه وعامله شعرها حتى تبين قصتها مع شعرها الكستنائي



وتبوله لابسه تنوره فوق الركبه ساده والبدي اللي فوق كله شك طالعه
تجنن مع مكياجها وشعرها الاشقر


دانه ما بينت جالسه بالصاله وما سلمت على احد ..




/



مرت ساعات العزيمة بسرعه في قصر ابو سالم ،‘ الناس بدت تطلع
بسرعه وكأنها حاسه انم صيبه راح تصير بعد دقايق




ناصر دخل جوا يغير ملابسه يرتاح في البيجامه اكثر ويبغى ياخذ دوش
وينزل تحت لديوان الرجال لانه ناوي اذا راحو خواله يجلس ويسهر مع
عزيز ويحكي له وش صار


ناصر : مرحبا صبايا


نوف كانت منسدحه على رجل الماس ويناظرو فلم روتانا سينما


ويضحكو بصوت عالي على محمد سعد وفلمه اللمبي ..


تعدلت بسرعه وضبطت تنورتها



ناصر : اشوف ماخذين راحتكم مره ؟


نجود : والله بيت عمتنا


ناصر يحاول ما يناظر بنوف ،‘ ولا هي


لكن !!


نوف ما تحملت وناظرت فيه عادي لقته يناظرها وكأنه اول مره يشوفها
،‘


الهنوف بلقافه : ليه ما علمتنا انك شاعر ؟


ناصر : من قال اني شاعر ؟؟ انا شويعر ؟


نجود : شويعر والبيت اللي قلته يحطم ؟ تكفى عيده


ناصر وهو وده يقتلهم كلهم من كثر ما هو محرج بس اكيد ما بين لهم :
والله يا نجيد انا طالع اتروش اجي واعلمك


بتول : وتقولي ماانت رومانسي ها ؟


ناصر : هههههههه وانا صادق ،‘ (يناظر بنوف ) وغصب اللي يحب
يطلع رومانسي


نجود : بس حركتك عجيبه (وعشان تأكد لنوفه) منو هالشخص نويصر ؟


ناصر : يمه منكم يالبنات جلست معكم دقيقتين وسئلتوني فيها 10 اسئله
،‘ (وفجأه تتغير نبرته) نوفه عسى ما شر ؟



نوف تناظره وكأنها حاسه انها اخر مره بتناظر فيه : ماشر ،‘ جالسه اناظر الفلم ،‘ (بتردد) كيفك ناصر ؟؟


ناصر وهو يجلس ويقول :


انا لاقلت لي شلونك وانـا ضايـق اقـول بخيـر
مدامك سائـلٍ عنـي اكيـد ان ضيقتـي راحـت

انا من كثر ما احبـك اشوفـك فـي عيونـي غيـر
تضيق النفس من غيرك ولامـن شفتـك ارتاحـت


احبك كثر .. ماتطـري فبالـي وتشغـل التفكيـر
كثـر .. ماشيلـك بعينـي ونـاسٍ منهـا طاحـت


احبك كثر .. ما ادمح خطـاك ان خانـك التعبيـر
كثر .. ماخانت الرفقـه بكتـم اسرارهـا وباحـت


احبك كثـر .. صقـارٍ تولـع فـي محبـة طيـر
كثـر .. مادلـة الطيّـب بريحـة هيلهـا فاحـت


احبك كثر .. ماحس بشعـور انـي عليـك اغيـر
كثر .. مازيح هالغيره عن افكـاري ولا انزاحـت



..



نوف وقف شعر جسمها وحست كأن احد صب عليها مويا بارده


ناصر وهو يتنهد : بخير يا نويف ..

وفجأه يقطع حديثهم صوت رجال صوتهم عالي وكأنها هوشه


ناصر يركض ويناظر من الدريشه عزيز متجمعين عليه الكل والبعض
ماسك الجد سامي وكأنه يبغى يقتله



سامي : جيبولي ناصر النذل الحقير تعال يا غبي


ناصر استغرب نزلو كلهم لتحت في الحديقه


البنات طلعو لبرا ماكن فيه احد الا هم وبس


سامي بصوت يهز القصر : كنت عارف من شفت وجهه وانا عارفه بس
سكت ليما الناس يروحو (بصوت اعلى) ناصر وينه


ناصر ببرود : خير يا جدي


سامي وقرب منه مره : الله لا يعطيك الخير يا غبي يا نذل تغدر فأهلك
وجدك عشان واحد صايع زي هذا


ناصر بقوه : لا تقول صايع يا جدي ،‘ هذا حفيدك ان سبيته كأنك تسب
أي واحد منا ،‘


سامي : انا حذرت امك وابوك من زمان بس شكلهم ما يفهمو ،‘


متسترين عليه ها ؟؟


نوف حاطه يدها على فمها ومنصدمه ما تبغى تشوف ناصر قدامها
بهالمنظر ماهي فاهمه شي


نجود : جلست بالارض اول مره تشوف اهلها كذا


سالم : حصل خير يا جدي ناصر غلط ماراح يكررها


خالد بصوت عالي : اطلعو فوق يا بنات



البنات كلهم هربو من صوته لانه كان حاذف غترته ومره معصب


هربو ما عدا نوف ونجود اللي جالسه بالارض ودانه اللي طالعه على الصوت


ناصر : انا مستعد اعتذر لك يا جدي بس اول شي ليه عملت كذا بخالتي منيره وعيالها ؟؟؟


ساره ركضت لناصر وحطت يدها على فمه وجلست تبكي : تكفى ناصر اسكت اطلع فوق اطلع



عبدالعزيز انصدم يعني حكي امه حقيقه المسأله فيها موت !!!!



ناصر بعصبيه : يمه يرحم والديك اتركيني .. ،‘ رد علي يا جدي


سامي بارتباك: تحاكيني كذا يا قليل الحيا وكأني مجرم ؟؟؟
انت بزر ما تفهم شي ،‘


ناصر : بضحكة استهزاء : ايه انا بزر واللي عملتوه انتم ما هي بحركات بزارين !!


