ثلاثة أيـآاآم ..’
مرت بترقب و خوف ولكن الحمدلله على كل حال ..
الصدمة بالنسبة لنا أهون من صدمة الممرضةأمس ياقلبي عليها وربي حبيتها لحرصها وخوفها وأمانتها بشغلها ..’
أحياناً نقابل ناس نشوف إهتمامهم بوظيفتهم وأنها أمانة ومسؤولية بأعناقهم مو مثل غيرهم يبغى يخلص شغله بسرعة ومايهمه اللي صاير ..
قد ايش أمس حسستنا أنا وأمي إنها تستاهل هالمكان وإنها أهل للعمل بهالشئ وكلامها الله يسعدها ويفتح لها أبواب الخير ..’
وربي حسيت إنها طيووبة مرررة وأخلااااق بالرغم إنها جايه من كندا وتشتغل بغير بلدها وجالسة تصبرنا فديتها الله يكتب لها الأجر أول مرة أشوف إنسانة كذا خدوومة ..
المشكلة إنها تأخرت على المرضى وتتعذر مننا إنها أخرتنا على موعدنا الثاني تقول آسسفة قلنا بالعكس الله يجزاك خير ..
بالرغم إن اليوم اللي قبله الدكتور اللي مسؤول عن حالة أمي يكون هو الحريص ويشوف المشكلة لكن تجاهلها لولا الله ثم الاخصائي اللي نصحني بأخذ موعد لأمي كان ماغيروا لها ولاشئ واستمر الوضع على ماهو عليه ..’
بس بجد أخروونا أمس بس عشاان يعرفوا هالسبب من مين وليش الدكتور ماشاف الحالة واستغربوا من اللي حولنا لهم في النهاية أنا اللي طلبت لان الاخصائي طلب مني وقالي لاتأخذين على كلامهم لانهم مايمشوا إلا بالأوراق وبالفعل هذا اللي لاحظته وتنصدم لما تشوف ناس بهالأماكن ويتكلموا بطرف خشمهم طيب أنت وظيفتك هذي وماجيت إلا وتخدم الناس وهم يجونك بأسلوب وتجي تغلط عليهم أنا مررتها لإني ماأحب أسوي سالفة لكن أخوي والله ماسكت وراح لموظف واشتكى على منسقة المواعيد وكلمها الموظف واعتذرت طيب إذا أنتي مو قد ضغط العمل اتركي وخلي غيرك من اللي يتحملوا مو تطلعي حرتك بالناس وهم ماجووا هنا إلا لسبب حدهم عليه ولاماكان شفتي وجوههم ومفروض الابتسامة تكون واجب عليك لان هالأماكن اللي حاطينك فيه ناس تعبانين نفسياً غير الألم الجسدي يعني أنا مرافقة لأمي طيب لو كانت المريضة اللي جتها وش بيصير بحالتها بجد صدمة حراام عليهم ..’
بس موقف الممرضة اللي أمس أخلااااق ويكفي إنها متغربة حسسني إن الدنيا لسى بخير وتابعت حالة أمي مامشت الموضوع حولتها لرئيسة الممرضات حتى تكمل شغلها مع بقية المرضى وتخلص من مريض وتجي تشوف وش صار علينا وتتعذر ياحياتي عليها وربي .. لدرجة ساعتين وأنا أنتظر واقفة تعبت وقلت لرئيسة الممرضات أروح الاستراحة قالت لا معليش انا اغلب المرضى اقولهم انتظروا بالاستراحة الا حالتكم أنتظري هنا لين شافوا الحالة والدكتور الله يسعده ماقصر بجد بس اللي أثر فينا أنا وأمي الممرضة أول ماشافت أمي تنزف دم أنصدمت لاشعوري خافت فقلت لها أنا ترى هالشئ حصل الخميس وجبناها للطوارئ ولاسوا شئ وقالوا الدكتور هو بيعالجها وانتظرنا للسبت ولاصار شئ والمفروض الورم يتغير بشكل يومي عشان مايلتهب ويسبب لها أضرار لكن كل واحد يرمي على الثاني لين غيروه أمس ووقفوا النزيف الحمدلله والحمدلله ماتأثرت حالتها مررة ولانزفت كثثير صح يمكن سبب لها دووخه بسيطة بس الحمدلله ويكفي إنها كانت تصبرنا وتقول لأمي ترى هذا إمتحان وإبتلاء من الله أنتي ادعي واصبري الله يسعدها بجد لو كل الممرضات والممرضين زيها كان حتى المريض اللي شبه ميؤوس من حالته بترجع الحياة له لكن مثل مايقولون أصابع يدك مو مثل بعض والحمدلله ثم الحمدلله ثم الحمدلله على كل حاااال ..
والله يشفي والدتي ويشفي جميع مرضى المسلميييين يااااااارب ..’
قلق عشته الخميس مايعلم فيه إلا الله لدرجة نومي كله كواابيس من اللي حصل بس الحمدلله ..,
العرض العادي
