**~ 00 وووربـــي هالـبـنـت مـنــســمــة 00 ~**

[روااان]

قعدت اليوم من النوم طبعا كالعاده متأخرة و شايله هم كيف انزل تحت و اشوف وجهه امي .. لانها اكيييد يتكون معصبه علي ...

المهم ....

سميت بالله و نزلت و انا كشرتي جذي

..

الا تقابلني امي و هي معصبه *2 ... بس عصبيتها اليوم غيييييير كل يوم ....

اليوم معصبه و احس ان الشرار طالع من عيونها ...

قلت لها : صباح الخير يمه ... اوووه قصدي مساء الخير< بكل ثقه اقولها

قالت : ايييييه هذا انتي عارفه ... قلتيها مساء الخير ... وش ذا التأخير .. ووجع في هالبدن .. الله يغربل بليسك ما تقطع جسمك من هالتسدح و التبطح و كثرت النوم

انا : لا

.. و ترى ما بعد شبعت نوم ... لاني والله ما نمت الا متأخر .... يمممممممه حنا بإجازه
امي : و اجازه خير يا طير ... من بكره .. ابيك تقعدين من الساعه 12 و مافي سهر و لا نت و تطبخين الغدا معي ... يوم انتي يوم انا

انا : لا يمه تكفيييييين

... الا النت ... خلاص خلاص بصحى الساعه 12 بس لا تشيلين النت و ما ابي اطبخ .. مااااا اعرف

تعرف امي كيف تتعامل معي ... اذا جابت سيرت النت خخخخخخخخخخ

رحت للمطبخ .. عشان اسوي لي فطور ( فطور الساعه 5 العصر ) الا شوي ناقزة لي امي مره ثانيه

مب للبيع ... وش ذا الغرفه ... الله يفشلك .. و قسسسم اللي يشوفها يحلف انها غرفه ولد ماهيب بنت

وش ذا... بالله عليك كم لك من رتبيها اخر مره ... روحي رتبيها ... فوضى ... حياتك كلها فوضى...
ابي اعرف كيف بتفتحين لك بيت بكره ....

يالله قومي رتبيها الحين .. اتركي اللي بيدك و قووومي

طيب طيب .. بس مهوب الحين ...

الا قووووووووومي وجع .. هذا اللي مخليها جذي .. يالعجازه .. كل يوم نفس الاسطوانه .. طيب طيب و لا اشوف شي

قومي قدامي الحييين

يووووووووووه طيب يمه لا تعصبين ...

دخلت غرفتي ...

اهم شي الفاتوره على السرير

أي والله صحيح مررررره فوضى < توك تستوعبين

بديت ارتب فيها ... من وين ابدى يا ربي ...

و اثناء ما كنت ارتب ... و انفض الغبار عن الدواليب و المكتب ... الا اشوف شي موب غريب علي

صندوق صغير .... قديييييييم كان عندي يوم اني صغيره < اللي يسمعها يقول كبر جدتي

اخذت الصندوق بيدين ترتجفتان و عيونان جاحضاتان .. لا اصدق ماهذا انه صندوق ذكرياتي ...

فتحت الصندوق .... و قعدت اتفرج على البلاوي المتلتله اللي كنت حافظتها ذكرى ...< خوش لغه

[روااان]

أول شي بذكر لكم محتويات الصندوق :
1- ورده حمرا
2- اوتغراف
3- قلم رصاص
4- ورقه مكتوب عليها اسمي < مالها داعي هذي مادري ليش محتفظه فيها يمكن عشان اذا نسيت هذا صندوق مين .. اذكر نفسي خخخخخ
5- صابونه
6- عطر ريحته خايسه
7- كتاب توحيد
8- دفتر علوم
9- استكرات (stickers) ملصقات
10- و اشياء وااااااايد .. >احلفي

قعدت اتفرج على محتويات صندوقي

... ( ياحليلي كنت رومانسيه و احب احتفظ بالاشياء ذكرى .. مادري وش صار لي قلبت )

اول ما طاحت عيني عليه .. الورد الحمرا ...