خالد : ناصر احترم نفسك واعرف من تحاكي


ناصر : خالد انت اسكت رجاءا لا تزيد النار حطب الحكي مع جدي


ابو سالم : ناصر عيب عليك وش ذا الكلام الرجال اكبر منك


ناصر : عيب اني اقول الحقيقه ؟؟ جدي ليه ما تعلمهم مين هذا ؟؟


ناصر : دانه نوف نجود ،‘ هذا الي قبالكم يطلع ولد خالتي ،، خالتي اللي
مادري ليه الكبير سامي السامي تاركها بحاله ما يعلم فيها الا الله


ابو دانه يهدي ناصر ويبعده وناصر يقرب اكثر من جده : ياولدي اذكر الله



ناصر : لا اله الا الله ،‘ بس الله ما يرضى بالظلم


سامي وجاي يركض يبغى يضرب ناصر حتى يقتله من كثر ما قهره :
ركضت نوف لعنده وهي تبكي



نوف وهي توقف قبال ناصر : لا تكفى لا ابوس ايدك لا
(وتزيد بكي وبصوت عالي) لا تلمسه ابوس ايدك


التفتت لناصر وجلست تدفعه يروح : روح ناصر روح اطلع فوق



ناصر : . ........... !؟


خالد قهرته نوف وعصب على حركتها الكبار ما عملو حركتها : سحبها
من يدها بقوه وهي تصرخ : لا تتخانقو تكفون


فكت نفسها من خالد وركضت عند جدها : جدي وغلاتي عندك تبعد عن
ناصر



الكل يحسبها انجنت !!


سامي وهو يسمع كلام نوفه لان شكلها كان يخوف : اطلع برا القصر


ناصر رفع حاجبه كيف يطرده من بيته ؟؟


ناصر ببرود اعصاب وبابتسامه : ابشر يا جدي من عيني هذي قبل هذي


سامي وهو يلف للكل : اللي اشوفه محاكيه والله ليلحقه ،‘ اتركوه ليما
يرجع زي الكلب ويعتذر عن سواته



ناصر : ما جبتها والله ابو راشد ،‘ زي الكلب عاد ؟ لا تطمن رجعه والله
ما ارجع الا لما انت اللي ترجعني



ونشوف من حكيه يمشي !!



قبل لا يطلع ناصر من القصر ناظر بنوف نظره لا يمكن تنساها هي بالفعل
ماهي عارفه وش معنها بس ما راح تنساها ..


طلع ناصر وعطا الكل ظهره وطلع وراه عبدالعزيز يركض من هول اللي
شافه وسمعه ..



اخسر اقرب ناس واتحمل شقاي
المهم اني مااخسر شيمتي
وكل ماحسادي تتزاحم وراي
اكبر بعيني واحس بقيمتي !!





ام سالم وكأنها تشوف مأساة اختها اوول فكرت (راح تنعاد مع ولدي ؟؟؟ لا ومين ؟؟ ناصر ؟؟؟ والله لاكون ميته)

جلست تحت رجول ابوها : يبه تكفى يبه ابوس رجلك لا تخليه يطلع


سامي يأشر لام دانه تبعدها عنه


ام دانه : قومي ساره قومي اذكري الله يا اختي


ساره تصرخ : ابغى ولدييييييييييييييي آه يمه نااااااااصر




المشكلة لو يجرحك اقرب انسان


........ وانته تحسبنه اذا ضعت لك بيت

سلام يلي ناوين لقلبي احزان
........ سامحك ربي كانك بحقي اخطيت





|| نوف .. غمضت عينها تبغى تصحى بسرعه من الحلم ،‘ بس ماهي قادره الصوت كل ماله يزيد ،‘ ويزيد ،‘

ما تشوف ناصر !! .. ناصر ينهان قدامها !! ناصر اللي وقف بوجه جده
عشان الحق !! الكل سكت وخاف اكبرهم واصغرهم الا هو ! ويصير فيه
كذا !! ليه ؟؟؟ شمعنى هالولد ؟؟


ليه حظه كذا ؟؟ توه يضحك ومبسوط الحين ينطرد برا بيته ؟ طيب وين
يروح ؟؟ كيف نعيش بدونه ؟؟؟


فتحت عينها على امل انها تلقاه قبالها يمل قصيدته اللي بداها فتحت


عينها تبغى تشوف الكل لاهي بشغله ،‘


لكنها فتحت على جدتها سلمى اللي ماسكه فبنتها وتهديها


فتحت عينها على نجود اللي من الصدمه ما غيرت مكانها


فتحت عينها على فارس اللي جالس ماهو عارف كيف يدخل بيته واخوه
مو فيه


فتحت عينها على ابو سالم اللي ماهو عارف كيف يساعد ولده ولا هو
عارف كيف راح يوصله


فتحت عينها على سالم اللي واقف ويفكر ان ناصر اهم شي عنده كرامته
يعني لو ايش ماراح يرجع للهالقصر ولهالحي مره ثانيه



:


وبتول اللي كانت تبغاه يرجع وتجلس معه جلساتها اللي دايم كيف راح
تصحى وما تشوفه ؟؟


هذا ظلم !!




كل شخص منهم كان يفكر كيف بيكون بكره !!

[ماجد العساف]

يتبع الفصل الثامن


- هذآ صبآحي ,
يسألگ عن -» صبآحگ !
لـ الحين . .
تدمع عينگ بـ |[ حزة الصصبح ؟!

..

نوف جالسه في غرفتها ،‘ مر اسبوع كامل وحالتهم ماهي حاله ،‘ الكل ما يناظر في وجه الثاني ،‘

حسو انهم جالسين يفقدون واحد ورا الثاني

الكل جلس يسأل عن عبد العزيز واهله وقربهم منهم ،‘ والكبار جلسو يرقعو في الموضوع ويجكو
حكايات مالها صله بالواقع ،‘ بس عشان يسكرو افواههم ..

