طِريح الحزْن ناحت قوافيـه ياويـلاه=يردد صداها نايِِح الـورق مرواسـي
جريحٍٍٍ تهذري دمعة الوجد فـي مغنـاه=طواريق مسحوبه ِكوت ناعم حساسـي
يهز الفـواد الـي تعّـذر علـي دواه=وفّرقً رموش ضّمها الليـل بنعاسـي
ِحسيبه سري بالموت في ديرتي ممساه=يسيّر علي قلبي مع الوجـد نسناسـي
تركني طريحٍ حسرتي اعتزي وانخـاه=ترفّق جروحي تحت لضـلاع بقياسـي
انا والحزن قصّه وسط عالـمِ ماقـواه=بعيدٍ عن عيون الملا غصب مجلاسـي
اباري همومي والفكر يبتعـد مسـراه=حشي مارجيته داري الفيد وسواسـي
اذا هزتك ذكراي قـل جودهـا يمنـاه=يحب الوفى طبعه خوي كـل نبراسـي
تحملت جرحٍ ماهقيته يطـول اعـواه=ولا يزعج الاهات تقطع لـي انفاسـي
واخيل الصبر مقفي علي مستحث خطاه=لما قلت له خذني رقـا كـل قرناسـي
ظلمني الامل ثم اظلمت به علي دنيـاه=فنوّخت حظّي في طرف دمعة فلاسـي
ياسامعين القـاف قافـي انـا مغـزاه=لايجرح السالين مير اكتـب حساسـي
خفـوقٍ خلقـه الله للمبتلـي يـقـراه=لايسمعـه خـلٍ ولا يشتكـي الباسـي
ولا ينشكي حالٍ علي غير من سـواه=الاه خلق في الناس اصناف واجناسـي
العرض الشجري
