قال الخلاوي والخلاوي راشـــد
عمر الفتى عقب الشباب يشيب
حسبت أنا الايام بالعد كلــهــا
ولاكل من عد الحساب يصيب
حساب الفلك بنجم الثريا مركب
يحرص له الفلاح والطبيب
فالى صرت بحساب الثريا جاهل
ترى لها بين النجوم رقيب
الى غابت الثريا تبين رقيبهـا
والى طلعت ترى الرقيب يغيب
والى قارن القمر الثريا بحادي
بعد أحد عشر عقب القران تغيب
وسبع وسبع عدله بعد غيبته
هذيك هي الكنه تكون مصيب
ومن بعدها تطلع وبها القيظ يبتدي
وتأتي بروق ولا يسيل شعيب
والى مضى خمس وعشرين ليله
ثقل القنا من فوق كل عسيب
وتطلع لك الجوزا وهي حنة الجمل
وتأتي هباهيب والسموم لهيب
والى مضى خمس وعشرين ليله
يطلع لك المرزم كقلب الذيب
والى مضى خمس وعشرين ليله
يطلع سهيل مكذب الحسيب
والى مضى خمس وعشرين ليله
تلقى الجوازي طردهن تعيب
تلقى الجوازي ملتناحر مقيله
ليله نهار وتجتلد وتليب
والى مضىخمس وعشرين ليله
لا تأمن الما صيبه يصيب