نايف طالع لصلاة الظهر : السلام عليكم

ام خالد تقهوي ابو خالد : وعليكم السلام

ابو خالد : يلا يبه مشينا

نايف : وين خالد


ابو خالد : يعني ما تعرفه ما يعترف بالصلاه الله لا يبلانا ،‘ راقد في غرفته لانه بيطلع العصر الشركه

نايف : الله يهدي الجميع ،‘

ام خالد بصوت عالي : ميييييييييييري

ميري : نعم مدام

ام خالد : ناديلي نوف والماس قولي لهم ماما تبغاكم

ميري : اوكي مدام



/

نوف جالسه على السرير وحاطه جوالها تناظر فيه تنتظر ناصر يطمنها عليه بس للاسف !!! : ادخل

ميري : مدام كبير يبي بنات تحت

نوف بطفش : طيب اطلعي قولي لها جايه انا ولمو

/

نوف والماس بحقد على حركات جدهم : هلا يمه

ام خالد بدون قدره : يا حبيبتي انتي وياها اذكرو ربكم ناصر راح يرجع بعد كم يوم ،‘

نوف بحزن : يمه معقوله ناصر ما يجلس معنا فرمضان ولا نشوفه بالعيد !!

الماس تزيد : يمه قهر ،‘ حركة جدي تقهر والله تقهر


نوف تجلس بجنب امها : كيف عمتي ساره وعمي سلمان يسمحون له ويسكرو فمهم وما يحكو ولا
كلمه ! ماهو ولدهم ؟؟؟

الماس : أي والله ،‘ انا مستغربه ان ناصر هو الوحيد اللي وقف بوجه جدي مع الحق !

ام خالد : يا بنات انتم مالكم في هالحكي كله ،‘ انا ماني براضيه على اللي يعمله جدكم ابو راشد لكن
الشكوى لله ،‘ وما ابغى ولا وحده منكم تتصل في ناصر تكفون

نوف بضحكه استهزاء : ههههههه ليه يطرد البنات كمان من بيوتهم !! والله يعملها

ام خالد : نوفه يمه ليه تحكي عن جدك كذا

نوف بقهر واضح بعيونه وبغصه بانت بصوتها : كرهته يمه والله كرهته (طلعت وتركتهم)

الماس : يمه حنا نتصل بناصر تقريبا من اول ما طلع وهو مقفل جواله ،‘ انا اعرفه ما يرضى بالاهانه

ام خالد : محد يرضى بالاهانه بس كل شي له حدود

راشد ابو خالد : السلام عليكم ،‘ كيفك يا الماس

الماس : تمام الحمد لله : )

راشد : عسى عسى ،‘ وين حمودي زمان عنه

ام خالد : راح مع السواق لبيت عمته ساره يبغى يلعب مع سعودي

راشد : حتى حمودي يسير ؟؟ هههههه

ام خالد : شفت كيف ؟؟

[ماجد العساف]

/

في السوبر ماركت

تركي : يمه اخذي هالخبز والله ازين

ام تركي وكأنها تدور على شيء معين : لا لا اللي دايم نشتريه احسن

تركي وهو يرجع اللي بيده : براحتك ،‘ بس قلت نغير

ام تركي : اقول يمه

تركي : هلا

ام تركي : ما عرفت عبدالعزيز وينه ؟؟

تركي : حد خبري فيه انه ضيف عند سلمان ابو سالم ،‘ لكن هالحين انقطعت اخباره

ام تركي : طيب اتصل فـ ناصر هو قال اذا احتجتو شي خبروني ،‘

تركي زعلان على حال امه : حتى ناصر جواله مقفل ،‘ انا اشوف لك وينه ولا يهمك الحين خلينا
نخلص من اللي حنا فيه هههههه

ام تركي : ههه يلا

تركي : اشتري يمه كل اللي يجوز لك ترا الميزانيه تسمح

ام تركي : الله لا يخلينا منك

تركي : ومنك يالغاليه

/
\

بتول تصيح في غرفتها ،‘ واخوانها عارفين بس ماهم قادرين يعملو حاجه ،‘ ناصر راح ولا طمن احد

حتى امه الله اعلم بحالها ،‘ لا اكل ولا شراب زي الناس ،‘ حالتها ما تسر العدو الصديق ،‘

وابوه انقهر انه ما وقف فوجه ابو راشد لكن عقب ايش !!

سالم وفارس ما بقى احد من اصحابه ما سئلوه عنه ليما انحرجو منهم ،‘ كيف اخ يسئل عن اخوه
عند صاحبه !!!

...... : مرحبآ يا قمـر

بتول : أهلين بدور

بدور : كيفك ؟

بتول : الحمد لله بخيـر

بدور : وش فيه صوتك ؟؟؟

بتول : ولا شي بس تعبانه

بدور : سلآمتك يا قلبي ،‘ انا اشوفك قاطعه عني اكثر من اسبوع !!

بتول : انتي كيفك وكيف الاهل ،‘ لك وحشه والله

بدور : وش رايك تجين بيتنا بعد بكره عندي عزيمة للبنات

بتول : بمناسبة ؟

بدور : لا مناسبة ولا شي ،‘ جمعة بنات ..

بتول ماني عارفه وش اقولك ،‘ ان شاءالله اذا قمت بالسلامه راح اجيك ،‘ حتى البنات اشتقت لهم ..

بدور : حتى هم دايم يسئلو عنك ،‘ بس انا علمتهم انك كنتي مسافره

بتول : زين سويتي ،‘

بدور : رديلي خبر طيب ؟ ،‘ بااااي

بتول : اوكي .. باي



/

أسبوع مر ولا وصل منك مرسآل ** يآ قو قلبك .. كيف تقطعني أسبوع !!
الجوع كآفر وأنت مآ ترحم الحـآل ** تركتني ضآيع ،‘ وحآير ،‘ ومفجوع!!

نوف : نجيد يرحم امك ابعدي عن وجهي ،‘ ترا فيه احد واقف فوقي يقول ارميها من الشباك وريحي عمرك

نجود : اوف اوف كل هذا !! من هذا قليل الخاتمه اللي يبغاك ترميني بهالشكل ،‘ ما يدري اني أخاف من ظلي ،‘ أخاف تعور !!

نوف : اللهم طولك يا روح ،‘ صدقيني ما حتتعوري لأنك راح تموتي على طول

نجود وتضربها على كتفها : وجع نوفه تدعين علي !!

