|
... انتحار الاحلام اخر الليل ...
السلام عليكم ورحمة الله وبركاته رجعت لكم معي رواية من ذوقي واتمنى تعجبكم ...انتحار الاحلام اخر الليل ... الكاتبه : فتاة بلا ألم الى تلك القلوب الثكلى ..والمشاعر اليتمى.. الى من تتخبط في امواج الحب والاوهام تبحث عن قارب يقودها الى بر الامان الى من بنت حلما وزرعت وردا بين اشواك ثم اتى اعصارا يقضي على مازرعته سنين لك تحصد رماد خلفها حلمها... الى من حلمت وتعبت ثم تبخرت احلامها بحرارة الشمس ولم تكن الا حبات ندى جفت ورحلت وتركتها خاوية بأخر الليل تنشد حبا وحلما..اليكم ياقرائي بعض من احلامي وتذكروا..بلا الم مشهد خارج اسوار القصة في اخر الليل خرجت متخفية الى الحديقه وتحت ضوء القمر قررت ان تبدا حياة جديده اخرجت سلاح اخيها التي تحتفظ به من زمن .... ووضعته على عنقها واغمضت عينيها بقوة ثم تذكرت من جلب لها المتاعب والالم ووضعته على قلبها نعم هو من جعلني اعيش هكذا سابدا به هو من يموت أولا ...ضغطت على زناد السلاح بارتجاف وهي تسرد احلامها وامانيها امامها سمعت صوت صراخ من بعيدا .......احلام ... اجننتي ...اتركي مابيدك ثم ركض بسرعه لينزع السلاح منها تاملته بنظره مودعه وقلت بصوت متحشرج باكي ... لافائده ستموت احلام وضغطت على الزناد بقوة لك لاتتراجع .... وتنطلق تلك الرصاصه الطائشه وتستقر بقلب احلام بقي مصدوما امامها فهرولا مسرعا بلا وعي وحملها بيده والدماء قد لطخت جسدها وانثرت في ارجاء الحديقه ...لتبقى اثارخالده لاحلام نفضها بيدها وهو يحاول ان يستعيدها الى حياته احلام ...احلام ...احلام ارجوك اسمعيني رفعت عينها والتقت الأعين اللقاء الأخير ثم قالت لافائده مني وعش حياتك بدون احلام ســـــؤال....لماذا انتحرت احلام هنا ...وهل انتحارها كان نابع من عقل واعي وهو هل كان يعلم انه يوم سيعيش حياته بلا احلام وأي احلام انتحرت هنا اهي احلام القتيله ....ام احلام القاتله ....ام انها احلامهم جميعا احلام زوج بنى حياته بحبها واخلاصه لك ينج ثمارا .... ام احلام الاب تمنى عند اول صرخها لها في الحياة ان يراها عروسه وان يزفها بيدها الى زوجها ام احلام اخ تمنى ان يسمع كلمه خال ينطق بها هذا طفل وهو يجري خلفه ام احلامها هي عندما قررت ان تنهي حياتها بتلك الطريقه ...وتنقل الى حياة اخرى تريدها وقــــ...ـــفـــ...ــــة قد تقفون عند قصتي وتسالون مع علاقه هذا بذاك ومادخل الاحداث ببعضها ساجيبكم وقتها لاحقا الـجـــــــــــزء الأول "بـــــــداية الأحـــــلام " في شمال المملكه ومع غياب الشمس وبين شموخ الجبال ورمال الصحراء تبدا احداث قصتي قامت وهي تنفض الغبارمن تنورتها ... " هاااااه يمه وش رايك" ام راشد.." والله يابنتي انك غاويه تعب ماله داعي هاالتعب بكره ان شاء الله حنين جااايه وجابه لك هديه لعيد..." رحمة .. " الله يهديك يمه لي ساااعه اخيط بها البلوزه واعدل فيها واخرتها تقولي حنين تجيب لك هدية العيد..." ام راشد ..." وانا صادقه ضيعتي وقتك وانتي تخيطي والنهار راح واحنا ماخلصنا شغلن"ا رحمة ..."يمه انتي عااارفه ان حلات العيد الصباح وحنين ماراح تجي الا بعد الظهر وكذا العيد انتهى بنسبه لي .." ام راشد.." والله انتم البناااات ماينعرف لكم" وقامت العجوز وتمسك بعكازه.."ا انا رايحه انام وانتي روحي تاكدي من شبك الغنم لا يكون فاتح وجهزي ملابس ابوك الي يروح فيهن صلاة العيد ..." رحمة ... ان شاء الله يمه وقااامت تتفقد الغنم .... وتشيك على البيت وتجهزاغراض ابوها حتى اسدل الليل ستاره..واشرق يوما جديدا... في الصبااااح وقبل شروق الشمس ابو راشد وهو يبعد الحاف " اصبحنا واصبح الملك لله" ...ومسك العكازومشى رحمه وهي داخله الخيمه وماسكة جك المويا "هلا يبه هذي المويا دافيه جهزتها لك" ابو راشد الله "لايرحمني منك ...يابنتي " قاااام وتوضا وصلى وجلس على سجادته و هو يدعي لرحمة ابتسمت رحمة يوم شافته يرفع يده ويدعي لها وبقت واقف مكانها تؤمن على دعائه وبعد ماشااافته انتهى من دعائه قامت تشب النار وتجهز القهوه والشاي وجلست طالعت ابوها وامها ركبوالسياره وراحو يصلو صلاة العيد مع المسلمين اغمضت عينها واسندت راسها على عمود الخيمه وهي تسرد شريط حياتها قدامها ابتسمت بالم وتذكرت ان عليها تجهز الفطور وتستعد لضيوف قامت تخلص شغلها ونست الوقت مع الشغل شافت سيارة من بعيد وطااالعت الساعة.."اففففف شكلهم جوا وانا ماخلصت شغل"ي ام راشد وتنزل من السياره "رحمة .... رحمة ".... رحمة ..."هلا يمه وش بلاك" ام راشد وتضحك كعادتها ..."كنت ابي اعيد عليك قبل ابوك " ابتسمت رحمة وحبت راس امها ..."من العايدين " ام راشد .. "من الفايزين ... وكملت ...في الدنيا والاخرة" رحمة وبعد ماسلمت على ابوها "هايمه ابوي جهز الذبيحه " ام راشد ...."ايييييه بس ينتظر واحد من العيال يجي ويذبحها ..... وتنهدت "تعرفي ابوك الكبر مايساعده رحمة وطالع لسيارة الجايه من بعيد وتأشر بأصابعها .... "يمه ماكنا هذيك سيارة ابو فهد " ام راشدوتنهدت بسعادة .... "ايييييه بالله ..الحمد الله" نزل ابو فهد وزوجته ....وقفت بعدها سيارة فهد ونزل منها هو واخوه فايز دخل ابو فهد وعياله يسلم على ابو راشد...ام فهد بعد ماسلمت على ابوها دخلت عند الحريم ام فهد ... "هلا يمه وشلونك" ام راشد تحظن بنتها ..".هلا فيك يابنيتي وقامت تسلم على بنتها وتحضنها" رحمة بابتسامه ناعمة.." وانا مالي شيء" ام فهد وهي تسلم عليها "لا تخافي الحين تجيك حنين وتنسينا معاها" ام راشد ... "الله يجبهم بالسلامه" دخل فهد وفايز يسلمو على جدتهم فهد ..ويسلم على رحمة ..." وشلونك يا رحمة .... تقبل الله منا ومنك صالح الاعمال " رحمة ... "هلا فهد ... اجمعين ان شاء الله " فايز ... "كل عام وانتي بخير ياخاله" رحمة وطالع فيه بنص عين وتقول بنفسها خل خلت عظامك ان شاء الله ...وبدون نفس "وانت بخير" ام راشد وهي تحط يدها وراى ظهر فهد .. "يللا ياوليدي النهار راح واحنا ماذبحنا الضحيه" فهد ويتااافف .." كل سنه انا الي اذبحها ... انتظرو يوم يجي ماجد" رحمة ... "وليش نتظر ماجد وفايز موجود وطالع في فايز ....اظن فايز قدها" فايز ويضحك .... "تنكتي قاعده مابقى غير اذبح الضحيه" فهد ..." يااخي اترك الخكرنه شوي وتعال ساعدنا ....وبعدين ماجد ماراح يوصله و واهله الا الظهر.." فايز "وش دخل ماجد وبعدين ريح راسك ماني تعبااان في كشختي علشان احوسها" ومشى عنهم وتركمهم فهد وهو يربط ثوبه على خسره "يلا رحمه هااااتي السكاااكين وتعالي" =============***============ في العاصمه الرياض.....وبيت ما بنيها الضخمة وشوارعها المزدحمة وداخل هذا السور الي يضم ثلاث فلل" الاولى ابو نواف وعايلته ام نواف نواف 24دلال 20وداليا 19وفارس 17 دانه 5 والثانيه سعود 30وامه ورغد 20ورهف 14والاخير والمييزه بصغرها وبطوبها الاحمر كانت فلة خالد 26واسامه 26وساكن معهم فيصل25 اخو سعود " ( ) ) جالسة وهي متملمه "اففففف وش هالعيد والله عيد جيرانا احسن من عيدنا" فرحت يوووم شافت عمتها ونقزت من مكانها بسرعه "هلا عمتي ...كل عام واتني بخير" ام ريان ... "وانتي بخير يابنتي" .... رهف بحزن "لييييه ريم ماجت معاك" ام ريان ... "والله رفضت تقول انها ماراح تستأنس واسامه ماهو موجود" رهف وترمي بنفسها على الكنب بضيق...." يوووووه..." ام سعود وهي نازلة من الدرج .... "هلا والله بمن زارنا "وتقوم تسلم على ام ريان ام ريان "وين البنات والعيال ماني شايفه احد " رهف وتسك على اسنانها من القهر ...وتمسك اصابعها وتعد "رغد ودلال وداليا نايمات وماراح يصحنا الا اذا جت ساره ...وسعود وعمي ابو نواف راحو يجيبو الضحيه من المسلخ وعمي خالد نايم وعمي اسامه مسافر وفيصل وجوده مثل عدمه ونواف راح يعيد على اصحابه والخبل فارس قاعد يلعب بالطراطيع وانا ياحسرتي جالسه بروحي.." ام سعود" حشا ولا نشرة اخبار ....سكتي ورحي جيبي الحلى من الثلاجه خلي عمتك تتحلى" رهف ... "والشغاله وش فايدتها" ....ونادت بصوت عالي "زهره ....زهررروه " زهرة تهز راسها ...".نعم ...ماما" .. رهف ..."امك بعينك ...بسرعه جيبي الحلا الي في الثلاجه" ام ريان ... "الله يهديك وش فيك من الصباح معصبه ترانا في عيد" رهف ..."عارفه وهذا الي معصبني يناس ابي اعيد مثل خلق الله " زهرة وهي تقاطعها.." ماما حلاوه " رهف خلاص "حطيه ورينا عرض كتافك " زهرة ..."ماما انا في ابي اروح اعيد على صديق مال انا" رهف وهي تنقز بسرعه "من صديقك الي ودك تعيدي عليه ".... ام سعود "بسم الله عليك وش بلاك هذي شغاله ابو عبدالله جارنا " رهف وهي طايره من الفرح ..."طيب انتظريني ماما زهرة نروح نعيد سوى" ام سعود ...."وين رايحه سعود الحين يجي ويفضحني لو عرف انك عند جيرانا " رهف وهي لابسه عبايتها وطالعه مع الشغاله .... "عاااادي اليوم عيد ومايقدر يضربني " ام سعود وهي تضرب كف بكف بيدها ...." البنت هذي بتخبلني" ام ريان ..." والله وش حلاها ...ومعدين لاتواخذيها مافي احد بسنها في هالبيت كلهم اكبر منها =============***============ في الأحياء القديمة وداخل إحدى البيوت الشعبية.......جالسه ام محمد مع بنتها فرح وكل وحده همومها اكبر منها ام محمد وهي تشوف بنتها الي توها على الهموم "16سنةوالدنيا ضايقه عليها وهي مابيدها شيء غير ان تدعي ان الله يفرجها عليهم ام محمد وتسمع دق على الباب .." قومي يافرح افتحي الباب" قامت فرح وزفرت بتعت وقبل ماتفتح الباب سألت.." ميــن" رد بصوته الطفولي .."انا ولد جاركم " فتحت الباب فرح وقطبت وجهها وهي تشوف الي بيده الولد.." امي تسلم عليكم وتقول تفضلوا" ...... ويمد يده بالكيس اخذت فرح الكيس وسكرت الباب وراها ام محمد" مين يافرح على الباب" فرح بحزن ....."هذا ولد جيرانا جايب لنا كيس لحم " ام محمد بفرحه ما قدرت تخفيها " والله فيهم الخير والبركه من زمااان ماذقنا اللحم " يدخل محمد وهو يفرك عيونه من النوم ..."يمه ليه ماصحتيني ...اليوم عيد " ام محمد وماعرفت وش تسوي وهي ناااويه ماتصحي أولادها ام محمد "روح نااام ياوليدي لسه الوقت بدري " محمد" بس الشمس طلعت وانا ابي اعيد اول الناس" ام محمد "خلاص يامحمد روح نااام .... الدنيا بدري" فرح باستغراب" لييييه يمه خلتيه يرجع ينااام " ام محمد" ويهون عليك تشوفي الفرحه ناقصه على اخوانك يكفي ان حتى ملابس العيد ماشترينا لهم” فرح "عاااادي يمه ملابس عيد رمضان الي فاااتت حلوه ومالبسوها غير مرتين" ام محمد وتمسح دمعه غصب عنها نزلت "مااابي عيالي يحسو انهم اقل من الاخرين يكفي ان فرحتهم ناقصه من دون ابوهم " فرح وحبت تغير الموضوع ..".طيب يمه متى نروح نزور ابوي في السجن" ام محمد وتنهدت "روحي انتي واخوانك انا ماااني رايحه" =============***============ الظهر شافت سيارتهم جايه من بعيد وابتسمت بسعاده وهمسة بنفسها .." واخيرا مابغت تجي" حنين وقبل ماتنزل من السياره عدلت نقابها وطالعت بنفسها بالمرايا طالعت فيها اختها رنيم ... "ليش هالاهتمام مافي احد غريب " حنين عارفه تعليقات اختها .... "اظن حتى انتي ماقصرتي بحالك " رنيم وتضحك بسخريه ...."لاتقارني نفسك فيني" ....ومشت عنها والغرور نافخها حنين وتسلم على رحمة..."هلا والله بالغاليه والله اشتقت لك " رحمة .."والله انا اكثر.." وضحكة بهدوء.. "ماشاء الله عليك سمنتي" حنين ..."لاسمنت ولا شيء" ...وتمسك يدها "وانتي ماشاء الله عليك مبيضه " رحمة وتضحك ... "الله يعز كريمك الواقي" حنينوفتحت عينها على الاخر "الله ياخذ إبليسك ليكون خلصتيه" رحمة وتحاول تمسك ضحكها ... "واحد قالك انك تنسيه" حنين ...."تعرفيني دايخه ...كان خلتيه لي تراك ماتحتاجي واقي ماهو مثل حالي ....والله شكلي بصير أفرقيه" رحمة ...."حرام عليك حتى الافارقه وقتها راح تتبرا منك " حنين ...."الله ياخذ عدوك الحين انحرقت في الشمس وانتي تسولفي لي خلينا ادخل اعيد على جدي " رحمة ..."روحي بس حطي بالك ترى فهد وفايز وابوهم كلهم موجدين " حنين وتقرب منها وتكلمها بصوت واطي ...."من متى هم موجدين" رحمة ....من الصباح وفهد الله يطول بعمره هو الي ذبح الضحيه حنين "ومين معااااه" رحمة ...."لاتلفي ودوري انا عارفه ودك تسالي عن العلة فايز .....تراه ماحط ايده بشيء " حنين "حرام عليك يمكن الرجال تعباااان بكشخته وانتي وفهد ودكم تخربوها له " رحمة ..".اقول خلينا نمشيء ولو فضى بيت الشعر من الرجال روحي عيدي" =============***============ العصر تجمعن في الخيمه ام راشد وام فهد وام ماجد وبناتها ورحمة ام فهد "تعالي يارنيم واجلسي عندي والله مشتاقه لسواليفك " رنيم بدلع وغرور .... "والله حتى انا ياعمه" حنين ورحمة يطالعن بعض واقشعرت أجسامهن من دلع رنيم ام ماجد ... "رنيم ماكانت تبي تجي بس يوم درت انك راح تجي غيرت رايها وجت" ام فهد ... "والله العيد مايحلا الا برنيم" رنيم وتحب راسها "تسلمي ياعمه " حنين وحست بالغيره من اختها وان الكل مهتم فيها على الرغم انها هي الكبيره ومحد معطيها وجه ..وخنقتها العبره وكتمت الغصة .. ام ماجد" ماشاء الله على رنيم شاده حيلها في الدراسة ماهي زي حنين دوبها السوالف " ام فهد "طالعه على عمتها ...والله يوفقها ونفرح فيها" رحمة وحست بحال حنين ....."اقول يمه انا رايحه انا وحنين عند ابوي تامري شيء " ام راشد ... "سلامتك يالغاليه" رحمة وتمسك بيد حنين وتقومها.." يللا حنين المجلس فاااضي" رنيم ..."طيب خذوني معاااكم " رحمة ...."لا انتي خليك عند عمتك الغاليه " طلعت حنين من الخيمه وهي تمسح دمعتها رحمة ..".ايش فيك كل ما طقوك بكلمه نزلتي دمعتك " حنين" انتي ماتشوفي كيف امي تمدح رنيم ولاكني انا بنتها وتراعي شعوري " رحمة ..."ماعليك امك متقصد شيء " حنين ..."لا انا عارفه امي دائم هذا كلامها وهي تحب رنيم اكثر مني علشانها هي حلوة وتشبها ودائما تفتخر فيها" رحمة "طيب حتى انتي حلوة " حنين وتمسح اخر دمعه لها ...."لا تضحكي علي انا عارفه اني ماااني حلوه وماحد مفكر في" رحمة وحزنت على حال حنين ....".اقول وش رايك نطلب ابوي مفتاح السيارة ونروح نتمشى فيها " حنين وهي طايره من الفرح وبسرعة تجددت النفسية ..."يااااليت خلينا نغير جو" رحمة وهي تمسكها من يدها وتدخل بيت الشعر وقبل ماتدخل تتراجع ..... "طيب خلينا نتفق" حنين ..."لاتخاااافي ماابي اسوق اخاف يصير فينا مثل العام " رحمة "خلاص انا الي اسوق بس تزعجيني ياويلك " حنين "اهم شيء لاتسرعي وانا ماازعجك " دخل بيت الشعر واستغلن ان بيت الشعر مافي احد وحاولن في ابو راشد وفي النهايه وافق انه يعطيهن مفتاح السيارة =============***============ جالسات على الطاوله في الحوش وصوتهن واصل الشارع...بين تعليقات ومزح وضحك دلال :" الله ياخذ إبليسك يا رهف ومالقيتي غير زهره تروحي معاه كان اخذتي ريتا ولا ميري" رهف .."لا زهره احسن على الاقل مسلمه وتعرف العيد" رغد بتوعد "اقول رهف لو تعدي حركتك هذي ماتلوم غير نفسك سامعه " رهف ..."ياسلام كيفي لو اعيدها وبعدين زهره تبي تعيد على صديقاتها الي في المستشفى وشكلي ابي اروح معاااه" رغد "والله لو تسويها كااان سعود يذبحك " رهف ...."ياهالسعود الي علتوني فيه " وشوي سمعن صوت برا وبسرعه تغطت دلال وداليا سعود وهو داخل : "كاني سمعت احد حش فيني " رهف وتقوم من مكااانها ..."اييييه هذي داليا ساعه وهي طايحه فيك " سعود ويطالع في داليا "كل عام وانتي بخير داليا" داليا والدم تجمد بعروقها والارتباك واضح عليها "وانت بخير" رهف ... "قولها عيب تحش فيك تراها ماغير تسب فيك" سعود ويقاطعها ..."خليها تاخذا راحتها" داليا ... "والله اني ماقلت حاجه عنك هي الي بس تسب فيك حتى اسال البنات " سعود وهو ماااشي" مايحتاج اسال " رهف وتحط رجولها وتدخل الفلة داليا وترمي نفسها على الكرسي .... "حسبي الله عليها الحين وش يقول سعود عني " رغد ... "ماعليك سعود عارف رهف " دلال وتسمع رنة جوالها وتاخذه ...."هلا ساره " ساره "اهلين ... انا عند الباب... تعالي " تدخل ساره وتسلم على البنات وتجلس ساره وتنفض شعرها بيدها ..."الحمد الله ريم ماجات " دلال ..." فكه منها اصلا هي ما تجي الا لـ اسامه " سارة وطالع بداليا وتشر بأصبعها... "هذي وش بلاها من يوم ماجت مانطقت " رغد وتتمسخر عليها ..." اخذة تهزيها من الحبيب " سارة باستغراب "مين الي فاضي حتى في العيد يهزأ " دلال بنقمه "ومين غيره سعود الي التهزي عنده بالمجااان" ساره .... "وع مالت عليه مدري وش عجبك فيه ....رجال عمره ثلاثين سنة والشيب مالي راسه وفوق هذا مايفكر بالزواج " رغد بزعل .."حرام عليكم اخوي صح انه عصبي بس والله طيب " دلال ... "لا تلوميها توها مراهقه ومافتحت عينها على الدنيا" داليا وتقوم "اولا انا ماني مراهقه ثانيا كلامكن هذا راح احطه باذن رهف وانتن عارفات مين رهف" رغد بتوسل "الله يخليك سكتي بعدين سعود مايخليني اجي عندكم " دلال ..."ترنا نمزح ومابينا هالفتنه " ساره .."علتونا في سعود .....وخلونا ندخل جوا احسن" =============***============ على الغروب ماشيات في السيارة وحنين كل شوي تترجاه ماتسرع وتخفف السرعة وفجـــأة وقــفة السيارة وطفى المحرك ... حنين "وش فيك وقفتي الشمس غابت واحنا وعدنا جدي قبل ماتغيب الشمس " رحمة وتنزل من السيارة وتفتح الكبوت "شكل السيارة خربت" حنين وتضرب يدها على صدرها ...."من صدقك انتي" رحمة بعصبيه "اجل فاضيه انكت " حنين بخوف .... "طيب والحل كيف نرجع" رحمة بروده .... "ماراح نرجع راح نااام هنا " ....ودخلت السيارة حنين وصوتها مخنوق من البكى "كله منك مسويه نفسك سواقه وانتي ماعندك سالفه" رحمة وحست برودة الجو ونزلت وجمعت حطب وشبت النار.... "لاتخافي راح يفقدونا ويدورو علينا" حنين وتنزل من السيارة ...."وقتها مين يفكني من ماجد والله غير يشرتح في " رحمة"بلا دلع وتعالي اجلسي عندي على النار الجلسة ما تتفوت" حنين وتمسح بكفيها ببعض "الجو بارد " رحمة وتلم عابايتها على نفسها .." قربي من النار وتدفي" حنين "تصدقي ابو متعب اخذ فينا اجر يوم منع سواقه الحريم " رحمة وتضحك ...."بس شكلنا تمردنا على القانون وشوفي وش حالنا " وجلسو على النار ينتظروا احد يساعدهم =============***============ في الاستراحة كان الاصوات عاليه بين تصفيق وصفير وكلام طاير بين الفرقين تركي وهو يرمي يدا البلاي ستيشن .... "يلا وليد خلينا نكمل السهرة في البيت" وليد ..."لا التحدي مع الشباب مايتفوت وخلينا نغيرعن حكرة البيت " تركي ..."عن اذنكم شباب انا طالع " .... ومشى تركي وبسرعة لحقه وليد وليد "ايش فيك لاحق على البيت ولا اريام متصله عليك" ... تركي ... "لاماتصلت بس مقدر اخليها بروحها اكثر من كذا " وليد ... "طيب كااان وديتها عند امي تراها تفرح بجيتها" " |
تركي ... "والله عارف بس تعرفها ماتقدر تستغني عن الانترنت " وليد ...."يااخي لاتخليها تجلس كل الوقت هذا على الانترنت انت ماتخاف عليها" تركي .... "الحمد الله واثق فيها وبعدين ماتلام مالها احد تعرفه " وليد ...." بس ماهو لهدرجه عابده الجهاز عباده " تركي ويضحك ..."ايش رايك تسمع هالكلام اريام يمكن تسمع لك " وليد بترجي .... "لاتكفى ... وقتها وش يفكني من لسانها " تركي "اجل امش معاي واترك عنك اللقافه =============***============ تحت ضوء القمر ..ودخل تلك الصحراء ...وعلى اصوات حشرات الليل .. طالعت في الساعة يخوف ...."شوفي الساعة عشرة وماحد جانا " رحمة "لاعاااادي انا قلت من الاول يمكن نام هنا " حنين بهلع .." انت صاحيه ولا مجنونة .." وتقوم وتركب السيارة وتسكر الباب وراها رحمة ضحكة على خوفها .... وراحت فتحت باب السيارة ودخلت وشوي لمحو نور سيارة من بعيد حنين بفرح "الحمد الله اخيرا فقدونا " رحمة ... وتضوي نور السيارة اشارة لهم ... "بس مااظن ان السيارة نعرفها " حنين .... "والله صادقه السيارة غريبة ... لاتضوي لها اخاف يشوفنا بروحنا " السيارة قربت منهم وقفت ونزل منها شاب حنين وتغمض عينها ...."ياولينا رحنا فيها" رحمة وتحاول انها تكون اقوى من حنين .... "لاتخافي ... تراني ماني سهلة " اسامة ...وهو يقرب من السيارة ...." السلام عليكم .... خدمه اختي " رحمة وتنزل من السيارة وعليك السلام .... "لو سمحت اخوي السيارة خربت ومانعرف وش بلاها " اسامة بستغراب .... "طيب مامعكم رجال " رحمة ...لو معنا رجال مكان هذي حالتنا " اسامة " وعارف طبع البدو ان البنت عادي عندهم لو تسوق بروحها " ... "احاول اساعدكم" ويفتح كابوت السيارة واحتار وش بلاها السيارة وفي الاخير فقل الكبوت رحمة ... "هااااه اخوي صلحتها " اسامة ...." والله ماني شاطر في السيارات بس اذا ماعندكم مانع اوصلكم على طريقي " رحمة بثبات تغطي فيه خوفها ...."لا اسفه مانركب مع غريب " اسامة بحيرة ..."طيب صعبه تبقي بروحك بظلام " رحمة "عاااادي متعوده " اسامة ...." طيب راح ابقى عندكم الين مايجي احد من اهلكم" رحمة بشهقه ...."لا وين جالس عندنا كمل طريقك" اسامة ....ويطالع فيها من فوق وتحت .... "خلاص انا رايح ... واظن ان المكان الي حولكم كلها عقارب" ...ويكتم ضحكته حنين وتنزل من سيارتها.... "لا خلاص روحنا ....انا خايفه " رحمة وتصرخ بوجه حنين ...." لاماراح نروح معاه "..... اسامة واحتار بينهم ..."تراكم ثنتين ومقدر عليكم وخليني اوصلكم على طريقي " رحمة بعصبيه .... "مشكور وياليت تكمل طريقك " انقهر اسامه من حركتها وركب سيارته وكمل طريقه حنين وهي تصيح من الخوف وتمسك برحمة ..."ياويلي شكلنا بنموت هنا ومحد درا عنا " رحمة وتحظنها ...."لاتخافي ....اكيد الحين يجونا" اما اسامه انقهر من كلام رحمة بس ماهان عليه يتركهن بروحهن ....وبنفس الوقت مايقدر يجلس معاهن ..... صك على اسنانه وضرب الدريكسون بقوة .... وجاء بخاطرة شيء ورجع لهن حنين ....وتاشر على السيارة .... "شوفي هذا الرجال رجع " رحمة ودقات قلبها زادة بقوة ...."قسم بالله لو يقرب منا لاعلمه مين رحمة " حنين وتسحب يدا رحمة وتحاول دخلها السيارة " رحمة الله يخليك خلينا ندخل في السيارة امن لنا" رحمة والشرر يطاير منها ..... "لا راح اعلمة كيف يحترم بنات الناس" نزل اسامة من السيارة واتجه لهن رحمة تسابقة بالكلام ...." خير ياخوي اشوفك رجعت " حنين وتتوسل له ... "الله يخليك ابعد عن طريقنا .... محنا ناقصين مشاكل" اسامة ويرمي المفاتيح عليهن .... "خذو مفتاح سيارتي ..ورحو وارسلو احد لي " رحمة وتمسك المفاتيح ..."بس صعبه نركب سيارة ماهي لنا " اسامة وحاول يتمالك اعصابه .... "يووووه انتي شكلك عجبتك جلستك هنا .... خذي المفتاح وشوفي طريقك" اخذت المفتاح رحمة وركبت السياره هي وحنين حنين وتسكر الباب "والله طلع ولد ناس " رحمة ماردت عليها وبسرعة نزلت من السيارة .... "يووووه انا مااعرف اسوق الاتماتكيه " اسامة استغرب من نزولها وبادرها بالسوال .... "ايش فيك لتكوني تبي تغيري رايك " رحمة بتردد.... "لا بس سيارتك اتوماتيكيه .... وانا مااعرف لها" اسامة ابتسم رغم عصبيته .... "لا تخافي ماتحتاج شطاره شغليها واتكلي على ربك " ركبت رحمة السيارة وشغلتها وكملت طريقها طالع فيها اسامه بتعجب وضحك من قلبه وركب سيارتهن رحمة وتضحك ..."ايش رايك ناخذ سيارته ونروح فيها وخليه يشبع بقرنبع ابوي" حنين ..."لا حرام عليك الرجال واثق فينا وبعدين.....".... رحمة وتقاطعها "لاتصدقي يالمجنونه بس سيارته مريحه " حنين وتفتش في السيارة .... "شكله رجال خكري طالعي السيارة كلها عطور" رحمة ...هههههه ....هههههه " الله ياخذ عدوك فضحتينا رجعي كل شيء مكانه" حنين ...."ابصم بالماية اذا مكان متزوج طالعي المدليه مرسوم عليها قلب وبداخله حرف R" رحمة ..."طيب وش دخلك متزوج ولا ماهو متزوج ....لايكون اعجبك" حنين وتسند راسها على المرتبه وبحالمية ... "من ناحيه انه اعجبني ..ايييييه ..... بس فايز غير رحمة .... "مالت عليك وعلى فايز" ووصل لمكانهم وخبراهلمهم بسالفة الرجال وراح فهد وماجد للمكان الي وصفته لهم رحمة ورحمة وحنين كل وحده اخذت تهزيه محترمه وصلو العيال لاسامة واعطوه سيارته بعد ماشكروه وماتركوه الا بعد مايروح معاهم ويسوون الواجب الي يستحقه =============***============ جالسة الإنترنت لها اكثر من ساعتين نزلت نظارتها من عينها وهي تفرك بعينها بقوة وقامت تسوي رياضه خفيفة لرقبتها... رجعت نفسها على الكرسي واسندت ظهرها ودارت فيه كم دورهوكانها تجدد نشاطها... ابتسمت يوم شافت اخوها داخل عليها تركي .... "بسم الله الرحمن ارحيم ....رحت ورجعت وانتي ماتحركتي من مكانك " اريام وتقوم بكسل .... "هااااانا قمت " تركي ... "طيب بما انك قمتي ... سوي لي شاي وليد عندي" اريام وترمي نفسها على الكرسي بملل .... "تعبانه المطبخ قدامك " تركي ورافع حاجبه .... "لا ايش رايك استلم البيت والمطبخ معاك " اريام بتسامه .... "ياليت على الاقل اخذ اجازه" تركي .... "خلاص انا رايح اسوي الشاي بس حطي بالك بدخل معاي وليد نسوي لنا عشى" اريام وتطير وكانها افعى لدغتها ..."كلششش ولا وليد بيحوس علي المطبخ " وبسرعه طارت لمطبخ ..... ضحك تركي على اخته و راح عند وليد =============***============ ثاني يوم الصباح ....قام اسامه من نومه بعد مانام عند ابو راشد ابو راشد.. "صباح الخير ياوليدي نوم العافيه ان شاء الله " اسامه ويلف ظهره يمين وشمال .... "الله يعافيك ياعم " ابو راشد... "ارتاح ياوليدي الحين رحمة تجيب لك المويا " اسامة... لاياعمي انا قايم .... طلع اسامة وهو يتفقد المكان اعجبته حياة البدو وبساطتهم فتح الحنفيه ومالاقى فيها مويا وشاف رحمة من بعيد وراح لها اسامة" لو سمحتي اختي الحنفيه مافيه مويا " رحمة ... "لحظة على بال ماشغل المطور" وراحت رحمة وسحبت الحبل وهي تحاول تشغل المطور بس رفض يشتغل معاها وبعدين اكتشفت ان المطور مافيه بنزين وعبتها واشتغل لها في اللحظه هذي كان اسامه يطالع فيها وهو مستغرب من حياة هذي البنت الي قدامه رحمة وتقطع سرحانه ...."اسفه تاخرت عليك " اسامة ويطالع فيها بدون وعي ..... ورحمة شكت بحالها قامت تعدل بغطوتها اسامة بتعجب.... "ماتلاحظين انك تشتغلي شغل مايناسب انوثتك" رحمة بصدمة من كلمته وبسرعة ردة .... "وماتلاحظ انك واقف معاي وقفه ماتناسب رجولتك" ومشت عنه ودخلت الخيمة وراحت تحط حرتها في حنين حنين .... "الله يرحم والدينك خليني اناااام .... تو الناس" رحمة ...." ماراح اترك غير لما تصحي " حنين وتاخذ اللحاف وتكوره على نفسها "مااااني صاحيه ... تفهمي " رحمة وتاخذا اللحاف وترميه بعيد عنها ..... "تصحي غصب عنك " حنين "عاااادي اكمل نومي بدون اللحاف " رحمة "طيب ترا والله اجيب المويا واكبها عليك " حنين وتقوم مفزوعه .... لاخلاص قمت ...النوم ينعاااف عندك" رحمة وتسوي نفسها معصبه .... "بنات اخر زمن ...ماينفع معهم غير العين الحمرا" =============***============ الظهر وبعد الغداء جالسين تحت بيت الشعر عن حرارة الشمس المحرقة ....والحريم بالخيمه المقابلة واصواتهم واضحه لهم ابو راشد .... "يعني انت ياوليدي ساكن في الرياض" اسامة.... "اييييه ياعمي واشتغل دكتور بالمركز الصحي الي في ديرتكم" ماجد.... "طيب غريبة المركز الصحي التابع لديرتنا بطبعة يقفل بالاعياد " اسامة ... "كلامك صحيح بس كانت عندي حالة ومظطر اني ماتركها " ابو راشد وبعد تردد... "طيب ياوليدي ماتعرف ابو ماجد راشد ولدي " ماجد ... "جدي الله يطول بعمرك وش دراه عن ابوي الرياض وش كبرها وعرضها " ابو راشد ... "والله من حسرتي على ولدي مااشوفه غير بسنه مره" فهد ... "صح اسامة جدي دايم يشتكي من رجوله وراسه وماهو راضي يروح المستشفى شوف لنا حالته" اسامة ...." والله مااقدر اشخص حالته بسرعة هذي بس خليني اجيب جهاز السكر والضغط" راح اسامة لسيارة وجاب جهاز الضغط والسكر ورحمة وحنين جالسات في الخيمة حنين وبصوت واطي ... "طلع دكتور ... واحنا ناوين نسرق سيارته " رحمة ... "الحمد الله انا ماسرقناها ولكان الحين اعطانا ابره مانقوم منها طول عمرنا" اسامه وهو يقيس ضغط الدم ....."عمي انت تاخذ دواء لضغط " ابو راشد ... "لا والله ياوليدي عسى خير " اسامة ...."خير ان شاء الله بس الظغط فيه هبوط شوي " ويطالع في الشريط السكر ... "بس نسبة السكر مرتفعة " ابو راشد "ياوليدي والله اني مااعرف هالامراض ......هي خطيرة " اسامة .."