السلام عليكم ورحمة الله وبركاااته
ليلة رمضانية مع الاخ محمد آل وافي
محمد آل وافي
( ود نشِـط )
من مواضيعه
ثــرثــرهـ
الشهر غالي .....
ما هي العادات التي تحرص على ممارستها في هذا الشهر الفضيل؟
دائما ما احرص على المشاركة في برامج افطار صائم
متى بدأت صوم شهر رمضان المبارك ( يعني كم كان عمرك)؟
هل صمت أول يوم كاملا ؟
كان عمري سبع سنوات والحمد لله اكملت اليوم كامل ما عاد فترات
الوضوء هههههههه
كان يقولون اذا شربت بنفس واحد ما بتفطر وجتنا فرصه
أكلة تحبها برمضان ؟
لا يوجد شيء بعينه ولكن السمبوسه تتصدر المجموعة
موقف طريف حدث لك برمضان؟
المواقف كثير لكن اهمها واللي ما راح انساه اول رمضان اصومه بعيد عن اهلي لضروف الدراسة المهم سكنت مع مجموعه شباب وكان كل يوم اثنين يجيبون الفطور جاء دوري ونزلت السوبر وشفت تمر معجون اذكر اهلي يسوون مثله بس مع جوز هند وهذي الحركات ما صدقت خذيت مجموعة لكل واحد علبه ومالي طولة بال اجيب جوز هند قلت نختصرها احسن طبعا اهلي كانوا يفرمون التمر وهذا جاهز ما استغربت جيت الشقة وننتظر يأذن والكل متحمس على التمر والحركة الجديدة المهم اذن وتسابقنا نفطر والله لا يوريك طلع تمر حااااامض ( تمر هندي ) مشيناها تسليك لبعض ولا عرفت ايش هو الا بعد خمس سنوات طلبوه اهلي في البيت وكنت متحمس لردة فعلهم لكن طلعت انا من جمبها .
برنامجك اليومي برمضان؟
برنامجي ما يختلف كثير عن الاغلبية الصبح دوام من 9 الي 3 وبعد العصر ترييحة الين الفطور وبالليل بعد التراويح احب اجلس لوحدي
هل سبق لك صيام رمضان بعيدا عن الأهل؟
نعم من فترة طويله وانا اصوم بعيد عن اهلي لضروف عملي
كم يستغرق ختمك للقرأن خلال الشهر الفضيل؟
تقريباً 15 الى 20 يوم
متى الوقت اللي تكون فيه رايق ومتفرغ خلال هذا الشهر الكريم؟
اكون اكثر صفاء ذهن بعد التراويح
مائدة إفطار لديك حدد خمسة أعضاء تدعوهم إليها؟
انا عضو جديد ويشرفني ادعوا الكل وفي المقدمة ( شمس القوايل / ملكة الرومنس / نديم / الطلحي / فلسفة شاعر)
مائدة سحور حدد ثلاث أعضاء غير المدعوين على الفطور تدعيهم إليها من الأعضاء؟
في السحور الكل يستاهل والله
هل يزداد أم ينقص وزنك خلال رمضان ؟
ماوزنت صراحة بس الاكيد انه يزيد ):
تصرفات تنبذها خلال شهر رمضان؟
العصبيه الزائدة في وقت الصوم كأن الكل بيموت جوع
ليلة العيد هل تنام ؟
للاسف لا انااام مع محاولات فاشله لذلك
يوم العيد كيف تقضيه؟
يوم العيد بعد الصلاة اكون مع الوالد وقوم بزيارة الاهل والاقارب حتى الظهر بعدها اكون طفيت . حتى المغرب وبكذا يكون يومي انتهى
رسالة شكر توجهها لأحد أعضاء المنتدى خلال هذا الشهر؟
اشكر الطاقم الاداري والمشرفين ع الجهد المبذول في نجاح هذا الصرح واشكر جميع الاعضاء لما قدموة من مواد ارتقت بالثقافه العامة بأسلوب مميز
رسالة عتب توجهها لأحد اعضاء المنتدى خلال هذا الشهر؟
رسالة صفح وسماح توجهها لأحد أعضاء المنتدى ؟
عتب وصفح // للأمانه ليس لاني عضو جديد ولكن ما وجدته من الجميع هنا يفوق الوصف اخلاق عاليه جدا وروح طيبه فلم اجد منهم الا كل خير
أيهما تختار /
النوم المبكر أم السهر؟
السهر
الانترنت أم مشاهدة التلفزيون؟
الانترنت
الإجتماع مع الأهل والأصحاب أم الجلوس لوحدك؟
الجلوس لوحدي
حضور أمسية شعرية أم مباراة في كرة القدم؟
جميعها تهمني وباحاول اشوف الاقرب مثال من الشاعر او الفريق وهنا بحدد
هل لك أقارب في المنتدى ؟ اذا ممكن تذكر لنا اسمه وصلة القرابه ؟
لا لايوجد اقارب لي هنا
ترقبووا ليلتنا الرمضانية القادمة ان شاء الله
العرض العادي