نوف وهي تتنهد : تكفين نجيد والله نفسيتي تعبانه كارهه نفسي ،‘ ماني ناقصه احد

انا اقولك روحي لاني ما ابغى اتهاوش معك

نجود : ياختي تهاوشي معي اضربيني اعملي فيني اللي انتي تبغينه لكن لا تعملي فحالك كذا ،‘ من كثر

ما خستي في غرفتك ،‘ احسك راح تحاكي الطوفه

نوف : تقوليها ضحك !! وانا هذا اللي احسه جد ،‘ كل ما اقول ابغى اطلع واجلس مع الخلق اللي برا
،‘ أكتئب زياده واتذكره بعيونهم !

نجود : انتي ليه مكبره الموضوع ،‘ هذا اختلاف بينهم وراح يتراضون اوعدك ،‘ لكن الفرق ان
ناصر كبرياءه ما يسمح له ،‘ فـ انتظري كم اسبوع وراح تلقينه ،‘ جدي ماهو قاسي عشان يتخلى
عن ناصر ،‘ هو يحبه مره ..


نوف : هههههه ركزي لي على مررررررره تكفين ،‘ أجل لو يكرهه ش بيسوي ؟؟؟

:
:

الجوهره تستشور شعرها : ساره بكره رمضان


ساره تزين دولابها : طيب ! وين المشكله وش فيك محزنه !

الجوهره توقف الاستشوار : لا بس كيف بنجلس على السفره بدون عبدالعزيز ،‘

ساره : عزيز هو اللي باعنا عشان الفلوس وعشان نفسه ،‘ ما فكر في امه اللي ممكن تتعب عشانه

الجوهره : ياليته ما عرف ناصر اففففف

ساره : يعني ماانتي متضايقه وغضبانه عليه لانه ضربك

الجوهره : لا عادي ،‘ عزيز الحين ما همني كثر اول احس طلع على حقيقته ،‘ يمكن لو كان تركي
اللي ضربني راح تلقيني زعلانه وحزنانه بس عزيز لا عادي

ساره : تركي اتصل فأمي يبغى يمرها عشان يروحو يشترو لرمضان ويجهزو له

الجوهره : مادري ليه حنا دايم ما نتقضى اغراض رمضان او العيد الا قبل الوقت بيوم

ساره : انتي عارفه الاحوال ،‘ احمدي ربك في ناس ما تلقاها خير شر


:

:

:

نوف وفجأه ومن قو قفزتها نجود بغت تنحآش ..

نوف : ننااااصررر

نجود :خوفتيني ووووينه ؟

نوف : يعني وينه ؟؟؟ عالجوااال

نجود : اشوووف ؟؟؟

نوف : والله ناصر ،‘ اسكتي ..

حنيت لك .. يا حب .. واشتقت لك .. حيل
........ ولا طالت .. الغيبه .. يزيد اشتياقي

نوف : بسرعه ،‘ : الوووووو

ناصـر بصوته اللي دايم ولا كأنه تغير شي : السلام عليكم

نوف : وعليكم السلام ،‘ هلا ناصر كيفك

ناصر : بخيـ{ ر انتي كيفك وكيف عمي وعمتي !!

نوف : كلهم بخير ويسئلو عنك (تغير صوتها فجأه) ناصر وينك وين رحت !

ناصر : نوفه صوتك يقول باكيه يا هبله ،‘ يعني ويني ؟؟ بالمزرعه انا وعزيز

نوف بكت لما سمعت كلمة هبله ودها انه يرجع وراح تسمح له يقولها : ......

ناصر : لحوووول ،‘ انا غلطان متصل

نوف : ناصر ارجع خلاص عاد ،‘ اكره عزيز اكره كل هالمصايب منه

ناصر : افا حتى انتي يانوفه صرتي زيهم ؟؟ لا يكون صدقتي حكيهم واسبابهم التافهه والكاذبه !!!
المسأله اكبر من كذا بكثير

نوف : خلاص علمني فيها داك عارفها

ناصر : انا ما عرفتها لكن راح اعرفها باذن الله .. ،‘ اقول نوفه ليه رديتي علي !! توقعتك ما تردين
لان جدك مانعك ومانعهم

نوف بعصبيه : ولا كلمه لا تقهرني ،‘ لو تبغاني احاكيك قباله انا ماعندي مانع ،‘ اصلا اهلك يبغونك

تتصل حتى هم يبغون يسمعون صوتك

ناصر : ماراح اتصل يا نويف ،‘ ماابغى اتعبهم معي .. اخاف جدي يحلفهم بالله وساعتها بيقولو له
الحقيقه

نوف : ناصر !!

ناصر : عيونه

نوف : يعني بكره لما نجلس على السفره كلنا انت ماراح تكون موجود !! كرسيك بيكون فاضي !!
(بكت)


ناصر بحزن : ياويلنا من هذي اللي ما تعرف تحكي الا بدموع ،‘ يا بنت الناس ولا يهمك لا تتركوه
فاضي لبسيه ثوب وشماغ وحسي انه هنا


نوف : لا تنكت مو وقتك

ناصر : لا جد والله ماراح يطلع فاضي اذا جلستي فيه انتي

نوف تغير الموضوع : ناصر راح اطمن امك عليك !

ناصر : سوي اللي تبغينه ،‘ اهم شي سلمي لي عليهم واحد واحد وخاصه تبوله وامي ،‘ واسمعيني كويس !

نوف باهتمام : آمر ،‘ !

ناصر : اوعديني ما تبكي غير هالمره ،‘ على الاقل ليما ارجع ،‘ اخاف تخلص دموعك وماعاد اشوفهم

نوف : هههههه

ناصر : فديتك نوفه اوعديني

نوف : اوعدك

ناصر : انا لازم اسكر هالحين ،‘

نوف : ربي يحفظك انتبه لنفسك ،‘

ناصر : ابشري ،‘ فمآن الله

نوف : فمآنه

[ماجد العساف]

ابو راشد : جالس في مكتبه يوقع اوراق المناقصه اللي رست عليه

خالد : وهنا طال عمرك !

ابو راشد يوقع : وش كمان ؟

خالد يسكر الملف : سلآمتك أنا طالع اصدق الاوراق في المحكمه عشان نستلم اوراق المناقصه ونبدا فيها

ابوراشد : موفق خيـ{ـر

طلع خالد وراح لقسم المحاسبه

خالد بغرور: السلام عليكم

الموظفين : وعليكم السلام

يلتفت يناظر فيهم : وين ابو كرم ؟؟

حمد : والله يا طويل العمر صار له 5 ايام ما يجي الشركه يقولو مرضان الله يشفيه !