هذي الورده الله يسلمكم عطتني اياها امي في يوم المعلم يوم انها امتلت من الورود ذاك اليوم ... طبعا ما عطتني اياها جذي مني والطريج.. قعدت اترجى فيها تعطيني الين وافقت خخخخخخخخخخخخخخخخخخخخخ..
احتفظت فيها ذكرى .. مادري على شنو ؟؟< بس عشان لو سألني احد عندك ذكريات قلت ايييه

والله علي افكار وانا صغيره خخخخخخ

تركت الورده بعد ما طاحت عيني على اول اوتغراف لي ...
اتذكر جابته صديقتي لي يوم انه امي ما رضت اشتري لي واحد <

شنو هالام ( ترى الدعوه مزح و طناز لحد يصدق )
... عاد ذيج الايام طاحوا البنات طييحه بالاوتغرافات

و قعدت اتصفحه ... و اشوف كتابات البنات ...و الله عليهم خطوووووط

ما عجبني فيها الا الجمله المقلوبه .......... والله انوااااع البراءه

والا شوفوا هذي ......... لوووووووووووووووول مكسرات و برتقال

المشكله قاعده الحين اضحك و اطنز

.. وانا اكيييييد كنت كاتبه للبنات مثل ما كتبوا لي

قعدت اتفرج ... ياللله حتى يوم كنت بالإعدادي ما سلمت من هالسخافه

كان عندي اوتغراف و البنات يكتبون ... والله كانت اهتماماتنا على قدنا .. يا حليلنا

عزيزتي اتمنى ان لا تزعلي مني ترى اذا سويت شي ترى هو غصبن عني و انت عارفه ليش ...؟؟؟ < مافهمت منها شي ... يمكن كنت زعلانه عليها ذيج الايام خخخخخخخخخ والله طفلة

[روااان]

كنت محتفظه بأشياء والله تفشل ...

صابونه ... قعدت سنه اتذكر ليش حافظتها

وما ذكرت الا يوم لفيت من ورى ... وشفت الكتابه اللي عليها

جده خخخخخخخخخخخخخخ.. اللي يسمعه رايح باريس .... عاد يوم اهدا لي ما اهدى الا صابونه .. ( اشدعوة شايفني ما اتروش )
لا وسارقها من الفندق شكله

والله ان خالي منسسسسسم ههههههههههههههههههههه

قلم رصاص ....

يالللللله انواااع القدم ... تذكرون اقلام الرصاص اللي ينباعون في جرير اللي في دعاية سبيستون .. اللي فوقها محاية

كنت اشتريها مو عشان اكتب فيها عشان احتفظ فيها ... والله اني فاضيه

لا انا و وجهي بعد ... مكسووووووور و محتفظه فيه

والله كل شي له طابع خاص عندي.. و اذا شفته ترجع لي الذكريات خخخخخخخ

يالله نكمل ... شنو بعد لقيت بالصندوق

لقيت علبه عطر

... خلي احد يقووووولي في احد يحتفظ بعطر ذكرى .. ما اتوقع فيه ...
هذي انه ... احتفظت فيه لانه اول عطر في حياتي خخخخخ ابوي جايبه هديه لي يوم سافر
.. مادري وين والله بس جابه من سفر

عاد انه شكلي فاهمه الذكريات بالغلط .. ما استخدمه .. على طوووووول احطه بالصندوق .. عشان يكون ذكرى

عطر فرزاتشي .. ... والله كشخه ابوي .. جايب لي ماركه
حطيت العطر على جنب .. و قعدت احوس في الصندوق ..


شفت كتاب توحيد

طبعا كان عندي التشخبط على الكتب نوع من الكشخه

وكانت هوايتي اشخبط و اطلع كل كتاب بشكل

... على حسب حبي للماده

[روااان]

ايييييييييييه نسيت اوريكم الاستكرات... *6

كنت أي استكر يمر علي بحياتي .. احتفظ فيه ..