لا بس لازم تروح المستشفي وتسوي التحاليل لازمه" ام راشد وهي تولول..."ياويل حالي ابو راشد فيه الامراض هذي كلها اجل انا وش في " رحمة وتمسك يدا امها ... "وين رايحه يمه " ام راشد .... "ودي اخليه يقوس لي الضغط والسكر" حنين وتكتم ضحكها ... "لاياجده مافيك غير العافيه اجلسي لاتفشلينا مع الرجال " سكتن لا فشيله ولاشيء ماهو كل مره يجينا دكتور ..وانتي يارحمة دايم تشتكي من راسك خليه يشوفك" رحمة وتتخسر "هذا الي ناقص علشان يكبر راسه علينا " راحت ام راشد ولحقتها رحمة وحنين ام راشد "تعال ياوليدي قوس الضغط عندي والسكر والله البنات الزمن هذا يرفعن الضغط " حنين بتوسل .... "الله يسعدك ياجده لاتفضحينا" اسامة ويقوم "ان شاء الله مايكون فيك ياخاله لاضغط ولا سكر" فايز وحب ينفرز رحمه "اظن الي عنده رحمه تلقى فيه كل الامراض " ام راشد وهي طالع في اسامة ..."هاااه بشر ياوليدي " اسامة ... لحظة شوي ...لا تستعجلي ....وبعد ماسمع رنة الجهاز ... طالع الحمد الله نسبة السكر والضغط تمااام .." ام راشد الله يبشرك ياوليدي بالخير اسامة ويطالع في رحمة ... "مافي احد يبي اقوس له ضغطه" رحمة انقهرت ودخلت الخيمه فايز بضحك ... "يرحم ولدينك روح قوس ضغط رحمة ... دايم ضغطها مرتفع " فهد وهو يضربه على رجله ... "عيب وش هالكلام" ... جلسو الشباب مع بعض يقضون الوقت بالسوالف والتعليقات واسامه اخذ عليهم وصاركانه واحد منهم وفايز هو الوحيد الي ماكأنه موجود معهم وتفكيره سارح و كل شوي يطالع في الساعة وكانه مواعد احد ماجد "وش بلاك كل دقيقه طالع الساعه " فايز ارتبك "هااااه ولا شيء" سمعو رنااات جوال متواصله فهد باسفسار ... "جوالك الثريا" اسامة ويطلعه من جيبه ..." ايه احتاجه في المكان هذا.... ويوم طالع المتصل ابتسم ....واستذن من الموجدين ... وطلع يكلم بعيد رنيم وحنين كل وحد تسكت الثانيه علشان تسمع المكالمه رحمة ..."والله اهل العقول براحه وش يخصكن برجال" رنيم ... "شكله يكلم حرمه" حنين .... "سمعوا وش يقول " اسامة وقتها كان ماخذ راحته بالمكالمه ... "قلت لك يالغاليه العيد من دونك مايسوى" افففف كل هذا فيني .... خلاص لاجيت راح اعوضك.. والله انا اكثر بس ايش اسوي ضروف عملي" ومعدين ضحك ضحكه عاليه والكل انتبه لها واستحى وقصر صوته "خلاص .... اوعدك بكره ان شاء الله وانا عندك ... هاااه رضيتي " "يللا سلميني على امك "وورجع والابتسامة مرسومه على وجهه حنين .... "شكلها قالت له كلمة حلوة ورجع عقله ماهو معاه" رحمة وتحط يدها على جبهتا.... "شكلك بتغيري الموجه من فايز لاسامه " حنين وتغمز لها بعينها علشان ماتفضحها قدام اختها طالعت رنيم الساعة وابتسمت وطلعت عنهم رحمة .... "اشوفك فرشتي فراشك ....ان شاء الله ناويه تنامي" حنين وهي تتثاوب ...."على مااظن الشياطين هي الي ما تقيل ... وانتي خلتيني انام " رحمة ... "مالت عليك ياحبك لنوووم" وتركتها المره هذي بكيفها وطلعت برا الخيمه تتخلص شغلها طالعت شافت الكل نااام اخذت الغسيل وراحت عند الحنفيه تغسله ..... سمعت اصوات ماهي غريبه عليها التفت شافت رنيم واقفه مع فايز رنيم ... "هاااااه فايز ان شاء الله ماتخرت " فايز ويطالع الساعة "دقيقه وعشر ثواني " رنيم ... "الحمد الله يعني ماهو كثير " فايز ... "الله يسامحك انا قاعد اعد الدقايق والثواني لاجل شوفتك ...وانتي تستكثريها علي " حنان بدلع ...."حرام عليك حتى انا " فايز "الله لايحرمني منك " اخذت غسيلها وهزت راسها وضحكة بنفسها ضحكة اشمزاز على حالهم كلهم بنفس الطينه وتلومني ليش اكره الرجال.... الله يكون بعونك ياحنين حطك القدر بين ناس ماترحم =============***============ جالس بغرفته بروحة مل من حياته صار شبه انسان ضغط بيدينه بقوه وهو يتذكر الحادث تالم على حاله وعلى الدنيا الي تخلت عنه وهو باشد الحاجه لها .... قطع سرحانه صوت داخل عليه فيصل ويحبه على راسه ...."كل عام وانت بخير عمي" خالد وصحي من سرحانه ..." وانت بخير .....مين فيصل" فيصل ..".لايكون بس نسيت صوتي " خالد بتسامه حزينة ..." انت لا بس الباقين يمكن ماعاد صرت اميز بينهم" فيصل ...." ماتلام ماتنسى صوتي اربع وعشرين ساعه مقابلك " خالد ويهز راسه .." فيك الخير والبركه "...وباستدراك ..." صح اسامة رجع من السفر " فيصل ...". لا بس ان شاء الله بكره يكون موجود " خالد ...." والله اشتقت له ....وماكنت ادري اني راحه افقده بالكثر هذا " فيصل ...." يعني انا الي اربع وعشرين ساعه بوجهك ....ماتحبني كثر ماتحب اسامة " خالد وتنهد بالم .... "لااسامه غير .... اسامه ماهو بس اخوي .... اسامه اخوي وابوي ورفيقي في حياتي كلها ....يمكن هو الانسان الوحيد الي يقدر يفهم مابداخلي وينتشلني منه" فيصل ...." طيب وش رايك ياعمي نطلع انا وياك برا البيت ... نغير جوا " خالد "لا الحين يبي يجوني بنات اخوي" وماانتهى من كلمته الا والباب يدق رغد ... "عمي عندك احد" فيصل وهو يفتح الباب .... "هلا رغد ادخلي مافي احد " دخلت رغد ومعاها بنات عمها دلال وداليا رغد "شخبارك فيصل وينك ماتنشاف" فيصل بضيق ... "الحمد الله اذكرتي ان عندك اخو غير سعود " رغد "حرام عليك انت دايم على البال" دلال وداليا بعد ما سلموا على عمهم يبو يطلعو فيصل وهو طالع "لاخذو راحتكم انا ماشي " دلال وهي تجلس على طرف السرير ... وتكلم رغد بصوت واطي ... "الحمد الله ماكثر الله غير من العيادات النفسيه خله يروح ويشوف وش بلاه" رغد ..."الله يهديه من يوم ماطلعت على الدنيا وهو معتزل العالم " =============***============ على غروب الشمس ...ورحيلها بين الجبال ووداعها لهذا اليوم... اجتمعن الحريم والبنات برا الخيمه وكل وحده تتمنى ان ولدها يفوز فهد ... "شوف يااسامه ترا لو فزت عليك اشرط الي اباه منك " اسامة .... "هذا لوفزت .... وانا واثق بنفسي .... ونشوف في النهايه مين قدا التحدي " ماجد ..."ياشين الغرور يااسامه .... لاتخاف احنا اهل الشمال قدها " فايز ...."شوفو الفايزفي السباق يتحداني ....مع اني عارف ان محد يقدر يتحداني" فهد .... "اقول روح تحدا رحمة ازين لك .... وياخوفي انها تغلبك " فايز ...."هذا الي ناقصني رحمة" ... ركبو الكل سيارتهم بدا السباق وكل واحد عنده امل هو الي يفوز حنين وتاخذ بيد رحمة وتروح بعيد .......وفايز ورنيم خلى لهم الجو مر على انطلاقهم ربع ساعه ولااحد بااان له اثر جلسن على الرمل بعيد عن الكل حنين وتاخذ المرايا من شنطتها ...." تصدقي يارحمة ان اكره شيء عندي في الوجود هذي المريا" رحمة بمزح "يعني الحمد الله ماهو انا " حنين بضحك "لا انتي الثانيه ... وبعدين غيرت ملامح وجها ورمت المرايا بعيد وسمعت صوت تكسيرها ...".كل ماانسى شكلي واحاول اتكيف مع الي حولي تجي هذي المرايا وتذكرني رحمة "حرام عليك ليش هالتحطيم .... انتي عاديه وحتى حلوه كمان .....بس انتي تقارني نفسك بينك وبين رنيم ......ورنيم محد ينكر ان جمالها زايد عن حده .... " حنين ... "ياليت بس انا الي اقارن نفسي كل الي حولي بحسسوني بهذا الشيء ... يكفي انهم في البيت ماينادوني غير يالسمره " رحمة ... "طيب سمارك حلو وزايدك جمال ...وابتسمت ..."ولو دروا المخرجين الهنود عنك كان سرقوك وخلوك بطله فلمهم " حنين ...".يا شينك يوم ترفعي معنويات تحطمت من سني .." وبعدين سكت ...." تظني فايز يهمه الجمال" رحمة ارتبكت وتذكرت موعد الحنفيه ...."لا مااظنه" وفي الجهة المقابله ....واقفات وكل وحد يدها على قلبها ام ماجد بخوف .." ماااكانهم تااخرو ..... ام راشد ...." لاتخافي عليهم هذولا رجال" حنين وشافت ضوء سياره من بعيد وتقوم .... "هذا الاول يارب يكون ماجد" رحمة ...."لاماطنه ماجد ... شكله اسامه" قامت الحريم وكل وحده تتمنى ان ولدها هو الفايز الا رحمة بقت بمكانها اسامه وينزل من السيارة ... "هااااه يافايز قد التحدي " فايز "والله قدها ... بس وين الشباب ".... اسامه .... "فهد وراي .... وماجد شكله جاب العيد " وصل فهد وبعده بعشر دقايق ماجد فهد "الله يقطع ابليس وش تجيب سيارتي لسيارتك" اسامه ... "اييييه حط البلى على السياره .... بس ماراح اتنازل عن الشرط" فهد... "خلاص انا عند وعدي ولي تشرطه ابشر فيه " اسامه ..."عاد انا مارضع الا انك تزوجني .... تراني طماع " فهد ..." انا ماعندي اخوات ولكان تبشر" ماجد بمزح "عادي انا اعطيك من الجيش الي عندنا ... اذا تبي " اسامه ويطالع فهد ...."لاعادي ماهو شرط من اخواتك .... انا راضي بخالتك رحمة" قال كلمته وضحك كالعاده ....بس استغرب تغير ملامح وجيهم وكلهم التفتوا لصوت الطيحه الي سمعو صوتها .... شافوا حنين تركض بتجاه رحمه تاخذ بيدها ورحمة ماهي راضيه تسمع كلامها وتقوم اسامه بحيرة واستغراب..." فيه شيء" فهد وانتبه لانفسه .... "هااااه ...لا..خلينا نروح لجدي" مشى اسامة وعينه على رحمة الي لسه ماهي راضيه تقوم وحاول يطرد من راسه ان كلمته ماااله دخل بطيحتها ....يعد العشاء شاااف الجو متوتر وابو راشد ساكت وباين عليه الضيق ماجد وحب يغير الجو ..... "صح اسامه انت مثبت هنا في الشمال ولاء " اسامه ...."لا انا انتداب وكلها كم اسبوع وارجع الرياض" فايز "تصدق راح نفقدك " ماجد "الي يشوفك دايم تجي عند جدي ....وانت ماتطلع غير بالسنه مره" فايز" تعرف طبيعة البر ماتناسبني ولو بكيفي كان اخذت جدي وسكنته عندنا وريحنا روسنا من الطلعات قطع كلامهم صوت حنين ......قام ماجد وراح لها ماجد بتهديد .... "خير وش فيه صوتك واصل لرجال " حنين بخوف ..."ماكنت ادري انا صوتي واصل لرجال .... بس رحمة حررتها مرتفعه وماهي راضيه تاخذ الدواء" ماجد بحيره .... "وش بلاها توها مافيها الا العافيه" حنين سكت وماعرفة وش ترد عليه ابوراشد و كانه حاس ونادي .... "حنين رحمة وش بلاها " حنين وبصوت متقطع .... "حرارتها ارتفعت فجاة " قام ابو راشد وحط حمله كله على العكاز الي بيده ومشى وهو يتحسر اسامة الي حس الانظار كلها عليه وحس نفسه مخنوق من بينهم واعتذر انه وراه مشوار لرياض وركب سيارته وهو ندمان على كلمته .... دخل ابو راشد على رحمة بالخيمه ومكان عندها احد غير حنين ابو راشد وهو يتنهد "حنين روحي جيبي لي مويا " قامت حنين وعرفة ان جدها يبي يجلس مع رحمة بروحهم ابو راشد .... "ها رحمه احنا متفقنا انا نسى الي راح " رحمة وتحط أيدها على وجها وتصيح بحراره ...."والله غصب عني كل مابي انسى يرجعوا ويذكروني" اتمنى لكم قراءه ممتعه مع فائق ودي نـــــnoonaــــونـــــا (: |
يااختي انتي ماتجيبي الا روايات شينة :) يازينك ويازين رواياتكـ تثبت الرواية يالغلا |
<انسجم مع الروايه ^_^
بس هذى وش نونا ((علتونا في سعود .....وخلونا ندخل جوا احسن")) لايكون انا المقصوود ههههههههههههههههههه يعطيك العافيه على هالمشاركه الراائعه قصه حلوهـ00تستاهل النثبيت000 تحيتي لكـ000 |
اقتباس:
يازين طلتك بالروايه يعطيك العافيه ع التثبيت شاكره مرورك العطر مع فائق ودي (: |
اقتباس:
ههههههههههههه لا مو انت هذا من ابطال القصه<<بالله :tongue: يعافيك يارب وتحلى ايامك ان شاء الله شاكره مرورك العطر مع فائق ودي (: |
الجـــــــــــــــــزء الثانـــــــــــــــ(2)ــــي "صـــرخـــة الـــظـــلام " صحي من نومه على حرارة الشمس طالع الساعة وشافها سبعة تذكر ان البارحه ماقدر ينام وطول وقته وهو يفكر برحمة وبردة فعلها "غريبة وش بلاها انا قلت كلمة عفوية ومن دون ماقصد شيء ... وماكنت ادري انها تسوي الزوبعة هذي كلها" ... تمنى انه يشوفها ويعتذر منها قبل مايروح الرياض ... حرك سيارته واتجه لمكانهم ....طالع في المكان ماشاف اثر لاحد ....بس لمح شيء بعيدا ...ابتسم يوم شافها جالسه بروحها ومتكوره على نفسها اسامة بتردد ... "السلام عليكم اختي رحمة" رحمة رفعت راسها وطالعت وبهدوء ..." وعليك السلام ... نعم تبي شيء " اسامه بشجاعة ..."لا بس حبيت اعتذر لك عن كلمتي البارحه وماكنت ادري انها تعبك لهدرجه" رحمة بروده ... "ومين قال اني ان كلمتك هي الي تعبتني ....انا تعبانه من الاول" اسامة وحمد ربه بنفسه ان ماله دخل ومشى خطوات ما هي بعيده وتذكر شيء ..والتفت لها " طيب كيف صحتك الحين " رحمة وبدون ماطالع فيه .... الحمد الله =============***============ جالس بمكتبه بروحه ويراجع أوراق وحسبات الشركة سمع صوت دق على الباب ابو نواف وهو مشغول بالاوراق ...".ادخل " سعود وهو داخل .".السلام عمي" ...وطالع في الي بيده..." شكلي عطلتك عن الشغل" ابو نواف ويترك الاوراق .."لا عطلتني ولا شيء ... فاضي قلت اراجع ملفات الشركة وحساباتها سعود ويمد رجوله على الكرسي الي قدامه باريحه ..".وانا مثلك فاضي ماغير موال امي فوق راسي" ابو نواف ..." صح موال الزواج" سعود بملل ..".اييييه وفي غير هالموال الي اسمعه صبح ومساء وانا طالع وداخل" ابو نواف ..".ياوليدي امك معاها حق ....وانت الي بعمرك عيالهم دخلو المدرسه " سعود .."والله ياعم مهما حاولت اقنع بنفسي بزواج اشوف قدامي اكثر من عقبه تخليني ااجله شوي " ابو نواف ..."ترا الحياة يسرة واحنا الي نعسرها على روحنا...وبعدين اخواتك كبروا وماصارو بحاجه لك" سعود ... "ياعمي مهما كبروا احس مسولياتهن تكبر معاهن ....ويبقو صغار بعيوني " ابو نواف بتردد ....." ياوليدي المثل يقول اخطب لبنتك قبل ماتخطب لولدك ...وانا شاريك واختر وحده من بناتي وابشر بالي يرضيك " سعود تفأجاء من كلمة عمه وبسرعه رد " بس مااظن ياعم ان بناتك بيرضن في وطالع فارق السن الي بينا ابو نواف .. الرجال مايعيبه كبره ...واستخير ربك وخلنا نفرح فيك =============***============ جالس بينهن ومتوسط داليا ورهف وحاط يده على اكتوفهن رهف ببراءة ..".تصدق ياعم العيد هذا ماهو حلو العيد الي قبله احلى" اسامه بضحكة ..".كل عيد تقولي الي قبله احلى" رغد..".بصراحه ياعم العيد من دونك ماهو حلو ... وخصوصا بعض الناس ماشفناهم من يوم مارحت " اسامه ويشيل يده... "صح وشخبار ريم والله البنت هذي لها وحشه " ريم وهي داخله "سمعتكم تحشون في بس كلكم مسموحين غير اسامه " اسامه ويقوم "حياالله الغاليه ..وينك كان المفروض انتي اول من تستقبليني" ريم وتحبه على جبهته ..."قلت اتغلى بس طلع التغلي مايجيب فايده عند اسامه " اسامه ..."الله يقطع شرك والله انتي غاليه من دون ماتتغلي" دلال وتضغط على اسنانه بحسد.."اقول لتقلبوها علينا فلم هندي” ريم وطالع فيها بنص عين "لاتكوني غيرانه انا محد معطيك وجهه" اسامه وياخذ بيد الريم ..."خلينا نروح الفله تراها مافيها احد ...ويطالع في البنات يللا خلونا نروح عند خالد..... "البنات طالعوا بعض وكل وحده مالت فمها على جنب ولا وحده رضت تقوم والحقد مالي قلوبهن =============***============ شافتها جالسه بروحها وترسم خطوط بالعود على الرمل حنين وتغمض عين رحمة ...".هاااااه مين " رحمة" انتي العلة حنين اذا ماني غلطانه " حنين وتتخسر" انا العلة يارحموه ...المفروض سموك نقمة ماهو رحمة " رحمة ..."انتي مانتي عله وحده انتي كومة علات هارضيتي..بغيتي تخلعي عيني بمزحك الثقيل" حنين .."عادي لو خلعتها ترا متبرعه اقودك طول عمري " رحمة وتاشر على فايز ...."شوفي هذاك فايز خلك عاقله معاي ولااراح اقوله انك تحبيه " حنين بشك .."ماعرفتك فتانة ..وبعدين لو تعلمي علي راح اقولهم عن جلساتك الصباحية وانتي واسامه" رحمة وتقوم مفزوعة..." سكتي لااحد يسمعك وش دخل اسامه" حنين شفتكم بمحض الصدفه "مع اني مااحب هذي الكلمه "شفتك تسولفي وياه على الشروق والشاهد هالطيور الي تحوم فوق رؤؤسنا رحمة وعصبت .".الله ياخذك وياخذ اسامه معاك انتم شكلكم تجننوني" وتركتها وهي اعصابها ثايره وكانها بركان =============***============ فرح وتحط يدها على عينها وتحاول تحجب ضوء الشمس عن عينها "يمه وين رايحه في هالظهر" ام محمد "رايحه لابو فلاح احاول انه يمهلا كم يوم على بال مانجمع اجار الخرابه الي ساكنينها فرح "الله يهديك يمه ....انتي عارفه ان ابو فلاح لويموت مااخر الموعد " ام محمد وتجلس ..."طيب وش اسوي لنطردنا من البيت وين روح واي شارع وده يلمنا" فرح "طيب خلينا نروح عند خوالي والله ازين لنا من هالعيشه" ام محمد ...."يابنتي انتم سعودين ومستقبلكم هنا " ام محمد اردنيه " فرح وش هالمستقبل الي ندوره هنا ...وبعدين احنا مانعرف احد غير الجدران الي تحوطنا وبرجاء "يمه اسمعي لي هالمره " ام محمد وتنهدت "وابوك لطلع من السجن وش راح نقول له " فرح وحست ان امها بدت تقتنع "يمه ابوي ماراح يطلع الا بعد عشر سنين والله العالم وش راح يصير بالسنين هذي ام محمد ...مدري وش اقول لك بس خليني افكر وفي العطله اقرر ابتسمت فرح واخيرا قدرت تقنع امها ...وتترك السعوديه وتعيش بين اهلها الي حبتهم وحبت طيبتهم ... وتواضعهم ....تمنت انها تكون اردنيه ولا تكون من هالسعودين الي الواحد اخر مايفكر فيه الفقير ويسال عنه.......هذا الي كان يدور بفكر هالمراهقه الي ماتعرف في هالدنيا الا امها واخوانها =============***============ في الفلة الثالثه بين هالسور اسامة ..."هاخالد قلت لما اجي اشوفك احسن ...رجعت لقيتك على حالك واسوى بعد " خالد بالم "والله ماهو بكيفي مهما حاولت اتكيف مع المجتمع الي حولي احسه يرفضني اسال الي حولك وش الاعمى بنسبه لهم " اسامه ..."طيب مافكرت بالموضوع الي قلت لك عليه " خالد .."لا ولا ابي افكر " اسامه "اجل وين وعدك لي انك طيعني وماتعصيني " خالد ..."انا على وعدي بس الا الزواج مااطيعك فيه " ريم وهي تدخل بالصنيه الشاي وتجلس جنب اسامه ...."صح خالد ليه مضيق على روحك تزوج والله يسر لك بنت الحلال الي تسعدك " خالد بحسره "ومين الي ترضى بخالد...خالد الاعمى " اسامه بثقه " كثير ... والعمى ياخالد عمى القلب خالد وحب يصرف الموضوع ..."افكر وارد عليك " اسامه" لاتفكر ولاترد من الحين ريم دور لك عروسه تناسبك ...واظن كلنا واثقين في ذوق ريم" خالد وحب يروح عن نفسه ..."انت تثق في ريم اما انا لاء " ريم وحبت تقهره ..." طيب ياخالد من الحين راح ادور لك عروسه تليق بمقامك بس حط بالك راح ادورها مرجوجه مثلك ...على الاقل ترجع لنا خالد المرجوج اسامه بضحك ."في هذا معاك حق ....والله اشتقنا لثقالة دمك " خالد ويمد عصاه قدامه ويتحسس المكان "انا طالع انام ".... اسامه ...."ايه اذلف من الاول عندي اسرار خاصة ابي اقولها لريم " خالد وهو يرجع ويجلس ...."وهذي جلسة لكم ويللا قولو وش عندكم " اسامة وصار يضحك بصوت عالي " الله يستر ليرجع لنا خالد المخبول " =============***============ في اخر الليل دخل البيت وهو يغني ويفرك بخشمه باصبعه ويتمايل بمشيته شاف دلال ورغد جالسات على الدش يتابعن اخر الافلام نواف ويحاول يثبت توازنه..." وش فيكن سهرنات " دلال "انت الي وش فيك تتمايل وكانك محطوط على الهزاز" نواف يحك بجسمه ...."هذولا الشله لابارك الله فيهم حطوني على الهزاز" وضحك بدون عقل وطلع على الدرج ومشى درجتين وطالع وراءه ونزل "رغوده عندنا اهلا بعروسة المستقبل " رغد واول مره تخاف من نواف "عن اذنكم انا رايحه على البيت" نواف ..وين رايحه خليني اشبع منك وصار يضحك بدون وعي وسكت فجاة ....لا انا اوصلك رغد بخوف " لا يذبحني سعود لو شافني سهرانه عندكم ... اجل كيف لو شافني معاك قالت كلمتها الاخيرة وبسرعه طلعت نواف وصار يفرك بعينه بقوة ....."سعود الله ياخذه ماهو مخليني اخذ راحتي مع زوجتي " دلال وهي تضرب اخوها وتحاول تصحيه ..."زوجتك لعقدة عليها .... ام الحين احلم فيها وياخوفي يشوفك سعود على هاالحاله ويرفضك " طنشها نواف وطلع الدرج وهو يغني بكلام جايبه من راسه =============***============ جالسه تقلب في كتبها وتحاول تقطع مللها وكل مافتحت كتاب رجعت قفلته لين ماصارحولها اكثر من عشرا كتب دخلت عليها امها وهي تشهق وتحط يدها على راسها "والله مانتي بصاحيه ودك تقري كل الكتب هذي ريم بملل " لا هذي الكتب قريتها ومليت منها وجالسه ادور كتاب يقطع مللي " ام ريان " طيب ذاكري بدروسك انفع لك بدل ماانتي محتاسه هالحوسه " ريم "ريم لايمه كتب الجامعه تجيب الهم انا ابي كتاب يسليني ....وبعدين من زمان مارحت المكتبه واشتريت لي كتب جديده " ام ريان" ليه عسى ناويه تشتري لك كتب جديده " ريم وتاخذ عبايتها "ايه ودقيقه وانا عندك ترى المكتبه جنب البيت "قالت كلمتها الاخيرة وفتحت الباب وانسدمت بالي بوجها اسامه ..."على وين ان شاء الله " ريم "هلا اسامه كنت ناويه اروح المكتبه بس بما انك جيت هونت" اسامه "انتي ماتشبعي من الكتب ...انا اعرف الحريم يحبو يشتروا ملابس مكياجات وخربيط كثيره ...وانتي طالعة متمرده وخارجه عن القانون وفلوسك كلها في الكتب ام ريان ...."قولها تراها جننتني بالكتب وياليتها على كتب الجامعه فالحه مثل ماهي فالحه على الخربيط هذي " اسامة " فيه مثل يقول كل ممنوع مرغوب ...واظن هذا المثل ينطبق عليها " ريم وتفسخ عبايتها وتجلس وفيه حديث "صلى الله عليه وسلم "يقول " من حسن اسلام المرء ترك مالا يعنيه" اسامه..." انتي الي يبي يدخل معاك في نقاش راح يطلع هو الخسران ...وخبريني وش صار على موضوع خالد" ريم بحزن ...."رفضو يقولون البنت تبي تكمل دراستها " اسامه بتعجب..."طيب خالد ماراح يمنعها عن دراستها" ام ريان وتجلس ...."لا هذا اسلوب ثاني معناها مالكم نصيب عندنا" اسامه بترجي " حاولي ياريم الله يسعدك ترا خالد راح يتحطم لو مالقى الي ترضى فيه" ام ريان" طيب وش رايكم بنت ابو صالح عاقله والزين حاليها" ريم وعبسة وجها "لايمه هذيك مطلقه وكمان اكبر منه .... وانا ابي ادور لخالد وحد تناسبه " اسامه بضيق "خالد وش فيه ياخذ مطلقه وكمان اكبر منه .... الله على الزمن الي كان هو الي ينخطب" ام ريان وترفه يدها .."الله يشفيه ويرجعه مثل اول واحسن" ريم "يمه وش رايك بنت ام محمد والله البنت عاقله وقمر وماهي الي تهتم بالمظاهر واظن امها ماراح ترفض خاصة اذا كان منك " ام ريان .."والله البنت والنعم فيها وراح احاول والباقي على الله" وتلف وجها لاسامه وانت يااسامه خلينا نفرح فيكم سوى اسامه "لاانا فكرة الزواج شايلها من راسي الوقت هذا" ريم وتحط عينها بعينه " والبدوية رحمة " اسامه ارتبك وقام ..."ريحي راسك لارحمه ولا غيره في الوقت هذا" وطلع وهو يقول "صدق الحريم ما ينقال لهن سر" =============***============ انتهت الاجازه وبدت الدراسه كل واحد رجع لحياته ودراسته رحمة رجعت لحياتها بعد ماودعت اهل ماجد واهل فهد وحنين رجعت للكليه واسامه رجع لشمال يقضي اخر اسبوع له في الانتداب الصباح في الجامعه وفي الكفتريا تحديدا جالساااات على الطاوله وكل وحده تحاول تلفت انتباااه الي حولها ساره ..."هاااااه داليا مستعده ليوم الثلاثاء " داليا بتردد..."مدري احس نفسي خايفه ومتوتره " دلال بعصبيه ..." وليش الخوف احمدي ربك ان الشله الي ورانا معجبه فيك واختارتك ملكة جمال كلية الآداب " داليا ..." بس اخاف اندم وكل شيء يقع على راسي " سارة ..."لاتخافي احنا ماعلينا شيء هم الي راح يجونا وراح يجيبو الودر والتورته وبعدين ياعيوني العام اختارو ملكة الجمال ومحددرى عنهم وكانت احلى حفلة شفتها بحياتي وعلى الاقل لمشيتي في أي مكان الكل يعرفك وياشر عليك " داليا وتتحسس وجها ..."معقوله لهدرجه انا حلوة " رغد " اقول لاتصدقي عمرك والعتب على النظر" دلال وترفع حاجبها ..".ياحبيبتي اختي ماهي بس حلوة اختي تاخذ العقل وقولي هذي الكلمه لسعود "العتب على النظر " رغد .."اصلا سعود لو ياخذ داليا راح ماراح ياخذها على جمالها والجمال اخر شيء يفكر فيه " ساره وتسكت فيهم ...طالعو اريام جت والتفتو البنات وشافو اريام اشترت لها فطور وجلست على طاوله من الطاولات دلال بتفففف " مدري هالغرور من وين جايبته رغد طالعي البلوزه الي لابستها الشغاله ماتلبسها داليا ..."لتكون هذي المصريه الي علمتك عليكم الدكتور وخالكم تحملو الماده" دلال ..."اييييييه و نفسي بيوم اشوفها حامله ماده" سارة وتمسك يدا دلال يللا بنات خلينا نروح لها نظايقها ونطفشها من الجامعه كلها جلست سارة ودلال ورغد وداليا على الطاوله وكل وحد تحاول تضايقها سارة "لو سمحتي اريام دوري لك مكان ثاني وافطري عليه هذي طاولتنا " اريام وطالع فيها من فوق وتحت "اظنكم مضيعين الي وراكم هي طاولتكم ط دلال "لا غيرنا وصارت هذي طاولتنا وبسرعه قومي وشيلي فطورك معاك " اريام وتشرب الشاي "قومه ماني قايمه والي بيدكم سوووه " داليا "روحي دوري لك احد يجلس معاك بصراحه نفسي اشوفك جالسه مع احد " اريام بروده .."وهاانا جالسه معاكم ... شفتي كيف " ساره "شكللك تبي تفتحي شهيتك بوجيهنا صح" اريام "بصراحه وجيهكم تسد النفس بس مظطره اكمل فطوري " رغد وتسك على اسنانها وتحاول تضبط نفسها ..."شفت ناس بس مثلك ماشفت " اريام بتسامه بارده ... يعني مميزه بقو البنات على الحال هذي وكل وحده تحاول ترمي عليهل كلمه او حركه واريام ماكنها تسمع ولا تشوف ...وبعدين طفشو منها ورجعوا على طاولتهم وابتسمت اريام ابتسامة نصر عليهم =============***============ دخلت ريتا غرفتهاوهي تنزل اكمامها وتتوعد لهم كلهم ميري : انتي اليوم مافي كويس ريتا بحقد ..انا فيه كويس يوم اشوف كل نفرهنا في نار ميري اسكتي الحين ماما لو في اسمع في مشكله ريتا..." لامسلم مافي يتجسس...قالتها وهي تتمهزء ميري وهي تمشط شعرها ...كل مسلم هنا مافي كويس ...بس بابا فارس كويس ريتا ...فارس فيه مجنون ...نفر صغير مراهق ميري ..لابابا فارس كويس ...ولا انت غيران علشان مافي نوم في حظن فارس ريتا ...انتي في مشكله كل يوم في نوم عند فارس ميري ... لا مافي مشكله وبابا فارس حبيبي ومافي معلوم ريتا ...انا كرررره لهذا مسلم ...مسلم لازم يصير مثل انا مسيحي ميري تضحك ...اول فيه نوووم بحظن بابا نواف وبعدين سوي غسيل راس ريتا ..ماهو بس بابا نواف وكمان ماما ام نواف ودلال هذي قهر وداليا وكل نفرهنا =============***============ على الغروب قامت رحمة وهي تشيك على الغنم وتحط العلف لهن ام راشد وتنادي " رحمة اتركي الي بيدك وسوي لابوك دواء رحمه وتنفض الي بيدها ..."هايمه وش فيه ابوي " ام راشد "احسه ماهو طبيعي ...بس الُمره بالكيس الازرق حطيها على القهوة واعطيها ابوك " رحمة وبعد ماسوت الدواء واعطتها ابوها " يبه انت ليه ماتروح المستشفى تسوي التحاليل اللازمه" ابو راشد "مابقى من العمر كثر الي راح يابنتي" رحمة "لاتقول عن نفسك كذا وان شاء الله بعد عمر طويل ان شاء الله " ام راشد وهي تتدخل .."طاوعنيي ياابو راشد ورح المستشفى " ابو راشد وملامح وجهه تتغير من الألم... "واتركم في هالديره برحكم " رحمة "لاتخاف علينا وعيال الحلال مايقصرو" ابو راشد "ان شاء الله لاصبح الصباح اروح المستشفى " ابتسمت رحمة وقامت تخلص شغلها =============***============ جالس على حوض الزرع وهو ينثر التراب بيده حاول يوقف الشريط الي يدور براسه تمنى لو يقدر ينزعه من راسه ...شدا على عيونه بقوة وهو يتذكر دلال ..." عمي طيب وش موصفات العروسه الي بالك " خالد وهو يتذكر ملامح ساره حلم طفولته ... "اممممم انها تكون بيضاء ماهي طويله مليانه شوي شعرها طويل واشقر وعيونها عسلي فاتح" رغد وكشرت بوجها ..."عمي انت حاط بالك احد " خالد ضحك ..."لا بس ابيها على بلاطه احلى ماشافت عيني" دلال ...."امممم...وش رايك بسارة بنت عمك " خالد واخيرا فهمنها ..."طيب هي وش رايها " رغد" انا من الحين اقولك انها راح توافق" دلال وتقوم وتمسك عمها من رقبته بمزح ...لاتسوي نفسك مظلوم وماانت عارف رايها فيك" خالد وارتبك ... "ياسلام وانت وش عرفكن " دلال ..."نسيت طلعات المزرعه " خالد وعصب ..."اذلفن عن وجهي بنات ماينعطن وجهه صدق اكبر جاسوسات في العالم " رفع راسه لسماء وبعدين هزه بالم وابتسم ابتسامه ممزوجه بحزن وهو يشوف حلمه كيف ضاع رغد ...."حرام عليك وين الحب الي كنتي تقوليه وين سهرك الليل على حلمك " ساره "حبه موجود بس صعبه .... صعبه اعيش مع خالد وهو بحالة هذي " رغد "انسي خالد الاول وانسي الحادث وعيشي مع قلب خالد " سارة بحزن .."ياليت لو اقدر ماابي اظلم نفسي واظلمه معاي ....وياليت لو هو ينساني كمان" اخذ الرمل بيده وضغط عليه بقوه وهو يحاول يحافظ عليه ....وبعدين فتح يده وشاف الرمل رغم قوته الا انها انساب بين اصابعه ومابقى الااثار خفيفه له ابتسم بالم لازم يتخلص من احلامه مثل ماتخلص الرمل منه =============***============ نايمين في المجلس بدون مايحسو بانفسهم صحوا على رناااات الجوال المتواصله تركي و يتثاوب ويطالع في الجوال وطار قلبه ويرميه على وليد وليد ويفرك عينه من النوم بقوه ..".مين المتصل" ويوم طالع خاف ورد بسرعه وليد بخوف ..."هلا ابوي " ابو وليد بعصبيه .."لاهلا ...ولا اهلين ...وينك من البارحه " وليد سهرت عند تركي وما دريت الا وانا نايم عندهم ابو وليد ..."وجوالك ليه مقفل " وليد " خلص الشحن وتكاسلت اشحنه " ابو وليد "طيب معاك خمس دقايق واشوفك قدامي انت وتركي في الشركه ... فاهم وسكر وبدون مايسمع رده " وليد ويرمي الجوال بحظن تركي "حسبي الله عليك ابوي معصب وشكلله المره هذي ماراح يفوتها علينا " تركي وبسرعه يلبس ثوبه ... "انت ماعليك حسافه لو طردك ابوك من الشركه ولا انا لو انطرت مين بوظفني " وليد ..."عاد انت معك حق من زين هالشهاده الي معاك حتى الثانويه مااخذتها " تركي ...ويناديه ..."على وين طالع يالاخو ...شيل فراشك وحوستك معاك بتفضحنا اريام لو شافت المجلس بالحوسه هذي" وليد ..."يوووه هذي وش يفكنا منها ....شيله انت واعطيك اجازه يوم " تركي ويضحك ..."يوم تعطي نفسك اجازه وبسرعه لاتاخرنا " رجع وليد وشال فراشه وحوسته وطلع " تركي وليد عيال جيران من يوم هم صغار وعلاقتهم قويه مع بعض " =============***============ يوم الاثنين العصر دلال وتفتح باب الغرفة بعصبيه .... "شفتي امي وين راحت " داليا وتنزل السماعة من اذانها ..."وشفيك معصبة " دلال وتحط يدينها على بعض ... "ماني معصبه بس امي وين راحت " داليا ...على مااظن عند ام وليد ...."ليييييه صاير شيء " دلال .."فففففف ..طيب ليه ماقالت لي اروح معاها " داليا ...."عسى ماشر ليش ناويه تروحي ترا ام وليد ماعندها بنات بعمرك " دلال ... "عارفه وماله داعي تعلميني بس احب اطمن على خالتي ام وليد" داليا وحبت تنفرزها ..."خالتك ام وليد ولا وليد ....وضحكت ...مدري وش عجبك بالمغرورهذا" دلال .."اولا ...انا اروح علشان ام وليد وثانيا احسن من الشايب الي حاطه عينك عليه " داليا "لاتساوي الثرى بالثريا " دلال وتطلع وتضرب الباب معاها بقوة وداليا رمت نفسها على السرير وهي تفكر بحلم حياتها =============***============ صحت من نومها وحست ان قلبها مقبوض ...شافت ان الفجر لسه ماطلع توضوت وصلت الوتر ووجلست تتنتظر طلوع الفجرطالعت في السماء شافتها تتللئ بالنجوم وبعدين حست ان الظلام زاد وعرفة انه قرب طلوع الفجر تذكرت حكمة ابوها دائما " اشد اوقات الليل ظلمة الي تعقبها طلوع الفجر " جلست على سجادتها الى ان طلع الفجر صلت ودعت ربها انه يعينها في حياتها قامت تصحي ابوها نادته يبه الصلاة ... يبه الفجر طلع وانت ماصليت يبه وس بلاك نومك ثقيل ...يبيييببببه قامت تهز فيه بقوة ييييببببه وصرخت باعلى صوتها ...يببببببببببباااااااااه |