خالد بعصبيه وكأنه يحذرهم : اسمعوني كلكم ابو كرم انا مجلسه في الشركه احتراما لشيبته ،‘ وبما انه
زودها عطوه خبر لا يجي هنا خير شر الله يشفيه وباقي راتبه يوصله ان شاءالله

حمد : بس يا ا...

خالد بجديه اكثر : انا قلت اللي عندي ،‘ متعب رح وقف استمراريته ووصل له باقي راتبه ،‘ الله
يجزاه خير لازم يوسع للطاقات الجديده ،‘ حنا مو فاتحين الشركه دار للرعايه او الشئون ،‘
..

/

.
.
.

مزرعة واسعه مره ،‘ وكأنها قصر ،‘ كآمله من جميع النواحي ،‘ يكفي اطلالتها تجنن ،‘ الجلسه فيها ترد الروح

فيها نباتات غريبه اشكالها ،‘ وابو سالم جايب حيوانات كثيره بأقفاصها ..

فيها غرف كثيره و 3 صالات كبيره

ناصر توه ماخذ دوش وكأن مكالمته مع نوفه هدت اوضاعه : ها عزيز وش رايك ؟

عزيز يناظر بالمزررعه : والله مضبوطه لو منك اعيش هنا هههههه

ناصر : دايم نجيها سواء بالشتاء يطلع الجو رهيب ما ودك تطلع منها ..

عزيز بحسره : الله يزيدكم ان شاءالله (تذكر بيتهم اللي ما يعادل مجلس الرجال وفخآمته)

ناصر الله يسلمك ،‘ وش تبغى تاكل ؟

عزيز : أي شي

ناصر : دامه أي شي ،‘ بروح اشوي كم دجاجه وكباب وكفته ..

عزيز : يلا اعاونك

ناصر : امش ،‘ يااااا ديلاااااااار 0(الخادم)

/




في المحكمه الساعه 6 المغرب ..

خالد : يااااااا هلاااااااا ويا مرحبااا

صالح : هلا فيك حي الله القاطع وين الدنيا فيك ياخوي

خالد : والله من مكالمتي لك الاخير ه وانا افكر اتصل فيك بس اخبر مني بسوالف الشركات ياخوي

صالح : الله يعين الله يعين .. كيف حالك وكيف شايبك ؟

خالد : والله كلهم بخير يالله لك الحمد

صالح : وش جايبك عندنا ،‘ ترانا عند وجهك

خالد : ما تقصر والله يا صالح جاي اوقع كم ورقه وراجع للبيت

صالح : ايه ،‘ ما قلت لي ياخوي عن موضوعنا وش صار فيه ؟

خالد وقلب لون وجهه : ها ؟؟ أي موضوع ؟

صالح : كلمتو الاهل بخصوص الخطبه ؟

خالد : والله ياخوك ابوي يقول توها صغيره

صالح : أي صغيره الله يهداك اللي عرفته من اختي انها في الجامعه ثالث سنه كيف صغيره ؟

خالد : ههههه ابوي الله يطول بعمره يشوفها صغيره وش اعمل له ؟ اقوله هي بسن زواج يقول لا ما
اقدر اجلس في البيت وهي مو فيه

صالح : تبغاني اكلمه ؟

خالد : لااااا

صالح : شسالفه ؟ احس فيه شي غير انها صغيره !

خالد : ابد مافيه شي ،‘ انا عند كلمتي بإذن الله انها من نصيبك ،‘ وين نلقى واحد احسن منك اصل
وفصل واخلاق !!

صالح : الله يجزاك خيـر هذا من طيب اصلك يا بو فيصل ،‘ بس بالله ما تضغط على احد ،‘

خالد : افا عليك انا ما احب اغصب احد على شي فــ ما بالك بالزواج !! الله يهداك بس

صالح : الحمد لله طمنتني ،‘ انا استأذن الحين فمآن الله

خالد بابتسامه عريضه : الله يسلمك


[ صآلح هذا رجل الكل يشهد له بالاخلاق ،‘ انسان وصل للي هو فيه بكبر عقله وذكآءه ،‘ من اول ما
مسك شركة ابوه وهو يجيب لهم الخير ،‘ صآلح مليونير كبيـر الكل يحسب له حساب في المملكه كلها
،‘ ومن كثر حكمته دخل في شبابه حقوق والحين صآر قآضي درجة ثآنية ،‘ اللي يحكم في الامور
القانونية رغم صغر سنه (30 سنه ) الا انه شاطر مره يمسك فوق هذا شركة ابوه مع اخوانه اللي
اصغر منه ،‘ ]



خالد امنيته يشوف نوف بيد صالح لان هالشي بيخلي عايلة السامي تناسب اكبر عايله في المملكه ..
وخاص هان صالح ما جاهم الا من كثر ما تمدح اخته في نوف انها جمال واخلاق ونسب ..

اما نوف كانت تعتقد ان صالح حاله حال غيره من الخطاب اللي يجوها ،‘ يتقدمون لها في البدايه
وترفضهم في النهايه .. كله لعيون ناصر ،‘ اللي حتى هو ما فكر ولا مره بزوجه غير نوف ،‘ وما
فكر ولا مره انه يخونها ،‘


الحب يترك الواحد يعمل المستحيل عشانه ،‘ وخآصة اذا كان طاهر ،‘




لكن شكل خالد يلعب على الكبيـر وبيحقق اللي فباله .. ،‘ بس وين يزوجها وابوها موجود .. ابوها
اللي لا يمكن يرفض لها طلب او يرضى بالظلم ،‘ رجل صايم مصلي عمره ما اكل حق احد ،‘ وعمره
ما غصب احد والدليل ان خالد اخذ وحده من برا العايله ..


.

/

[ماجد العساف]

الفصل التاسع


رجعو الرجال من صلآة التراويح .. وبدت اجواء رمضان تبان ..