حتى المعلمات اذا صححوا دفاتري و كتبوا ممتازه و حطوا لي نجمه و استكر .. اذا رحت البيت اشيله و احتفظ فيه

لا وشوفوا وين حاطتهم ... ملزقتهم في ملف


حطيت الملصقات ... و شفت ظرف مسكر ..
استغربت ... قلت شنو هذا...

يوم اني فتحته ..

شفت

خخخخخخخخخخخخخخخخخخخخخخخخخخخخخخخخخخخخ

كنت محتفظه بالمناديل المعطره ... ليييييييييييييييييييييش ؟؟ والله مادري

الله يآخذني .. قلت لكم فاهمه الذكريات غلط

و شفت في زاويه الصندوق < غرفه حشى مو صندوق


علبه .. ههههههههههههههههه
تذكرت هذي العلبه اللي كنت اجمع فيها هوايتي
عاد انتوا سمعتوا بهوايه تجميع الطوابع .. و تجميع الفلوس ( العملات لغير الناطقين بالعاميه) .. بس ما اظن احد سمع بهوايه تجميييييييع
7
7
7

النظارات


كنت أي نظاره بالبيت .. بعد ما تخترب ... او شي .. اخذها احتفظ فيها

ااااااااااااااااااه والله انها ايام و ذكريات حلوه

و قررت اني احتفظ بهذي الاشياء طوووول عمري ...

و اوريها عيالي و كل من يعز علي


اخذت غطى الصندوق و نفضته من الغبار ... و توني كنت بسكر الصندوق



الا طاحت عيني على ورقه طايحه جنبه ...

اخذت الورقه و فتحتها ........

حشى هذا موب شعر .. قصة حياتي .. سطرتها في ورقه و حطيت كسره في اخر الجمله .... والله تنسيييييم ...

ابي اعرف وش دخل النظافتي في الموضوع ...
والا الاغلاط الاملائيه

بس خلاص

لاااااااااا تضحكون ...

هذي اول محاوله شعريه لي > عاد الي يسمعها يقول الحين شاعره .. والله اني ما افهم بالشعر شي ... زين اقراه و افهمه

و الله لو تشوفون اول ما كتبتها كنت بأولإعدادي.. كتبتها و انه مفتخره بنفسي واشوف نفسي اني شاااااااااااعره ولا كل الشاعرات
و احتفظت فيها مو عشان اذا كبرت اضحك عليها ... لا عشان كنت متوقعه من نفسي اكون شاعره و اكون محتفظه بأول محاوله شعريه لي

اخذت الورقه و سكرتها و رجعتها في الصندوق و سكرت صندوقي و رفعته

و رجعت لامي وانا اضحك و في نفس الوقت تخالجني مشاعر الحنين الى ايام الطفوله

طبعا اول ما قابلتني امي اسألتني .. هاه رتبتي الغرفه؟؟
قلت لها : يوووووووه نسيت .. << يعني مندهشه

توته توته .. و خلصت الحتوته

[ريــ ReeM ـــم]

هههههههههههههههههههههههههه

والله ذكرتيني بأيام زمان
والا الحين صرت مرتبه شوي

يعطيك الف الف عافيه رورو ياقمر

موضوع متعوب عليه تسلم يدينك

[اللمــــبــــي]

يعطيكي العااااافيه روان والله وسعتي صدورنا

[القصمنجيه]

اهلين اختي رواااااااااااااااان

شكلها حلوه بس طويله بسكر النت واجلس اقراها على راحه

مشكووووووووووووووره

اختك
القصمنجيه

[عاشقة القمر]

ههههههههههههههههه
حلوة ذكريات الطفوله
يسلمو عنوني

[زود الغلا]

كح كح كح كح*6






روان البطه والله زين ما تــسوي امك تستاهلين خخخخخخخخخخخخخ*w








وصراحه موضوعك يبي له جلسه طويل مشواار <= يمزح :D










يسلمو روان البطه الله يعطيك العاافيه







انتظر جديدك




تحيااتي راشد

[ولد جدة]

انتي يا روان اكيد فيكي فطنة

بس لا تيدين شيء على امك

باي