الجــــــــــــزء الثالث احــــلام مــتــاخــرة ثالث يوم للعزاء الكل كان موجود يسوي الواجب راشد ابو ماجد حظر من اول يوم سمع الخبر ام راشد كانت الصدمه ملجمتها وتكثر من كلمه "انا لله وانا اليه راجعون " وام فهد بوقفة عيالها وزوجها معاها كانت اقوى بكثير رحمة لسه في المستشفى تحت تاثير الصدمه في المقابل كان اسامه مار بطريقه وهو راجع لرياض جت على باله رحمه وتذكر عصبيتها وضحك وغير اتجاه طريقه وراح لمكانهم =============***============ يوم االثلاثاء في الجامعه كانت داليا جالسه على الطاوله وحولها البنات لبسوها عقد الورد وباركو لها بختيارها ملكة جمال الكلية اخذو بيدها وخلوها تقطع التورته ونثرو الورد عليها بين تصفيق البنات وصفيرهن وهي كانت شبه بالدميه ....لاحول لها ولا قوة جت اريام وحاولت تاخذ لها طريق بزحمه وتشوف وش صاير ابتسمت بحزن على حالهن وحال بنات الحرمين وحاولت تطلع من الزحمه واصدمت بوحده طالعت وشافت المشرفه وابتسمت لها .... كشرت المشرفه بوجها وكملت طريقها عند المهزلة الي تشوفها =============***============ جلس اسامه بين المعزين وبعد ماسلم على "راشد ابو ماجد" الي يكون جارهم وهو مصدوم ماتوقع انه يجي ويشوف ابو راشد تحت التراب تذكر قوله تعالى "انك ميت وانهم ميتون " اخذ بيدا فهد الي كان بالنسبه له اقرب واحد له وطلع معاه من بيت الشعر وهو ماشي شاف رحمة نازله من السياره ومعاها حنين وماجد والصدمه واضح عليها استذن منه فهد وراح لرحمه واطمأن عليها ورجع اسامه بحزن... "الفراق ماهو سهل " فهد ... "الله يكون بعونها كان جدي اغلى انسان عندها " اسامه بحيره ... "ما يحتاج هذا كلام " وسكت فتره ...."راح تتركوها تعيش هنا بروحها " فهد ..."اكيد لا يمكن تعيش عند ام ماجد تعرف البنات قريبات لها... ويمكن راح تسكن الرياض عند خالي راشد لاني مااظنه راح يترك جدتي " اسامه بتسامه غصب عنه طلعت منه يوم عرف انها راح تكون قريبه منه "خاصة في الفتره الاخيره صارت رحمه شيء رئيسي بحياته وطيفها كل لحظه يمر على باله ... واحساس بداخله يقول ان البنت هذي تشاركه بشيء " فهد وتنهدت بالم .." مدري هالمخلوقه من وين تلاقيها " اسامه تلقايا " على الاقل افضل من الي أنحرم الاثنين .." يقصد نفسه " فهد وحصل نفسه يتكلم بلا اراده ..." لامثل رحمه مااظن ...تصدق رحمة ماهي خالتي" اسامه والكلمه لسه مادخلت عقله ...وش بلاها فهد بزفره ..."رحمة احترق ابوها وامها واخوانها في الخيمه وهي الوحيده الي نجت .... بقت في المستشفى سنين وهي تتعالج عن اثار الحروق وتنتظر احد من معارفها يجي وياخذها وبزيارة جدي لمستشفى عرف قصتها.... وحزن على حالها واخذها عنده وخاصة انه كان بحاجه للي يخدمه وهو في السن هذا اسامه وعرف وش هو الشيء المشترك بينه وبين رحمه ..."اليتم ...اه مااقساه "...وتنهدت "ومعارفها ليش مااخذوها " فهد ...دائما ينسال نفس السؤال ...والى الان محنا عارفين الاجابه وزفر بحزن بس على مااظن الجواب ....مين يبي ياخذ وحده ملامح جسمها نصها تشوهت من اثار النار اسامه وخلاص ماهو قادر انه يستوعب وبسرعه قام ... "ماهو معقوله النارلعبت بوجها وشوهتها وبعدين سكت وخاف ينفضح "طيب الطب الحين تتطور ... لييييه ماسوتو لها عمليات تجميل " فهد ..."كلنا حاولنا فيها ...بس هي ماهي راضيه تقول الحروق ماهي لهدرجه الي تخليها تسوي العمليه ....وتقول ان هذي اخر ذكرى لها من اهلها " اسامه من قوة الصدمه ركب سيارته وبقى فيها فتره وهو يحاول يسترجع عقله ...معقوله رحمة لعبت فيها النار ... معقوله رحمة مشوها والناراثرت على ملامحها تنهدت بالم وحزن على حالها " كل هذا فيك وعايشه وبدون ماتتالمي وينك ياخالد..تشوف الي الالم تحوطه من كل ناحيه وبدون الي حوله يشعر وفوق هذا راضي ومحتسب وشغل سيارته وانطلق على الرياض =============***============ كانت دقااااته على الباب قويه وصوته من الخارج اقوى وسمعته كل الحاره وهو يسب ويتوعد لهم انه يطردهم كلهم من البيت ام محمد ودمووووعها تسيل ..."وش قلب هالرجال مايرحم حالنا " فرح رغم حزنها الا انها حاولت تهدي امها ...."يمه خلاص خلينا نطلع من بيته وكافي فضايح" ام محمد وهي تصرخ بوجها ..."لاطلعنا وين نروح ترانا خمسه محنا اثنين " فرح وماردت على امها وراحت وفتحت الباب ...."اعذرنا ياعم والله مالنا وجهه نقابلك " ابو فلاح وطار عقله وهو يشوف البنت الي قدامه وتوعده تبخر في الهواء " كان فتحتوا لي الباب ماهي حلو خلتوني مثل الشحاد ام محمد وتتوعد لبنتها بنفسها..."ماعاش من يقول لك شحاد بس والله مالنا وجهه" فرح بتوسل ..." الله يسعدك ياعم اخرنا كم شهر" ابو فلاح .... "خلاص الوقت الي تحددوه انا موافق " ام محمد ترفع يدها وتدعي لابو فلاح وهو ابتسم بخبث واستذن فرح وطالعت في امها بتسامة رضى ودخلت عن حرارة الشمس =============***============ وقف سيارته عند باب فلته وحمد ربه ان مافيه احد " مايبي يشوف احد وهو بحاله هذي نزل من سيارته وحس ان عظامه متكسره وماهوقادر يمشي عليها تذكر انه من يوم سمع حقيقة رحمة ركب السيارة وقطع مئات الكليو مترات دخل الفلة وماشاف لاخالد ولا فيصل وحمد ربه بسره دخل غرفته ورمى بنفسه على السرير بالم صار يتقلب يمين وشمال وبدون هدف تعب وجلس طالع السقف وشاف المروحه دور وحس راسه يدور معاها من يوم ماشاف رحمه حس نفسه تعبان ...ليش هو بذاته ماهو عارف الجواب اه .. يارحمه ليتني ماعرفتك ولا شفتك ...انتبه لنفسه طيب هي ليش تهمني اغمض بعينه ورمى نفسه على المخده ..." يمكن لاني اذا فكرت بالزواج تجي على بالي تلقائيا =============***============ تجمعن في الغرفه وهن يتوعد لاريام دلال "كله منها شفتها بعيني واقفه مع المشرفه " رغد وهي تحاول تهدي داليا ..."خلاص داليا الحمد الله ماصار شيء المشرفات جاء في اخر الحفله وماقدرن يسونا شيء "... داليا .."تووووبه والله اسمع كلامكن طول عمري اطيعكن واخرتها انا الضحيه " رهف وتفتح باب الغرفه ..."اخيرا عرفة وش السالفه ...وطالع في نفسها في المرايا شكلي بخلي صديقاتي يختاروني عريفه لفصل " رغد بعصبيه ..."انا كم مره قلت لكن ما تتجسسي علينا " رهف ببراءه ..."انا ماجسست عليكم انتم الي أصواتكم طالعه" دلال "انا رايحه البيت وتعالي يارغد واسهري عندي الليله مثل البارحه " رغد وتحاول تاشر لها انها ماتفضحها قدام اختها ورهف مامرت عليها هالحركه رهف وتجمع اصابعها بيدها ..."ارويك تسوي نفسك نايمه وانتي تطلعي اخر الليل تسهري ...طيب يارغد اذا ماعلمت عليك سعود مااكون رهوفه" وبسرعه ركضت لسعود ورغد وراها وتترجاه انها تسكت...وطلعن وراها دلال وداليا رغد ...الله يسعدك رهوفه والله اعطيك الي تبيه بس اسكتي رهف وتوقف "أي شيء اطلبه " رغد وتحط ايدها على قلبها ..."ايييييه أي شيء "وتلهث من الركض رهف وتحط اصبعها فمها ..."اممممم مدري احس ان قلبي مايطاوعني غير يوم يشوفك ماخذه علقه من سعود " رغد ...وتتمسكن لرهوفه ..."حرام عليك انا اختك" رهف "طيب لازم توافقي على البنود كلها " رغد وتحاول تضبط نفسها "أي بنود واي خرابيط " رهف "اجل خليني احمي اكفوف سعود لك " رغد .."خلاص قولي وخلصينا " رهف وتعدل في بلوزتها... لازم توافقي على كل البنود وهي 1ان تخليني اجلس معاكم لجت ساره وماتسكري الباب عليكم 2تعلميني كيف احط الميك اب 3تحلي لي كل واجباتي لمده اسبوعين رغد ..."الله يسامحك يارهف كل هذا " داليا وطالع فيها بحقد " انتي متى تعقلي نفسي يجي اليوم الي اشوفك عروسه لاخوي فارس رهف هاهاها ...اضحكتيني وانا لا اجيد الضحك ...يحلم اخوك الخبل ...وبعدين عندي لك خبر حلوووووو .....ومدت الكلمه الاخيره دلال وهي طالعه لبيتهم "لا تصدقيها ترا اخبارها تجيبها من الجزيره " رهف "لا المره هذي صدق ومن بيتنا جبتها" داليا وبنص عين ..."قولي وخلصيني وش عندك " رهف ..."اممممم ....احححححم .....سمعت ان سعود يبي يخطب " داليا وتركض وتهزها "احلفي ماقالك مين "....وسمعوا صوت فتح مكتب باب سعود واحتارت وين تروح تطلع فوق ولا تنزل ....وأخيرا طلعت سعود ..باستغراب.." وش فيكم حسكم طالع " رهف "هلا ...هلا والله بالعريس " سعود ...."بسرعه خلصينا وقولي وش وراك " رهف "ابيك لخطبت تخليني اروح الكوفيره " سعود "طيب اجلي طلبك هذا ليوم الخطبه " رهف "طيب داليا تقول انك ودك تخطبها ..." قالت هالكلمه تبي تعرف مين ياخذا " سعود وضحك وعرف كذبها ..." ايييييه عندك مانع " رغد بشهقه ..." انت من صدقك ودك تخطبها ... سعود...."ايييييه ليييييه في شيء" رغد بفرح ...."ووووواااااوووو ,ودي اروح ابشر امي " سعود وهو طالع"لاتخافي امي اول من عرفة" نزلت داليا بعده وماهي مستوعبه الي سمعته وبدون ماتتكلم راحت لبيتهم ودخلت غرفتها وقفلت الباب عليها واسندت ظهرها عليه وهي تشوف حلمها كيف بدا يظهر على ارض الواقع =============***============ صحي من نومه على دقة الساعة .... اخذا الساعة وطالع فيها....انتبه ان الساعه عشره قام وغسل وجهه وراح المطبخ يسوي له قهوة...شغل الغاز وشاف النار تلتهب وبدون وعي بسرعه أطفئها ...واسند راسه على الجدار وتذكر النار الي لعبت برحمه وسحب الكرسي ونزل راسه على الطاوله ....سمع صوت عصى خالد على السرميك اسامه وينادى ...."خااااالد تعال انا في المطبخ " دخل خالد وسحب الكرسي وجلس ...."هلا اسامه متى جيت من الشمال " اسامه .."من البارحه " خالد "وش فيه صوتك ...تعبان" اسامه "لامافيني شيء " خالد بشك "متاكد انك طبيعي ومثل كل يوم " اسامه واخذا نفس عميق وغمض عيونه و قال بهدوء... لا احس اني تعبان خالد باستغراب ...وش بلاك ...ان شاء الله خير اسامه ...بصوت تعبان ...وبدون وعي خبر خالد بالسالفه كلها خالد ...ابتسم تلقائيا ... "طيب الموضوع مايحتاج كل هذا التعب ....وبعدين سكت ....لتكون ".. اسامه ويقوم ..ويفتح الثلاجه ويشرب عصير... "لاتخاف الي براسك ماهو الي براسي" خالد ...طيب ليش الاهتمام ..."الحمد الله انها صابره ومحتسبه ومع الايام راح تنساها " اسامه ويطالع مع الشباك بيت ابو ماجد ..."ياليت على كذا ...يمكن راح تسكن الرياض...وتكون جاره لنا..." خالد .. ... "اذا انت صاق ماراح ياثر وجودها بحياتك .....واذا انت تخبي شيء راح يبان مع الايام" اسامه ..."لايروح فكرك بعيد وخله بين دكتور ومريض ...ومقدار الشفقه الي بينهم " خالد ... وسكت وسرح بحلمه وتذكر ساره =============***============ بعد وفاة ابو راشد بشهر سكنت رحمه وامها ام راشد المدينه عند ام ماجد حنين وتدخل عليها في الغرفة ..."حرام عليك اربعه وعشرين ساعة جالسة بغرفتي خليني اخذ راحتي فيها" رحمه وبتسامه تخفي دموعها ...."خلاص طالعه منها عاد على زينها ....بس قبل مااطلع ابيك تسوي لي كاسة شاي "... حنين ..."الله يطولك ياروح صرنا نتخدم والله " رحمه "ايييييه ماني عمتك وابيه حلو ماهو مـــــــــر مثل الاول" حنين ..."يارب متى يجي ابوي ويفكنا منك .. وبعدين جلست واخذت يدها وضغطت عليها وابتسمت بحزن .."والله راح افقدك " رحمه وهي تخفي دموووعها ... وتحظنها ...." وانتي ماتعرفي قد ايش انتي غاليه و بعدتها عن حظنها "ايش رايك تروحي معانا الرياض" حنين "لامااظن امي توافق خاصة اني راح اعيش مع ابوي وانتي عارفه العلاقه بين امي ابوي وكمان الكليه وش اسوي فيها " رحمه بترجي ... "حاولي الله يخليك .... وعادي انقلي ملفك هناك " حنين بحزن "حتى لو امي وافقت مستحيل ابعد عن قلبي ..."تقصد فايز " رحمه وماهي عارفه وشلون تبين لها ان فايز مايستحق قلبها وانا كل الرجال خاينين " بالنسبه لها وراح يتركوها بالوقت الي هي بشد الحاجه لهم ...رحمة.....ودها تتكلم بس شافت الباب انفتح ام ماجد وهي معصبه ..."حنين يااحبك لسواليف بسرعه شوفي الغدا ليحترق" حنين ...يمه توني جايه منه ام ماجد وتزفر ... "اختك الي اصغر منك دايما تخلص شغلها بدون ماتعبني وانتي لا شتغلتي طلعي الشيب من راسي " قالت كلمتها وضربت الباب بقوة وراها حنين بتسامه حزينه ...."شفتي كيف العنصريه " =============***============ في القاعه مجتمعاااات وهن ينتظرن الدكتوره وقالبات الدنيا ضحك ومسخره ويرمن كلام على اريام ...واريام تسوي نفسها ماتسمع شيء وكان الكلام مايعنيها دخلت الدكتوره وسلمت سارة شوفيها جالسه قدام ...صدق مصريه ..."مع احترامي لشعب المصري " دلال وتضغط على اسنانها ..."طالعي الدكتوره اعطتها الكشف الله يستر " اريام وتقوم وتنادي على الموجودات ..."اسماء ....امل... بسمه ...وقفت عند رغد دلال وتحاول تقلد نبرة صوتها ....نعم اريام رفعت عينها من الكشف وطالعت فيها ..."اختاري احظرك ولا احظر رغد " دلال وتنزل راسها .... " الله ياخذها ...فضحتنا " كملت اريام سرد الاسماء الي ان وصلت عند اسم ساره ورفعت عينها وطالعت فيها "ساره بقى لك ساعه واحده ويصير عندك حرمان" ساره ايه عارفه شمتانه حسبي الله عليها وعلى الدكتوره الي جنبك كملت اريام سرد الاسماء وبعد ماخلصت اعطت الكشف لدكتوره ابتسمت الدكتوره لاريام بفخر ان في الزمن بنات مثل اريام الواحد يقدر يحملها الامانه وبدت تسرد في محاظرتها الي كانها حكايات من الف ليلة وليلة ..." قولوا لي هم كيف اخذو الدكتوراه " =============***============ واقفه بالحر سااااعه وهي تنتظر اخوها وكل شوي طالع في الساعه وتتندم على انها ماراحت في الباص ...وكماااان الشله التعباااانه " بنظرها " زودتها اليوم معاااها شافت سيارو وليد وانقهرت ليكون وليدوه مصدق عمره وجايني بروحه اعرفه ماهو صاحي وفرحت يوم شافت اخوها نازل من السياره ويدورها بين الموجودين اريام وهي تفتح باب السيارة شااافت وليد راكب جنب السايق وبدون نفس " السلام عليكم " تركي وليد ..."وعليكم السلام"....تركي ..."وش فيك تقوليها بدون نفس" اريام "وكيف تبي اقولها بنفس وانت ساعه حارقني في الشمس" تركي ..." وش اسوي سيارتي في الورشه وشوفتك عيبنك جاي بسيارة وليد وليد "كذاب لا تصدقيه يقول خلها تستاهل امس رفضت تغسلي ملابسي" تركي وهو يضرب فيه ..."والله مالكذاب غيرك ".. اريام ..."اصلا العتب ماهو عليكم العتب على الي يروح معاكم " تركي بحنيه ... "وش فيك اريام اليوم معصبه.".. اريام وتذكرت حركة البنات معاها ...."مافيني شيء " وليد "لا شكلها جوعانه ....اعرفها لجاعت بسرعه تعصب" تركي "هاريام جوعانه عادي نوقف عند مطعم وناخذا غدا على حساب وليد" اريام وهي ميته جوع ..."لا ماني جوعانه " تركي ويوقف عند مطعم وينزل وليد وياخذ وجبتين له ولتركي وليد ويعطي تركي وجبته تركي باستغراب .." واريام لييييه ماجبت لها " وليد ...ببراءه يصنعها ..."ماهي جوعانه وحرام التبذير" تركي اريام هااااه اخذ لك غدا قبل ماتحرك سكت اريام وهي ولعت وتكهربت وأزبدت وأرعدت من وليد وزادت الطين بله ريحت الاكل الي حركت عصافير بطنها ولسانها لي صار يلعب فمها فوق وتحت تحرك تركي وساد الصمت في السياره ...وقف عند البيت وركب وليد سيارته واعطى وجبته تركي .... وكان تركي فاهم قصده من الاول وليد خلها تاكلها بالعافيه ...وياليت تترك العناد الي براسها تركي وسوي نفسه زعل ويمسكه من طرف ثوبه .... "اشوفك تتغزل في اختي وانا ساكت" وليد وهو يضحك ... "ترى اختك انا الي ربيتها ويللا اذلف عن وجهي " =============***============ الساعه 12 في الليل في بيت ابو نواف ام نواف وصوتها بدا يرتفع ..."ياسلام وسعود مالقى يخطب غير الصغيره يارجل قول له ياخذ دلال ابو نواف ..."انا ماصدقت انه يفكر يتزوج ويخطب من عندنا " ام نواف "بس انا مستحيل اوافق ان الصغيره تتزوج قبل الكبيره" ابو نواف" حرام اضيع نصيب البنت وكل شيء قسمه ونصيب " ام نواف ..".اييييه عارفه كل شيء قسمه ونصيب ...يس قووول له عن دلال " ابو نواف وعرف ان الكلام معها مامنه فايده ..." هااااه وش اخبار ولدك الهامل" ام نواف وعرفه مواله وانه راح يقارن ولدها في سعود...."مافيه غير الخير" ابو نواف وتنهد ..." مدري متى يحس على دمه ويجي ويساعدنا في الشركه ...هو كل الشغل طايح على سعود ...ولا الباقين مامنهم فايده اولهم ولدك واخرهم فيصل الي معتزل العالم وكانه له اعداء ام نواف وكانها تذكرت شيء...".انت ليييه ماتزوج دلال فيصل وتصير فرحتنا فرحتين " ابو نواف وعصب ..".انتي صاحيه تبيني اعرض بنتي على فيصل ....فيصل لو فيه خير كان جاء وسلم على عمه في يوم العيد " ام نواف ..."حرام عليكم كاااافي انكم حرمتموه من امه وهو صغير" ابو نواف "احنا الي حرمناه ولا هي ...أي ام هذي الي ماصدقت بعد مااات ابو سعود تتزوج ولا تفكر بولدها" قال كلمته الاخيره وهو يتثاوب وسحب الحاف وطفى الابجوره ونااام =============***============ الجمعه الظهر قبل الصلاة دخل عليها ماجد ورمى الثوب بوجها ..."بسرعه اكويه خليني الحق على الصلاة " حنين "حرام عليك كل الشغل علي روح لرنيم تراها فاضيه " ام ماجد وهي داخله .... "اختك ماهي فاضيه ...جالسه تذاكر انتي ناسيه انها ثانويه عامه" حنين "الله يرحم على الزمن الي كنت اذاكر واشتغل " رحمة وتاخذ الثوب ... "لا انا اكويه عن حنين" ام ماجد "والله راح تخربيها علينا ...دائما هذا موالها حفظناه من كثر ماتقوله " حنين وتحب امها وتكتم غصتها ...."يمه انا راح اكويه بس اهم شيء لاتزعلي مني " ام ماجد بحنيه ..." يابنتي مافي ام تزعل من بنتها بس انتي الله يهديك ماخذه الدنيا لعب" رحمه ..."مع احترامي لك ياام ماجد بس انا اشوف بس حنين الي تشتغل ورنيم ماتحط ايدها بشء وكل متقول لها حنين شيء تقول ماهو استلامي ام ماجد ..هي الله يهديها تعودت على الدلع ... وهذي غلطتي انا الي ربيتها على كذا =============***============ اسامه و يدخل غرفة فيصل بعصبيه وبدون استذان ... "فيصل ...انت ليييييه ماعيدت على عمك ابو نواف فيصل بهدوء ... ماكان عندي وقت اروح له اسامه ويقرب منه ....فيصل اسمعني ماهو زين الي تسويه بروحك وانا اهلك مااحنا اعداء لك فيصل ..."طيب اتركوني اعيش حياتي بروحي " اسامه وتنهدت ..".طيب امك رحت عايدت عليها" .. فيصل ..."لا وعمري ماراح اروح لها " اسامه .وهو يستغفر .." حرام عليك كيف تبي ربك يوفقك وانت عاق لامك " فيصل وعصب وقام ..." أي ام تبيني اروح لها ..امي الي لا رحت لها اجلس مع أخواني الصغار وهي ماعندها وقت تجلس معاي ولافاضيه تسالني عن حالي ...ولا أي ام يوم اتصل عليها تعطيني مشغول او ماترد علي قولي بالله عليك ...وش هالاشغال الي تشغل ام عن ولدها وتحرمه من حنانها وعطفها " اسامة سكت وماعرف يرد .. فيصل ويجلس جنب عمه ..."اعذرني ياعم رفعت صوتي عليك بس والله من الحرقه الي بقلبي " اسامه ويرتب على كتفه ... "بس الوالدين اوسط ابواب الجنة" فيصل .."الله يغفر لي " اسامة "بس مافي سبب يخليك تعتزل العالم الي حولك وتعيش بروحك " فيصل ..."غصب عني تعودت على الحياة كذا وهذا اريح لي " اسامة بمزح..."لاراح تجيك المحروسه هي وعيالها ويطفشوك عمرك ويخلوك تختلط بالناس غصب عنك " فيصل ابتسم رغم حزنه ... "اذا لقيت وقتها الي تفهمني وافهما" اسامه ويطلع بغرابه ..."تراك مانت رياضيات علشان تفهمك خلك من خربيطك وكتبك وخليني اتوسط لك عند بنات اخوي وازوجك" فيصل ..."اجل ارسل لي وحده من الحين افهمها الرياضيات علشان ماتبلشني بعدين " =============***============ على البــــحـر ..ابتسمت حنين وهي تنزل الاغراض من السياره وتشوف فايز يسبح رحمه وتمسكها من كتفها ..."خلك ويانا وانسي الي في البحر " رنيم بشك وطالع على البحر ..."مين ماجد " حنين برتباك ..."اجل مين " ومشو مع بعض عند ام راشد رحمة وتجلس ..."والله راح اشتاق لشمال واهلها .". ام راشد .."ها يارحمه ...جهزتي اغراضك ...بكره راشد جاي وياخذنا " ام ماجد ..."خلك ويانا ...وش لك في ناديه .." حرمة ابوماجد الثانيه " ام راشد .."والله ماعلي فيها انا ورحمه راح نكون بشقه بروحنا وهي خلها تنطق بيتها" ام فهد ..."يمه خلك ويانا والله راح تطفشي في الرياض" ام راشد ..."وليش اطفش ..ابي اقول لابو ماجد يوديني الفصيلة والمملكة يقولون اكبر من جبالنا وازين " حنين وتضحك ..."وش لك تروحي لها ترا جبالنا دخولها بلاش " ام راشد ..."ليييه عسى بفلوس ... ناقص اضيع قروشي على خربيط كذا ...والله اجبالنا ازين منها فهد ويلبس ملابسه ...."والله حتى انا راح افقدكم " حنين ورنيم طالعوا فيه وبسرعه قاموا ..."ورحمه بقت جالسة " رنيم راحت تلعب بالبحر وحنين ركبت السياره وتتفرج فيهم وهم يسلفوا فايز وهو ينغز بامه ..."يمه ويين وعدك لي " ام فهد .."اسكت ماهو وقته ..مره ثانيه" ام ماجد ..."وش فيكم" .. ام فهد ..بتردد ..."والله فايز مجنني يبي يزوج " ماجد ويضحك .."مابقى غير انت تتزوج ...زوجو فهد وبعدين فكرو فيه " فايز .."فهد حر وبكيفه ولو يبي يزوج محد معارضه " ام ماجد ..."طيب حاط عينك على احد ..". فايز وحاول يتشجع ..."اييييه ... ومن بناتك كمان " حنين ضربة صدرها بقوة وهي تشهق من الفرحه ماجد ..."ياسلام طلعت عينك طويله على اخواتي " فايز "لا طويله ولا قصيره انا ابيها بالحلال" ام ماجد ..."طيب مين هي الي ودك ياااه " ام فهد ..."عااادي أي وحده " فايز .."لا انا ابي رنيم " رنيم ... رنيم ... رنيم .. بقت هالكلمه ترن في راس حنين وحاولت تفهم وش الموضوع ماجد بصدمه .."بس اختها الكبيرها لسه ماتزوجت " ام فهد ...."عااادي زوجونا حنين ماعندنا مانع " فايز بعصبيه ..."لا حنين سمره انا ابي رنيم " كانت كلمة.. حنين سمرا ..مثل القشة الي قصمة ظهر البعير بالنسبة لحنين .... تردد الكلمة باذنا وبقلبها وبجوارحا كلها وال فهمته من هذا كله ان فايز رفضها بس لانها سمرا ..لانها ماهي حلوه ..نزلت من السيارة بهدواء ... مشت على الشاطي الين ماحست ان موج البحر غطى رجولها قامت تتحسس وجها وطالع بيدها وتضرب بالامواج بكل قسوة والم وجع ..وتنهدت على حالها وعلى الحب الي تحطم بس لانا سمره حطت يدها بصدرها وطلعت صوره لفايز وهو صغير طالعت فيه وشافت الابتسامه مرسومة على وجهه... وسالت دموعها على خدها ...ضغطت على الصوره بقوة وهي تغمض عيونها قطعت صورته قطع صغيره ...وداست عليها برجولها وبكل قوتها وكانها تنتقم من حبها ومن قلبها وكبرياءها ومشت خطوات بسيطه عنها ...التفت على وراء وكانه ندمت وتبي تعتذر لفايز ولصورته وقفت مذهوله وهي تشوف الموج كيف بكل سهوله ابتلع صورة فايز بدون ان ينتظرها تبتعد عنه وابتسمت بحزن ..لازم تبدا مع الموج حياتها ... حست بيدا على كتفها التفت وشافت رحمة طالع فيها بعيون تجمع الحنان والحب الي دوره حنين بصوت جاي من اعماق قلبها ..." ابي اروح معكم الرياض " ورمت نفسها بحضن رحمة وهي قراءه ممتعه نــــونـــnoonaــــا (: |
<متابع بشغف وينتظار الجزء الرااابع
يعطيك العآآآفيه نونا000 |
اقتباس:
يعافيك يارب وشاكره لك متابعتك بشغف :biggrin: لك ودي (: |