الكل مشتاق له ،‘ والكل مبسوط فيه ،‘ واذا جا رمضان محد وده انه يروح ،‘


ودهم الشهور كلها تكون رمضان ..





شهر الرضآ والخيـ{ـر ،‘ شهر ما يجيب معه الا الامور المباركة الطيبه ..

نوف وتطلع جلال الصلآه : الماس اطلعي وسكري الباب ابغى انام ،‘ قوميني على السحور


الماس تتثاوب : ان شاءالله ،‘ بس والله ان ما قمتي لأنادي لك نايف او ابوي يقعدونك


نوف وهي بفراشها : لا راح اقوم ان شاءالله تصبحي على خير


الماس : تلاقين خير

/


الماس : تغني وهي تنزل السلم : مآشي برآحتك ! يآخي مصلحتك ! شوف إزآي أنآ حألب رآحتك ّ ..
حآألب رآآآحتك ..


ابو خالد : الناس تذكر ربها ،‘ تقرى قرآن وانتي طول اليوم بس بهالاغاني اللي مادري من وين تجيبيها ؟؟


نايف : ههههههه اكليها


ابو خالد : والله اني صادق


نايف : صح والله


الماس جالسه بجنبهم و منحرجه : آسفه بابا ماراح تتكرر ان شاءالله ،‘


نايف : وين نوفه ؟


الماس تتثاوب : نامت وشكلي بلحقها


نايف : ماهي عادتها ..


الماس : تصبحووو على خير


//


\\




نوف وهي بفراشها وبيدها الجوال : السلآم عليكم


سالم : وعليكم السلام


نوف : سالم عمتي عندك ؟


سالم : من نوف ؟


نوف : ايه


سالم : كيفك ؟؟


نوف : تمام ،‘ عمتي عندك ؟؟


سالم : وراك معصبه !! خليك على الخط بس انتبهي من السيارات


نوف وودها تستفرغ اكلها اللي اكلته (هاهاهاها وع) : ابشر


سالم : لا مره النفسيه مش ولابد


نوف : .......


سالم : يمه تعالي بنت اخوك تبغاك وشكلها معصبه انتبهي لا تبكي عليك


ساره : اسمالله عليها ،‘ من فيهم ؟


سالم ويقلد ناصر : نويف


ساره : عطني السماعه


ساره : هلا نوفه


نوف : هلا عمه كيفك ؟


ساره بألم : ماشي الحال ،‘ عايشين ..


نوف : عمه انا متصله ابغى اقولك انا ناصر اتصل ويسلم عليك


ساره : كيف ؟؟ ناصر ولدي وينه فيه ؟؟ واتصل بمن ؟؟ متى ؟؟


نوف : بشويش عمه ،‘ هو اتصل فيني تقريبا الساعه 2 وقال سلمي على اهلي وخصوصا امي
وتبوله ،‘ وهو ما يبغى يتصل فيكم لانه ما يبي احد يتأذى معه ..


ساره تبكي : يا عمري يا ناصر ،‘ الله يطمنك يا نوف ويستر عليك


نوف : ولا يهمك يا عمه وانا بقنعه ان شاءالله يحاكيك من جوالي ،‘ يلا اتركك ترتاحي فمآن الله


/




نوف حطت راسها وماقدرت تنام ،‘ ا تدري ليه ؟؟


ناصر وتطمنت عليه شسالفه بعد !!




مخنوق ! لكن ماادري ليه انا مخنوق
ضايق ! ولا ادري ليه بالحيل ضاآايق !!

ثوب الصبر من حزن الأيام مشقوق
واليا سألوني ، قلت : بالحيييييييل رايق!
احيان ، ودك ترتفع للسما فوق ..
تطيييير / تبعد ، ماتشوف الخلايق !

[ماجد العساف]

::



أول أيآم رمضآن ..

نآس صحت بكير قرت الجرايد ،‘ و صلت الظهر ،‘ و قرت قرآن لأذآن العصر ،‘ وراحت تباشر اشغآلها ،‘

ونآس نآمت لي أذآن العصر ،‘ مآ تبغى تتعب في رمضآن كآفي انها ممنوعه عن الاكل والشرب
بالغصب !! تبغى تصحى لها كم ساعه عشان تحلل صيآمهآ


نآس غريبين ما يعرف وان حلاوة هالشهر بتعبه وان الاعمال فيه مباركه ،‘


مايعرفو ان من احد اهداف الصيآم الكثيره : انهم يحسو بالناس اللي تموت كل يوم من الجوع ،‘ !!


ونآس طول يومهآ في المطبخ ،‘ أو مع عيالهآ او مع عزآيمهآ و استقبآلاتها ،‘ مآحست بحلآوته ولا راح تحس !!



/


على الطآوله الكل مجتمع زي كل سنه ،‘ اول يوم لازم يكون في بيت ابو راشد(الجد سآمي)


البنات في الصآله ،‘ والخدم في المطبخ ينقول الاطباق بنظآم ..


الحريم نصفهم في المطبخ مع الخدم .. ونصفهم في الصآله يتابعو المسلسلات ويسولفو مع بعض ..


نوف بطفش : اقولك ماني قادره احط عيني فعينه علامك ما تفهميني ؟


نجود : وانتي تحسبي ناصر راضي على حركاتك ؟؟


نوف : مالي دعوه فيه انا ما اقدر انافق ؟


بتول وهي تقلب في القنوات : وتسمي سلامك على جدك نفاق ؟؟ هذا انا مابيدي شي .. هو كان يعتقد
ان محد جاي من بيتنا ،‘ بس محد يقدر مهما كان له احرتامه وتقديره ،‘ هذا كبيرنا وكلنا نغلط ،‘ افا
عليك يا نويف


نوف حست بغلطها بس ماهي قادره : طيب خلص خلص اذا نزلنا بسلم عليه


الماس : غريبه انتي يا نوف ،‘ المهم متى يذن جوووووووووووووعانه : (


الهنوف شوي وتبكي : النذله العنود ما صحتي على السحور ، ‘ على الاقل اشرب مويا
عطشااااااانه : (


العنود : والله صحيتك بس انتي نومك ثقيل وش اعمل يعني !


