اعزائي منتسبي هذا الصرح الشامخ اردت ان اضع بين ايديكم مقتطفات شعريه من بعض
قصائدي ,,,
ارجو ان تنال على اعجابكم واطرائكم
(1)
خذني مشاعر صادقه خذني مشاوير ترحال=خذني دفا في برد الايام واحظني
خذني طفل ما يعرف اهات الزمن لامال=لملم جروح(ن) ضامها الوقت والهمني
(2)
رباااه يا عيونن ناظرني قبل ساعة غروب=ناعسات الطرف كسلا كنها تبي تنام
في محل اجوان صدفه ابتسم ظبيٍ لعوب=وصد عني بعد ماصوب جريحه بالسهام
لعنبوها كيف عينه لانظر تجرح قلوب=احوريآ كحل عينه خالقه رب الانام
(3)
وجه الزمان اللي رسومه تجاعيد=له كية وسط القلوب الجريحه
اركا على الميسم وزاد التناهيد =يال الزمان اللي يدينه شحيحه
بعض البشر عايش حياته بتنكيد=وبعض البشر عايش حياته مريحه
(4)
ياماري بزينه ترى الزين له حد =وان خلتك دنياك بتشوف حده
كل ما بغيت القرب نويت بالصد=غربلتني يابوك كل يوم صده
(5)
العيون السود ما خلت بي جهد=لعنبوها كيف تجرح ماتداوي
تستلذ الجرح ويطول السهد=وسلهمات العين مخلفت الهقاوي
واضطهاد الرمش للي مضطهد=كم رموشٍ راح باسبابه نداوي
(6)
لاتعتذر لي ما بقى لوم واعتاب= والله مالك في خفوقي مكانه
هذي ثلاث اسنين والجرح ماطاب=كل ما طعنته قلت يمكن ميانه
تخطي علي واقول له عذر واسباب= يمكن غلا ويشوف قلبي كيانه
استاذي الكريم (طع شوري)
كلماتك كالذهب مهما على فوقها الغبارتبقى مع الايام سلعة ثمينه..
وكالمطرمهما روى الارض سيظل الناس يفتقدونه ....
وكالبحر في موجه العالي يهابه الناس ولكنه يداوي جراحهم...
كل الشكر والتقدير ................................تقبل مروري المتواضع
الله يعطيك العافيه يا ولد حرب
ابيات في قمة الروعه
ونا تراودني فكره حول فكرتك
ووالله ان الشاعر ينزف القصيده نزف
وهذا التعب يستحق التقدير
بكل صراحه قمة الشاعريه في ما اخترت وانت غني عن الاشاده
ولك قصايد جدا جميله
استاذي الكريم (طع شوري)
كلماتك كالذهب مهما على فوقها الغبارتبقى مع الايام سلعة ثمينه..
وكالمطرمهما روى الارض سيظل الناس يفتقدونه ....
وكالبحر في موجه العالي يهابه الناس ولكنه يداوي جراحهم...
كل الشكر والتقدير ................................تقبل مروري المتواضع
الشكر لك انتي على هالمرور الرائع ,,
حضورك اسعدني , لاعدمتك
فدعمكم وحضورك الجميل , وتواجدكم العذب
هو مما يعطيني الدافع للاستمرار في هذا الصرح الشامخ ,,,,