أنا بنشدك عن سر ياليل=أبانشدك عن سر السهر والمعاناه
لاغفت عيني دقايق من الليل=يزورني حلم ما عرفت معناه
لاسدل ستار الليل انا عشت في ويل=أسامر نجومه ويطري على البال ذكراه
أقضي سواد الليل كله تماليل=وفراش جنبي نسج من جمرة غضاه
وهجوس قلبي تندفع كنها السيل=أصد هاجس وستلم الي بعده وراه
الليل عندي كل ليله بألف ليل=يلبس نهاري بشت وليلي يلبس عباه
ما يعرف القمرا ولانور قنديل=مبهم سواده اّه ياليل المعا ناه
يلي على متنه تناثر شقر الجديل=أرحم خفوق نبضه كسر حناياه
أنت السبب بعيونك الي هدبهن مضاليل=وأنت السبب للقلب وأنت الي اشقاه
ياورده فوق الغصن بين خضر الخماليل=الماء ترك كل الغصون وغصنك اسقاه
بس أنتي العكس سويتي الويل=أشقيتي قلبي لحالي وتركتي سواه
هزيتي كياني وهديتي الحيل=وتركتيني كسير وخذي عصاه
معاد افرق بين درب العدل والميل=أرى دروبي كلها عوج يسرى ويمناه
أشكوى لغير الله مذله وتذليل=شكواي للي عالم سر قلبي وخفاياه
العرض العادي