الــــــجزء الـــرابـــــ(4)ـــــــع وداعــــــا ايهـــــا الحـــــلـــم " بعد إقناع طويل من ام راشد ورحمه لام ماجد وافقت ان حنين تسافرمعاهم الرياض وخاااصة بعد التغير المفاجي لنفسية حنين " طالعت في الشباك الطايرة وهي تودع اخرااحلامها وتندهت بحزن على فراق اهلها حنين بحزن .." ماكنت اتخيل انه يجي يوم ابعد فيه عن اهلي" رحمة بمزح ...." وانا مااتخيل انه يجي يوم واكون انا المسؤوله عنك " حنين وطالع فيها بنص عين ..." لايعيوني محد مسؤال عني انا مسؤاله عن روحي " رحمة .." بس امك وصتني عليك وانا ماصدقت على الله" حنين ..."صدقي ماصدقي انا الي براسي اسويه ومافيه احد يردني" رحمة بتحدي .. "نشوف مين المسؤال عن الثاني والأيام بينا " ضحكة حنين وهي عارفه رحمة وعارفه عناده وانها مالها كلمه مادام رحمه معاها " =============***============ ركب سيارته وهو مستعجل طالع الساعة وشاف باقي على الصلاة عشرا دقايق وقف عند المكتبه وحمد ربه ان المكتبه فاتحه....دخل وشاف بنت واقفة على الرفوف الي يبي الكتاب من عندها فيصل بعجله ..."لو سمحتي كتب الطبخ هناك " ريم الي ما تعرف ولد خالها بسبت انعزاله ..طالعت فيه من فوق لتحت وسوت نفسها ماسمعت فيصل مااهتم لوجودها وصار يدور بالرفوف على الكتاب ريم ارتبكت من قربه لها ورجعت على الجدار تنتظره يخلص طالع فيها فيصل بيأس وابتسم ...لو سمحتي ممكن الكتاب الي معاك ريم بخوف وبدون ماتتكلم حطت الكتاب على الرف وبعدت اكثر فيصل اخذا الكتاب وراح يدور غيره من دون مايهتم ريم بصوت هامس .."الكتاب ...الكتاب .." فيصل وهو مشغول ..." اسف دوري غيره ... وضحك ماصدقت لقيته ريم راحت لصاحب المكتبه ريم ...لو سمحت ابي كتاب" الرجال من المريخ والنساء من الزهره" العامل ..."شوفيه بالرف الي هناك ريم ..." لاماهو موجود مافي غير واحد ونباع " العامل ..."اعذرينا هالنوعيه خلصت بس طلبنا طلبيه وان شاء الله بعد كم يوم تكون موجود" فيصل جاء وحط الكتاب ....على الطاوله ... وقاعد يدور الفلوس بجيبه ريم انقهرت منه وطالع فيه وتقول صدق مايستحي ..."لو سمحت الكتاب الي اخذته مني" فيصل وسوى نفسه ماسمعها ورمى الفلوس وطلع =============***============ الصباح الساعة سبعه في شقه ام راشد رحمة جهزت الفطور لحنين وصحتها من نومها عشان تروح ألجامعه حنين وتبوس رحمه على خدها و تتمسخر عليها .." شلونك يمه " رحمة .." امك بعينك كلي وبسرعه اذلفي الباص ليروح عليك " حنين ..." نفسي يوم اشوفك عاقله ومانتي متنفرزه" وتمسك جبهتها وتفرده باصبعها افرديها يارحمه اخاف تتعود وتصير جبهتك متجعدة ...وياحسرتي عليك وقتها رحمة وتنزع يدها "الحمد الله دايم مفروده ... وتعالي خلينا نتفق قبل ماتروحي الجامعه مين يستلم المطبخ ومين يستلم البيت ماهو كل الشغل طايح علي " حنين .."ياسلام انا وراي دراسه ولا انتي فاضيه ماوراك شيء" رحمة ...لا ياحبيبتي المطبخ من الحين عليك وانا علي البيت فاهمه" حنين ..." اييييه انتظريني انظف لك ...وضحكت ولبست عبايتها وسكرت الباب وراءها بقوة " رحمه وتضرب بيدها كف بكف ورمت نفسها على الكنب ... الله يعني عليك العتب علي انا المجنونه الي فرحانه فيك وناقلتك معي الرياض وضحكت بين نفسها والله انها غاليه بس لو تفكيني من خفة دمها دخلت القاعة بهدواء وهي تحمدا ربها ان الدكتوره تاخرت ...جاءت سارة ودلال مسرعات وصدمنها بقوه وطاحت على الارض وانتثرت كتبها في كل مكان اريام.." وهي تجمع كتبها ...."خيرا ان شاء الله ماتشوفن" مسكن يدا بعض وضحكن ....هااااهااااهاااا سارة "الاشكال الي مثلك لازم تكون واطيه " اريام بعصبه...: "والاشكال الي مثلك لازم تغتسل عن القذارة.".... وتفتح علبة المويا الي معاها ورشتها عليها ..." سارة انفجرت ودها تضربها ودلال تهدي فيها ..."والله لا ارويها بنت الفقر" دلال بتسامه جانبيه ماكره ..."ماهو الحين وخلها تشوف بنات الشاماسي لاحطن احد براسه وش يسون فيه "وضحكت على كلمتها =============***============ طلع الشركه وهو حاط الشماغ على كتفه ومنصدم من القرار الي سمعه ويسك على اسنانه بقوه من القهر و يتوعدا لتركي مثل ماحرمه رزقه ليحرمه عمره كله... صدم بااحد الموظفين وهو ماهو حاس عادل ...انت اعمى ماتشوف الموظف ..."وش بلاك من الصباح معصب ...ليكون خصموا عليك نص الراتب " عادل ..."لا انحرمت منه كله ...انفصلت وكله من تحت راس تركي " الموظف.." وش دخل تركي بفصلك" عادل ..."تركي هو راس المصايب محد علم على تلاعبي وغيابي غيره" الموظف ويضحك ..."هاانت قلت تلاعبك ولازم تاخذ جزاك عليه " ضحك عادل باشمزاز "نشوف من الي ياخذا جزاءه انا ولا تروك..." ومشى عنه وهو يتمتم بكلام ماهو مفهوم ركب السيارة وشغل الاغاني باعلى صوت وهو يفرك بخشمه بقوة امس الخبل نواف واليوم تروك ...والله لا حطمك بروس بعض واطلع منها ونشوف مين عادل ...وضحك بدون ارده "قال عادل" وحرك السيارة وانطلق باسرع سرعه =============***============ في الثلث الاخير من الليل وعند نزول الله تعالى ومناداته لي عباده هل من داعي فأستجيب له هل من مستغفر فاغفر له هل من تاب فأتوب عليه وفي داخل شقق أعوان الشيطان تركي بعصبيه ...."انتي ماتفهمي قلت ماابي " البنت بوقاحه ..." اجل لييييه تناديني من الاول " تركي ...."هونت عندك مانع ...ويللا اطلعي " البنت ..." طلعه ماني طالعه والي بيدك سويه ..."وقامت تفك ازارير بلوزتها تركي بصدمه ..." يابنت خلي عندك شوية حيا واطلعي بكرامتك" البنت بروده ..."اذا تبي تطلع اطلع انا ابي اجلس هنا" تركي ويطالع في البنت وقام الشيطان يلعب براسه ...وقرب منها وبدا يتاملها بدون رادع البنت ضحكة بانتصار ..."وش بلاك واقف ولا أعجبتك الجلسة" تركي وفتح عينه على الاخر وقرب من البنت اكثر ..وبعدين نفض راسه وكااانه يطرد خواطر منها ...واستغفر ربه .....وبسرعه فتح الباب وطلع جالس يطالع في الشباك وحاط يده تحت خده ويتأمل الظلام ويستغفر ربه وندمان على انه سمع كلام وليد وراح الحرام تركي ويلتفت على وليد.... "وليد انت ليييه ماتزوج وتريح نفسك " وليد بضحك ..."لاحق على غثا الحريم والعزوبية ما تتعوض" سكت تركي ورجع يطالع من الشباك وليد ويقطع سرحانه ..." انت المفروض الي تتزوج على الاقل تجيب وحد تونس اريام " تركي وتنهد بحزن..." ياليت لو اقدر اتزوج كان تزوجت من زمان انت تعرف الديون الي تركها ابوي ورآه ماهي هينة وشكل عمري يخلص والديون ماخلصت .... وبعدين انا ابي وحده تقدر ضروفي وتساعدني وفي الزمن هذا نادر متحصلها"... وختم كلامه بتنهيده وليد وندم انه فتح معه الموضوع ويرتب على كتفه ... هونها وانا اخوك وتهون ان شاء الله =============***============ في الجامعه الظهر جالسات على الطاوله وهن يلمحنها من بعيدا شافنها طالعه و وبسرعه لحقنها بدون ماتحس فيهن دلال ...."بسرعه ساره البسي اخاف نضيعها " سارة ..."خلاص اطلعي وانا لاحقك " طلعت دلال وراها وبسرعه لحقتها ساره ساره وتأشر عليها" شوفيها الي واقفه هناك مع اخوها " دلال وطلع جوالها من شنطتها وتصور اخوها وسيارته وضحكن بصوت عالي والكل انتبه لهن ورجعن لجامعه وهن يتوعدن لاريام =============***============ بعد المغرب في بيت ابو نواف العائله كلها اجتمعت ابو نواف وسعود وخالد واسامه ونواف وفارس الا فيصل الي معتزل العالم وعايش بين همومه وكتبه وماهو راضي يشاركه احد حياته اسامة بضحك.."الله يقطع شرك ياسعود ماحطيت عينك غير على الصغيره طالع بالفرق العمر الي بينكم ..." سعود بمزح ..."ليييييه عندك اعتراض وبعدين حلات البنت وهي صغيره " نواف ..."حتى انا ابي ازوج وارتاح من العزوبيه" ابو نواف ..." لا انت توك صغير على الزواج خلينا نزوج عمانك وبعدين نتفضا لك" نواف بعصبيه .. "ياسلام وش دخلني فيهم انا الي ابي ازوج...وضحك على الاقل اخفف زحمه على الطياره والجوازات ترتاح مني " اسامه ويضحك ....."والله صدقت الكل صار يعرفك من كثر ما تسافر وبصوت واطي كمل كلامه .. تسافر لبلاويك و مصايبك " سعود ويرفع حاجبه ...."بس رغدا الحين ماهي مستعده على الاقل خليها بالعطله" نواف وانقهر ..."واظن حتى داليا صغيره وخليها يوم تكبر شوي" أسامه شاف الجو تكهرب بين سعود ونواف وعارف سعود مستحيل يزوج نواف وهو على الضياع الي فيه والاستهتار وحب يلطف الجو اسامة .. "لا نواف خلي السنة هذي لسعود وخالد وانا وياك السنة الي بعدها " الكل التفت لخالد الي من يوم ماجلس ماتكلم ولا شاركه ولو بابتسامه وسرحان بعالمه ابو نواف .." ان شاء الله ياخالد نفرح فيك قريب " خالد وانتبه من سرحانه ..."بس المحروسة لسه مالقيناها" اسامة ..."قلت من الاول اصبر وريم تعرفها مزاجيه ماهي أي وحده تدخل راسها " خالد بلا مباله .."المهم انها ترضى تعيش مع واحد أعمى .." وقام ومد عصاه قدامه واستأذن وطلع =============***============ ثاني يوم في الجامعه ساره ودلال ورغد ...مسويات ربكه في بالصور وهن ينشرنها في كل مكان في القاعه ويعلقن عليها بصوت عالي ..حتى تنتبه اريام لهن سارة وتعطي البنت الي جنبها الصوره ..." طالعي شوفي هذي الصوره اخذتها من الانترنت لا قدم سياره في العالم وفاز فيها واحد سعودي منتف البنت .." معقوله فيه سعودي يركب سياره كذا حشا كانها جايه من العهد العثماني " رغد .." تصدقي يقولون من اهل الرياض .." البنت وتعطي الصوره الي جنبها .." لا مااظن هذا سعودي طالعي كيف شكله متعفس وحالته حاله يمكن هندي او مجنس بس مستحيل يكون سعودي وبدت الصور تنتشر في كل القاعه ..واريام الدموع تجمعت بعيونها وهي تشوف البنات كيف يستهزن على اخوها ويضحكن على شكله وعلى سيارته وتمنت انها لو تقدر تصرخ بوجهن وتنزع الصور منهن وحاولت تثبت نفسها بس ماقدرت وكيف تقدر وهي تشوف اغلى واحد عندها في الدنيا ينهان بين البنات وهي مابيدها شيء ...وطلعت من القاعه وهي تمسح دموعها والبنات ضحكن بصوت عالي يوم طلعت وحسن انهن بردن قلوبهن فيها =============***============ رجعت اريام على البيت و جلست بغرفتها وهي تمسح دمووووعها مهما أظهرت القوة تبقى ضعيفة بروحه بدون الي يعينها ويوقف معاها .....حست نفسها مخنوقه ودها تصيح بصوت عالي بس حنجرتها ماهي مطاوعتها تنهدت بحزن على حالها ......من يوم ما مات لميس وهي مارضت تصاحب احد بعدها ... ومستحيل تلقى مثلها وفراق أبوها وامها من قبل زادوا من حالتها وألمها .....صارت انطوائيه ولا تختلط بااحد وقتها كله تقضيه على الانترنت دخل عليها اخوها تركي بعصبيه وقطع سرحانها ...."اريام ليييه ماقلتي لي انك تروحي في الباص بدل ماانا ساعه وانا انتظرك بالشارع " اريام...وتذكرت ضحك البنات على اخوها...."اسفه تركي كنت تعبانه وطلعت ... ابي اريحك وارتاح واروح في الباص على طول " تركي وزاد عصبيته ..."ليييه ان شاء الله عاجبك ان سواق الباص يرميك على اخر الشارع في عز الظهر" اريام وماهي عارفه كيف تفهم اخوها ..."خلاص تركي قلت ابي اروح في الباص على طول " تركي ويقرب منها ويرفع صوته ..."اريام اتركي العناد واسمعي الكلام ...وروحه في الباص مافيه سامعه " زادت عصبيه تركي وزادت حالتها وغطت وجها بيدنها وصارت تبكي بصوت متقطع وتحاول تخفي شهقاتها بيديها تركي بخوف وحنيه .." اريام وش فيك ...مااكنت اقصد اني ازعلك ... اريام وزاد صياحه..."مافيني شيء خلني بروحي الله يخليك " تركي وخاف يترك اخته بحاله هذي وسحب يدها من وجها .."اريااام حبيبتي قولي وش بلاك لتخوفيني عليك " اريام وترمي نفسها بحظن اخوها ....ليييه انا الي احبهم يرحوا ويتركوني بروحي ليييه انا اعيش وحيده ومالي احد وتمسك اخوها وتشده بقوة ماابيك تتركني مثلهم خلك وياااي تركي ويمسح بشعرها .."خلاص اريام انا مالي في الدنيا غيرك ..ومستحيل اتخلى عنك" =============***============ كانت حاطه راسه على فراشها وهي سرحانة بأحلامها وأمانيها سمعت صوت بكاء مخنوق قامت والتفت يمين وشمال ودور مصدر الصوت وعرفت من وين مصدره فرح بخوف وهي ترفع الحاف عن اخوها..."محمد وش بلاك ...فيه شيء يعورك " محمد ويسحب الحاف منها ويصيح ...."لا مافيني شيء " فرح وتشد الحاف منه بقوة ..."محمد قولي وش بلاك " محمد ..بصياح مخنوق ..."ماابي أداوم بكره الأستاذ يضربني" فرح بحيره ..." ليييه صار شيء تلقفت على احد" |
محمد .وزاد صياحه ."لا بس كل يوم يقول جيب ابوك " .. فرح .." طيب ليش مسوي غلط " محمد .." لا عشان مادفعت القطيه حقت الفصل ويقول لي انت دايم ماتجيب الاغراض الي اطلبها منك ودايم ما أشوفك تفطر الصباح " فرح والعبرة خانقتها ..."خلاص انت لاداوم وانا بكره راح ادبر لك الفلوس " وابتسمت ..."هاااااتفقنا " محمد ويحب راسها ..."ايييييه" وغطى راسه وناام رجعت فرح لفراشها ودموعها تسبقها ...ندمت انها وعدت اخوها ...بس كيف اتجيب الفلوس وهي مابيدها حاجه غير الدعاء ....يارب انك ترزقني ...وتفتحها بوجهي وحطت راسها ووهي تفكر كيف تدبر المبلغ واستغرقت بالنوم وهي ماهي حااااسه بروحها =============***============ يوم الخميس المغرب ابو نواف سوى عزيمه عائليه واكتفى فيها بالعائله وما نسى ابو وليد شريكه في السوق واسامه جته الفرصه انه يتعرف على رحمه من قرب واستغل العزيمه وطلب من بنات اخوه يعزمن جاراتهم الشماليات دلال ..و.تنادي على الشغالة بصوت عالي ..."ريتا ...ريتوووه " سمع صريخها اسامه وتنحنح ...ودخل اسامه باستغراب... "وش فيك صوتك واصل الشارع " دلال وتجلس على الكنب.... "نفسي اعرف وش لك بالشماليات هذي عزيمه عائليه ومافيها احد غريب " اسامه .."احمدي ربك الي مسوي لك سالفه ...واقول خليني اعرفهن على جارتهم على الاقل نبسطن ويتانسن".. داليا وتنزل من الدرج ..."ياليت تكووون نيتك صافيه وبس هذا الي وراك " اسامه وقلب الموضوع ..."هلا بالعروسه ...هااااه انادي لك سعود يشوفك النظره الشرعيه " داليا ووجه احمر وقلبها صار يدق بقوه من يوم ماسمعت اسم سعود ...وسكت ولا ردت من الخجل اسامه ويمسح على راسها ...والله كبرتي وصرتي عروسه مثل القمر دلال ...بغيره ... "ياسلام عاااد من زينها جمالها تقليدي طالع الجمال الاصلي الي عندي اسامه وضحك بصوت عالي ...."لا انا اذا ابي ازوج ابي جمال تقليدي مثل داليا واحلى بعد" دلال ..."نشوف اليوم الشماليات يمكن فيه وحده حلوه منهم وحاط عينك عليها " اسامه وبسرعه تغيرت ملامحه وتذكر رحمة وعبس وجهه وطلع من دون مايتكلم =============***============ في غرفة حنين قالبه الدنيا فوق تحت وهي محتاسه ومابقت شيء بدولابها ماطلعته ولبسته وجربته حنين وماسكه كم بدله بيدها ..." رحمه قولي لي وش البس هذا ولاهذا " رحمه..." يابنت البسي الي يعجبك وخلصينا ناديه فضحتنا " حنين ... "طيب شعري افكه ولا ارفعه ولا وش اسوي فيه " رحمة وتزفر..."فففففف الله يطولك ياروح والله انك فاضيه " ...ومشت عنها حنين وتنادي عليها ..." رحمة الله يسعدك اخر طلب " رحمه وتلتفت لها ..."هاااه وش عندك " حنين ..."روحي معاااي والله اخاف اطفش واندم اني رحت " رحمه "لا فكيني ماني ناقصة تحقيقات فيدراليه...وش فيك متلثمه ...وش الي حرقك ... وين اهلك ومن الكلام الي ماله داعي " حنين ببروده ..."عاااادي هم ما يعرفوك وماله داعي تلثمي" طالعت فيها رحمة بعصبيه ...ومشت عنها وهي لو بكيفها قطعتها قطع صغيره على غباءها =============***============ دخلت حنين مع ناديه وعيونها تسرق النظر يمين وشمال وهي تشوف فخامة المكان وروعته.......سلمت على الحريم وجلست بهدوء ام نواف وترحب بناديه ..."حياالله مين جانا زارتنا البركه " ناديه ..." الله يحيك ويبقيك" ام نواف "وينك ماتنشافين ...والدنيا شاغلتك عن جيرانك " ناديه ... "تعرفي الظروف الي مرينا فيها تشغل الواحد عن جيرانه " ام سعود وطالع في حنين وتبتسم ..."وشخبارك يابنتي " حنين بخجل ..."بخير الله يسلمك ياخاله " طالعت حنين في البنات وابتسمت لهن ...والبنات بدورهن بادلنها ابتسامه مجامله رغد وبتسامه جانبيه ..."انارغد وتأشر على البنات وهذيك دلال والي جنبها داليا خطيبة اخوي سعود " حنين بتسامه فرح ... "وانا حنين " دلال ..وطالع فيها من فوق وتحت ..."تشرفنا يا حنين " انقهرت حنين من نظرتها ولا ردت عليها ... داليا بحيره ... "انتي جايه بروحك الرياض " حنين ... "لا جت معاي جدتي ورحمة ..." رغد .".طيب لييييه رحمة ماجت معاك ..." ناديه وتسابقها بالكلام ... "والله ودها تجي بس مستحيه تقول صعبه اجيهم وانا متلثمة" ام سعود "وليييه الثمه مافي الرجال يدخلوا " ناديه ... "هي ماهي قصة رجال ...البنيه وجها انحرق وهي صغيره ومستحيه من شكلها " حنين وتنفرزت من ناديه وطلعت زفره طويله..ففففففففف وهي تقول وش يسكتها هذي انتبهت حنين لبنات وهن يطالعن فيها ويكلمن بعض بصوت واطي ويضحكن شكت بنفسها وقامت تحسس شكلها وتفقد لبسها ..وعرفت انهن ماعندهن سالفه وطنشتهن وصارت تسمع لسوالف الحريم ام نواف ..."هااااه يام وليد وشلون وليد وان شاء الله جاء معاكم" ام وليد ..."بخير وعافيه.. وبالعافية ابووه غصبه وجاء معانا ...تعرفيه مايستغني عن تركي " ام سعود ..."ليكوووون اخوا البنت الي شفناها عندكم" ام وليد ...."ايه هذي اخته ماله غيرها ومن يوم هم صغار ما يفارقوا بعض" ام نواف بشك .." يمكن حاط عينه على اخته " البنات من يوم سمعوا ان وليد حاط عينه على احد سكتوا وفتحن عينهم على الأخر ويحاولو يستوعبوا السالفه زين" ام وليد بثقه .."لا هو يعتبرها مثل اخته ومايفكر فيها" دخلت ساره وامها وسلمت على الحريم ...وبسرعه قاموا البنات من الفرحه فيها وتركوا حنين بروحها ولا اعطوها وجهه طالعت حنين فيهم وش ساره هذي كل هذا حب ..العتب ماهو عليكم العتب على الي يجيكم ومسوي لكم سالفه" وبقت جالسه في مكانها وحست بالملل وصارت تتثاوب بين فتره وفترة دخلت ريم بتسامه وزعتها على الحضور وسلمت على حنين وجلست جنبها ..."مين رحمه " حنين ... "لا انا حنين ورحمة ماجات " ريم .."هلا فيك تشرفنا ...معاك ريم " حنين ..باستغراب ..." غريبة انتي من يوم ماجيتي ماسلمتي على احد ...من اهل البيت ريم بضحكه ..." لا جيت من بدري بس كنت عندا خوالي ...بصراحه مااجي هنا الا لهم وطفشوا مني وطردوني وهانا جيت عندك " حنين ..." والبنات ليش ماتجلسي معاهم بصراحه على طول ينحبن" وضغطت على الحرف الاخير " ريم ..." فكينا منهم شايفات نفسهم مدري على ايش .." حنين ضحكة بنفسها ..." والله بهذي صدقتي" ... فرحت حنين انها تعرفت على وحده مثل اخلاق ريم وزادت فرحتها يوم عرفة انها بنفس الفرقه معاها وريم بدورها استانست عليها وعلى عفويتها وقامت تحكي لها تاريخ العائله والجذور والاصوال وحتى الجيران ماسلموا منها ... =============***============ دخلن الغرفة وسكرن الباب وراهن وقفلن الانوار وفتحن الشباك وصارن يطالعن برا على الرجال سارة ..."طالعي شوفي وليد كيف كاشخ ومحلو اليوم ...ياعمري عليه " دلال بغيره ..."وش لك بوليد طالعي فيه ..قلت رجال يعني" رغد .."بدات الغيره عاااد من زينه شايف نفسه على ايش...طالعن الجمال الي هناك وتشرا على نواف" دلال بتفكير ..." نفسي اشوف اخت تركي هذا الي وليد مايفارقهم " ساره بصدمه ..."ليييه عسى وليد حاط عينه عليها " دلال ..." لا امه تقول انه يعتبرها مثل اخته ومايفكر فيها ..." ساره ..."يعني فضول ولا غيره" دلال .."افهميها مثل متفهميها "... داليا وتاشر على سعود "ياعمري يا سعود طالع ياخذ العقل ....وغمضت عيونها وابتسمت في فرح ...ياااه ياسعود متى يجي اليوم الي نكووون في بيت واحد وتكتمل فرحتنا رغد بضحك ..."يااااه البنت راحت فيها وتضربها على كتفها ....خفي على الرجال وخلك ويانا " سمعن صوت دق بقوة على الباب ورهف تنادي عليهن وتتوعد لهن رهف .." رغد الله يخليك افتحي الباب لي انتي وعديني..." داليا وجاء اليوم الي تنتقم منه ..." بسرعه اذلفي ولكانت غرفة رغد تكلمي .." رهف وتكلمهم من وراء الباب وهي تتوعدا لهن بعد ماياست منهن ..."طيب يا قليلات الأدب يا باردات الوجهة انا عارفه انكن تتفرجن مع الشباك على الرجال.. صدق انكن ما تستحون والله لعلم عليكم سعود" رغد بخوف .... "افتحوا لها الباب ...البنت والله غير تفضحنا عند الحريم " داليا بحقد ..."لا والله لو تموت علشان أي كلمه طقها باذن سعود " وسكرن الشباك وشغلوا الأنوار وجلسوا مع بعض ويستمتعن بصريخ رهف وذلها بعد اسبوع من الاحداث ريم وحنين زادت العلاقه بين بعض خاصة انهم بنفس الفرقه وصاروا ما يستغنن عن بعض سعود وداليا اتفقوا ان يكون يوم ملكتهم اخر الشهر رحمه حاولت تتكيف مع الي حولها بس طبيعتها ماقدرت وصارت ما تختلط باحد الا لضرورة عادل بدا يظهر انتقامه على ارض الواقع من تركي ونواف ... =============***============ واقفه في المطبخ ساعه بين تغسيل الصحون وتنشيفها دخلت عليها حنين بهدوء ومسكتها مع يدها رحمه وتحط يدها على صدرها ..."بسم الله الرحمن الرحيم وش فيك حنين وتخفض صوته ..."اص تعالي بدون صوت " مشت حنين ومعاها رحمه بهدوء .. حنين شوفي وتاشر على جدتها ..طالعت رحمة في جدتها وشافتها منسدحه على ظهرها وحاطه رجل على رجل وتابع التليفزوين ..وباين عليها انها متاثره ضحكة رحمه بصوت عالي وانتبهة لها ام راشد ...."يمه وش جالسه تسوي" ام راشد .."شوفة عينك قاعده اتابع التلفزيون " حنين وطالع بعيون جدتها .... "جده ليه عيونك حمرا كنتي تصيحي " ام راشد وتفرك بعينها ... "لا مااصيح...وبعدين سكت و مسحت دمعتها بشيلتها ... "حزنت على البنت الي مات زوجها وهي ماتهنت في شبابها توقعت بس انا الي ابو راشد تركني في عز شبابي" رحمه وتكتم ضحكتها ..."يمه الله يهديك انتي مصدقه هالخربيط كلها كذب بكذب " ام راشد ... "لاوالله يابنتي شفته بعيني يوم مااات ياحسرتي عليه ذكرني في ابو راشد " رحمه ... "يا يمه في كل مسلسله تشوفيه لا تخافي عليه وهذا الي نزلتي دموعك عليها تلقيها في مسلسله ثانيه متزوجه غيره " حنين بمزح وخوف.. "هاااااه جدوه جدي ترك في عز شبابك " ام راشد وتاخذا العصا : "ايييييه ليه شايفتني عندك عجوز ويالللا اذلفي نامي بكره وراك دوام ولا والله العصا ماتسلم منك" ضحكة حنين ودخلت غرفتها ورمت نفسها على السرير وهي ميته ضحك ولحقتها رحمة حنين ... "رحمه بالله خلينا نشيل التليفزيون عن جدتي والله غير يخربها اربعه وعشرين ساعه ماتفارقه" رحمه ...اسكتي ولا اخاف تسمعنا وبعدين ضحكه بصوت عالي ..."الله يهديه امي تقول ابوي تركها وهي بعز شبابها " حنين ... "جدتي مصدقه روحه انها شباب ..." رحمه ورمت نفسها على سريرها ..."تصدقي توقعت ان نفسيتي راح تتعب في الرياض بس الحمدالله طلعت تمااام " حنين بتردد..."ايه كل الفضل يرجع بعد الله سبحانه لي وابتسمت بخوف وكمان جارنا الدكتور" رحمه بشك ..."مين تقصدي .." حنين ..."مااقصد احد "..واخذت جوالها وصارت تلعب فيه ورفعت عيونها لرحمه "تصدقي تقول ريم ان اسامه خالها من الرضاعه وان جدها الله يرحمه اخذه من دار الايتام وهو له شهرين ورضع مع خالد وتربى معاها " رحمه وتغيرت ملامح وجها ..." يعني يتيم الأبوين" حنين ...." ايه بس شوفيه كيف صار ماشاء الله اليتم ما اثر عليه بالعكس انتفع منه ونفع مجتمعه" رحمه .."الحمد الله ان يتمه مااثر على حياته وياليت يكون اسامه قدوه لجميع الايتام " قامت حنين وجلست جنبها وابتسمت .."حتى انتي قدوه لك " طالعت فيها رحمه بنظرة احتقار وغطت راسها ونامت وهي تحمدا ربه وتشكره على نعمة العقل =============***============ سكرت السماعه ... وجلست وحطت يدها تحت خدها .. وهي تنهد وتدعي ربها انه يفرجها عليه ام ريان: "وش بلاك ياريم ..." ريم :..."مافيني شيء "..وتقوم ..."اذا جاء اسامه ناديني" اسامه وهو داخل .."السلام عليكم ورحمه الله وبركاته " ريم وتبوس اسامه على جبهته ..."هلا اسامه وينك ماتنشاف ولا صاير ماتجي غير بعزيمة " اسامه ويجلس .."الي يبغاني يجيني ...ويللا قولي وش عندك داقه علي " ريم وتنهد وتغمض عيونها ..."بنت ام محمد انخطبت" اسامه ويفتح عينه على الاخر ...ويضرب جبهته ..."يوووه وانا كنت حاط املي فيها " ريم ..."عااااد والله تعبت مدري مين اخطب الحين له " اسامه ..."حاولي البنات ما خلصن وماكثر الله غير من بنات الرياض " ريم بملل ..."من وين عاد ادور ...تعبت والله " اسامه بضيق..." انا طالع وأبي اسمع خلال اسبوع انك لقيتي لخالد عروسه فاهمه " ريم ..."طيب انا رايحه معاك ابي اروح عند حنين اكمل محاظراتي ومنها افضفض عن قلبي شوي" اسامه ويطالع فيها ..وماعرف وش يقول وتردد ..."طيب رحمه وش أخبارها " ريم بروده .. "مااعرفها جيتهم مره وحده واحس انها طبعها غريب" اسامه باستغراب .."يعني كيف " ريم ......"مثلا اللثمه مستحيل تفكها عن وجها .. وكمان انطوائيه وكلامها بالقطاره " اسامه وتنهد ..."الله يكون بعونها " ريم .."وش رايك نخطب رحمه لخالد يمكن توافق خاصة وانت عارف بحالها " اسامه بصدمه .."لا حرام عليك طبع خالد مايناسب رحمة وهي أطباعها غريبة " ... ريم "عاااد وش اسوي تعبت والله ....حتى حنين طفشت مني من كثر مااعيد عليها هالموال " اسامه ... "صح وش رايك بحنين " ريم ..."ليييه وش بلاها " اسامه .. "ما بلاها شيء ..بس احسها هي الوحيده الي تصلح لخالد..." ريم وأخيرا لقتها ..."والله بهذي صدقت ...وحتى لقافتها تليق عليه " وركضت من الفرحه وسبقت اسامه على السياره =============***============ جالس في السياره له ساعه وهو ينتظرها شافها طالعه تكب الزباله " والجميع بكرامه " وبسرعه نزل من السياره ولحقها قبل ماتدخل البيت ومسكها من يدها بقوة وهو يلتفت يمين وشمال من الخوف ونبضااات قلبه دق بسرعه وبصوت متقطع ..." تعالي وخلينا نتفاهم " وسحبها بقوه معاه السيارة قراءه ممتعه مع فائق ودي نـــونـــnoonaـــــا (: |
قصة جميلة.....إيمتى بدنا نعرف شو تتمتها....يسعد صباحك
|
<مازلنا نتابع القصه المثيره باحداثها000
بانتظار الجزء الخاامس عافاك ربي نونا000 |
R.A staRsign1 ويسعد صباحك تابعي حوبي وتعرفين التكمله الساااهر اشكرك ع المتابعه ويعافيك يارب (: الجــــــزء الخـــــــ(5)ــــــامس "انـتحــار الحـــلم اخـــر اللـيـــل " جالس في السياره له ساعه وهو ينتظرها شافها طالعه تكب الزباله " والجميع بكرامه وبسرعه نزل من السياره ولحقها قبل ماتدخل البيت ومسكها من يدها بقوة وهو يلتفت يمين وشمال من الخوف ونبضااات قلبه دق بسرعه وبصوت متقطع ..." تعالي وخلينا نتفق مع بعض " وسحبها بقوه معاها لسيارة ميري وتصرخ ..."ايش فيه بابا انا مافيه سوي مشكله " عادل ... "اص قصري صوتك ...انا ماابي اسوي مشكله انا ابي اتفق انا وانتي " ميري بخوف ... "لا مافيه اتفاق" عادل ويطلع الفلوس من جيبه ويهزها بيده ..."سمعي الكلام وطاوعيني ومالفي احد معلوم " ميري وتبلع ريقها وعينها على الفلوس .."خلاص بابا وش فيه كلام " =============***============ جلست ريم في الصاله مع حنين وام راشد ورحمة وهي ماهي عارفه كيف تاخذ حنين بغرفتها وتجلس معاها براحتها وتبدا معاها الموضوع ام راشد ... وشلون اسامه يابنتي ...وينه ماينشاف ريم ... بخير الله يسلمك ياخاله وتعرفي الدكتور ماعنده وقت فاضي حنين ...ايه بس عنده وقت لهذرتك الزايده وطالع فيها بنص عين .."ليكون خالك طلع فضيحنا كلها " ريم وطالع في رحمة .."بالعكس خالي ماغير يمدح فيكم ....وابتسمت .. وخصوصا رحمه " حنين التفت على رحمه وشافتها ماحركة ساكن ولا كن الكلام يعنيها ام راشد .. "الله يخليه لكم" ... وتمدا العكاز قدامه وتقوم... "أخليكم تأخذوا راحتكم " ريم وماصدقت على الله ."..اجلسي ياخاله راحتنا بشوفتك " حنين وتقرص فيها ... "اص خليها تروح ابي اثرثر على راحتي " رحمه وابتسمت غصب عنها "بس انا موجوده وماني قايمه ولا ايش رايك يا ريم " ريم بادب .."عادي الجلسه ماتحلى الا فيك " حنين وتحط رجل على رجل ...." رحمه قومي سوي لي كوب عصير وياليت لو تسوي شيء معاه احس نفسي جوعانه " رحمه وتقوم ..."عارفه تصريفه انا رايحه بس احلمي اسوي لك شيء " ريم وعينها على رحمة وهي رايحة ..مدري وش عاجبك في هالمخلوقه حنين بقهر..." تصدقي اغلى منك يالدبه " ريم .."طيب ياحنين وتقوليها بوجهي عااااد تعالي و اطلبي تكملي محاضراتك من عندي ...وقتها تحلمي وخلي هالمعقده تنفعك " حنين بزعل ..." ريم لو سمحتي كل شيء ولا رحمة ..سبيني وغلطي علي ام رحمة ماارضى عليها بشيء " ريم بندم ..." اسفه حنين ماكنت انها غاليه عندك لهدرجه ...وبعدين سكتت طيب هي ليييه طبعها كذا ماهو لهدرجه هالحروق تاثر فيها " حنين وتنهدت ..."كل انسان له مكنون ورحمة الله العالم بمكنونها " تذكرت ريم الموضوع وطالعت بحنين وارتبكة وصارت تفرك باصابعها وماهي عارفه كيف تكلمها بدون اراده .." حنين وش رايك بخالد" حنين بضحك : "راي فيه مواطن سعودي مامنه فايده " ريم برتباك وعصبيه "...انا ماني جالسه امزح معاك انا اسالك بصراحه " حنين بحيره .. "وش يفيدك راي فيه " ريم ودقات قلبها متسارعه ..."الي اقصده لو تقدم لك راح توافقي عليه " حنين بصدمه وجها بدا يصب عرق...هاااااه ...ايش تقولي .. ريم وتجلس جنبها ...اسمعي حنين اسمعي انا ماخطبتك لخالد الا اني واثق فيك انك اول ماتهتني بقلب الانسان وان المظاهر ماتعني لك شيء وخالد يبي وحده طلعه من الي فيه وترسم له حياته بيدها حنين .."بس خالد" ... ريم بشجاعه "انا عارف ودك تقولي اعمى بس العمى ماهو نهاية العالم صح انه انحرم من عيونه بس مانحرم من قلبه ولو قدرتي تدخلي قلبه مستحيل يفرط فيك وراح تكوني ملكة قلبه وقتها حنين بعد ماهدت واستوعبت .."استخير وارد عليك " ريم .." خلاص راح اترك يومين تفكري فيها ويللا انا طالعه سلميني على رحمة " طلعت ريم ووغمضت حنين عيونها واسندت راسها على الكنب وغاصت في احلامها =============***============ جالس في مكتبه وهو سرحان نزل راسه على المكتب وغمض عيونه حس نفسه يتنفس بصعوبة رفع راسه ودارت عيونه على الموظفين ورجع نزل راسه سمع صوت وبسرعه رفع راسه وليد ويضرب على المكتب بخفيف ..." تركي ..تركي ..صح النوم .." تركي ويرفع راسه ..." هلا وليد توك على بالي " وليد ..." تركي ايش فيك من الصباح وانت مانت على بعضك " تركي .." مدري احس نفسي تعبان والدنيا ضايقه علي " وليد .. "بسم الله عليك اترك عنك الدلع ومااني أبوي تضحك عليها تركي وتنهد .. "وليد والله تعبان وماانت حاس في .." وليد وبدا الخوف يتسرب لقلبه ..." طيب خليني اوديك المستشفى ..نسوي لك التحاليل يمكن معاك فقر دم او..وضحك اكيد هذي اريام ماتطبخ لك اعرفها عنيده وماتسمع الكلام على طول تركي ببتسامه جانبيه .." ايييه اريام ...بس ماني خايف على نفسي منها خايف عليها من هالدنيا اريام تغيرت من بعد مامات لميس وماعاد صارت اريام القويه احسها يوم عن يوم تذبل وخايف عليها من هالدنيا وليد ويجلس على الكرسي .." ماهو بس اريام الي تعذبت من يوم موت لميس كنا كان فراقها ماهو سهل علينا ..