عهدي بها من سنين وقابلتني قبل يومين=بادرتها بالسلام وقلت حيا الله قمرنا
حيا الله اللي ترجينا لقاه ايام وسنين=اللي فراقه برى حالي وفي بعده قهرنا
وين انت ياشمس ما ودي عن اعيوني تغيبين=وين انت ياللي بغنجه يوم قابلنا سحرنا
قالت تعالى الله المعبود كنا قبل غاوين=واليوم تبنا وحجينا وزرنا واعتمرنا
قلت العفو يامقيم الدين ما حنّا بمخطين=مايعني انا ليا قلنا لك اشتقنا كفرنا
ان كان مخطين نرجوك العفو ياكامل الزين=وان كان فيما مضى ياما للقياك انتظرنا
ياكم سهرنا معاك الليل والعربان غافين=لانامت اعيون خلق الله بدينا في سهرنا
ياكم تغنيت بك واهديت لك شعري دواوين=واهديتك الروح يا اللي اليوم ما انته معتبرنا
إن كنت ناسي الزمان اللي مضى ماتذكره زين=راجع سجلات عمرك يمكن انك تفتكرنا
وان كنت بايع فما حنّا لراعي البيع شارين=ماينحني راسي الشامخ لحيٍّ ماذكرنا
العرض المتطور
