بسم الله الرحمن الرحيم
أسعد الله جميع أوقاتكم بكل خير 0
اليوم الشيف/ طالب جايب لكم طبخه أنما أيه 0
بس إلي ساكن بشقه أو ماعنده حوش تردد يالليل مطولك 0
وهي عبارة عن جمع الطبخ على الحجر+ المندي يعني 2في والحد0
والطريقة كالتالي ::
والله في الحقيقة إنا لي زمان مصالحته لكن أن شالله ياسيل الله كل وادي وجت الأمطار وكثر خير الله أبشروو بصوره أن الله يسر لكن أنا هنا باصف لكم طريقته ون شالله الوصف يعجبكم وكأنكم تنضرون لصوره بحول الله بس عاد إلي يسويه لازم يرسل لنا شوي على شان نقرر على طبخته هي زينه ولا0
عاد إلي أنتم تبون دجاج أوسمك أو لحم
كل واحد ورغبته بس الطبخة لذيذه وربي 0
الطريقـــــــة::
1- تحفر حفره بالأرض صغيره يعني على قولتنا يالشبااب حقت معاميل ألشاهي والقهوة يعني دائرية الشكل بعمق لايتجاوز 2سم عن مستوى الأرض0
2-تجيب قصدير وتفرشه في وسط الحفرة وتخلي له زوائد يعني على شكل تقاطع وتخلي الأطراف زايده يعني تطول قدر ماتصتطيع بلأطرااف لي أنك سوف تحتاجهم في الأخير0
3- تجيب الفحم وتحطه بشويش داخل وسط القصدير ونتبه لايتشقق القصدير على شان ماتخرب الطبخه0
4- تجيب أحجار متوسطه الحجم وتكون من النوع الصلب (( صوان)) يكثرهن والله بكل مكان يعني مو من النوع إلي أذا مسته النار مايتكسر ويخرب الطبخه0
5- تحط الرضم أي الأحجار وتصفهم صف فوق الفحم وتشعل النار لين يصير الفحم جمر وتنتظر عليه لين تأكد أن الحجر أصبح حاار جداً 0
6- تجيب عسيب نخل ((جريد نخل))أي ((غصن نخله)) بس أعلاه يعني رأس العسيب تقص منه حوالي شبر من كل عسيب وكل ماكثرت العسيب كل ماكانت الطبخة أحسن 0
7- تكون حاط العسيب في الماء قبل الاستخدام مباشرة لي أن الطبخة تحتاج منك خفه وبسرعة على شان أذا حطيت العسيب على الأحجار الحارة ماتحترق يعني بسرعة شغلك حامي حامي 0
8- الحين بعد ماجهزت كل المطلوب وكل شي جهز عندك بسم الله على طول طلع العسيب من الماء وفرشه فوق الأحجار الحارة تره تبي تدخن لاتهمك بس أنت أستعجل بعد ماتفرش العسيب كله فوق الأحجار عاد الحين جادور نوعية الأكل إلي تبي أنت يعني السمك 20دقيقة والدجاج من 30الى40دقيقة والحم يبيله ساعة إلا ربع ألو كاد بعد ماصفيت إلي تبي عاد الحين أمسك الأطراف الباقية من القصدير الزايده إلي قلت لك بالأول على شكل تقاطع عاد الحين أرجع لفهم على طبختك بالكامل ولا تخلي له نفس على شانك تبي تدفنه بالرمل بطبقه حفيفه أن أردت أن تضع فوقه بطانية لجمع الحرارة أو صحن وتدفن أطرافه ومن فوقه وتحته بالتراب 0
9- كذا نكون خلصنا من الطبخ ملاحه أذا تبي تحط فوق نوعية الحم إلي تبي شرايح بصل بكيف بس لاتكثر ولازم تكون قد تبلت الأكل زين يعني العسيب ماهوالا واقي للحم من الأحجار على شان ماتحترق ويعطيه نوع من التدخين يصير مدخن والطعم مندي على شكل مضبي مدخن0
وفي الأخير أتمنى من الله تعجبكم وهي في الحقيقة اختراع بحت لي أحد الشباب الله يجزاه عنا خير هو إلي علمني شلون أسوي الطبخة في البر0
دمتم بخير وصحة
أخوكم
طالب
أم عسيب وما أدراك ما أم عسيب !!!!!
العرض العادي