والله يرحمها تركي وتنهدت وهز راسه ..." خايف يصير في شيء وقتها اريام مين لها في هالدنيا وليد وحب يغير من مزاجه ..." ماعليك تموت وترتاح منها وقتها بطيح عله على قلبي تركي ابتسم برغم ضيقه .." عااااد مااوصيك عليها ترا الحب الي براسها مانطحن الى الحين ونشوف تقدر تطحنه ولا وليد ...لا ياربي يحفظك وتفكني منها اعرفها مااحد يصبر عليها غير اخوها تركي ..طيب لو سمحت ياالاخ تراك تتكلم عن اختي المصونه ويللا اطلع ورينا عرض اكتافك وليد ويقوم ..." المال مال ابونا والغرب يطردونا ...والله سويتها ياتركي وقام سحبه من ثوبه وطلع هو ويااااه يتمشون =============***============ جالسه بروحها بغرفتها وهي بشبه دوامه وحاسه راسها بينفجر ...حطت يديها على راسها وكانها توقف الدوامه الي فيها اكلت اظافرها من كثر ماهي متوتره ومتردده ... دخلت عليها رحمه وانقذتها من دوامتها رحمة بخوف ...حنين وش بلاك من يوم ماروحت ريم وانتي مش على بعضك حنين بارتباك مافيني شيء .. وصارت تفرك باصابعها بقوة رحمة وصوتها بدا يرتفع .."حنين احنا اخوات ومن متى بينا اسرار " حنين وهزها صوت رحمه وبدون وعي خبرتها بالموضوع رحمة بعصبيه ..."وان شاء الله ناويه توافقي " حنين وطالع برحمه ..."ليه عندك اعتراض " رحمه وتقوم من مكانها ..."حنين انتي صاحيه كيف تبي تاخذي واحد اعمى .. كيف تبني حياتك مع واحد مثل خالد " حنين ..لو سمحتي قصري صوتك ولا احد يسمعك " رحمة وترجع وتجلس مكانها ..."حنين الله يخليك فكري بعقلك ولا تضيعي عمرك" حنين وتسند راسها على الجدار ..."لو فكرت بقلبي كان ماوفقت انا افكر بعقلي وبدا صوتها يختنق من الصياح ...قول لي مين يبي ياخذا وحد مثلي انا عارفه ان الرجال اول مايفكروا بالجمال يهتموا بالشكل الخارجي يهتمون بالمظاهر وانا هالشيء محرومه منه وكيف تيني ابني حياتي على شيء مااملكه يكفي اختي الصغيره انخطبت قبلي وانا عمر مااحد فكر في وخطبني ... رحمت بترجي ..."حنين انتي حلوة ...والله حلوه ولا تضني ان الرجال كلهم مثل فايز في رجال الجمال اخر مايهتمون فيه صدقيني " حنين ..."اييييه فيه بس في الزمن هذا لا مااظن " رحمة وبدات تعصب ..."انتي صاحيه ...كيف تبي الناس تثق بجمالك وانتي اول مادفنتيه بنفسك انتي اول مااهملتيه وحطمتيه بنفسك احمدي ربك ان شكلك مقبول حنين وتحط يدها على فمها ..."خلاص رحمة ان اتخذت قراري ومستحيل اتراجع فيه وخليني اعيش حياتي ...يمكن خالد يقدر يعطيني الحب والحنان الي انحرمت منه وصدقيني لو اعطانيها لعطيه عمري كله واكون له عيونه الي انحرم منها طالعت فيها رحمه وهي مصدومه من قرارها وماقدرت تستحمل وقامت عنها =============***============ في المدرسة وبوقت الفسحة جالسه بروحها وهي طالع في البنات تاملت ضحكاتهم واشكالهم وكل شوي طالع بمريولها وتشوف الفرق بينها وبين البنات غمضت عيونها بحزن وهي تتحسر على حالها كتمت تنهيده بداخله ولا تبي احد يحس بحالها طالعت في الخبز الي تفطر عليه وانسدت نفسها عن اكله وأخذته ولفته ودخلته جيب مريولها نزلت عينها بالارض وبدت تتامل النمل وهو يسعى لجمع فتاتات الخبزويكافح لجمع الاكل وبنت احلامها مع النمل وسعة مع همتهم صحت على صوت صديتها فرح وتهز راسها ..."هلا نوره" نوره "وين سرحانه ...اكيد في الخرابه " فرح بضيق ..."مايخصك " نوره وطلع من جيبها مائة ريال .."خذي واعطيها اخوك ...واسمعي كلامي وسيري بطريقي " فرح بخوف .. "لامستحيل اضيع مستقبلي " نوره .."اي مستقبل دوريه احمدي ربك انك عايشه في هالدنيا " فرح بتردد ... "وامي لو عرفت وش راح اقول لها " نوره "وامك وش يخبرها وعلى الاقل تفرحي امك وتسدي حلق ابو فلاح " فرح وتنفض راسها .."لا ..لا .. مستحيل واخون ثقة امي في " نوره وتحط عينها بعينها .."اجل مين يرحمكم لو انرميتي في الشارع " سكت فرح وغمضة عيونها وبقت دمعتها محبوسه بطرف عينها "انا موافقه "..قالتها بعد طول تردد نوره وعلامة الانتصار بانت عليها ..."خلاص ان اتفق لك مع ام وحيد وابشري بالغنى بعد اليوم" ضحكت فرح بنفسها وقالت تقصدي "ابشري بالعار بعد اليوم " =============***============ ريتا وماسكه دانه وتلعبها وترسم لها رسومات بكراستها كلها تتعلق بدينها ومشاعرهم وطقوسهم ريتا .."ها دانه من ربك " ابتسمت دانه براءه واشرت بصابعها ثلاث ريتا وتاخذها وتجلسها بخضنها ..."طيب مين هم " دانه وتعد على أصابعها .."الاب ..الابن ... وروح القدس .." ضحكة ريتا بنتصار وأخذتها ودارت فيها الغرفه من الفرحه ميري وتنزل الشنطه وترتب ملابسها .."والله انا فيه شوق لفارس " ريتا ... "خلاص لازم فيه سفر بكره " ميري .."ايه اخاف فيه اعرف مين سرق صور البنات " ريتا ... "كل الصور انتي فيه اعطي صديق " ميري... "لا ماما دلال مافيه صور بس ماما داليا" ...وضحكة "بعدين انا مافيه صديق عادل انا صديق الفلوس "وطلتعها من جيبها وصارت تعد فيها =============***============ في غرفة خالد فيصل جالس على طرف السرير واسامه جالس على الكرسي الهزاز وخالد منسدح على السرير وحاط يديه وراى راسه اسامه .."يللا ياخالد كلها كم يوم وتشوفك نفس علينا " خالد بلا مباله .." هذا اذا وافقت هالحنين " فيصل بمزح..." ريم الخطابه ليه مادورت لي عروس " اسامه .." حدك عن الغلط كلش ولا ريم " خالد ..." اييييه فيصلوووه خذ راحتك في البقيه بس ريم لا تراها الرداد لاسامه " اسامه وفهم قصده ..." وش قصدك ياخالد " خالد ويعدل جلسته ويغير الموضوع .."صح فيصل انت ليه ماتاخذ ريم وتريحها من المشاوير" فيصل ..."ايه علشان بس اطقها بكلمه تقوموا علي انت واسامه .لا فكوني ابي بعيده على الاقل اسلم منكم " خالد ..."ليييه انت ناوي تفخ المدام انت " فيصل استحى وسكت واسامه انطلق عليه الضحك =============***============ بعد اسبوع من الاحداث حنين بلغت ريم بموافقتها على خالد اجتمعوا العائلة كلهم وراحوا خطبوها لخالد ابو ماجد ماكان عنده مانع وبسرعه وافق ام ماجد رفضت ان بنتها تاخذا واحد اعمى ومارضت تحضر ملكتها من زعلها على بنتها ...ماجد كان له موقف سلمي واحترم رغبتها وجاء من الشمال ورنيم حضرت مع اخوها رحمة من ذاك اليوم وهي ماتكلم حنين الا لضروره وكرهت غباءها واشفقة على حالها في يوم الملكة عند خالد واسامه اسامه وهو يعدل شماغ خالد... "هاااه خالد مستعدا" خالد وهو يخفي ارتباكه .."ايييه شايفني داخل حرب" اسامه ...ايييه حرب عواطف ... "ونشوف من يفوز في الاخير " خالد... "انا نفسي افهم هي وين عقلها يوم وافقة على واحد اعمى " اسامه ..."عقلها براسها بس انت الي وين عقلك " خالد "يالله يارب عسى الملكه تخرب من اولها" اسامه وعصب من خالد ..." احمد ربك انها رضت فيك ولا هي وش ناقصها تاخذ واحد مثلك " خالد وكلام اسامه كان مثل الطعنات بقلبه ...ايه وش ناقصه تاخذ مثلي وجلس ورحه ماني رايح وخلي الملكه تخرب من عندي اسامه وندم على كلمته ...." اسف خالد بس ايش اسوي فيك ... انت المفروض تكون واثق من نفسك ولا تنظر احد يزرع الثقه فيك " ريم وعيونها بدت تدمع وخافت طيح من عين حنين ...خالد الله يوفقك روح عشان خاطري وحنين والله مارضت فيم الا وهي واثقه بختيارها" خالد انا رايح بس من الحين ياريم عشر دقايق ونروح اتفقنا " ريم وتمسح دمعتها ...اتفقنا وابتسمت واخذت بيده وطلعت =============***============ كان جالس معاها وهو يشد على عصاه بقوه من التوتر وحاس نفسه مخنوق وماهو عارف وش يتكلم وكيف يتجرا معاها خالد برتباك واضح ..."مبروك ياحنين " حنين وبصوت مخملي ناعم .."الله يبارك فيك " سكت خالد وبقى فتره طويله وهو ساكت ومحتار وش يقول وحس ان الوقت يمشي بطى ضغط على نفسه بقوة واخذ العلبه بهدواء وطلع الدبله ومسك يدها ولبسها الدبله وكان حمل وانزاح من عليه حنين وطالع في الدبله "مشكور خالد" خالد ابتسم رغم ارتباكه .."طيب ماتبي تلبسيني كمان" ضحكة حنين بعفويه ..."لا لبس حالك مالي شغل فيك " خالد بشجاعه ..."طلعتي غشاشه من اولها " حنين بخجل ..."هذي اولها والله يعينك على تاليها " خالد وبصوت هادي ... "والي قول ماراح يلبسها غير يوم تلبسيه " حنين بجراءه ..."عيب رجال ها كبرك ماتعرف تلبس بروحك " خالد ضحك بصوت عالي حتى الي بصاله انتبهوا له ريم وهي داخله ...وتكلمه بصوت واطي ..."وش بلاك فضحتنا " خالد واستحى من ضحكته ..."بس صديقتك طلعت غشاشه وماهي راضيه تلبسني الدبلة " ريم وحبت تحرج حنين ... "لبسي زوجك الدبله ولا تسوي نفسك عاقله وانتي اكبر رجه في العالم حنين واستحت من ريم وتتوعد بداخلها لها واخذت الدبله ويدها صارت ترتجف من الخوف وهي تلبسه ياها مسك يدها خالد وضغط عليها وكانه يبي يوصلها رساله شكرا على الفرحه الي دخلتها قلبه سحبت يدها بهدواء وجها تلون من الفشيله ريم ...ها خالد نروح وترا المعازيم يبو يسلموا على العروس خالد ..خلاص انا طالع ها حنين تامري شيء سكت حنين ولا ردت وريم مسكة يده وطلعت وهي توعد بداخلها غير تفضحه عند اسامه =============***============ جالسة مع المعازيم وحاسه نفسها متوتره وصارت تهز رجلها وتحاول ماتظهر انزعاجها دلال وتضربها بخفه ..." وش فيك جسمه كله ينتفض" ساره بضيق ..." مافيني شيء" ..وصارت تهز رجولها بقوة وملاحظ رغد ..." لتكوني غيرانه على خالد من حنين " ساره وتضغط على اسنانها ..."لو ابي خالد كان اخذته من زمان وخلها تشبع فيه " دلال .." طيب وش فيك معصبه وخلقك ضايق " ساره .." انا ابي افهم انتم كيف رضيتوا تزوجوا خالد من حنين وبعدين ليييه ماخليتوا الشبكة في بيتكم بدل هالبيت الي يفشل الواحد يوم يدخله " دلال ..." اولا يحمد ربه خالد ان حنين رضت فيه ولا هي وش ناقصها تاخذا واحد اعمى ثانيا.. كلنا مارضينا حتى حنين بذاتها مارضت ان الملكه تكون في بيتهم بس وش نسوي برحمه تعطي اوامر والعائله هذي كلهم ينفذوا لها وكانهم عبيدا لها .." ساره التفت وشافت حنين داخله عند الحريم والابتسامه مرسومه على وجها وطالعت بيد حنين وشافت الدبله ورجعت وطالعت بيدها وحست بالغيره اكلت قلبها وقامت تخرب عليها فرحتها ساره ..." مبروك حنين " حنين وتبتسم لها .." الله يبارك فيك " ورنيم جت وضمة اختها وباركة لها وجلست بجنبها داليا .." عااااد من الحين ماراح اقولك غير ياعمه شفتي كيف ادلعك " حنين بخجل ..." لا عااااد لتكبريني .." ساره وحبت تغيضها ..." لييييه حنين رايحه الكوفيره خالد ماراح يشوفك تعبتي روحك على الفاضي رحمة من بعيد ..." ليييه ونفسها مالها حق تفرح " سارة وانخرست ورجعت جلست عند البنات ريم وتضحك وتاشر لرحمه بيدها دليل انها اعجبتها =============***============ طلع من المسجد وهو يستغفر ربه ويسبح شاف عادل طالع قبله تركي ويسلم ...."شخبارك عادل " عادل الي كان مظهر على نفسه الصلاح ....."الحمد الله ربي مايضيع حدا " تركي ..."هاااه عادل لقيت لك وضيفه" عادل ويتحسر .."من وين ياحسره وانت شايف الحال" تركي بندم على الي سواه ..."ياليت لو اقدر اساعدك كان ساعدتك " عادل ..انا عارف الي بيدك وانك ماتقصر ... وسكت فتره بس لحظه انا بكره مسافر وياليت لو تقدر تاخذ ملفاتي وتعطيهن واحد من معارفي " تركي ..."بس انا مااعرفه ولا اعرف بيته" عادل ...خلاص تركي كنت عارف من الاول انك ماعندك وقت لي ومشكور ماتقصر تركي .."لاماهو هذا قصدي بس" ... وسكت ..."خلاص ابشرا هات ملفك ومايصير خاطرك الا طيب" عادل وبابتسامه ..."خلاص بكره امرك في البيت واعطيك الملف بس لازم تروح له في وقت متاخر و مايكون فاضي غير اخر الليل " تركي بتردد ..."بس ماهي صعبه اروح له في اخر الليل وش يقول عني " عادل "لاتخاف ...هو الي اعطاني هالموعد ...ويللا شكلي عطلتك انا رايح ومشكور ياتركي" =============***============ رمى نفسه على السرير بعد ما تسبح وابتسم ابتسامه طلعت من قلبه سحب الدبله من يده وخللها باصابعه كلها قام وفتح الشباك واتمنى انه مانحرم عيونه بس عشان يمتعها بشوفتها ضحك على نفسه ...اهاااااه ياخالد في جلسة وحده نستك كل احلامك وكل همومك نستك عيونك ونستك ساره حلم عمرك اجل لو تعيش معاها العمر وش تسوي معها سكر الشباك وجلس على السرير وهو متوتر حاس نفسه نفسه مشتاق لها ولصوتها ...اخذا جواله وبصوت هامس نادي حنين ..بقى يردد اسمها بداخله صحي على صوتها خالد .."هلا حنين " حنين بخجل .."اهلين خالد " خالد وبعد طول تردد ...شخبارك حنين حنين ..."تمام والحمد الله" وبقى فترة صمت بينهم خالد "مشتاق لك حنين " حنين بعفويه ضحكة ..."دوبك امس عندي امداك " خالد ونسى نفسه يوم سمع ضحكتها ..."لاتلومني والله احبك " حنين من يوم سمعت هالكلمه هزتها من داخل وحركت فيها اشياء مااات من سنين فيها احبك ..طول عمرها تمنت تسمعها احبك .. اشتاقت اذانها لسماعها احبك .. تردد صداها بقلبها واخيرا سمعتها بس هالمره ماهو من نفس الشخص الي حلمت فيه ورسمت مستقبلها عليه شخص ثاني قدر بقدر بلحظه ينسياها أحلامها ويبني معاها احلام جديده ابتسمت حنين وبصوت خارج من روحها "وانا وش اقول للي ملكوني بلحظه غير... وانتبهت لعمرها ولجرأتها وبسرعة قفلت الخط ابتسم خالد وغمض عيونه ورمى نفسه على السرير والفرحة ماهي وسعته وبسرعه جاء على باله شيء و لبس وتكشخ ورجع اتصل عليها |
حنين ..."هلا خالد " خالد وسوى نفسه عصب ..."انتي ماتستحي تقفلي الخط بوجهي " حنين بخوف ... "ماااااكااااان قصدي " خالد "اسمعي انا مااعرف اتفاهم على التلفون دقيقه وانا عندك فاهمه " حنين وصوتها اختفى ..." والله ياخالد" خالد ويقاطعها .." خلاص لاتبكبكين عندي وماقدر يستحمل نفسه وضحك بدون اراده" حنين وعصبت .."طلعت تلعب على ياخلوده" خالد .." خلود بعينك ويلا لاتخسريني انا جايك " وسكر السماعة وطلع سمع صوت اسامه وريم سلم وطلع اسامه وينادي .."على وين الاخ " خالد بعجله .." مشوار قريب " اسامه وفهم .."طيب اخاويك بمشوارك " خالد.. "هذا الي ناقص بعد" ريم وتمسك يدا خالد .."لا خالد وعدني اذا ملك على حنين كل يوم يوديني لها وطالع بخالد صح ياخالد " خالد ويسحب يدها ..." ايه بس ماهو اليوم وقت ثاني" ...وكمل طريقه اسامه .."ماسرع مالعبت بعقله البنت " ريم ..." لا ماهو بعقله ..بقلبه ...ما يلام حنين بسرعه تنحب " اسامه .. "العقبى لك نفرح فيك " ريم بعدك ان شاء الله ...وطالع فيه ماتلاحظ شيء غريب اسامه بحيره ..."وش فيه مااشوف شيء غريب " ريم .."غريبه ماسالت عن رحمه " اسامه بخوف ..".ليه صار لها شيء" ريم "لا بس كل ماتشوفيني تسال عنها" اسامه باستغراب ..."طيب فيها شيء " ريم بقهر "ايييييه وش لك بس تسال عنها ...ومهتم فيها اذا عاجبتك تزوجها " اسامه ويحط رجل على رجل ..."ايه وميت عليها عندك مانع " ريم وبتوسل وتجلس على ركبها ..."خال الله يسعدك شيل رحمه من راسك والله ماتصلح لك " اسامه ويمسك دقنها بيده ... ابي اسالك سؤال عمرك شفتيها بدون لثمه ريم وتحاول تمسك غضبها .... لا ونفسي اشوفها اسامه ويعدل جلسته ...ليه غيرانه علي منها ريم ...اسمعني ياخال والله رحمة ماتصلح لك وبعدين ابي اقولك شيء عن رحمة اسامه باستغراب وخوف ... "ولي وش فيها" ريم وتبلع ريقها ... "رحمة ماطيق احد يجيب لها سيرة العرس مهما كان المتقدم" اسامه وارتاح ورجع ظهره على الكنب ... "اعرف وماله داعي تعلميني " ريم وعصبة .." بما انك عارف ليه حاطها براسك " اسامه "مين قال اني حاطها براسي كنت العب عليك ههههه ههههه.." ريم وتاخذ المخده وتضرب فيها ..."اسامه حسبي الله عليك ساعه وانا اترجي فيك واخرتها تكذب علي " اسامه وتنهد من قلبه ..."العب عليك صح بس رحمة داخله مزاجي ماادري " ريم .."يمكن رحمه وشفقه عليها " اسامه ... "يمكن ويمكن شيء ثاني" ريم بتفكير .."تدري انا سالفة رحمه ما دخلت مزاجي احسها كذب بكذب معقوله فيه وحده محروقه ويدينها صافيه ورجوالها حتى ملامح وجها الي مطلعتها نصها مافيها شيء اسامه .. "وش تقصدي " ريم مدري احس ان رحمة وراءها شيء وتخفيه عنا اسامه .. "لامااظن مافي بنت اهلها يكذبوا ويقلون ان وجها مشوه ويقطعوا نصيبها " ريم ..." بس رحمه ماتبي هالنصيب وتلاقها لعبتها من راسها " اسامه بعصبيه .. "اقول اطلعي برا ولا تلعبي براسي ...بنت اعطيناها وجهه زياده " ريم .."يعني طرده يااسامه مالت عليك وعلى الي يسولف معاك " وطلعت وشافت كتاب على الكنب واشرت لاسامه وطلعت اسامه وينادي ..."رجعي الكتاب والله غير يفضحنا فيصل" =============***============ في شقة عادل عادل جالس يلعب بجواله ويفرك بخشمه بقوة ونواف يقلب في القنوات نواف ويمص له مصه من دخانه .... عادل انت وش فيك من يوم ماجلست وانت دوبك هالجوال والابتسامات توزعها بدون عقل عادل .. اعذرني انا بعالم ثاني نواف ..طيب دخلنا عالمك وبسطنا عادل ...لا هذا عالمي لي بروحي وتشاركني فيه حبيبتي نواف ..افف وصارت لك حبيبه كمان وانا اخر من اعرف عادل ...هذا انت عرفت وماله داعي تطفل على غيرك نواف ... لتكون جالس تتامل صورتها عادل ..ايه ..بس نفسي اعرف كيف رضت تعاشق واحد مثل تركي وهي بها لزين هذا كله نواف ..ومين هذا تركي الي ماعنده سالفه عادل تركي هذا الي ماعنده سالفه لاعب على بنت خير من البنات الي نلعب عليهم كلهم ويرمي الجوال بحظنه طالع وش حلات البنت الي ضاحك عليها نواف وياخذا الجوال ويضحك ويوم شاف الصوره طار عقله وبسرعه هجم على عادل نواف ويمسك عادل بقوة ويحطه بزوايه ..قول من وين جبت الصوره عادل بتسامه بداخله...هذي من عند تركي مافي رجال بالرياض غير ارسلها له ويظهر البراءة..." ليه عجبتك البنت " نواف ويغرز اظافره بقوه في جسم عادل ... "انت وش دخلك ...وتركي من وين له الصوره " عادل ..قلت لك هذي متعرف عليها من شهر وكل ليله يروح عندها ويسكروها وهي ماهي بعقلها نواف والشياطين تحوم حوله وباعلى صوت ...كذاب ويخنقه بقوة قول الحقيقه عادل بخوف .."قلت لك هذي تعرف عليها مدري كيف بس اذا ماانت مصدقني شوفه بكره وين يسهر" نواف بعد ماسمع السالفه اخذ الجوال وكسره على الجدار وبسرعه طلع =============***============ كانت جالسه تقلب في القنوات وطفشت ورمت الريموت دخلت المطبخ وفتحت الثلاجه وماشافت فيها شيء ..ضحكة بنفسها ..كعاده فاضيه ... دخل عليها تركي وقطع سرحانها تركي ... جوعانه صح اريام .. اكيد من يوم شفتني افتش الثلاجه تركي .. خلاص نطلع نتعشى برا اريام .. لا مافيني روح اطلع جيب عشى معاك تركي .. ياناس فيه وحده تنعزم على المطعم وترفض اريام ...ايه انا ..عشان تعايرني فيها السنه كلها تركي اجل على كلمتك سوي لي عشاء لي انا وليد ...و ضحك وليد مشتاق لطبخك اريام ... هاااااهااا يحلم وليد اطبخ له وعندكم المطبخ سوالي تبونه تركي ... اجل والله غير اخلي وليد يحوس المطبخ كله تعرفيه خكري ومايعرف شيء اريام بروده ...عادي ينظفه الله لايهينه وبعدين خالتي ام وليد وصتني عليه وانا لازم اخذ بوصيتها تركي ... خلي ام وليد تنفعك ونادى باعلى صوت وليييييد ولييييد تعال المطبخ وراحت اريام غرفتها وهي تضحك على اخوها وتشكر ربها ان الله عوضها بتركي =============***============ دخل البيت وهو يصارخ باعلى صوت داليا ..داليا .. ام نواف ...بسم الله منك وش هالصوت نواف ..اقول وين داليا ام نواف ...راحت السوق هي ودلال ورغد نواف بنفاخ ...ومين قال لها تروح السوق ام نواف انت وش بلاك ناسي ان ملكتها الخميس نواف وسك على اسنانه والشر باين عليه ..وبسرعه راح لاسامه فتح غرفة اسامه بدون استذان اسامه وقام بخوف وش فيك صاير شيء نواف والعرق يصب منه ودقات قلبه متسارعه ... اجلس ابيك تساعدني وبعدا ماهدت اعصابه خبر اسامه بالسالفه كلها اسامه والصدمه واضحه عليه ...انت متاكدا انك شفت صورته نواف بنفاخ ...اجل وش شفت اسامه بحكمة..لاتستعجل خلينا نشوف الليله وش يصير وان كان كلامك صحيح ضحينا فيهم الاثنين وان كان السالفه مالها اساس علمناه كيف يلعب باعراض المسلمين سعود بهالحظه كان جاي لاسامه وقف عندا الباب وسمع السالفه كلها تجمد الدم بعروقه يوم عرف بالموضوع وضرب راسه بالجدار وكانه يحاول يصحيه من غفوته مسك مقبض الباب بقوة ودخل عليهم سعود بانفاس متلاحقه .... وش الي سمعتها اسامة ونواف بصوت واحد ...سعووود سعود ويمسك نواف من طرف ثوبه اسمع تركي هذا علي فاهم وانا اعرف كيف اتعامل معاها وطلع والشرر طالع من عيونه =============***============ دارت محرك الراديو وحطت على اذاعه ام بي سي وشالت الراديو وحطته في حضنها وغمضت عيونه وتكلم نفسها معقوله يافرح تضيعي تربيت امك فيك معقوله تضيعي عمرك في أحظان الرجال راح تكوني فاجرة واليل يكون اعز اصدقائك..راح تهدمي كل احلامك وتعيشي على سراب صحت على اهداء زوجة لزوجها كتمت غصة في حلقها وقفلت الراديوا وقامت تساعد امها =============***============ في غرفة داليا كانت جالسه معرغد ودلال ومانعات رهف تدخل عندهن داليا وهي تلبس فستان الملكة ودور فيه ... وش رايك رغد ودلال صفقوا ...ووواااووو روعه عليك طالعه كانك ملكه فيه رغد..." يابخت سعود فيك " دلال ... "ياحسره علي اختي الصغيره تزوج قبلي " داليا وتجلس جنب اختها وتبوسها على خدها ..."العقبى لك يوم اشوفك مع حبيب القلب " دلال بجراها وترفع يدها ..."امين يارب " رغد ..."وانا ادعوا لي اني اتزوج" دليا بضحك ...وش فيكم حاسداتي اني ازوج قبلكم رغد ودلال وهن طالعات ... لاتصدقي روحك انا غير عنا وانك انتي الافضل ويللا انزلي تحت وخلينا نستانس وروح عن قلوبنا =============***============ فــي اخــــــر اللــيـل وقف سيارته عند باب الفله طالع في الفلل وأعجبه فخامتهن وتناسقهن نزل من سيارته واخذا الضرف معاها طالع الساعه شافها الثانيه صباحا ندم ان راح بالوقت هذا ورجع خطواتين وبعدين التفت وتشجع يوم شاف الباب مفتوح دخل وهو يسرق النظر لجمال الأرض وخضرتها احتار باي فله يسكن الرجال وتذكر الي مقابله المسبح .. وفي المقابل نزلت داليا ولافه طرحتها على رقيتها وكعادتها تجلس عند المسبح من ثلاث سنين وهي ماتفارق هالمكان وتتذكر وسعود وايامها الحلوه معاها نزلت رجلها في المويا وهي مبتسمه وطالع في شباك غرفة سعود وترسم احلامها بمشاعرها وترسل أشواقها لاغلى احبابها سمعت مشي وراءها والتفت بهدوء وهي مبتسمه وشافت تركي واقف ويتامل فيها وكانه بعالم ثاني وقفت مصدومه وحطت يدها على فمها وعقلها ماهو مسعفها وش تسوي وتركي من زود الصدمه بقى واقف في مكانه وعينه فاتحها على الاخر وهو يتامل الحوريه الي قدامه ومن الربكه طاح الضرف من يده وماهو عارف وين يروح وكيف يتخلص من الموقف وفي المقابل كانت ثلاث اشخاص واقفين وهم لسه بصدمتهم ماتوقعوا داليا تجيها الجراءة وقلة الادب انها تجيبه عندها في البيت سعود الي ماستحمل الموقف وصار ينتفض من الغضب وبسرعه ركض لتركي وخنقه بكل قوته واسامه كانت الصدمه قويه عليه وماحرك ساكن وبعدين اخدته الحميه وركض يشارك سعود على تركي وحاول يدفن اثار الفضيحة بيده ونواف من يوم شافهم مع بعض بسرعه ركض لداليا وومسكها مع شعرها بكل قوته وغرز أظافره بكل وحشيه في جسمها وهي تصارخ وتصيح وماهي عارفه وش السالفه .. وحالف ان اليوم اخر لها يوم بحياتها هي وتركي ،، واخر لها يوم بأحلامها وأمانيها ‘‘ وانــتــحر الحــلم فــي اخــر الــلــيل قراءه ممتعه نــــونــnoonaــــا (: |
يعطيك العآآآآآآفيه نونتنا عـ تكمله هذهـ القصه المثيرهـ بكل احداثهااا
تسلمـ اناملك اللى تعبت ونقلت000 هلا بــــــــكـ,,, |
اقتباس:
يعافيك يارب وشاكره متابعتك انتظر الجزء الخامس لسى ماخلصت :biggrin: مع فائق ودي (: |
"الجـــزء الــسادس " "مــكــافـئة الــكـافــي " وقف سيارته عند باب الفله طالع في الفلل وأعجبه فخامتهن وتناسقهن نزل من سيارته واخذا الظرف معاها طالع الساعه شافها الثانيه صباحا ندم ان راح بالوقت هذا ورجع خطواتين وبعدين التفت وتشجع يوم شاف الباب مفتوح دخل وهو يسرق النظر لجمال الأرض وخضرتها احتار باي فله يسكن الرجال وتذكر الي مقابله المسبح .. وفي المقابل نزلت داليا ولافه طرحتها على رقيتها وكعادتها تجلس عند المسبح من ثلاث سنين وهي ماتفارق هالمكان وتتذكر وسعود وايامها الحلوه معاها نزلت رجلها في المويا وهي مبتسمه وطالع في شباك غرفة سعود وترسم احلامها بمشاعرها وترسل أشواقها لاغلى احبابها سمعت مشي وراءها والتفت بهدوء وهي مبتسمه وشافت تركي واقف ويتامل فيها وكانه بعالم ثاني وقفت مصدومه وحطت يدها على فمها وعقلها ماهو مسعفها وش تسوي وتركي من زود الصدمه بقى واقف في مكانه وعينه فاتحها على الاخر وهو يتامل الحوريه الي قدامه ومن الربكه طاح الظرف من يده وماهو عارف وين يروح وكيف يتخلص من الموقف وفي المقابل كانت ثلاث اشخاص واقفين وهم لسه بصدمتهم ماتوقعوا داليا تجيها الجراءة وقلة الادب انها تجيبه عندها في البيت سعود الي ماستحمل الموقف وصار ينتفض من الغضب وبسرعه ركض لتركي وخنقه بكل قوته واسامه كانت الصدمه قويه عليه وماحرك ساكن وبعدين اخدته الحميه وركض يشارك سعود على تركي وحاول يدفن اثار الفضيحة بيده ونواف من يوم شافهم مع بعض بسرعه ركض لداليا وومسكها مع شعرها بكل قوته وغرز أظافره بكل وحشيه في جسمها وهي تصارخ وتصيح وماهي عارفه وش السالفه وحالف ان اليوم اخر لها يوم بحياتها هي وترك واخر لها يوم بأحلامها وأمانيها ودخلها بقوة في البيت وهي تصيح وتصارخ من قوة يده نواف بصارخ ..." ولك عين تصيحي الله ياخذك مثل مافضحتينا " داليا بصياح .." نواف انت وش فيك وعلى ايش فضحتك " نواف وبكل قوته يمزع في شعرها .." ايييه تحسبينا مغفلين والله غير اشرب من دمك يا لفاجرة وجرها في الصالة ام نواف وهي نازله من الدرج .." وش فيه وعلامك على اختك " نواف والشياطين حوله .." مالي اختى ان شاء الله بنتك المصون جايبه عشيقها عندنا في البيت ولا كنا رجال وماليين عينها.." داليا وماهي فاهمة ..." انت وش تقول والله مادري عن ايش تتكلم" نواف وياخذ راسها ويضربه على الجدار .." والله غير تموتي انتي وياااه ام نواف وتفك في بنتها .." قلت اترك اختك وقلي وش السالفه .." نواف .." وانفاسه متقطعه من التعب .." بنتك جايبه رجال في بيتنا عشان تسهر هي وياه وهو الكلب مااخذا صورها وناشرها في كل الرياض " ام نواف وتضرب على راسها .." لا...لا ..بنتي ماتسويها انا مربيها ..وتمسك داليه وتضرب فيها كفوف ..داليا قولي وش هالكلام الي سمعته انتي ...قولي الحقيقة لاتضيعي تربيتي فيك وماقدرت تستحمل وغطت وجها بيدينها وصارت تصيح بحراره داليا بصياح مخنوق ..." والله مااعرفه ولا عمري بحياتي شفته ...كنت جالسه عند المسبح وهو جاء نواف ويطير عليها ويضربها بكل قوته ..." كذابه وش دراها انك هنا وبعدين صورك الي ناشرها في كل مكان مين اعطاااه ياااه داليا وراح صوتها من الضرب ..."مااادري ...مااادري ...وتصيح بصوت عالي" دلال وتركض وتفك اختها .."انت وش بلاك اكيد راجع لبلاويك وماانت داري عن عقلك " نواف .. ويضربها كف على وجها .." اكيد ودك تستري عليها يمكن عندك بلاوي زيها دلال ..ويدها على خدها .." ترانا اشرف منك فاهم ونزعة اختها وبسرعه ركضة داليا على غرفتها .." نواف ..ويركض وراها .." وينك تروحي عني والله الصباح ماراح يصبح عليك داليا وسكرت الباب وقفت عليه وصارت تصيح وتشهق من قوة الضرب والصدمة نواف من وراء الباب ..." افتحي الباب بطيب ولا راح يتكسر على راسك " داليا وبتوسل وبرجاء .." انت ماتصدقني قلت لك والله مااعرفه والله ماعرفه " نواف ويتوعد .."والله انا رايح له وراح يذوق الموت معاك وندفنكم سوى " داليا ..انت ماصدق والله ماعمري بحياتي شفته حتى اسال دلال " نواف ويضرب في الباب بقوة ..." وش نقول لسعود ...هاوش نقوله وعروسته طالعه اكبر فاجره في الرياض داليا وتوووها تذكر سعود وبصوت عالي .." سعود الحمد الله واثق في وعارف اني اشرف منك ." نواف ويضحك بقهر .." ايييه عارف فضايحك واكبر دليل انه حالف غير يدفنكم مع بعض ماهو انتم عشاق والعشاق يندفنوا سوى " داليا وبصوت مخنوق .." كذاب والله سعود يحبني واثق في" نواف .." وينزل تحت .." تعالي طيب وأنقذي حبيبك منه" ركضت وطالعت من الشباك وشافت سعود واسامه طايحين في الرجال وكله ضرب فيه وهو لا حول له ولا قوة داليا وتشهق من قوة الصياح وتسكر الشباك وتقف على الجدار ..." لييييه ياسعود لييييه ياسعود انت اول من صدق ورمت نفسها على السرير وهي تدعي على نفسها بالموت في المقابل كان سعود واسامه وبكل قوتهم مابقو روح في تركي وقضوا عليها اسامه والعرق يصب منه .." يالحيوان ولك عين تجي تسهر " تركي وبصوت دوبه ينسمع ..." قلت لكم والله مااعرفها وانا جاي اقدم وظيفه لواحد من اصاحبي" سعود ويخنق فيه ..." وليييه في وظايف في اخر الليل ..." تركي ..