اسعد الله اوقاتكم بكل خير
لجمال هذه القصيدة الحكيمة احببت ان الشعراء يطلعون عليها
وهي من قصائد شاعر الجزيرة الشاعر/ علي محمد القحطاني
والحقيقة بحثت عنها فترة طويلة
تقول:
تعبنا وضحينا على شان بعض الناس=وياليت بعض الناس يستاهل التقدير
ترى كم خلق ربي صور ناطقة واجناس=على عكس معروفك يجازوك بالتقصير
ومن يعترف لك بالوفاء خدمته لاباس=بلاك الذي يشرب وقط الحجر في البير
ومن عاش بالحيلة توفاه بالافلاس=ومهما رسم ضدك حيل مالها تاثير
وبعض العرب قربه من العز نوماس=سليم النوايا صادق القلب والتعبير
على كل حال الشاعر الملهم الحساس=يرى في سلوك الناس مالايراه الغير
على قدر مايمكن تبعد عن الدساس = ترى الارض لازالت.. ولازالوا أهل الخير
علي محمد القحطاني