نجود : بس يا بنات .. وش فيكم ؟ بتاكلو ان شاءالله وبتشربو لا تجرحو فصيامكم


نوف بملل : صادقه نجود لا تصيرو بزران


بتول : يا كرهي لهالقناة وهالكاتبه بالذات ،‘ احس تبالغ مررررررررره وش ذي الحياه اللي كلها يا
مخدرات او بنات ليل او خمره او سجن


نوف : انا اذا ابغى اضحك احط عليها ،‘ تسليني وتضحكني مره وحده


نجود : بالعكس تونس مسلسلاتها كافي انها تجيب ازين الممثلين


نوف ناقده على نجود : وجع نجيد صووومي .


نجود بتأفف : نسييييييييت اف


الهنوف قفزت أذن أذننننننننن


ولما نزلو بتول والماس والهنوف والعنود لتحت ركض على السلم تذكرو اهلهم والشباب وجلسو
يمشون حبه حبه يعني مو مهتمات ..


نجود : يلا امشي ما يصير تأخري فطورك


نوف : عارفه روحي وانا لاحقتك


نجود : ماني رايحه الا معك ،‘ عارفه حركتك تنتظري جدي يجلس على السفره وانتي تعرفيه ما يحب
السلام على السفره ،‘ تكون فرصه الك


نوف وكأنها كشفتها : نجيد تكفين لا تقهريني ،‘ قلت لك جآيه ..


نجود : طيب امشي


نوف : اف منك يلأ


/

بيت بو تركي ..



ام تركي : مبارك تبغى لبن وحليب ؟


مبارك : ايه الله لا يهينك


ام تركي : وانتو يمه ؟



ساره : المويا كافي .. عاملين رجيم


الجوهره : احكي عن حالك ابغى عصير برتقال يمه


منيره : ابشري


الجوهره : يمه وين تركي .


مبارك : يفطر في دوامه اليوم ما عنده فراغ ..


ساره : الله يعينه


(وبهاللحظه الكل تذكر عبدالعزيز لكن الكل ايضا سكت وما تكلم )


نزلت نوف ونجود متأخرين 10 دقايق عن الفطور


نوف + نجود : السلأم عليكم


الكل وعليكم السلام : يلا يمه افطرو بسرعه


سآمي بنظره خاصه بنوف : ليه ما تسلمي !! وش صاير لك يا بنت



نوف بدون اهتمام : اسفه جدي نسيت (باست راسه) وناظرت بكرسي ناصر فاضي


الكل يناظرها علامها تنحت مره وحده !!


رآحت بهدوء وجلست في مكانه ،‘ بدون صوت ولا كلمه ،‘ وكآن بجنب اخوها خالد وفآرس .. !


خالد بصوت خفيف : وراك جالسه هنا ؟؟ ضاقت عليك الاماكن ؟؟


نوف بصوت اخف : عاجبني قربك ياخوي فيها شي ؟


خالد : تتريقي انتي ووجهك ؟


نوف : محشوم ،‘ بس هذي الحقيقه !


خالد وقف : الحمد لله


ام خالد : وش فيك يمه ما كليت !!


خالد : بس يمه شبعت /‘ كثر خيــركم


سلمى (ام راشد ) : عآفيه يآ خالد ..


نوف تناظر بالاكل مسدوده نفسها كلت تمره وشربت رشفة من الحليب واللبن ووووبس ما قدرت ،‘


السفره هالمره مو زي دايم سوالف وضحك وتعليقات .. لآ بالعكس كأنت هااااديه مرررررره


الكل يناظر فبعض ويقرا احساسه بعيونه ّ! الكل يسئل نفس السؤال


وبنفس الصيآغه ، ! وبنفس الوقت !
وينه ناصر !!!!!
؟





/







:




في
المزرعة


:



ناصر : مد يدك لا تستحي


عزيز بشراهه : استحي ؟؟؟ هههههههه من ايش ؟؟؟


ناصر سرح في تفكيره لبعيــــــــد !! من يصدق انك بهاللحظه ما تكون فبيت جدك !!


من يصدق يا ناصر ان يمر هاليوم الرسمي بالنسبه للعايله وما تكون موجود فيه ؟ ياترى من يفكر فيك
هاللحين ؟؟؟



عزيز يشرب الفيمتو : هيه من احاكي انا


ناصر رجع لنفسه وكمل اللقمه اللي فيده : هلا


عزيز : ولا شي .. !!


ناصر : تعال ،، ديلار وينه ؟؟


عزيز : وش تبي فيه اكل بس اكل هو مسلم !


ناصر وهو يوقف : ايه مسلم بروح اناديه


ناصر : يا ديلار


ديلار : نعم عمي ناصر


ناصر : وراك ما جيت تفطر ؟؟ كل يوم لازم تجي تفطر معنا طيب !!


ديلار باستغراب : لا مافي مشكله هنا كويس !


عزيز بصوت عالي : اتركه ما ينعطى وجه اللي يسمعه يقول ميتين على جلسته معنا


ناصر : اكل وانت ساكت ،، المهم اسمع يا ديلار بكره لازم يجي هنا ياكل اوكي ؟


ديلار بفرحه : اوكي ،، مشكور عمي ناصر


ناصر وهو رايح يغسل يده : الشكر لله



/



الجوهره في المطبخ تغسل المواعين طفشااانه اكثر شي تكرهه التنظيف والغسيل


تحلم في شي اسمه خادمه تتأمر عليها وتجيب لها طلباتها وهي جالسه !


