فرقاك عيد

[نايف الشريف]

ممكن تتصل فيّه - انا مشتاق لك بالحيل
اقلّب صفحة الجوال وأقرا في رسايلنا

واناظر صورةٍ مرّه رسلتيها على الإيميل
صورة كانت إلعشّاق هزُت في مشاعرنا

وكانت في براد وثلج وامطار وسحاب وليل
وكفوفٍ تلاقت بالدفا وتقول ذا حنّا

خيالٍ عانق القمرا وطاول في مداه سهيل
انا وش حالتي دونك ليا غاب الوصل عنّا

أقلك كيف احوالي - انا اللي مابقابه حيل
انا اللي مافرح لحظة غيابك عنه وإتهنا

انا مثل الكسير اللي وقف ثمّن حداه الميل
له غايه على المقصود ياصلها ويتعنّا

يبا عمره فطيب زهور واشجارٍ سقاها السيل
وغصونٍ تميل بشوق لاجيتي وتتدنّا

انا لك كيف ماكنتي ولا ارضى فيكِ التبديل
بكتب في هواكِ الشعر لجل فيوم يتغنّا

[نايف الشريف]

اقتباس المشاركة الأصلية كتبت بواسطة نايف الشريف ابيات ليست موجهه لشخص ما بوح فقط البااااارحه قابلت جرحي وهلّيت أهلاً بجرحي يوم قد كان فيّه ينشد عن أحوالي اذا أصبحت وأمسيت وإن كان حالي مثل ماهي هيّه طمّنته إني عايش إب خير ونسيت والقلب مسقي طيب وإزداد ريّه ماعاد انا اذكر شي مادمت صديت والشمس مالت وأصبح الوقت فيّه طبّي عَرفته يوم انا طبت واشفيت نفسي وإلها الحق مادام حيّه ظفري فكفّي وإبه انا الجلد حكّيت شيٍ ومنّي عاد بالنفع ليّه ياما عشان الحب والشوق اشقيت قلبٍ تَقَلّب بين هم خطيّه وياما على شان المواليف ضحيت خلّي عطيته عُمر وتزداد غيّه وياما على خدّي من الدمع صبيت دمعي كواني كي من فوق كيّه قلبي ذبحه الشّوق والعشق وأذّيت نفسي بحبٍ شفت انا له اذيّه واللي مضى ذكرى تقفّت وياليت ماراح يقفي قفيته دون جيه حاله فحال ودام انا فحال حليت احلى حياة تعيش حاله هنيّه

https://www.google.com/search?q=%D8%...id:26_20f7s1ho

[نايف الشريف]

حمدت الله على ماقد حصل لي
وانا ماني على المقضي مخيّر
اسير ولا معي دربٍ مدلّي
خلقني الله في امري مسيّر
افكر فالسنين اللي مضنلي
سنين إب طيبتي فيها معيّر
يعيّرني ضعيف الحالي باللي
ورثته بالفَخَر ماهو مغيّر
ياكيف اللي رعى القاعه مفلّي
يعيّر حُر فالعالي مطيّر
يمينه ناقيه في كل حِلّي
حلالٍ صافيٍ ماهو مبيّر
وانا من كثر ماقد هو حصلّي
بصد وعادتي لا ماتضيّر
مدام العُمر بسنينه مولّي
بنور الدين والصّبر آتنيّر

[نايف الشريف]

قلت لك هذا كتابي - قلت لك فرقاك عيد
لاحكيت القول انا ممسح ولاغيّر كتابي

قلبي أحياناً أعرّفَه أقسى صُلب الحديد
مايهمّنْ الخساير لو تِصَفر لي حسابي

المكاسب كود ترجع في حسابي من جديد
كود بنسى في هنايه ماكتبته في عذابي

دام انا ماشي بقرّب كل شيٍ لي بعيد
والرِكاب بحُر مالي مشتري خيرة ركابي

والزمن يمضي وحِنّا به نفيد ونستفيد
مرةٍ نشرب زلال ومرّه إنطارد سرابي

ومرّه إنداوي صويب الحال ونضمّد وريد
ومرةٍ أضعف ولا ادري كيف انا داوي صوابي

[نايف الشريف]

هذي السنه والحال غير ، مختلف عن كل عام
لو سألت الناس قالوا زاينٍ فالعين حالي

والمشاعر جوف نفسي لا ضجيج ولا زحام
ولا هموم ولا عنا واعصاب انا مرتاح بالي

والصحيح احيان ودّك تكتفي رد السلام
تبتعد عن قول منهو عاش في قيلٍ وقالي

وإتركه مابين ضيق وغل مع قلبٍ يضام
خلّه أسفل في مكانه وانت لك منزالي عالي

[نايف الشريف]

ماتهمّن الرسايل ولا تهمّن الطعون
لو تغيّر رقمك اللي نِعرفه إب نِعرفه

اضحكتني زلِتِك بالقول ياضعف اللحون
ليتك أخفيته جميع ولا تبيّنلي إطرفه

[نديم القصيد]

صح لسانك استاذي
قصيدة رائعة من شاعر رائع
تحياتي واشواقي

[نايف الشريف]

اقتباس المشاركة الأصلية كتبت بواسطة نديم القصيد صح لسانك استاذي قصيدة رائعة من شاعر رائع تحياتي واشواقي

السلام عليكم ورحمة الله وبركاته
ياهلا وغلا
نورت استاذنا الغالي
تشرفت بمرورك
وانرتنا بتواجدك
لك شكري وتقديري

[نايف الشريف]

مرت سنين الود وحنا واضحين
ماتغيّر نهجنا اللي نكتبه

ياكثر عَد الليالي والسنين
والعُمر لوهو كِبر مانحسبه

[*+* مـهــآآآآجــرة *+*]

نايف الشريف


متصفح ثري بمفردات جميله وبوح عذب


صح لسانك وسلم بنانك

دمت راقي الحرف

مهاجره