المقادير
حبة لوبستر وزنها حوالي كيلو أو أكثر شوي
شوية زبدة
مقدار صغير من الباشاميل
ملعقة جبن سايل
3 ملاعق من مكعبات الفلفل الملون مفرومين فرم ناااعم
فص ثوم مفروم >>> اختياري
جبنة قشقوان للتغطية
الطريقة
انا اشتري اللوبستر مفتوح من النص يعني انا بس اغسله
اول خطوة اني ادهن قطعة اللحم الي جوا صدفة اللوبستر بزبدة وادخلها تنشوي في الفرن ((هالخطوة ماتاخذ الا دقايق ))
ثاني شي احضر مقدار صغير من الباشاميل
في قدر احط ملعقة ونص طحين مع فنجال زيت واحرك واحط الحليب الطازج ومكعب الماجي والفلفل الاسود واخر شي احط معه ملعقة جبن سايل
في مقلاة كبيرة احط شوية زبدة واكشن الثوم مع مكعبات الفلفل الملون واحط اللوبستر بعد ما انشوى في الفرن وقطعته بالشوكة والسكين لقطع متوسطه
واقلبه ثواني واحط معه الباشاميل واحرك واراعي انه مايصير كثير
يعني يادوب صوص ثقيل
ارفعه من على النار واعبي اللحمه مع الصوص في جوا الاصداف الي سبق وانشوت في الفرن وتغير لونها وصار برتقالي
اخر خطوة
اغطي اللوبستر بجبنة قشقوان وادخلها الفرن ثواني تتحمر من فوق
واقدمها مع خضار سوتيه
ملطوووش ،،
العرض الشجري