اما ساره جالسه تنظف الارضيه وهي ساكته لا تتكلم ولا تعلق ولا تتأفف ،، شغل متعوده عليها زمان وجايه
تكمله ،، عادي عندها


الجوهره : افففففف طافتني المسلسلات الحلوه ،، اول اليوم نطبخ واخره نغسل وش هالحياه ؟؟؟


ساره : انتي شفيك ؟؟ كل الناس زي كذا فقارى والا اغنيا لازم يقابلو بيتهم ويهتمو فيه


الجوهره : هذا نتي قلتي بيتهم ،، وانتي تسمين هذا بيت ؟؟؟


ساره تترك اللي بيدها : الجوهره ووجعه ان شاءالله !! من متى هالحكي ؟؟؟ لحد يسمعك


الجوهره تترك اللي بيدها وتطلع لغرفتها مقهووووره


ابو تركي : وش فيها ذي طالعه معصبه حتى سلام ما تسلم ؟


ساره : اتركها يبه شوي تعبانه من الشغل


ابو تركي ينفض يده : الله لا يشغلنا الا بطاعته


ساره : امين

[ماجد العساف]

/

بتول : رجعيه اقووووولك رجعيه

الماس : والله تسكتين ازين لك انا جايه قبلك

نجود : خلص بنات في اكثر من تلفزيون ضاقت عليكم يعني ؟؟

نايف ياكل حلا : ايه لموو رجعيه خلينا نناظر في هالمسلسل والله احلى

بتول : شفي حتى نايف معي ،، 2 ضد 1 رجعيه

نجود انقهرت من حركة نايف ليه يوقف مع بتول مع انه لا يتابع هالمسلسل ولا شي ..

نجود تناظر فـ نايف : لا 2 ضد 2 قصدك انا ابغى مسلسلك لموو

نايف : حرب مو بـ مسلسلات !! انا اقول لو تطفوه ازين ،، سوالفنا ابرك منهم

فارس : وخاصه سوالف بتول ههههههههههه تلوع كبدك وهي للحين تسولف لك عن المكياج والماركات

نايف : هههههههه هذي سوالفهم عاد وش يسوون الله خلقهن كذا

بتول وقفت تتخصر : نعم نعم ! اشوف طايحه من عينكم ؟؟؟ لازم اجي اسولف لكم عن السيارات والبنات
عشان تنبسطون يعني ؟؟؟

نايف انصدم : كيف ؟

نجود حطت يدها على فمها (مالت عليك يا تبوله لازم تخرب كل شي وتجيب العيد)

نايف : وش عنه ؟؟ عن البنات ؟؟ ليه وش شايفتنا حضرتك !

بتول انحرجت وسكتت : شايفتك مثل ما انت شايفني

نايف : وانا وش قلت عنك حتى تقولي هالكلام ؟؟؟ ترا بعض الحكي ماله داعي بالمره الواحد لو يحتفظ فيه
لنفسه ازين

فارس : صادق والله ،، بتول احيانا ما تدري وش تقول

بتول : يوووووه بتول وبتول تراكم ازعجتونا .. ما عندكم الا انا ؟؟؟ لا تحكو عني عشان ما احكي عنكم

نايف زعل وعصب : محد راح يحكي عنك ان شءالله تامرون على شي ؟؟

فارس يناظر بأخته : انا طالع معك ..

نجود + الماس : سلامتك

/

نجود : لانك هبله ،، وش دخل البنات في الموضوع ها ؟؟؟

بتول وكنها حست بغلطتها : وانا شعرفني ،، دورت كلمه مع السيارات ما لقيت الا البنات ،، على الوزن يعني

الماس : هههههههههه حلوه ،، بس الاحلى وجهك كيف قلب صار زي كذا ههههههههههههه

بتول : اسكتي انتي ،، احرجني اخوك كرهته

الماس : والله نايف مره حبيب ما ارضى عليه ،، بغيت ارد عليك بس شفت وجهك وكسرتي خاطري ههههههه

بتول : كله من فارس مالت عليه .. وجه المصايب ..

الماس : بنات امشو نطلع لنوف فوق

نجود : وش مطلعها الدور الثالث ؟؟

بتول بحزن : اكيد تبكي

وقفو كلهم وطلعو لفوق ..

دانه وهي طالعه من الصاله الثانيه : خبول انتم ؟؟؟ امشو بشويش امحق انثى انتي وياها ..

بتول : اكرمينا بسكوتك

الماس : اللي تسبق لها جائزه

نجود وهي تركض (بفضول) : وش هي ؟

الماس : بوسه على خد الفائزه

بتول : وووووووووووووووووووووووووووووع ، منك عاد !!

الماس وقفت عن الركض : وع بعينك قليلة حيا ،، اجل من تبغيها منه؟؟

بتول انحرجت : ما اقصد يا حماره بس وع من يبغى بوسه منك ؟؟؟ اجل ابغى اتمشى شوي شوي تبرعت
بالجائزه لنجيد

نجود وهي جالسه على السلم : هههههههههههههههههههه نجيد تسلم عليك وتقول لك البوسه اهداء
مني لك ما عاد ابي الفوز

الماس صدقتهم وحطت يدها فخصرها : جعلكم اللي ماني بقايله !! كل هذا لانها مني ؟؟

والله محد يحصلها اصلا .. ما قول الا مالت

نجود ركضت لعندها وهي ميته من الضحك وباستها : هههههههههههههه نمزح معك يا غبيه

بتول : هههههههههههههههه والله لو انك ياسر عرفات

:

:

نوف جالسه تحاكي بالجوال

دخلو عليها البنات بازعاجهم وسكتو لما ناظروها تحاكي . . كلهم في بالهم انه ناصر

بتول ركضت لعندها : مين مين ؟؟

نوف وتبعد الجوال : صديقتي

بتول : احلفي

نوف افهمت قصدها : وربي صديقتي وش فيك ؟

بتول بخيبة امل وتأشر لنوفه يعني سكري الجوال

نوف : يلا احاكيك بعدين باي

نوف : علامكم ؟؟

نجود : طافك هوشة نايف وبتول هههههههههه

الماس : وش فيك منصدمه ؟؟ ههههههه

نوف : بتول دايم تتهاوش بس انا منصدمه من نايف ؟ هههههه

بتول : هييييييي انتم شفيكم علي ؟؟ بفهم كيف تناظروني ؟؟

نوف : ههههههههه والله امزح معك وش سالفة الهواش

بتول : انتي اللي وش سالفتك جايه هنا ؟؟ هالمكان ما جيناه من زمان

نوف وكنها تتذكر جلستها مع نايف وناصر هنا : لا بس حبيت اناظر الحديقه من فوق

الماس ترفع حاجبها : وش فيها الحديقه حتى تناظريها ؟؟ اللي يسمعك يقول تطل على اشجار البرتقال في
الشام والا على اشجار البن في تركيا !!!

نجود : ههههههه يا حرام لمووو سمعت اللي حافظته في الكتاب كله

بتول : خخخخخخخ