وبصوت مخنوق .." هو قالي انكم اعطيتوه هالموعد ولا انا وش عرفني فيكم .." اسامه وتذكر الظرف ..." انا رايح اشوف الظرف ونشوف جايب ملفاتك ولا بلويك تركي وبدا الامل يتسرب لقلبه وياشر .." ايييه هذاك ملفي اذا انت ماانت مصدقني اسامه تركه وراح اخذا الظرف وفتحه ونثره على الارض طاحت صور لداليا بمناظر خليعه وكيس فيه مثل البودره اسامه وجن جنونه وهو يشوف الصور واخذها وقطعها قطع صغيره ومسك البودره وراح له اسامه ويرمى البودره بوجه ...هاااااوش هذا يالمظلوم تركي وفتح عينه على الاخر وماهو مصدق .." مدري ....والله مدري .." اسامه ويقفز عليه بكل قوته وصار يضرب فيه بكل وحشيه وبدون رحمة تركي ويشوف الموت يلوح بعينه وتذكر اريام .." تركي بخوف ..." ياناس خافوا ربكم قلت لكم انا مدري عن بنتكم واذا انتم شاكين فيها انا وش دخلني " نواف من بعيد ..." دخلك انك لعبت على اخت نواف وانا اعلمك مين نواف ومسكه من رقبته وسحبه للمجلس الرجال وعلى الأصوات والصريخ صح كل اهل البيت دلال ورغد وهن يصيحن ويدق على داليا... وداليا ماهي راضيه تفتح لاحد ام سعود وهي مصدومه وتحاول تهدي في ام نواف ابو نواف جالس يتفرج فيهم وهم يضاربوا وحاط يدينه على راسه من قوة الصدمه ولا نطق ولا كلمه..فارس من الخوف دخل غرفة وسكر على نفسه وخاف ينكشف هو كمان تركي بعد ماحس الموت .." اقولكم حرام عليكم انتم ثلاثة علي وانا بروحي اتركوني انا وراي اختي ومالها احد في الدنيا غيري" نواف "والله غير احرمك اختك وافضحها ياولد الكلب " تركي ويسك على لسنانه من القهر ..." تخسا يالكلب والله ولا الموت اشرف لك وقتها نواف ويمسكه من طرف ثوب ويضربه كف ..." اجل تلعب على بنات الناس وماتبي احد يلعب عليك وقتها تكون تحت القبر واختك بروحها ويازين البنت وهي ماله ولي.." تركي ماستحمل احد يمس اخته وقام ينتفض وماعرف كيف يدافع عن اخته وهو بين اسامه وسعود والي قدر عليه انه تفل بوجهه نواف ويمسح التفله بيده من وجهه .." قبل ماتتفل يالكلب وصي والله غير تموت وراح بسرعه يجيب سلاحه =============***============ طالعت الساعه وشافتها ثلاث دارت البيت كله من خوفها على اخوها ويدها على قلبها مسكت جوالها ورجعت دقت عليه وماشافت رد حست بدقااات قلبه تزيد جلست ومسكت الريموت وقامت تقلب في القنوات وطفشت وقفلت التليفزيون فتحت جوالها ورجعت دقت على اخوها الين ماقفل وماشافت رد دارت في الاسماء في جوالها وطالعت اسم وليد ترددت تصل عليه وضغطت على رقمه ورنة رنة وحده وبسرعه قفلت رجعت اتصلت في اخوها ومثل كل مره مافي رد زاد خوفها على اخوها ...اول مره يسويها ويتأخر عن البيت كذا طالعت في رقم وليد ومن زود خوفها رجعت اتصلت عليه رن رن الجوال وقبل مايقفل ارفع وليد ويثاوب وماعرف الرقم ..." نعم " اريام بخوف .." وليد " وليد ويفرك بعينه .." نعم معاك وليد " اريام ودموعها بدت تنزل .." وليد ..تركي وينه .." وليد ويقوم من نومه .." مين اريام .." اريام وتصيح .." وليد الله يخليك وين تركي .." وليد .." مدري ليييه هو من متى مارجع لبيت.." اريام وزاد صياحها .." اخر شيء لما رحتوا انت وياااه.." وليد وتذكر .." صح اريام هو قال لي انه موعدا واحد في اخر الليل .." اريام وارتاحت .." طيب هو ماقال لي " وليد .." وانا قلت لك ..وحب يغير الجو .." وبعدين أنتي ما تستحي تدقي على " اريام وانتبهت لعمرها وقفلت الخط بوجه ضحك وليد ورمى نفسه على السرير ونااااام =============***============ اخذ سلاحه وحط الطلقات فيه واتجه لغرفة داليا والشر باين عليه رغد ودلال من يوم شافنه معه سلاح ركضن له دلال بخوف .." نواف تعوذ من الشيطان " نواف .." ابعد عن طريقي ولا الموت يلحقك انتي كمان .." رغد بصياح .. نواف عشان خاطري ترك الي بيدك وداليا صغيره وتلقى هالكلب ضاحك عليها نواف ونسى رغد ..." رغد لو سمحتي ابعدي عني " ويكمل طريقه لغرفة داليا نواف ويكسر في الياب .." داليا افتحى الباب ولا تشوفي شيء ماهو بصالحك " داليا من داخل وهي ميته من الخوف ..." لاوالله مافتحه عشان تموتني .." نواف ويحط المسدس على الباب وبكل الحقد يضغط عليه وتنطلق رصاصة وتخرق الباب وتمر قريب من داليا داليا وتصيح وحست بالموت بعينها وجلست بالزاويه وضمت ركبها عليها ونزلت راسها وهي ميته خوف وحست نفسها ماراح تعيش اكثر من هالدقايق نواف بعد مااطلق الرصاصة ركضت عليه دلال ورغد وهن يحاولن يسحبن السلاح منه رغد ونست روحها .. وتشده من ثوبه ....نواف خاف ربك داليا مالها ذنب " دلال وتصيح بصوت متقطع .." نواف الله يخليك لاتحرمنا من اختي حتى لو غلطت ماهو باهي الطريقه تحل المشكله نواف ويسحب نفسه من رغد وينزل تحت عند تركي نواف ويرفع السلاح بوجهه .." تشهد على روحك " تركي ويبلع ريقه ويمد عينه على السلاح وبحركة سريعه مر شريط حياته قدامه تذكر طفولته تذكر شبابه تذكر اريام الي مايدري وش راح يصير فيها بعد موته تذكر وليد رفيق عمرو تندم انه ماوصى وليد على اريام غمض عيونه يوم شاف نواف يضغط على الزناد نواف ويظغط على الزناد ويلف وجهه .... ورمى الرصاصة بكل وحشية عليه في ها لحظة أسامه بكل قوته ضرب المسدس بيده واستقرت الرصاصة في السقف نواف ويطالع في اسامه ..." انت وش بلاك خليني ابرد قلبي عليه .." اسامه بحقد .." كنا نبي نبرد قلوبنا فيه بس ماهي باهي الطريقه " ويطالع في سعود ..." سعود اتصل على ابو عبد الكريم وخله يجي الحين .." سعود ..باستغراب .." ليييه وش ناوي تسوي .." اسامة وضحك ..." وش راح اسوي يعني ابي ازوجهم بعض وخليهم يعيشوا حياتهم ...ويسهروا بكيفهم .." سعود بغيرة ..." لا يخسا ياخذها ..ينقتل وتلحقه داليا .." ابو نواف وياشر بيده من بعيد لسعود وفهمها سعود وراح يجيب الملك اسامة ويمسك تركي من طرف ثوبه ..." هاااااا وش رايك بالمفاجئة الحلوة خذها معاك وتهنا فيها بالحلال .." تركي وحس الدنيا دارت فيه ..." وش تقصد ماني فاهم .." اسامة .." وان شاء الله عمرك ماتفهم .." نواف بحقد ..." بس كذا احس نفسي مابرد قلبي فيه .." ابو نواف ويقوم ويطالع في تركي .."ياولدي احنا وش سوينا لك تفضحنا ماهو حرام عليك تلعب بإعراض المسلمين ...انت ماتخاف ربك يبتليك بعرضك .." تركي ..." والله ياعم اني ماعمري خطيت هالبيت ولا اعرف عن بنتكم شيء .." نواف ..." عمى بعينك ان شاء الله احمد ربك انك تزوج بلاش واختار يالموت يالزواج .." تركي .." طيب حرام تظلموا البنت معااااي وش ذنبها هي .." اسامه ويمسكه من طرف ثوبه ويقومه ..." ليييه انت ماتعرف الظلم وليش اجل تلعب عليها ...وبسرعه عدل نفسك لايجي الملك وانت على هالحالة وختم كلامه بضربه كف بكل قوته وبعد ربع ساعة سمعوا صوت سعود وحاولوا يكونوا طبيعيين ومافي شيء تركي حاس نفسه مخنوق وتوقع انه شوي يصح من حلمه ويشوف كل شيء انزاح عنه ابو عبدالكريم وهو يتثاوب ..." وش هالملكه في اخر الليل انتم صاحيين " ابو نواف ..." اعذرنا ياابو عبد الكريم بس مستعجلين .." ابو عبد الكريم .."طيب وين العريس خليه يعطيني البطاقة " دارت كل العيون على تركي وكلهم ينتظروا رده طالع فيهم وحس نفسه مشلول عن الحركة والكلام ونزل عينه بالأرض.." اسامه ويقرب منه ...هاااات بطاقتك ولا تفضحنا .." تركي ويكذب ..." ماهي معاااي " اسامه ويتوعد بعينه له ..." طلعها ولا اطلع روحك .." تركي ويطلع بطاقته ويطيعها أسامه ابو عبد الكريم بعد ماسجل البيانات خلى تركي يوقع وتركي من زود الارتباك ماقدر يوقع وبصم بصمة ابو عبد الكريم ... "وين الشهود " اسامه انا شاهد ويأشر على نواف وهذا معااااي ابو عبد الكريم بعد ماخذ بطاقاتهم خذوا الكتاب وخلوا العروس توقع اخذ نواف الكتاب وهو يطالع بحقد لتركي ويتوعد له دخل نواف البيت شاف امه جالسه وحاطه يديها على راسها وام سعود تسمي عليها ودلال ورغد كل وحده مغطيه وجها بيدها وهي تصيح نواف ...وين العروس محد التفت عليه والكل مهموم من الليلة الكئيبة ام سعود وبضيق .." وش بلاك هو وقتها .." نواف ويطالع في رغد ..." اييييه وقتها داليا ملكة على الصايع الي تحبه قال كلمته وطلع غرفتها نواف ويدق الباب .." داليا ...داليا ...داليا وجع ان شاء الله افتحي الباب .." داليا سكتت وتذكرت الطلقه وزاد انكماشها على نفسها وصارت تنتفض وتصيح من الخوف ولاهي عارف وش تسوي ..." نواف ويحاول يكسر في الباب ....داليا والله لو مافتحتي لتموتي الليلة انقهر يوم ماردت عليه جت ريتا وهي بقمة سعادتها وهي تشوف كيف ميري قدرت تعفس البيت فوق تحت وتروح من دون مااحد يدري ريتا .."بابا نواف فيه مفتاح ثاني أجيب" نواف ويصارخ ..."ايييه وليه ماقلتي لي من الاول..." دلال طالعت فيها وتتوعد لها طنشتها ريتا وراحت جابت المفتاح واعطته نواف دلال وتضرب ريتا كف "...انتي مجنونه ليه تعطيه المفتاح .." ريتا بحقد ..." احسن في قهررر.." دلال وتهجم عليها ودها تكفخها من الحقد ورغد تمسكها من يدها رغد بعصبيه ..."هو وقتها تحطي عقلك بوحده كافره .." فتح نواف الغرفة وشافها مظلمة وشغل الأنوار داليا وغمضت عيونها وغطت وجها بيدها وصارت تنتفض وتحاول تلتصق بالجدار اكثر نواف ويمسكها من شعرها ويقومها ... يللا وقعي .." داليا ...ااااي عورتني ...وطالع ..."على وش اوقع ." نواف..." على وش اجل على ملكتك .." داليا بخوف .."مين سعود .." نواف وضحك من القهر ومسك شعرها بقوة .." لا حبيبك الغالي تركي .." داليا وتهز براسها وتبعد نفسها وتلتصق بالجدار ..لا ..لا حرام عليك انا مااعرفه والله مااعرفه.." نواف وبيديه مسكها بقوة وغرز اظافره فيها ..." ليييه ناااويه طولي بالتعارف والسهرات وصرخ عليها..." بسرعة وقعي " اخذت القلم وصارت ترتجف من الخوف وقعة بدون وعي نواف ويسكر الكتاب ويبتسم ..."يللا يالعروسه لمي عفشك وانقلعي مع حبيبك.." داليا وتبتعد عنه .." خلاص سويت الي تبونه..وبدا صوتها يختنق .." خلوني بحالي .....ياليتني مت ولا يصير في كذا.." نواف وينادي "ريتا ... ريتوه .." ريتا بابتسامه .." نعم بابا ." نواف .."بسرعه لمي ملابس داليا وكل شيء لها لاتخلي لها شيء فاهمه " ريتا ..." كلاس بابا انا في معلوم .." نواف وهو طالع شاف على طاولة الكمبيوتر صور لتركي ..<الصور الي كانت طابعتهن دلال ورغد لتركي يوم يضحكوا عليه وعلى سيارته > وطالع فيها ..واخذا الصور ورجع لها .." هاااا وتحلفي انك عمرك ماشفتيه الله يأخذك ربي ويريحنا من فضايحك ورمى الصور بوجها داليا وترمي نفسها على السرير وتصيح بحرقه وهي تشوف ريتا تجمع ملابسها واغراظها تحت في مجلس الرجال تركي وهو يعدل ينفسه ويتحسس الجروح الي في جسمه وبي يطلع اسامة ويمسكه من يده .."تنكت وانت وجهك وين طالع انتظر يوم تجي عروستك وتاخذها معاك .." تركي برتباك واضح ..." لا..وش اخذها معااااي ...انا الحين تعبان .. وماني فاضي لها " اسامة .." اقول انطم وانتظر يوم تجي .." نواف ويدخل المجلس ويعطيه شنطتها خذها معاك وحلال لو تذبحها .." تركي وخلاص ماهو متستوعب الي يصير .." ياناس والله ماني متجهز لعرس بكره اجيكم واخذها وها انا أحلفت لكم .." نواف .." وجع بشكلك تاخذها الحين فاهم ولا ابي اشوف رقعة وجهيكم بعد اليوم فاهم .." ودخل نواف البيت وبسرعة طلع غرفة داليا نواف ويقومها ..." البسي عبايتك .." داليا وتصيح وتمسك اخوها ..." اذبحوني موتوني ولا تخلوني اعيش هالعيشه " نواف بحقد .."والله كان ودي اذبحك بس وش اسوي بعمك هو الي اختار هالحل" دلال وتدخل وترمي الصور بوجه اختها ..." داليا الله يسامحك وش هالصور" داليا وطالع في الصور وكانت صور لها بملابس خليعة ورفعت عينها وطالعت في أختها واخر شيء توقعت ان دلال تصدق الكلام وحست انها فقدت الامل داليا وتاخذ عبايتها وتلبسها .."خلاص انا نازله .." نواف.." ويمسكها من يدها وينزل فيها طالعت في امها وشافت امها لفت وجها عنها وابتسمت بحزن لام سعود وام سعود بادلتها تكشيره واعطتهت نظره حقرتها نزلت دمعتها وبسرعة مسحتها تركي كان ينتظرها وهو واقف عند سيارته وحاس نفسه متوتر والعرق يصب منها ورجولة ماهو قادر ياقف عليها شافها جايه مع اخوها وزاد توتره وصار يحك برقبته وهو منحرج اسامه ..ويحاول يفتح الباب الخلفي ..." فك الباب بسرعة.." تركي ويبلع ريقه .."الباب خربان خلها تركب قدام " نواف ويسحب داليا بقوة ..." بسرعة اركبي ولا تسوي نفسك مستحيه .." ركبت داليا السياره وقلبها يبي يتقطع من الخوف ... نواف سكر الباب بقوى قوته .." ياليت لوتجي سيارة وتعدمك انت وياها وما نشوفكم بعد اليوم .." داليا وحز بنفسها تخلي اهلها عنها ورفعت عينها وشافت سعود يطالع فيها بنظرات حقد واشمئزاز غمضت عيونها وصارت تبكي بصمت حرك تركي سيارته وبدا الهدوء بينهم تركي من الارتباك ما هو عارف وش يسوي يروح البيت صعبه تذكر غرفته وكيف معفوسه فوق تحت ..فكر يروح فندق طلع محفظته وفتحها شاف مافيه غير ثلاثين ريال دار بالشوارع وماهو عارف وش يسوي وقف عند صيدليه واخذ له حبوب مسكنه ولصقه جروح ..سمع صوت شيقها وحس نفسها هو سبب المشاكل كلها تركي بيتردد .." داليا تعبانه اوديك المستشفى .." داليا سكت وهزت راسها بالنفي تركي ويفتش في سيارته ويدور شريط قران وما لقى وحط على اذاعة القران الكريم داليا حست بالطمانيه وهي تسمع القران وهدأت أنفاسها ابتسم تركي وطفش من كثر مايدور بالسيارة واتجه لشقته وقف السيارة ونزل طالع في داليا واشر لها بالنزول تركي وينزل شنطتها ..." اعذريني داليا المفروض ان الليلة نقضيها بفندق بس ظروفي ما تسمح وداليا من الحياء ما تكلمت دخل تركي ويدعي ربه ان اريام تكون نايمه ...ابتسم يوم شاف الأنوار مقفلة وعرف انها نامت تركي بجراءة ويأخذ بيد داليا .." تعالي هنا غرفتي .." داليا ضاعت في ملابسه واستحت من مسكته وحاولت تفك يدها بهدوء تركي ويدخل غرفة و يشغل الأنوار.."يووووه اعذريني الغرفة حالتها حاله بس ضائع وما عندي وقت أرتبها ابتسمت داليا رغم حزنها ودخلت الغرفة معاها تركي ويطالع فيها .." اكشفي ...ليييه أعجبتك ألطرحه .." داليا تذكرت نفسها وبهدوء سحبت طرحتها ونزلت عينها في الأرض تركي وقرب منها وبدا يتأمل الحورية الي قدامه ..نفض راسه وخاف يصحى من حلمه وما يشوفها قدامه وما صار يرمش عيونه من فرحته فيها داليا استحت من قوة نظرته ولفت وجها الجهة الثانيه وقلبها صار يدق بقوة من الخوف وجها صار احمر من الفشيله تركي وحب يلطف الجو .." هاااداليا لتكوني حصلتي علقة مثلي .." داليا وتذكرت نواف وضربه لها وبدت دموعها تنزل وبصوت مخنوق ..." قولي وش صار وش جابك في اخر الليل.." تركي وندم على كلمته ..." والله جيت اسوي جميل بواحد كذاب وماكنت ادري انه يبي ينتقم مني ويحطني في هالموقف الصعب.... واعطاني الظرف وقال هذا ملفي وحدد لي الوقت والمكان وجيت على كذا داليا وتمسح دموعها ..." طيب انت وش دراك اني اجلس في المكان هذا " تركي ويجلس على طرف السرير "والله مدري قلت لك هو الي حدد لي ها لمكان داليا بصوت مخنوق .." يعني انت مالك دخل ...وطالع فيه .." اكيد تعورت " تركي ويرفع كم ثوبه .." شوفي كل جسمي مثل كذا " ..<كانت يده مليانه دوائر زرقاء وحمرا من اثار الضرب > |
داليا وتجلس على طرف السرير .." اكيد تعورك الحين صح " تركي ويرجع كم ثوبه ..." لاعااادي رجال ومتعود .." وضحك ..اذا كل ليلة أنضرب ها لضرب ونرزق هالحوريه ماعندي مانع.." داليا بعفويه ..." يعني عاااادي تنظرب وبعدها تزوج .." تركي ويقوم يجلس نص جلسه ويمسك ركبها ويرفع وجها بيده.. اذا كانت مثلك ليش لا " داليا وارتبكة من قربه ولفت وجها الجهة الثانيه .." لو سمحت ابي مويا " تركي ضحك وعرف أنها تصريفه .."حاضرين أوامر ثانيه " داليا وطالعت فيه .." أسفه ما كان قصدي اتامر بس عطشانة وابي مويا " تركي .." خلاص انا رايح اجيب مويا" تركي راح المطبخ وصب مويا ومر على غرفة اخته وشافها نايمه اعطي داليا المويا واخذا فوطته ودخل الحمام يتسبح اسندت راسها ع الجدار وادرت عيونها بالغرفه شافت أشرطة الاغاني مرميه في كل مكان والجرايد ماليه الغرفة طالعت بشكل الغرفه شافت دولابه صغير ويحتوي على بابين بس وتأملت سريره وشافته فردي ويكفي لشخص واحد تمنت انها تصحى من هاكابوس وتشوف نفسها نايمه بغرفتها وكل شيء انتهى وسعود وسعود وقفت وكررت اسمه تذكرت نظراته لها وضربه لتركي وغمضت عيونها ليييه ياسعود انت اول من صدقت ليييه ياسعود تخليت عني وانا باشد الحاجه لك.... ضائق صدرها من موقفه ....وحست بكره فضيع له في المقابل كاااان تركي في الحمام " والجميع بكرامه " وفاتح عينه على الاخر تحت الدش يبي يصحي نفسه بالويا حااااس كل الي صار لحظة وراح تنتهي بسرعه معقوله هالجمال يكون لي ....يكون لي وحدي... معقوله داليا الحين زوجتي اعجبته كلمة زوجتي وصار يكررها تحت الدش طلع من الحمام وهو لاف الفوطة على خصره طالع في داليا وانتبه لها انها سرحانه تركي ويتنحنح .."احمحممم خلكِ ويانا .." داليا لفت وجها عليه وشافته توه متسبح والمويا تنقط منه واستحت انها تشوفه في هالمنظر ونزلت عينها في الأرض قام تركي ولبس ملابسه وصلى ركعتين وحمد ربه وشكره على ها لنعمة تذكر البنت الي تركها لله وماسوى الحرام وياااه وحمد ربه ان الله عوضه بداليا تذكر قول الرسول صلى الله عليه وسلم.."من ترك شيء لله عوضه الله خيرا منه " رفع يدها لسماء واثنى على الله ودعى ربه يوفقه بحياته طالعت فيه داليا وابتسمت بفرح و حست بالأمان معاااه تركي ويقوم ويجلس جنبها ويمسك يدها " ها داليا كيفك الحين ان شاء الله احسن" داليا وتسحب يدها .." لا الحمد الله تماااام " تركي ويحط يده على راسه ويدعي .." اللهم إني أسالك من خيرها وخيرا ما جبلتها عليه ..."وخفض صوته .."وأعوذ بك من شرها وشر ما جبلتها عليه .." وشال يده وبحركة سريعة باسها على خدها داليا والدم تجمد بعروقها وحست بحرارة انتشرت في كل جسمها وقامت بسرعه عنه وجسمها صار يرتعد تركي ويقوم .." داليا انسي الحياء وتراني الحين زوجك .." داليا .."تركي لو سمحت ...وقطع كلامها صوت المؤذن ابتسمت براحه.." طالع فيها تركي وضحك وتوضأ وراح صلى في المسجد ابتسمت براحه وصارت تهوي وجها من الحرارة وحمدت ربها ان الأذان أنقذها فتحت شنطتها واخذت استر بجامه لها ودخلت الحمام تسبح طالعت في الغرفه وبحركه سريعه نظفتها ورتبتها صلت الفجر وحطت راسها على الجدار ومن التعب نامت وهي ما هي حاسة بنفسها جاء تركي من الصلاة شاف الغرفه مرتبه ونظيفه وابتسم شافها نايمه وهي جالسه والحزن باين عليها وبدا يتأملها وطارعقله يوم شافها لابسه البجامه داليا وحست بحركه وبسرعه قامت وهي تنتفض تركي .." اسف شكلي خربت عليك نومك " داليا وتحط يدها على فمها .." نمت وانا ماني حاسه بروحي " تركي .." طيب ليه مانمتي على السرير " داليا بحياء .." بس هذا سريرك وما يكفي غير لشخص واحد .." تركي .."طيب عااادي نامي عليه وانا انااام على الارض .." داليا .." لا خلاص انا انام على الارض وأنت نام بسريرك .." تركي ويقومها بيده .." شكلك عنيده وما تسمعي الكلام على طول " استحت داليا وما ردت.... وتركي قرب منها وضمها على صدره وكأنه يحاول يحسها بالأمان والراحة في ها لحظة قامت اريام من نومها وصلت تذكرت أخوها وان البارحة تأخر قامت وراحت لغرفة تركي فتحت الباب وشافت اخوها يضم بنت على صدره وصرخت باعلى صوت ...تررررركي وبسرعة ركضت على غرفتها تركي استحى وطالع في داليا ..." شكلها فهمتنا خطا .." وراح لأخته يفهما الموضوع تركي ..." وهذي كل السالفة يا اريام .." اريام وتمسح دموعها وتضحك .." يعني هذي زوجتك " تركي "اييييه اجل وش اقولك من الصباح " اريام .." طيب ماتعورت .." تركي .." عادي لو ادري اني اتعور وبعدها ازوج كان كل يوم تشوفيني متكسر " اريم .." طيب وزوجتك وس اسمها وكيف هي .." تركي .." اسمها داليا وكيف هي بصراحه عمري ماشفت مثل حلاتها وزينها وكأنها حوريه من حور الجنة .." اريام .." الله يوفقك يا خوي ويسعدكم .." تركي وهو طالع "عاااد ابي مخدة وبطانية من عندك " اريام .." مافيه غير الي نايمه فيها أعطيك اياااها " تركي "لا خلاص انام بدون شيء وطلع وبعدين تذكر شيء ورجع "اريام لاعاد تفتحي غرفتي الا باستئذان فاهمه " اريام وغضت على شفايفها من الخجل وسكت وعرفة خطاها .." =============***============ صحت الصباح طالعت الساعة شافتها سبعة حطت يدها على فمها وهي تتثاوب طالعت في حنين وشافتها نايمه ...وبسرعة قامت رحمة وتسحب الحاف عن حنين .." حنين قومي بسرعه الدوام راح عليك وانتي لسه نايمه .." حنين وتشد في الحاف ..." ماني مداومه اليوم ابي اغيب.." رحمة ..." حنين قومي وبسك دلع ليلك كله تسهري مع خالد والصباح بالعافيه تقومي.." حنين .." الله يخليك رحمة ابي انام تعبانه " رحمة بعصبيه .." قومي وبطلي دلع ولا والله اعلم امك عن سهراتك انتي وخالد حنين وتقوم مفزوعه .."الله يعيني عليك ماتصدقي تمسكي علي شيء وتهدديني فيه " رحمة .." طيب بما انك عارفة ان جلوسك مع خالد اخر الليل خطا ليه تسهري .." حنين .." اولا يارحمة خالد زوجي وعادي لو اسهر معاها ..وثانيا حرام عليك احنا مانطول كلها ساعتين ومايسمى هذا سهر.." رحمة .." ايييه ماطولين معاها ساعتين تسهروا وساعتين بالتلفون والليل راح على كذا.." حنين بقهر .." عااادي لو اقعد معه اربعة وعشرين ساعة ماراح امل منه عندك مانع ..." رحمة .." ياه..كل هذا حب ..وابتسمت الله يوفقك .." حنين وتنهد .." امييين ..مدري خالد كيف قدر قلب حياتي احس روحي متعلق فيه وطيف مايغيب عن بالي ..." رحمة .." احممممم عيب تتغزلي بالرجال قدامي .." حنين ..."والله صرنا نستحي يارحمة من متى هالحركات .." رحمة وتضرب فيها .." الحمدالله من يوم ماطلعت على هالدنينا وانا خجوله وماني مثل بعض الناس الي كل يوم ناطه بحلق الرجال والحياء ناسيته .." حنين بتوعد ..." انا الي انط بحبق خالد طيب يارحمة حسابك عندي يوم اجي من الجامعة .." رحمة .. "طيب وبسرعة انقلي داومي.." لبست حنين وطلعت وقبل ماتطلع اعطة رحمه بوسه وهي تضحك طالعت فيها رحمة وهي تسكر الباب وراها وحست بضيقه ... حست نفسها هي الوحيده بها الدنيا ومالها احد ..حنين وطول وقتها مع خالد ...وام راشد منشغله مع جاراتها الجديدات وانا ...وانا وتنهدت انتي ايش يارحمة ...انتي ولا شيء بالدنيا الله يرحمك يا أبو راشد ليييه انقذتي وخليتني اعيش بهالدنيا ليتني مت ولا احس بالوحده الي اشوفها ...وغطت وجها وصارت تبكي وتدعي ربها يفرج همها =============***============ في بيت ابو نواف نواف راح لشلته بعد طلعت داليا مباشره وسكر الى ان فقد وعيه ابو نواف راح الشركه وهو حاس ان الكل يتشمت فيه وكل يسولف عن فضيحة بنتة ام نواف دمعتها ماكفت على بنتها وهي ماهي عارفه وش صار لها وهي حية ولا ميته دلال ورغد ..ما راحن الجامعة وكل وحده مسكره على نفسها الغرفة ولا هي راضيه تطلع سعود الي قافل على نفسه بغرفته ومنسدح على السرير ومانااام من البارحه وريحة الدخان ماليه الغرفة وحاس نفسه أن طعن برجولته وبكرامته سعود ويدخل يده بشعر راسه ويشد بقوة عليها ويضغط بأسنانه .." ليييه يادليا ليييه داليا خنتيني وانا الي توقعت انك افضل من دلال ... كنتي تشدني بحياءك وخجلك الي اتوقع مافي احد بالكون مثله ليييه كذبتي علي وقعتيني بحبك وخلتيني اعيش الحلم واسطره بحياتي ليه حرمتيني فرحتني وانا ... مابقيت احد برياض غير خبرته وعزمته اه ياداليا ليتني قتلتك بيدي ولا زوجتك بحبيبك حبيبك تذكر تركي وضرب بكل قوته الابجورة وطاحت على الارض وانكسرت كلكم خاينات ...كلكم واطيات ان المجنون الي رضيت أتزوج ام سعود وهي تدخل على ولدها .." سعود بسم الله عليك يمه وش فيك من البارحه وانت مانمت .." سعود بضيق .." مافيني شيء .." ام سعود وتجلس جنب ولدها .." ياوليدي الله يعوضك بخير من داليا .." سعود ويقاطع امه .."يمه الله يخليك لاتجيبي سيرة الفاجرة على لسانك.." ام سعود وقلبها تقطع على ولدها .." ياولدي انت رجال كبيرا وعاقل وماهو زين الي تسويه بنفسك ...وانا من بكرة ادور لك اشرف بنت في الرياض .." سعود ويقوم .." لا ماابي ازوج ..وعمري ماراح ازوج وخليني اعيش حياتي ويكفي المرة الاولى طاوعتك ورضيت اني اخطب ام سعود وهي ماصدقت ولدها يرضى ويزوج وتجي داليا تضيع كل الي بنته " الله لا يوفقها داليا وأشوف فيها يوم تذوق الي ذقته .." سعود ويحط يده على فم امه .." يمه لاتدعي عليها وخلاص انا الغلطان الي فكرت أتزوجها وطلع من غرفة وهو يبي يكسر كل شيء بطريقه حاس مخنوق والي خانقه كل الي حوله ..ومشى وهو ماهو عارف وين طريقه =============***============ دخل مكتبة وسلم على الموظفين وزع الابتسامه عليهم وجلس على الكرسي وصار يفكر بداليا وسرح بجمالها وحياءها الي اكثر شيء شده لها حس نفسه ملكك الدنيا كلها قطع تفكيره وليد وليد وياشر بيده ..." وين الاخ .....غريبة مداوم بدري .." تركي ضحك .." تقصد اني غريب مبسوط على الصباح.." وليد .." المهم وينك البارحة اتصلت على البيت ومنت فيه " مايبي يقول ان اريام اتصلت عليه .." تركي وتنهد سالفه طويله وماراح تصدقني فيها .." وليد بخوف .." قول وش صار .." تركي حكى لوليد كل السالفه وليد من زود الصدمه بقى فترة طويلة وهو ساكت تركي .." ايش فيك حتى ماانت مصدق .." وليد .." مدري احسها سالفه ماتدخل العقل معقولة ابو نواف يزوج بنته بالسهولة تركي .." والله حتى انا ماني مصدق اخاف اروح البيت وما أشوفها قدامي .." وليد وبدا يستوعب ..." يا عيني كل هذا شوق لها اجل اليوم عريس وش جابك من الصباح مداوم.." تركي وهو يثاوب .." ايه والله ماحلى النومه بس وش اسوي خفت ابوك يزعل وياخذ بخاطره علي " وليد ويطالع فيه بنص عين .." هااااه محلى النومه ..استحي على دمك " تركي وضحك ..." الله يقطع شرك لايروح بالك بعيد البارحه نايم بدون مخدة ولا بطانية والله العالم بحالي وليد باستغراب .." طيب ليه ما قضيت ليلتك بفندق بدل هالحالة تركي .." ومن وين لي فلوس الفندق .." وليد .." طيب وش ناوي تسوي الحين .." تركي.." خلها على ربك ...والله يعين ننتظر الراتب .." وليد ويطلع الصرافة..." تركي خذ صرافتي واحجز لك فندق واشتري لزوجتك كل الي تحتاجه ... وخلي الشقه علي انا راح اجهزها وانت تهنى بحايتك تركي باحراج .."لاوليد ماابي اضيق عليك ..ومشكور وماتقصر .." وليد .." اسكت هذي بنت ابو نواف ومتعوده على الدلع ولا تخليها تحس الفرق .." تركي ويضم وليد .." الله يساعدني وارد لك جميلك .." وليد .." ياللا روح وانا أقدم لك اجازه شهر .." طلع تركي وحس كان حمل ونزاح عليه وليد فرح من قلبه لصاحبه ودعى ربه يوفقة بحياته .." =============***============ قامت من نومها وشافت نفسها لسه في نفس المكان ..كان عندها آمل أنها تصحا وكل شيء قدامها اختفى .. غسلت وجها وراحت دور تركي دخلت الصاله شافت البيت فاضي ومافيه احد حست بالجوع وراحت المطبخ فتحت الثلاجه ..شافتها فاضيه ومافيها شيء ..حست رأسها بينفجر من كثر الصداع صبت لها كوب مويا ورجعت لغرفة تركي فتحت شنطتها ومسكت فستان الملكة نزلت دموووعها غصب عنها وهي تشوف كل احلامها انتحرت وكل امانيها اندفنت عضت على شفايفها وتذكرت نظرات امها وكلمات ابوها ورمت نفسها على السرير وصارت تبكي على حالها وعلى الزمن الي رماها بحالة دخل تركي الغرفة وشافها راميه نفسها على السرير وشعرها مبهدل وصوت صياحها وشهقاتها قطع قلبه تركي ويمسح على شعرها .." داليا فيك شيء لتخوفيني عليك .." داليا وترفع راسها وتمسح دموعها ..." وينك تركي ليييه تركتني بروحي .." تركي .." كان عندي شغل ومقدر اجله وهاانا رجعت لك .." داليا وتلقائيا رمت نفسها بحضنه وصارت تشد فيه بقوة .." محدا بقى لي في الدنيا غيرك لاتتركني كلهم تخلوا عني ..كملهم.. ظلموني ...قولهم اني مظلومة ..قولهم اني مااعرفك ..واني عمري بحياتي ما شفتك .." تركي ويمسح دموووعها .." خلاص داليا يكفي اني واثق فيك والعصر اروح لأهلك وافهمهم الموضوع .." داليا واستوعبت وبعدت عنه .." لا ..لا اخاف يؤذوك ..يمكن يسوى لك شيء وانا عارفه ماراح يصدقوك " تركي بفرح .." يعني لهدرجه تخافي علي .." داليا ونزلت راسها .." ليه مااخاف عليك ومحدا وقف معاي وصدقني غيرك.." تركي .." طيب يللا الفطور في الصالة تعالي افطري " داليا وحست بالجوع .." لا الحمد الله ماني جوعانه " تركي بضحك .."طيب انا جوعان وابيك تشاركيني .." ابتسمت داليا وتركي اخذ بيدها وراحوا يفطروا =============***============ دخلت المكتبه وحمدت ربها انها فاضيه ومافيها احد ...وقفت عند رفوف الكتب وبدات تقلب بصفحات الكتاب وهي تسرق النظر في الي حولها رفعت عينها شافت نفس الشخص الي اخذا الكتاب منها ريم تمتمت بين نفسها..فففف هذا وش جابه ...طالعت شافته اخذا له مجموعه كتب وحطهن على بعض وراح يدور غيرهن وجتها الفرصه الي ترجع الصاع صاعين راحت لكتب واخذتهن وكملت طريقها وهي تتوعد بداخلها له فيصل .." رجع لكتب وماشافهن شاف بنت مااخذه الكتب وتبي تحاسب عليهن فيصل ..." لو سمحتي اختي الكتب هذي انا جمعتها .." ريم براءة تصنعاها ..." وش فيها الكتب .." فيصل .." اقول الكتب هذي انا جمعتها وابي احاسب عليها ...ومد يده ...اعطيني ياااها ريم وطالعت فيه من فوق وتحت وطلعت منها ضحكة استخفاف وكملت طريقها فيصل وعصب من حركتها ..." لو سمحتي هاااتي الكتب بالطيب وروحي دوري لك على غيرها .." ريم .." انت الي لو سمحت ..."وبعدين المكتبه مليانه كتب ماتبي غيرا الي بيدي " فيصل ..."لا هذي طبعتهن ممتازه وتعبت على بال مالقى طبعه واضحة " ريم .." انت رجال وتقدر بدقيقه تفر الرياض كلها ..روح دور لك مثلهن " فيصل انقهر من تطنيشها وبحركة قويه مسكها من كتفها وهي ماشيه .."هاااتي الكت بالطيب احسن لك .." ريم من زود الصدمه والخوف من مسكته طاحت الكتب من يدها وصارت ترتجف من الخوف والتفت عليه فيصل انتبه لانفسه ..." اسف بس انا .... ريم وترفع صوتها عليه ودموعها تجمعت بعيونها وبصوت متقطع ..." انت ماتستحي على دمك تمد يدك علي ...وين رجولتك تمد يدك على بنت ضعيفة وين ثقافتك الي تجمعها ..ولا الي تتعلمه ترميه ولاتستفيد منه ومقدرت تستحمل وبسرعة طلعت من المكتبة فيصل انصدم من حركتها وضائق صدره وطلع من المكتبه بدون مايشتري شيء وهو ندمان على الي سواه وحس نفسه تجرا زياده عليها =============***============ دخلت البيت والفرحه ماهي واسعتها اليوم بالنسبه لها احسن يوم بحياتها تنهدت بفرح وحمدت ربها ان الشلة اليوم ولا وحده داومت ارتاحت وحست بسعاده ماتوصف واخذت راحتها بالجامعة ...وزادت فرحتها زواج اخوها ..اه ياتركي والله تستاهل كل خيرا والله يوفقك بحياتك .. الله رزقك على نيتك الصافيه وقفت عند باب غرفة تركي وترددت تدخل وبعدين دقت وسمعت صوتها وهي تسمح لها بدخول داليا بصوت هادي ..." تفضل .. اريام وتفتح الباب وطالع فيها وتشهق ...." دالـــيـــا.." قراءه ممتعه نـــونـــnoonaـــا (: |
