هلا ..وغلا .. يابرقٍ انخيله=مزنه ثقيلٍ .. ما هو اخفافي
لا طش وبله .. يتبعه سيله=يخضر بسوحٍ .. ضامه السافي
أنا اشهد انّه .. وافين كيله=وأنا اشهد انّه .. بلسمٍ شافي
راع الوفا ملزوم .. نوفي له=ناصله لو إن .. القدم حافي
قلبي مصد .. ولا بيدي حيله!=لو كان جوّي .. يا( .... ) صافي
الجِفن بعدك .. كم سِهر ليله=والقلب عدّى .. كل مشرافي
لا تحسِِبين البعد .. قاوي له=الله وكيلك .. غصب يا كافي
مبطي وقدرك حط .. تحويله=في داخلي ياعذب .. الاوصافي
م / أنساك أنا يا نافلٍ جيله=وأنت الذي وصفك .. ذهب صافي
من لا عرف شرواك .. عزي له=أنا اشهد انّه عاش .. ما شافي!