ومازالت الاحداث تتوالى ونحن نتابع بشوق
تسلم ايدك نونا عالتكمله للقصه الرائعه بانتظار الاجزاء الباقيه بكل شغف ^_^ تحيتي لكـ,,, |
اشكرك الساااهر ع متابعتك ^_^ ــ الجـــــزء السابــــــ(7)ــــع ــ "ما قبل الـعــاصفـة " دخلت البيت والفرحه ماهي واسعتها اليوم بالنسبه لها احسن يوم بحياتها تنهدت بفرح وحمدت ربها ان الشلة اليوم ولا وحده داومت ارتاحت وحست بسعاده ماتوصف واخذت راحتها بالجامعة ...وزادت فرحتها زواج اخوها ..اه ياتركي والله تستاهل كل خيرا والله يوفقك بحياتك .. الله رزقك على نيتك الصافيه وقفت عند باب غرفة تركي وترددت تدخل وبعدين دقت وسمعت صوتها وهي تسمح لها بدخول داليا بصوت هادي ..." تفضل .. اريام وتفتح الباب وطالع فيها وتشهق ...." دالـــيـــا.." داليا من الخوف صارت ترتجف ..." مين اريام اريام بعصبيه ...لتكوني انتي زوجة اخوي داليا باستغراب ... تركي اخوك اريام بحقد ...ايييه اخوي ياهانم ...عاجبك داليا وحست الدنيا سكرت بوجها ...اريام ... وماقدرت تستحمل وغطت وجها بيدها وصارت تبكي من الخوف اريام بندم وتقرب منها ...داليا..انا اسفه بس ماتوقعت تكوني زوجة اخوي داليا ماقدرت ترد عليها وصارت تهز كتوفها من قوة صياحها اريام بخوف داليا والله اسفه بس كنت مصدومه داليا ..من بين شهقاتها انا عارف تبي تتشمتي في تبي تبردي قلبك علي اريام بحزن ..لا والله داليا ماابي اتشمت بالعكس فرحة فيك وتركي طيب وحبوب وماراح..... وطالعت جهة الباب وشافة تركي جاء اريام ودقات قلبها تزيد .."داليا هذ تركي جاء الله يخليك عشان خاطري اسكتي داليا وتمسح في دموعها ..وماقدرت ورجعت صاحت تركي وهو داخل ...شخبار الحلوين ...وانصدم يوم شاف داليا تصيح تركي ويقرب من داليا ...داليا حبيبتي فيك شيء داليا ماردت وزاد صياحها تركي وطالع في اريام ...وش بلاها اريام من الخوف اكتفت بهز كتوفها بالنفي تركي ويشيل يدها من وجها داليا ...قولي تعبانه ..مضايقه ...ولا تخليني اتعذب بدموعك داليا .." وتحاول تخفي شهقاتها ...مافي شيء خلوني بروحي تركي ويطالع في اريام وياشر لها بعيونها انها تطلع واريام من خوفها بسرعة طلعت وسكرت الباب وراها تركي..داليا اريام ضايقتك داليا حاولت تتماك نفسها ورفعت رأسها وتبي تتكلم بس ماقدرت ورجعت صاحت تركي وعصب...." داليا قولي اريام ضايقتك .." داليا وخافت وزاد انكماشها على نفسها وكتمت شهقاتها تركي فتح الباب بسرعة وطلع لااريام تركي و يصارخ ..اريام ....اريام ... اريام وكانت حاسبها نفسها لها الشيء .." نعم تركي .." تركي ويتمالك نفسه .." قلتي شيء لداليا .." اريام وتبلع ريقها ...انا داليا حاولت تتمالك وقامت ولحقة تركي داليا ...تركي اريام ماضايقتني بس انا تعبانه..مضايقه من نفسي تركي وتنهد باريحه .." طيب وش هالصياح ..احنا ماتفقنا ننسى داليا بضيق ...صعب انسى ...والله صعب ......ورجعت دخلت غرفتها =============***============ دخل البيت وهو مضايق من تصرفه حس نفسه غبي ومتسرع رمى نفسه على السرير بضيق وهو يسب في نفسه ويسخط طالع في مكتبته شافها مليانه كتب ..قام واخذا ليه كتاب يتسلى عليه ...قلب صفحات الكتاب وبعدين طفش ورماه ..رجع لمكتبه وقام يدور على كتاب "الاذكياء " يبي يروح عن نفسه فتش في الكتب ومالقى لكتاب اثر طلع وهو معصب ..صدم في خالد وماهو حاااس فيصل .." اسف عمي كنت مسرع ومانتبهت خالد .." وش فيك كان احد يلاحقك فيصل .." مافي شيء بس كتاب لي حطيته على الكنب من يومين وتوني اذكرته خالد ..الي يوم الخميس تقرا فيه فيصل .. ايييه عارف وين حطيته خالد بضحك ..ايه اخذته ريم تقولوا اقرءاه وأرجعه فيصل وعصب ..بكيفها هي تاخذا كتاب من دون ماتستاذن مني خالد وش فيك معصب ترل الكتاب ماينوكل فيصل مارد عليه واخذا التلفون واتصل على بيت عمته رفعت ريم السماعة وهي مضايقه من الحركه البايخه في المكتبه فيصل بعجلة .."الو السلام عليكم ... عمتي موجوده .." ريم بدون نفس .."لا مين نقول لها .." فيصل ..معاك فيصل ريم ..نعم فيصل تبي شيء فيصل ..لو سمحتي ريم ابي الكتاب الي اخذتيه ...الحين اجي وابك تعطيه ريان ريم و انقهرت ...اي كتاب فيصل بعصبية ...بلا غباء واذا كنتي مااخذه غيره رجعيه ريم وسكر ت السماعه بوجهه وانقهرت واخذت الكتاب واعطته ريان يعطيه اذا جاء =============***============ جالس بمكتبه في المستشفى وهو تعبان احداث البارحه لسه في راسه اه ياداليا مايكفي عمك اكبر غلطه في هالدنيا غلطة لابوي وامي الي رماااهم الشيطان في شباكه وزين لهم طريقهم وطلعت ثمره لمعصيتهم ..متى يصحا العالم ويحسون في الايتام الي مالهم ذنب في هالدنيا ..ايحسون بالاطفال الي انحرموا من الامومه انحرموا من ألسنتهم ماانسى فضل ابو خالد علي بس مهما يكون احس نفسي غريب بينهم مهما حاولت ابقى ولد الشوارع الي ماله اصل ولا اهمية حس نفسه مخنوقه فتح ازارير ثوبه وقام يتنفس بصعوبه صحي على صوت المرضه مي .." شخبارك دكتور اسامه .." اسامه .."بخيرا بقى مرضى برا.." مي بدلال .."لا خلصوا الله يشفي الجميع" اسامه ويقوم .."انا طالع اتمشى بحديقة المستشفى لحتجتي شيء ناديني " مي بحزن..." ايش فيك دكتور احسك اليوم ماانت طبيعي.." اسامه .."لا طبيعي ومافيني شيء.." مي ..."طيب دكتور احمد يسأل عنك " اسامة ..."خلاص انا رايح له تبي شيء " مي بفرح .." لاسلامتك .." =============***============ دخلت حنين البيت وشافت جدتها كعادة تابع المسلسل اليومي حنين وتغير القناة ...جده وش هالفلم الي تابعيه .. ام راشد وهي تمسك العصى .." اقول حنين وجع رجعي على الفلم .." حنين .." جده عيب وش فيك تتفرجي على هالافلام .." ام راشد واستحت ..."طيب حطي على الاخبار يقولون سلامة بن لادن مااات.." حنين بضحك .." اسمه اسامه وهذي كذبه جديده كل يوم يقولون اسامه مااات ياها الاسامه مطيرا قلوب هالكفار وحايس عليهم دنيتهم .." ام راشد.." يابنتي ما يلمون هالكفار يخافون منه يقلون عنده اسلحه الدمار الشامل حنين بحزن ... ايه ياجده عنده اقوى سلاح ..سلاح اقوى من الدمار الشامل يكفيه سلاح الدعاء ام راشد ..وتغيرا الموضوع ...وش فيك البارحه صوت ضحككم واصل الشارع عندكم احد حنين بخوف .."هااا لابس كنت اتابع مسرحيه .." رحمة وهي جايه ..."ايه يايمه مسرحيه بطولتها خالد وحنين.." حنين وتغمز بعينها برجاء .." ايه مسرحيه مصريه فيها واحد اسمه خالد .." رحمة .. وطالع فيها بنص عين ...لا ماهي مصريه ..مسرحيه هنديه حنين ولعت منها ...رحمة خلاص علتينا ام راشد وش فيكم كل شوي بحلوق بعض كنكم بزرين رحمة واستحت ...لايمه ماعليك ترانا نمزح وحنين غاليه حنين ..ايه غاليه ..وطالع فيها بنظره خبيثه ..طيب بمااني غاليه اليوم راح يجي خالد وابيك تجهزي لي القهوة والحلى وكمان الشاهي رحمة ..وش هو هذا الي ناقص ..لايعيوني سوي كل شيء وبعدين اجلسي عنده حنين بتوسل ..مايمديني رحمة هو راح يجي بعد العصر مباشره رحمة ..وليييه امس مامداكم تخلصوا سواليفكم حنين بتوسل ..رحمة الله يخليك والله مافي وقته على بال ماتجهز راح يجي رحمة بعناد ..قلت ماراح اسوي شيء حنين وتذكرت شيء وفتحت شنطتها وطلعت جوال ومدته لرحمة حنين ..خذي هالجوال امس خالد جاب لي جوال وشريحه رحمة بفرح ..يعني هذا الجوال لي حنين ..ايه عشان تعرفي فضلي عليك ويللا سوي الي طلبته رحمة بفرح ..الله يخليك لي ..انا عارفه مااحد يستحملني غير حنين ..." وراحت المطبخ تجهز كل شيء لحنين ..وحنين دخلت تتسبح وتتجهز لخالد وام راشد استغلت ورجعت حطة على الفلم وحطت رجل على رجل وصارت تتفرج =============***============ كانوا جالسين في مطعم ...والأصوات الطبيعة محليه الجو..ولاضاءة الخافته اعطت طابع رومنسي تركي ويمسك يدها ويلبسها الدبلة ...اعذريني داليا اتمنيت ان تكون فرحتنا اكبر من كذا والكل يشاركنا فيها .....بس الظروف هي الي قادنا على هالحال داليا وتنزل راسها ... الله يسامح من كان السبب تركي ويحط يده تحت خده وبدا يتمالها بهدواء داليا بجراءة .."وش فيك ترا الاكل بالصحن ماهو بوجهي .." تركي ..ايه بس لازم قلبي يتغذاء ...وشال يده من تحت خده ..."والله قمر " داليا بغرور ...ايه عارفه من دون ماتقول لي تركي يرفع حاجبه ...لاتكوني بس مغروره داليا بدلع .."عمرك شفة جمال بدون غرور.." تركي ويرجع ظهره على الكرسي ..."ايييه انا وش حليلي ومع هذا ماني مغرور.." داليا وتحاول تكتم ضحكها ..."ومين قال انك مزيون .." تركي ..."بنات الشوارع كل ماتشوفني وحده ترقمني .." داليا بغيره .. "صدق قليلات ادب .." تركي و يقرب منها ويحط عينه بعينها ..."تغاري علي .." داليا ارتبكت من قربه ..ونزلت راسها واكتفت بالابتسامة تركي وذاب بابتسامتها ..."يللا داليا خلصي اكلك وخلينا نشتري الأغراض الي ناقصتك داليا بحيره .." بس انا ما ناقصني شيء تركي بابتسامة خبيثه...." متأكدة ما ناقصك شيء " داليا وفهمت قصده ..."قلت لك ماناقصني شيء ويللا ابي اروح البيت .." تركي ضحك ومسكها مع كتفها ..."والعبائه الي على كتفتك مايحتاج لها عبائه .." داليا وطالع بعبايتها ..."ليه وش فيها عباتي." تركي .."مدري بس أحسها فستان ماهي عبائه ...ويللا لاتاخرينا خلينا نلحق على السوق.." طلع من المطعم وراحوا السوق وداليا من الحياء مارضت تشتري شيء =============***============ دخل ابو نواف البيت شاف دلال حاطة يدها تحت خدها وتابع مسلسل وشكلها ماهي معاه وام نواف جالسه بروحها ودموعها متجمعة بعينها وحابستها ماتطلع جلس واصدر صوت عشان الكل ينتبه له ام نواف ..هلا ابو نواف من متى جيت ابو نواف بضيق ..ماهو مهم متى جيت ..بكرة نبي نروح المزرعة ...تجهزوا دلال بضيق ..بس يبه ماابي اروح المزرعه ابو نواف وهو طالع ..."انتم ماخربكم غيرا الدلع ..ولا كلمه تروحي يعني تروحي فاهمة .." وكمل طريقه وهو يدعي على نفسه بالموت ولا يشوف العار في بناته =============***============ طلعت من بيتها وهي تمسح دمعتها اليوم موعدها مع ام وحيد ..وقفت على الزاويه تنتظر نوره تمر عليها بسيارتها...وتاخذها وقفت شافة سيارتها جايه من بعيدا تنهدت بالم ..وحست اليوم الاخيرا لحياتها اخر يوم لها بالشرف والعفاف ركبت السيارة بدون ماتتكلم وبقيت ساكته طول الطريق .. ماصحت على صوت نوره نورة ..." يالاخت ...خلك ويانا ...وانسي ألخرابه فرح .. وتنفض راسها .." انا معاك يللا خلينا ندخل دخلت نوره ولحقتها فرح وهي تقدم خطوة وترجع خطوات .. فتحت لهن الباب ام وحيد ام وحيد ..اهلين نوره ..جايبه زبونه جديده نوره ..وتاشر على فرح ..."وزبونه ترضيك وقيمتها غالية فرح رفعة رأسها على كلمتها ...شافت حرمه إفريقيه ...في نهاية الثلاثين لهجتها سعوديه ..او بالأصح مكاويه ام وحيد وتتامل في فرح ..."لا هذي ما يخذوها غيرا عيال العز فرح ...حست غصة في حلقها ..وهي تشوفها تساوم عليها وكانها سلعة فرح بعد طول تردد...لو سمحتي فيه زبائن اليوم ام وحيد بضحكة مزعجه ...ايش بك مستعجله على رزقك ...لا يوم الخميس يومك وشدي حيلك بس خلك على اتصال دائم مع نوره نوره ..." خلاص ام وحيد احنا الحين مروحين ...نتظر اتصال منك =============***============ بعد العصر كانوا جالسين في المجلس وقلوبهم تعانق بعض ...خالد بلحظة سماع صوتها ينسى العالم الي حوله ويعيش احلام ورديه معاها ...حنين كانت تتجرا تشبع عيونها منه وخاصة هو مايشوفها كانت تحاول توقف عيونها ونتشلها من الحب...الي قضى على قلبها ...بس ماتقدر وكل الي تقدر عليه ان تغمض عيونها وتعيش على نغمات صوته خالد.." تعالي حنين جنبي وين ناطه بعيدا.." حنين ...طيب هذا انا جنبك .. خالد ..انا عارفه انك تضحكي علي ...وسكت فترة...طيب صبي لي كاسة شاي قامت حنين وصبت له كاسة ومدتها له خالد ويمسكها مع يدها ...يللا اجلسي جنبي ...وحركاتك هذي لاعاد تسويها حنين .. عيب ياخالد لو دخلت علينا جدتي وانا جنبك وش تقول خالد ..عااادي زوجك ..ومااحد يمنعني عنك حنين بخوف .. زوجتك في بيتك والحين لا و انا أمنعك خالد ..ويبوسها على خدها "..هااااه تقدري تمنعيني الحين ..." حنين استحت وبسرعه قامت وجلست بعيدا عنه ....كذا اقدر امنعك خالد وضحك ...خلاص ارجعي مكانك والله ماراح اسوي شيء .." حنين ..هاااااا حلم ارجع مكاني ضحك خالد ورضخ لعناد حنين =============***============ في المزرعة تجمعت العوائل كلها على الشروق عائلة ابو نواف وعائلة ابو سعود وخالد الي مارضى يروح غير حنين وأهلها يحظروا اسامة اعترض يروح بس يوم عرف ان رحمة راح تجي غيرا رايه وجاء فيصل كعادة رفض وجلس في البيت مع كتبه ....ابو ريان حضر هو وعائلة ابو سارة حضر هو واهلة ...ابو وليد حضر بس اعتذرت ام وليد بحجة اريام عندها رحمة وام راشد وام سعود وام نواف وام ريان وام سارة جالسات جلسة عاديه تتخلها بعض الغيبة وماتحلى الا يوم تتملح السالفه البنات ريم وحنين مع بعض ...دلال ورغد وساره ورهف جالسات عند المسبح سارة ..مااكنت اتوقع داليا غبية لهدرجه .. رغد .." قسم الله انها اكبر غبية في العالم في وحده تحب واحد وتجيبه عندها في البيت دلال ...بسكم عاااد تراكم تتكلمون في اختي ...وعندي احساس يقول ان داليا انظلمت وان الكلب هذا هو الي ظلمها رغد ...اه ياخوي سعود ...حالته حالة بعد داليا ...بس معصب علينا ...ومتشدد حتى عندكم مانعني اجي عندكم ..احسه تحطم وكاره الزواج بعدها سارة .."بصراحة ما يلام..ماصدق يزوج وتجيه داليا وتحطمه على طول دلال بضيق ..اسكتوا حنين وريم جايات ريم ..مرحبا بنات رغد ..بدون نفس اهلين حنين ..صح بنات مبروك زواج داليا ..فرحة لها من كل قلبي سارة بحقد ..ايه باين ريم ..عاااد كيف المزرعة من دون داليا دلال ..اكيد ماهي حلوة حنين ببراءة ..تصدقي خالد الله يهديه ماخبرني عن زواجها سارة ..اصلا خالد مايقول كل شيء الا يحبه حنين طنشتها واخذت بيدا ريم ومشوا خالد سمع صوت حنين وجاء خالد .." شخباركم صبايا ...ها حنين عندكم سارة بغيرة وضحت بصوتها..هلا خالد وينك ماتنشاف ولاعاد تسال عن عمك خالد والصوت فتح له جروح قديمه ..اعذرينا يابنت العم والدنيا شاغلتنا ساره بدلع بس مااظنها تشغلك عن الغاليين خالد وعرف نفسه يضعف قدامها .." الله كريم .." ومشى عنهم حنين يوم شافت خالد جاي مشت له حنين ..هلا خالد بغيت شيء خالد وصوتها صحاه من غفوته ودفن كل الجروح القديمه ...ايه ابيك.. ومسكها من يدها واستأذن من البنات سارة حست بغيرة من مسكة خالد لحنين ..وضغطت على نفسها ..عشان ما تنفضحه =============***============ كانوا الرجال جالسين مع بعض ابو وليد ..يللا مشينا بنتك بس ولدك ماراح نمشيها لك ابو نواف ..اكيد ياابووليد انت اول الحاظرين ابو وليد ..تصدق ام وليد كانت نفسها في البنت لوليد ..بس مادام اخذها تركي يستاهل وليد كل خير اسامة باستغراب ..ليه انت تعرف تركي ابو وليد ..ايه وهو بحسبة وليد..تربى معانا من يوم هو صغير =============***============ شافها رايحه بعيدا واخيرا جته الفرصة ومشى وراها حس نفسه موقف خطا ...بس هي الوحيده الي يوم شافها نسى همومه وتجددت الحياة بقلبة ..والبتسامة اخذت مجراها تراجع يوم شافها جلست تحت شجره ومدت رجولها باريحه ...بدا يتاملها وهو يتنهد حسها هي الوحيده الي عاشت معاناته هي الوحيده الي جذبته بثقتها وشجاعتها وقبل كل شيء بغرورها مشى خطوات بسيطه وقرب منها اسامه بتردد... شخبارك رحمة طالعت فيه ورجعت نزلت عيونها ..بخير اسامه بحزن .. وش فيك تقوليها بدون نفس رحمة وطالع يمين وشمال وكانها خايفة احد يشوفها ...اجل كيف تباني اقولها لك اسامة ..رحمة وش فيك ..احسك غريبة ...ومااظن كل هذا من الحروق رحمه وتقوم ..شكلك مصدق عمرك ..وش دخلك في وكملت طريقها اسامه ..ماراح تقدري تخبي الي وراك كلنا عرفنا قصتك رحمة وقفت فجاة وقلبها صار يدق بقوة وبخوف ...وش عرفة اسامه واستغرب ردة فعلها ..وقرب منها ..." رحمة انا متبرع أعالجك على حسابي بس ياليت توافقي رحمة ..وحمدة ربها بسرها ..اظن هذا موضوع قفلنها من سنين وماله داعي اعيده اسامة ..بس رحمة في ناس محتاجه لك ..وسعادتها معاك رحمة وفهمت قصده ..بس انا ماني محتاجة لهم ولو يبعدوا عن طريقي يكون احسن لهم اسامة وحب يجرها يمكن تضعف وتلين له .."انتي على وش شايفه نفسك .. ترا كل راس مالك جسم مشوه رحمة وخرج منها صوت استخفاف وكملت طريقها وكانها ماسمعت شيء اسامة ماتوقع ردة فعلها كذا توقعها تبكي ..تضايق ..تسبه ..بس هي خيبة امله بتصرفه ..مهما حاول يخليها ترضح له تبقى صامده وشامخة ومافي شيء يهزها وعرف ان التعامل مع رحمة صعب..وصعب مرة |
الجــــــزء الــثامـــــــ(8)ـــــــن "الحــقيــقـة الــظالـمــة " طلعت من الحمام .." والجميع بكرامة" طالعت شافت الغرفة فاضيه شمت ريحة عطرا عرفة ان تركي تعطر وخرج وقفت وتاملت نفسها على المرايا وتسرح شعرها ... وابتسمت بحزن على حاله اشتاقت لامها ولابوها ولدلال ودانه اشتافت لجمعه مع البنات واعمامها طالعت في زاويه المرايا وشافت كرت ..فتحته وقرت .." احبك يا نور عيني توقيع تركي.." ابتسمت بحب ..وكلمت نفسها يااااه هالانسان مدري كيف قدر يجذبني ويحسسني بالامان ..ويعوضني عن اهلي ...ضمت الكرت على صدرها سمعت صوت التليفون يرن ومااحد يرد عليه قامت وراحت الصالة ورفعت السماعة المتصل ..السلام عليك... بيت تركي داليا ..وعليك السلام ...ايه بيت تركي المتصل ..انا فاعل خيرا وابك تسمعيني وبعدين تحكمي =============***============ في بيت ابو نواف ابو نواف جالس يتابع الاخبار ودلال وامها جالسات مع بعض ويتناقشوا بأمور عاديه ونواف يلعب بجواله وباين عليه الكلام نواف بتردد وعينه على الجوال .."يبه ابيك تكلم سعود يوافق املك على رغد .." ابو نواف ويتابع الاخبار .."ماهو وقته الحين خلها وقت ثاني.." نواف .." يعني متى وقتها يوم البنت تطير مني .." ابو نواف .." البنت محجوزه لك ...والكل عارف هالشيء ..." ام نواف ..."الله يهديك يا ابونواف الولد نشف حلقه من كثر ما يترجاك وانت كل يوم تقول بكره .." ابو نواف .."انا ماعندي مانع بس .......وقطع كلامه وفتح عينه على الاخر وقام والكل التفت يشوفون وش صاير كانت داليا داخله البيت ودموعها على خدها ابو نواف والعاطفه نادته .."داليا بنتي.." كملت داليا طريقها بدون ماتلتفت على احد ودخلت غرفة ريتا كانت تبي تكذب الي سمعته كانت تمشي وصوت الرجال ينعاد براسها ماهو معقوله تركي يطلع منه كذا داليا بصوت مخنوق ..."ريتا ميري ليه سافرت.." ريتا بلا مباله .. "هو في حر.." داليا تقدمت ومسكتها من كتوفها وهزتها بكل قوتها .."ريتا اعترفي ميري ليه سافرت" ريتا بخوف .."انا مافي معلوم .." داليا انهالت عليها بضرب .."كذابه انتي عارفه انها باعت صوري لتركي وهربت.." ريتا بصدمه .."انتي مين فيه قول .." داليا بتوسل وصياح .."ريتا قولي الحقيقه ورحيني الله يخليك... ورفعت صوتها ..ريتا والله لذوقي الي ذقته لو ماتقولي كل الي عندك.." ريتا ..انا مافي معلوم هذا فيه صديق اعطي ميري فلوس وميري اعطيه صور مال انتي وفيه قول انتي وين اجلس كل يوم ..." داليا وبضربة كف قويه لريتا .." وانتي ليه ماعلمتي الحقيقه.." ريتا .." هو فيه هدد لو فيه علم فيه موت.." جلست داليا على طرف السرير وهي منهاره ماتوقعت تركي تجيه النذاله والخسه انه يلعب باعراض المسلمين ...ماتوقعت ان تركي الي بلحظه قدر يحسسها بالامان والسعاده يكون كل تفكيره بفلوس ابوها وان طعمه هو الي قاده يتفق مع الشغالات ويرميها بها المصير ورمت نفسها على السرير وهي تصيح وشهقاتها قطعت قلوب الكل ام البقيه كانت صدمتهم اكبر صدمتها حسوا انهم كلهم اشتركوا في ظلم داليا وكلهم اشتركوا في دفنها وهي حيه ابو نواف اول مره تحتبس دموعه بعيونه ولف وجهه الجه الثانيه وهو يتعذب بشهقات بنته ام نواف راحت لبنتها ومسحت على شعرها وتحاوا تهديها .. ونواف حس نفسه مخنوق وفضل الهروب عن الشعور بتأنيب الضمير ام نواف وتمسح على شعر داليا ..سامحينا يابنتي احنا تسرعنا في رميك وظلمناك داليا وتوها استوعبت ورفعت راسها ودارت عيونها بين امها وابوها وفي النهايه ركزتها على دلال ..وسكت على اسنانها ورمت طرحتها على وجها وطلعت تصفي الحساب بينها وبين تركي =============***============ رفعت عيونها لسماء وتأملت السحب كيف بدقيقه تلتقي مع بعض وبدقيقه تفترق عن بعض نزلت عيونها على الكتاب المفتوح قدامها وسكرت بعد ما شافت دموعها ملته ورجعت فتحته وصارت تقرا من بين السطور وحست بغثيان والم في بطنها ورجعت قفلته وصارت تسب وتسخط على نوره ووتكلم بسرها بضيق وتذمر من وجع الحياة عليها وش لك بهالكتب وهالخربيط اه يافرح من متى وانتي تقري هالسخفات والضياع كلها يومين يافرح وتضيعي وتضيع احلامك عظة على شفايفها وتذكرت الثلاث الالف الي وعدتها فيها ام وحيد وابتسمت بحزن واخيرا راح اودع الفقر وأعيش مثل الناس راح اودع الدموع والجوع وتذكرت شيء وعبست وجها وزادت دقات قلبها انا راح انام عند رجال ماتربطني فيه بصله راح اضيع شرفي بطمعي ...وهو وش راح يكون موقفه مني اكيد راح يتهمني بالعهر والفساد ويرمي ضياعي على امي وابوي وقفت لحظه وتذكرت ابوها ابوي خليه يستاهل هو الي قادني لمصير هذا هو قاده طمعه يروج المخدرات وانا قادني فقري ابيع عرضي ..وامي وامي وش ذنبها ...وش ذنبها اقضي على فرحتها يكفيها الي جاها من ابوي وغطت وجها بيديها وصارت تشهق من الصياح =============***============ نزلت من سيارة الاجرة ودموعها ملت غطوتها فتحت الباب ودخلت دور الي انداست كرمتها بسببه دور الي دنس عرضها بطمعه صدمت فيه بدون ماتحس ورفعت عيونها بوجها وهي تتأمل الحقير الي قدامها تركي الي حس بالخوف يوم فقدها بس ارتاح يوم شافها قدامه ومسكها مع كتفها وباسها على خدها تلقائيا داليا وكل شعره بجسمها وقفت من حركته ودزته بكل قوتها ... "يالحقير لاتقربني" تركي بغضب وبصدمه .."داليا وش بلاك .." داليا بعصبيه .. "لا دنس اسمي على لسانك سامع .." تركي ويتمالك نفسه .." داليا وش صار.." داليا بصوت مخنوق وش تبيني اقول لك اقول اني عرفة كذبك ولا خستك ولا طمعك ولا ايش ولا ايش .." تركي .." داليا احترمي نفسك .." داليا .." حرام عليك انا وش سويت لك عشان تسوي في كذا ليه حرمتني اهلي وقضيت على فرحتي ..اذا كان همك الفلوس تقدر تحصلها بالف طريقه ..ولا تكسر جناح غيرك .." تركي ..داليا وش تقولي ومثل ماانتي مظلومه والله انا انظلمت مثلك ..." داليا وترفع صوتها .."كذاب والعبه كلنا عرفناها لاتنكر انك جيت اخر الليل تهددني في الصور الي لعبت فيهن وانظلمت بسبتها وتنهدت بالم وبحزن الله يسامح اهلي رموني عليك من دون ما يرحموني و كان همهم يستروا حالهم باي طريقه .." تركي ما قدر يستحمل الاهانات وتلقائيا رفع يده يضربها وداليا من الخوف انكمشت على نفسها ابو نواف وهو داخل ... نزل يدك عن بنتي لاتنكسر تركي وينزل يده ..." ابو نواف .." ابو نواف ويضم بنته لصدره ... "الله يبتليك بعرضك مثل ما ابتليتنا بعرضنا .." ام نواف .."انت ماتخاف الي ماتنام عينه ينتقم منك .." تركي ..لا تدعوا علي تراكم ظلمتموني .." ابو نواف يللا يا داليا لمي أغراضك ومالك جلسه هنا وانت المحاكم بينا ونشوف مين الخسران في الأخر.." رفعت داليا عينها وطالعت في تركي وبقت فترة وهي طالع فيه وبهدوء سحبت نفسها ودخلت غرفتها وتركي استغل الفرصة ولحقها تركي بتوسل .."داليا اسمعيني احنا لنا اسبوع مع بعض وهالاسبوع ماهو كفايه يكشف لك حقيقتي.." طالعت فيه داليا ورجعت تكمل جمع أغراضها تركي .. "لاتخربي بيتك بيدك ومثل ماانكشفت حقيقتك راح يجي يوم وتظهر حقيقتي.." داليا سكرت شنطتها وطالعت في تركي وتنهدت بحزن على الايام الي قضتها معاها تركي مسكها من يدها قبل ماتطلع .." داليا والله احبك ..ومااقدر اعيش من دونك.." داليا وتنزع يدها من يد تركي .." ياليتني انخدعت بالكل الا فيك .." وطلعت مع اهلها طالع فيها تركي وهي تركب السيارة وسكر الباب وراه بقوة وقف عليه وعرف ان توه صحا من حلمه بس صحا وهو مسلوب القلب طلع جواله من جيبه واتصل على وليد يروح اريام من عندهم =============***============ دخل المكتبه وهو يدعي ربه انه ان تكون موجوده ابتسم بداخله يوم شافها واقفه بنفس المكان الي شافها فيه اخر مره تذكر حركته البايخه وتشجع وتقدم خطوتين وركز عينه على الكتب فيصل بتردد ...انا اسف اختي على الموقف الي صار واتمنى انك ماتاخذي فكره سيئة عني ريم انصدمت وماتوقعت ان الصدفه تجمعها لمرة الثالثة بهذا الشخص وردت بدون وعي..." مسوح يا خوي وما صار شيء.." ورجعت تتصفح الكتب وفيصل أنحرج من وقفته وسحب نفسه بهدوء رفعت عيونها من الكتاب وطالعت فيه وابتسمت بداخلها على المواقف الي جمعتها معاها وفيصل بالمقابل كان يشغل نفسه بالكتب وبين فترة وفترة يسرق النظر لها ويحاول يتجاهل وجودها =============***============ فتحت صندوق لميس وطلعت دفتر مذكراتها كانت اخر مذكرة لها قبل سبع سنين يوم سافرت مع ابوها تذكرت ضحكتها وصيتها قبل ماتسافر " هااريام راح يخلى لك الجو مع وليد و خذي حقي منه.. وشدي اذن تركي وخله يرجع الشريط .." ضحكة على كلمتها وضمة الدفتر على صدرها ونزلت دموعها وهي تسب كل السوقين الي حرموها امها وابوها وحرموها اعز صديقاتها سمعت دق على الباب وبسرعة مسحت دمعتها ورجعت الدفتر مكانه ريماس وتفتح الباب ..." اريام وليد ينتظرك في السيارة عشان يروحك البيت اريام بستغراب ..وليه وليد يروحني ..وتركي وينه.." ريماس ببراءه وتهز كتوفها .."هو قال لي كذا .." نزلت اريام تحت ولبست حجابها تشوف وش صار ام وليد .."يللا يابنتي وليد ينتظرك برا .." اريام .." بس ياخالتي مستحيل اروح مع وليد بروحي.." ام وليد .."خذي معاك ريماس ...وليد مثل اخوك .." نزل وليد من السياره وهو عارف عناد اريام وانها مستحيل تركب معاه بالسهوله وليد ويتنحنح ..." هااريام جاهزه .." اريام ايه جاهزه بس ماني مروحه معاك راح انتظر تركي .." وليد .."يابنت الحلال تركي توه اتصل علي ويقول تعبان وده ينام وطلبني اروحك .." اريام .."بعناد بس اسفه ماني مروحه معاك .." وليد بعصبيه وهو طالع .." اريام انتي متى تكبري وتكري حركات العناد اقولك اخوك تعبان وماهو فاضي لك واذا ناويه تنامي عندنا نامي محد مانعك .." اريام بندم وتنادي عليه .."خلاص وليد انا طالعه واخذت يدا ريماس ولحقته .." =============***============ كان جالس جنب فيصل ومقابل خالد ومتردد كيف يبدا كلامه وخايف يلاقي نفس الجواب مثل كل مره اسامه بتردد .." خالد امس قابلت الدكتور احمد .." خالد بلا مبالة.." وانا وش يهمني .." اسامه .."الدكتور احمد توه جاي من المانيا وجايب معاها تقريرك الطبيه.." خالد .."طيب ماهي اول مره .." اسامه وحاول يتشجع.."احمد يقول انه عرض تقاريرك لااكبر الدكاترة وقالوا ان في امل ترجع تشوف وان نسبة الامل 60%100 خالد برتباك واضح .."بس نسبة الامل قليلة وانا ماابي اعيد نفس المعاناة.." اسامه .. "لا ان شاء الله وان عندي امل ان العملية راح تنجح .." خالد وتنهد بالم .."الله كريم نسوي الي نقدر عليه والباقي على الله.." اسامه بفرح .." يعني عندك استعداد تجري العملية مرة ثانيه .." خالد .. "ايه ليش لا وابتسم بحزن لخاطر الي نحب ليش ما نجازف .." اسامه بضحك .."وانا اقول وش فيه وافق بسرعه طلعت ميت على شوفة حنين.." خالد .."هي امنيه وادعي ربي يحققها لي .."وبصوت واطي اني اكحل عيني بشوفة حنين.." فرح اسامه من قلبه لخالد وغبطه على الحب الي يعيشه ..ودعا ربه بسره ان يسرا له امره" اسامه ويطالع في فيصل .." فيه ناس مامنهم فايده وماهم مشاركينا الا في اذانهم .." فيصل قفل الكتاب .." هاانا معاكم وش عندكم .." خالد .."سلامتك بس ابله منيره تسلم عليك وموصتني اني ازوجك .." اسامه .."ايه والحرمه ياحرام من زمان ما زغردة وحابسه زغرودتها بعرسك.." ضحك فصيل .."طيب قولوا لها تحتفظ فيها كمان عشرة سنين قدام.." خالد ..اقول بلا مهزله وقول لنا وش استفدت من كتبك وخربيطك .." فيصل فتح الكتاب .." بصراحه اشياء كثيرة وفيه مقوله وقفت عندها كثيراواعجبتني اسامه .."وش هي .." فيصل ويقرا .."لئن تحصل على ماتحب حتى تتعذب في سبيل ما تحب .." اسامه بضحك .."كلام جرائد.." ام خالد هزتها هالكلمه وحس برعشه سرت بجسمه تذكر ساره وتذكر حنين وتذكر الفرق بينهن ومدا عصاه قدامه واستذن وطلع لغرفته =============***============ طالعت في في المرايا وتأملت نفسها مسحت على خدها وابتسمت يوم شافت الميك اب حق حنين .. اخذت الروج ومرته على شفايفها وطالعت نفسها في المرايا وبحركة سريعة مسحته بأصبعها بقوة اخذت لثمتها ولفتها على وجها وبدت تتامل نفسها بالثمه دخلت عليها حنين وقطعت سرحانها وبصوت عالي ..."رحمووووه.." رحمه ضربة يدها على صدرها .."بسم الله الرحمن الرحيم انتي متى تعقلي .." حنين .. "لقرب زواجي .." رحمة بنص عين .."ليه انتي عقلك ماتستخدميه الا لرجال.." حنين.." ايه لان معاك مايحتاج عقل تعرفي لازم اكون بمستواك.." رحمة تتخسر .."وش تقصدي يعني انا من دون عقل .." حنين تهز كتوفها .."انا ماقلت شيء .." رحمة.." طيب ياحنين ولاجاء خالد تعالي اطلبيني اسوي لك شيء .." حنين .."وع عاد من زين الي تسويه كلها قهوة وشاي والله لايبالنا على الحلى الي تسويه لو سمعت كلام جدتي وحطيت تمرا ازين.." رحمة وتقفز عليها وتمسكها من رقبتها وتخنق فيها .." ليه انا الي مااعرف اطبخ ولا انتي الي كل ماسويتي شيء حرقتيه .." حنين بضحك وتوسل .." ايه انتي اكبر طباخه بس فكيني.." رحمة وتشيل يدها .."ناس ماينفع معهم غيرا العين الحمرا.." حنين وبعد ماردت روحها .."ايه وكل الي تعرفيه كبسه مالها طعم .." رحمه .."طيب ياحنين ارويك وتذكري كلامك هذا .." ام راشد دخلت على أصواتهن الطالعة وتضرب كل وحده بالعصا على كتفها بخفيف "انتم متى تكبرون كنكم بزارين فضحتونا عند جيرانا وطالع في رحمه وانا اقول هذي العاقله طلعتي اخس من حنين المرجوجة .." رحمة استحت ولا تكلمت وحنين كتمت ضحكتها وقامت تحسس الضربة حنين .."جده احنا عاقلات ما تشوفينا مانتابع افلام ...وبلعت ريقها .."ماهو مثل بعض الناس اربعة وعشرين ساعة مقابلين عادل امام .." ام راشد وتضرب حنين ..وش لك بالرجال حتى المصرين ما سلموا من شرك.." حنين بتوجع .."الله يهنيك بعادل بس لا تضربي .." رحمة وتكتم ضحكتها .."سبحان الله يمهل ولا يهمل .." حنين بتوعد..." طيب يارحمه تتشمتي والله لاارويك.." وهربت رحمة وركضت وراها حنين ورحمة تحلف انها ماتعودها وحنين تحلف انها غير تضربها =============***============ كانت جالسه على الطاوله بروحها كلهم راحوا يحظروا محاضراتهم الا هي اكتفت بتقديم عذرها المزيف وماقدرت تحضر وسرحت بحال الي وصلت عليه صحت من سرحانها على صوت بنت معجبه فيها قامت وسلمت عليها واخذت من البنت باقة الورد حطت الورد على الطاوله وجلست تاملت الورد وأعجبتها جاذبية ومنظره سحبت لها ورده حمرا وتذكرت الورد الي قدمها لها تركي في الفندق وغرغرة عيونها وضغطت على الوردة بكل قوتها لين ماتناثر الورده بيدها وتناثر قلبها بين سعود وتركي انتبهت لاصوات بنات وراها الاولى .."شوفيها لاابسه الدبله شكلها تزوجت.." الثانية .." يابختها شكلها اخذها ولد عز.." الاولى .." ماتلام هالجمال حرام يروح لاي واحد .." تذكرت الدبله وسحبتها من يدها ودخلتها الشنطه ...حست بيدا على كتفها وطالعت وشافت اختها دلال ومعاها رغد وساره دلال وتجلس ..."ووواااوو افتقدنا الورد بعدك اكيد من معجبه.." ساره وتاخذا ورده وتشمها ..."تخيلي مين شفت .." داليا بلا مبالة .."مايهمني مين شفتي.." رغد بحقد .."لا يهمك الله ياخذها اريام .." داليا وتخفي ارتباكها .. "وش سويتوا لها .." دلال "لاتخافي اختك ماراح تترك حقك.... الله ياخذها هي واخوها .." سارة .."انا نفسي افهم هي ليه ماانتقمت مني ولامن دلال ولامن رغد ماقدرت تحط حرتها الا في داليا المسكينه.." دلال .." وانا نفسي افهم كيف اختي المجنونه سلمت نفسها لا اخوها بسهوله هذي.." رغد باستخفاف.." اكيد ضحك عليها عليها بكم كلمه وعرف يلعب الدور وهي صدقت التمثلية.." طالعت فيهم داليا بقهر واخذت كتبها وملازمها ومشت عنهم =============***============ كانوا جالسين عند البحر وماسكين ايدي بعض والسعاده تحوم حولهم اسامه من فرحته كان ضاغط على يدها بقوة وكانه خايف انها تضيع من يده شاف وليد جاي من بعيد وهو يركض وانقبض قلبه ...ضغط على يد رحمة بقوة وكانه خايف من شيء وقف وليد مقابله وبدون مايتكلم نزعها من يده واحتواها بيده وضمها على صدره وقف اسامه وهو مصدوم حاول ينزعها من يديه ولكنه اتفاجا ان الرفض يكون من رحمة طالع فيها وهو مصدوم وشافها راحت معاها وهي بقمة سعادتها وغابت عن عينه مع غياب الشمس سمع صوت من وراها والتفت وشاف فهد صاحبه الشمالي يطالع فيه بحزن ويهمس له .." انسى رحمة يااسامه .." صرخ باعلى صوته ..لا ..لا ...لا رحمة لي .." صحا من نومه وهو مفزوع سمى على نفسه واستعاذ من الشيطان تذكر اخر كلمه قالها فهد له نفض راسه بقوة لا مستحيل انسى رحمة ... وتذكر ابتسامتها مع وليد وعبس وجهه وبسرعه قام من السرير =============***============ نزل من سيارته وهو يكلم في الجوال شاف اخته ودلال ورغد راكبات مع السواق بروحهن وبسرعة قفل الجوال وراح لهن نواف .." على وين ان شاء الله .." دلال .." نبي نشتري اغراض من السوق.." نواف .."ومين سمح لكم تروحن بروحكن " دلال .." خير نواف وش فيه ماهي اول مرة نروح السوق برحنا.." نواف بعصبيه .."يعني معترفه انك دايما تروحي السوق مع السواق بروحك .." رغد .." نواف وش بلاك معصب اذا انت ماانت واثق فينا خلاص مانبي نروح. ونزلت من السيارة نواف وانحرج .." رغد وش هالكلام والحمد الله الثقة موجوده وانا واديكم السوق رغد بخوف .." لانواف ماني ناقصة مشاكل مع سعود .." نواف .."ياسلام سعود يسمح لك تروحي مع السواق ولا يسمح لك تروحي مع ولد عمك وبسرعه اركبي السياره وتراك ماانتي بروحك دلال معك.." دلال .." طيب مر على بيت سارة موصيتنا ناخذها السوق معنا رغد بغيره .. "لا ماله داعي نمر على ساره..." دلال "لاتخافي نواف ما يهتم في ساره .. والبنت واعدناها وهي تنتظرنا .." ضحك نواف وانحرجت رغد من كلمة دلال وحرك السيارة وهو يطالع في المرايا على رغد ويبتسم لها =============***============ في بيت ابو راشد حنين بضحكتها الرنانة... رحمة الله يخليك وهذا وعد مني انها اخر مره بس سوي العشى رحمة بعناد .."والله لو تموتي وهذي المره ذوقيه اكلك .." حنين .. يابنت الحلال خالد يمدح اكلك وشكله معلم واسامه جاي معاها ويبي يتذوق اكلك .." رحمة بعصبيه ... "وش دخل اسامه مااجيب سالفه غيرا تجيبي سالفة اسامه تراكم علتوني فيه .. حنين .."انا نفسي افهم انتي ليه تكرهي هالادمي وهو مااذاك بشيء.." رحمه.." ياعيوني من قال اني اكره انا لااحبه ولا اكره واعتبره شخص مهمش في حياتي والي اليوم اشوفه راح انساه بكره فاهمه وقربت منها ... تذكريها راح انساه بكره .." حنين وتسمع صوت جرس ..."الله يسامحك هذا خالد جاء وانتي ماسويتي شيء ودوبك الهذره الفاضيه .." رحمة بضحك .."ماكثر الله من التمر ولا انتي ناسيه طبع البدو التمر قبل كل شيء.." حنين ..لا ماني ناسيه يابدويه .. ومشت وهي تمتم بكلام واضح ..اخر زمن بدو وتعلموا .." =============***============ في بيت ام سعود رهف بصوت يفجر الاذان ..."زهروووه.." زهره ..."نعم ماما .." رهف بفلسفة ..."انا كم مره قلت لك لاتقولي ماما قولي انسه تراني لسه ما زوجت اذا ازوجت قولي مدام واذا ولدت قولي ماما خلاص فهمتي .." زهره وتهز راسها .."خلاص ماما.." رهف بنفاخ .."زهره وجع وان وش اقول لك من الصباح .." زهره .."لاخلاص ما اقول ماما .." رهف.." ايه كذا تعجبيني ويللا اجلسي ابيك تلعبي معي بلاي ستيشن .." زهره .. "لامعدين ماما رغد سوي مشكله.." رهف .."ماعليك منها ويللا شمري على اكمامك وخلينا نبدا.." زهره ..وتجلس خلاص حطي لي فريق بنقالي.." رهف وطالع فيها بنص عين ..."ليه انتم لكم فريق اصلا.." زهره ايه.." وفيه فوز على البرزيل عشرة صفر.." رهف .."اقول قومي ورينا عرض اكتافك قال عشره صفر تلقيك قاريتها عكس ومصدقه روحك.." فارس وهو داخل البيت .."رهف وجع ان شاء الله .." رهف .."خيرا ان شاء وش دخلك بيتنا بدون استذان.." فارس .."والله اكبرنا وصرنا نعرف الادب ...بسرعه هاتي البلاي شتيشن حقي .." رهف .."ياسلام انت بعته علي مائة ريال .." فارس تنكتي وانتي وجهك هذا شاريه بفوق الالف وابيعك ياه بمائه .." رهف .."طيب ليه تكذب علي وتبيعه لي مائة ريال .." فارس .. "لانك مضحكة لي .." رهف .. نشوف مين المضحكة لثاني وركضت واخذت البلاي ستيشن وهربت وفارس وراها ...وصدمت بسعود وهي ماهي شايفه سعود بعصبيه .."رهف وش فيك .." رهف وتبلع ريقها .."مافي شيء وتبي تكمل طريقها ومسكها سعود من يدها .." سعود بنفاخ .." انا كم مره قلت لك تتغطي عن فارس .. ويطالع في فارس وانت انا كم مره قلت ماتدخل قسم الحريم .." رهف .."وش هو هذا الي ناقص اتغطى عن هالخبل.." فارس .."احترمي نفسك لاعلمك مين الخبل .." سعود ويمسكها من شعرها .."يللا اعتذري له وما أشوف طولت ها لسان مره ثانيه رهف.." والله لو يموت مااعتذرت له.." سعود ويفك يده من رهف ..طيب هذا وجهي اذا ماسويت عرسك وعرس رغد مع بعض فارس ..لا ماابي اعتذارها بس فكني منها ودكم تحطوها بحلقي من الحين سعود.. ليه عسى حاط عينك على احد فارس.. لا انا ابي اسوي مثلك ما أزوج سعود بضيق .." بس انا غصب عني.." وبصوت بين نفسه انا عفت الحريم وطلع وهو يسب ويسخط على جميع البنات =============***============ في بيت ام راشد وتحديد بمجلس الرجال حنين بحزن وخوف .." وليش تشوفني خالد باستغراب .."حنين وش بلاك توقعت فرحتك تكون اكبر من كذا.." حنين وتحاول تظهر الفرح .." اكيد فرحانه بس انا خايفة عليك .." خالد .." لاتخافي علي واذا مقسوم اني راح اشوفك راح اشوفك بدون عمليه .." حنين بحزن .." ونعم بالله والله يتمم السعادة بينا .." خالد وهو قايم .." امين .." حنين .."وينك توا الناس.." خالد بضحك .."اول مره اسمعها منك وقرب منها ليه ما مليتي مني .." حنين بخجل .." مااظن ان يوم آمل منك.." خالد مسكها مع كتفها .." وانا عمري مااشبع منك وهااااه حنين ماتبي تسمعيني كلمه حلوة قبل مااسافر .." حنين .."ماهو وقته الحين ولاجيت من السفر ابشر فيها .." خالد.." ايه تصريفه مثل كل مره ..وتنهد ..نفسي اسمع كلمة احبك من فمك واسافر وانا مرتاح على قلبي .." حنين .." خالد وش هالكلام سافر وقلبك مرتاح وماراح انساك من دعواتي .." خالد ببتسامه .." الله لايحرمني منك وطلع وهو يدعي ان ربه يتتم الفرحه عليه.." =============***============ لبست مريولها وعيونها ماكفت من الدموع اليوم هو يوم الاربعاء موعدها مع ام وحيد باست امها على راسها واخذت شنطتها وطلعت مشت خطوات معاكسه لطريقها وقفت على الزاويه وشاافت نوره جايه مع سواقها وزدات دموعها حاولت تثبت نفسها وتمنيها بأحلام سعيده ركبت السياره واتجهت لبيت ام وحيد وماحست بنفسها الا وهي واقفه عند بيت ام وحيدا نزلت من السيارة واشرت لنورة تكمل طريقها دقت الباب دقات خفيفه وبسرعه انفتح الباب ام وحيد بعصبيه .. وينك اش بك تاخرتي الرجال ساعه ينتظرك فوق سرت رعشه بجسد فرح وانقبض فلبها ومسكة مقبض الباب بقوة " اسفه بس تعرفي اني كذبت على امي وقلت لها اني مداومه اليوم .." ام وحيد ..وش لي انا بكلامك وهذي اخر مره تسويها وخذي المفاتيح الرجال في الملحق وسكرت الباب بوجها طالعت في المفاتيح وتنهدت بحزن وطلعت الملحق تواجه مصيرها وضياع عفتها |
الجــــــزء التاســ(9)ــــــــــع "وديـــعــة مــحـفــوظــة " لبست مريولها وعيونها ما كفت من الدموع اليوم هو يوم الاربعاء موعدها مع ام وحيد باست امها على رأسها واخذت شنطتها وطلعت مشت خطوات معاكسه لطريقها وقفت على الزاويه وشاافت نوره جايه مع سواقها وزدات دموعها حاولت تثبت نفسها وتمنيها بأحلام سعيده ركبت السياره واتجهت لبيت ام وحيد وماحست بنفسها الا وهي واقفه عند بيت ام وحيدا نزلت من السيارة واشرت لنورة تكمل طريقها دقت الباب دقات خفيفه وبسرعه انفتح الباب ام وحيد بعصبيه .. وينك اش بك تاخرتي الرجال ساعه ينتظرك فوق سرت رعشه بجسد فرح وانقبض فلبها ومسكة مقبض الباب بقوة " اسفه بس تعرفي اني كذبت على امي وقلت لها اني مداومه اليوم .." ام وحيد ..وش لي انا بكلامك وهذي اخر مره تسويها وخذي المفاتيح الرجال في الملحق وسكرت الباب بوجها طالعت في المفاتيح وتنهدت بحزن وطلعت الملحق تواجه مصيرها وضياع عفتها كان منسدح على السرير وحاط يدينه وراء راسه يطالع في السقف وهو يفكر بالطريق الي صار فيه ويفكر بالانتقام الي انتقمه هو انتقام من نفسه ام انتقام منهن حس قلبه مقبوض وان انفاسه مخنوقه سلب ثوبه ورمله في الجهة الثانية ضغط على يديه وسك على أسنانه وهو يتذكر الليلة الي انتحر فيها حلمه حس بكره فضيع لكل بنت على وجه الأرض وخيانة اقرب الناس لقلبه .. سمع صوت فتح باب وجلس على السرير بسرعة وركز عينه على الباب وهو ينتظر طلتها .. واستغرب انها مادخلت قام وطلع وانصدم بالي شافه كانت فرح سانده راسها على الباب الخارجي ودموعها تسيل على خدها ورجولها ماهي مطاوعتها تكمل الطريق الي بدته ونداء الفطرة استولى على عقلها سعود بكل معاني القسوة .. "هيه انتي أعجبتك الوقفة .." انصدمت فرح وتجمد الدم بعروقها من الرجال الي قدامها وما نطقت ولا كلمه سعود بعصبيه.." وينك تأخرتي ولا مواعده غيري .." فرح بالم وحاولت تثبت نفسها ..انا ... وماقدرت تستحمل وطاحت على الارض وغطت وجها بيدها وصارت تشهق بقوة سعود انصدم من ردة فعلها وتوقعها بنت اجرا من كذا واقوى ومسكها من كتفها وشدها بقوة "..ليه دموع التماسيح هذي يافاجره.." طار عقل فرح من كلمته وسحبت نفسها من يده بقوة .."تراني اشرف منك فاهم .." سعود ضحك باستخفاف .." والشريفة تجي لاماكن هذي .." فرح بألم .."ايه تجي يوم تضطر تبيع عرضها عشان تعيش غيرها انحرموا طعم الحياة .." سعود والشيطان يحوم حوله .." انا مايهمني هالكلام كل الي يهمني انك قدامي .." وفرح وصورة امها قدامها .."وانا المجنونة الي حسبت الغنى بالعار حسبت المال بهالطريق وفتحت الباب تبي تطلع .." سعود ويسمع نداء الشيطان .." على وين ان شاء الله.." فرح بخوف .." انت ماتستحي على نفسك هذا كبرك وتلاحق بنت بها السن .." سعود .."مثل ما انتي بعتي الحياء انا بعته .." فرح بانكسار .." لا انا ما بعته انا دفنته "..وبصوت متقطع .".الله يخليك خليني اروح بطريقي واذا على فلوسك خذها ماابيها ..استحمل الجوع ولا استحمل العار .." سعود وصحي ضميره ..."ليه الفقر يقود للعار.." فرح .. "إيه إذا أمثالك ما رحمونا مين يرحمنا.." سعود .."طيب ماهو حل هذا الطريق .." فرح بصوت متحشرج ..انت تقول هالكلام لانك عمرك ماحسيت بالي احسه عمرك ماحسيت انك مهدد باي وقت واي ساعه انك تنطرد من بيتك وتصير بلا ماوى عمرك ماحسيت انك طالع في وجيهه اطفال محرومين وانت مشلول عن الحركة وماانت قادر تدخل الفرحه لقلوبهم الا في هالطريق .." سعود هزته كلامها وحس نفسه ندمان يوم اتبع هواه والشيطان وشاف الفرق بينه وبين بنت تحملت من هموم الدنيا مافيه الكفايه ومابقى غيرعرضها تبيعه سعود بندم .." خلاص لبسي حجابك وخليني اوصلك على طريقي.." فرح وترفع راسها وطالع فيه .." توعدني انك ما تؤذيني .." سعود ..ايه اوعدك وعد رجال ويللا انتظرك تحت.." نزل تحت و ركب السياره وانتظرها وبعد كم دقيقه نزلت وهي تمسح دمعتها فرح وتذكرت شيء وبقت واقفه ولا ركبت السيارة سعود ويفتح الباب لها .."وش بلاك واقفه بسرعة اركبي .." فرح .." وين رايح في .." سعود .."يعني وين على بيتكم .." فرح بخوف.." لا انا كذبت على امي وقلت لها اني مداومة.." سعود .."اجل اركبي أوصلك المدرسة.." فرح وتهز رأسها بألم .."لا الحين قفلوا البوابة ومستحيل يدخلوني.." سعود بحيره .."اجل وش الحل .." فرح سكت وما عرفت ترد سعود..اركبي وخليني أفكر.." ركبت فرح السيارة وهي مدهشوه من فخامة السيارة وتقنيتها .." فرح بخجل .."هذي سيارتك .." سعود بابتسامه .. ايه عجبتك .." فرح وتنزل راسها ..ايه وشكلها غاليه.." ضحك سعود بنفسه على عفويتها وبرأتها "..هاا وين اوديك .." فرح .." مدري وين اروح .." سعود.." كيف ماتدري مالك جماعة ولا قرايب.." فرح بحزن .."لا مالي غير عمه وساكنه خارج الرياض وامي اهلها بالأردن سعود .."طيب ابوك وش يشتغل .." سكت فرح واحتارت ايش تجاوبه .." ابوي لو يشتغل ماكان جيت ها لاماكن .." سعود.." يعني ابوك عاطل.." فرح .. لاابوي مسجون.." سعود وقف السيارة وطالع فيها .."مسجون... وش تهمته .." فرح وتلف وجها الجهة الثانيه وبنفس كسيرة .." مروج مخدرات .." سكت سعود ورجع حرك السيارة وبقى بينهم لحظة صمت طويلة فرح وبعد طول تردد .." وين رايح في .." سعود .."مدري أدور بدون هدف .." فرح .." طيب حطني بالسوق او مكان عام .." سعود ويلتفت لها وبصوت عالي .." يا سلام عشان تكون فريسة سهلة لريح والجاي .." فرح انكمشت على نفسها .." طيب وين تروح في باقي اربع ساعات وين اقضيها .." سعود ..وانا وش دراني .. الله يعيني ابتليت فيك وانا مشغول .." فرح .." خلاص اتركني بحالي وماانت مسئول عني وكمل طريقك .." سعود بغضب.."خلاص تبي تنزلي انزلي وماني مسئول عنك لو اعتدى عليك رجال وانتي بروحك انا ماني دخل فيك .." فرح بندم .." ما قصدت هالكلام بس انا ماابي أضايقك وأخرك عن شغلك .." سعود .." انتي الحين امانه برقبتي ولازم اوصلك بيت اهلك .." فرح لازمت الصمت واستحت من مرددته بالكلام وحست بالأمان معاه وطالعت من الشباك وصارت تتأمل الخارج وماحست الا السيارة وقفة فجاة فرح وتلتفت عليه .." ليش وقفت .." سعود وينزل .." جوعان وابي افطر .. انزلي شاركيني " فرح وعصافير بطنها تزقزق .." لاما ابي افطر انتظرك في السيارة .." سعود .." طيب انزلي عن الحر تراني بخيل وماابي اشغل المكيف نزلت فرح وهي محرجه وبنفس الوقت ماهي مصدقه انها في يوم تدخل هالاماكن هذي الي بالنسبه لها مايدخلها الا الطبقه العليا وصارت تلتفت يمين وشمال وام سعود حس بنغزة في صدرة يوم طلب قسم العائلات وراوده أحساس غريب جلسوا مقابلين بعض وبدون أي تعليق من أي طرف سعود .." افطري ايش فيك .." فرح بخجل .." لا الحمدالله افطرت.." سعود يطالع في الصحن .."بس مااكلتي شيء .." فرح .." مالي نفس .." سعود طيب انا رايح اجيب جوالي من السيارة وياويلك لو جيت وانتي مااكلتي شيء فرح.." احاول .." افطروا وطلعوا مع بعض وسعود من الملل صار يسألها عن كل شيء بحياتها وفرح كانت تتحفظ على اشياء وتجاوبه على اشياء ثانيه =============***============ كانوا ماشين في السيارة وتركي من يوم ماركب ماتكلم وبين فترة وفتره تطلع من زفره ووليد احتار معاها وش يسوي له وطفش من سكوته وليد .."وبعدين معاك من يوم ماركبت ماسمعت صوتك.." تركي بضيق .. "وش تبي بصوتي خلني بحالي ازين .." وليد ويقف السيارة على جنب .." تركي ماهو زين الي تسويه بنفسك واذا على حرمتك الله يعوضك بخير منها .." تركي ." لا تلومني ماهي اول مره اخسر الي احبها فقدت قلبي من سنين وما صدقت لقيته حتى يضيع من جديد.." وليد وفهم انه يقصد لميس ..." يا تركي الي عوضك بداليا يعوضك بغيرها .." تركي وتنهد .." وليد اذا تعزني قفل على الموضوع .." وليد حرك السيارة .." اذا على ابو نواف انا متبرع اكلمه لك واشرح له حالك .." تركي .." لاخلها على ربك والله ما يضيع حد .." وليد "..ونعم بالله.." وانطلق يتسكع بشوارع الرياض ويدور البنات الضيعات مثله =============***============ كان يطالع في فرح ويتامل عفويتها وبرائتها واحيانا سذاجتها .. ضحك بنفسه وتذكر اخته رهف اه يارهف طول عمري كنت قاسي عليك ..طول عمري حرمتك العطف والحنان ..وكنت اتوقع التربية بالتسلط والحزم بس هالمخلوقه وقفتني عند اشياء اتجاهلها صحي على صوتها وعلى براءة سؤالها فرح ببراءة .."عندك أطفال.." ضحك سعود بنفسه وهز رأسه .." لاء فرح بحزن واضح .." الله يرزقك بالذرية الصالحة .." سعود .." ادعي لي بالزوجة قبل الذرية .." فرح باستغراب.." ليه أنت ما تزوجت .." سعود .."لا ولا ناوي اتزوج .." فرح .." طيب انت باين عليك كبير ليه تخاف من المسؤولية .." سعود بابتسامة .." لا انا تحملت المسؤولية وانا صغير بس ظروف داخليه تمنعني من الزواج .." جاء على بال فرح انها تسأله عن هذي الظروف بس استحت واحترمت الصمت الي فرضه اما سعود كان مستغرب من جراته مع هالبنت عمره بحياته ماكلم اخواته بها الطريقه عمره ما سألنهن او دخل في حياتهن وهن بالمقابل كان يفرضن حاجز بينه وبينهن اشتاق الجمعة مع اخواته والضحك بينهن والتعليق على زلات رهف وهفواتها .. هو بحزمه وشدة حرم نفسه من أشياء كان يتوقع ان في يوم هي الطريقه الوحيدة لتعامل مع الجنس الأخر حتى لا ينحرف بس فرح شدته لنقاط كان يجهلها في حياته .. وأمور كان مستغفلها ان البنت لو انحرمت من كل شيء راح تقدر تعوضه او تقدر تعيش من دونه الا أحساس الحب والحنان الا احساسه بحرص الآخرين عليها واهتماماهم فيها ..من غير نظرات الشك الي بدقيقة وثانيه يرميها على اخواته صحي على صوت أذان الظهر طالع في فرح.." اظن السياحه المجانيه انتهت ويللا خليني اروحك على البيت.." هزت فرح راسها وصارت تاشر له بالطريق الين وصل بيتهم طالع في البيت وانصدم من خرابته وباين ان سنين العمر لعبت فيه ..طالع في الحارة وشاف صحون القنوات الفضائية معلنه الضياع فيها قبل الفقر .. تنهد بالم وماحس لنزول فرح نزلت فرح ومشت خطوتين والتفت على صوته ورجعت له سعود وينزل النظارة الشمسية .." فرح اوعديني انك ماعاد تمشي بهاالطريق وطلع من جيبه رقمه .." خذي ولا حتجتي شيء اتصلي علي واعتبريني مثل أخوك .." فرح وتاخذا الكرت .." ان شاء الله مااحتاج شيء .." وكملت طريقها لبيت اهلها والدنيا ماهي واسعتها اليوم اول يوم بحياتها قدرت تكسب اشياء كثيرة اولها كسبت نفسها وعرفت قيمتها ..واخرها سعود اخوها وعرفت ان الدنيا لسه فيها خيرا طالعت في سعود وشافته غاب عن عينها ودعت ربها بسرها يحفظه =============***============ جالسات على دلة القهوة وما هن مبقيات شوكولاتة في شركة الجلكسي الا واكلنه رن التليفون ومن العجز ولا وحده قامت رحمة .." حنين وجع قومي ردي.." حنين .. "رحمة وجعين قومي انتي ماني شغاله لك .." رحمة .."طيب يمكن خالد متصل يطمئن عليك.." حنين .."ارتاحي خالد لو يبي يتصل ...يتصل على جوالي .." رحمة وترمي لها جلكسي بالكراميل .."خذيه واذلفي ردي على التلفون.." قامت حنين وبهدوء ردت .." نعم .." فهد ضاع كلامه يوم سمع صوتها وسكت وخلى نغمات حروفها تضرب على اوتار قلبه وتصحي الحب المكنون من سنين .." حنين بانزعاج .." الو مين .." فهد انتبه لأنفسه .."معاكِ اسف ما عندي أبراج .." حنين بخوف .." مين .." فهد .." معاك فهد ولد عمتك ..جدتي موجودة .." حنين بارتياح "..ايه بس نائمة اصحيها لك .." فهد .." لا خلها ترتاح راح ارجع اتصل فيها .... تآمري بشيء .." حنين.." لا مشكور.." فهد ..سلمي على رحمة ويللا مع ألسلامه.." حنين نادته قبل ما ييقفل .." فهد .." فهد وعض على شفايفه وغمض عيونه وهمس ..لبيه .." حنين بخجل .."سلمني على عمتي .." فهد .."الله يسلمك.." وما انتبه لانقطاع الخط بينهم .." طالع في الجوال وحط بجيبه واسند رأسه على الجدار ..اه ياحنين طول عمرك كنتي حلم لي والحلم عمره ما كان واقع ظلمتيني بحبك لفايز وزواجك من خالد .." وصحى من حزنه على صوت صاحبه يناديه وطلع وهو يدعي ربه يرزقه بخير من حنين ام حنين استغربت من طريقه فهد بالكلام معها طول عمرها تعتبره شخصيه غامضة وتجهل تفسيرها او شخصية ممنوع الاقتراب منها .." رحمه وتنزع الجلكسي منها .. احلمي تأكليه .." حنين وعرفت انها مستحيل تاخذه .." أصلا هو منتهي الصلاحية ويمكن تأكليه وتموتي وافتك منك .." رحمة .. ياليت وارتاح منك .." حنين وعبست وجها .. "لا ان شاء الله صح انك غثيثه على قلبي بس ما استغني عنك.." رحمة وتنهدت .. "بس اذا حياتي راح تكون كلها كذا ما أبيها.." حنين .. رحمة وش هالكلام استغفري ربك وحددي حلمك في الحياه واسعي وراها وراح تحسي بجمال الحياة بعدها .." رحمة.." بس انا مستحيل يكون عندي حلم كل أحلامي تحطمت من سنين .." حنين .." طيب ابني أحلام جديدة وازرعي التفاؤل في حياتك من جديد .." رحمة .. "مستحيل ولا تحاولي انك تقنعيني انا اعرف نفسي مستحيل استمر بااي حلم لاني بدون هويه و بدون اهل ..." حنين.." ما انتي احسن من اسامه الي عاش حياته بدون اهل وبدون نسب ومع هذا قدر يسعى في احلامه ويحققها .." رحمة .. بس اسامه غير عني ...ايش جاب حياته لي .... يكفي انه رجال وانا بنت .." حنين .." الحياة عمرها ما فرقت بين الذكر والأنثى وحطت يدها على كتفها .. رحمه طاوعيني وعيشي حياتك وانسي الماضي كله.." رحمة بالم .. "احاول مع اني اعرف اني راح افشل من جديد .." حنين .." لا المرة هذي مااظن وخاصة في ناس يدعوا لك وانتي ما انتي حاسه فيهم .." رحمة بحاجب مرفوع ..." حنينوووه أعطيناك وجهه وفكينا من شرك .." حنين وهي ماشيه.. "يا ناس فيه وحده يحبها دكتور وشايفه نفسها عليه .." =============***============ دخلت البيت وهي مبتسمه طلعت الثلاث الالف وصارت تلعب فيهن بيدها ابستمت لمرور طيف سعود على بالها ودعت له تذكرت امها وراحت لها فرح بفرح ماهو كعادة .." شخبارك يمه .." ام محمد .." هلا بنتي .." فرح طلعت الفلوس .." خذي يمه هذي وحده من المدرسات أعطتني إياها ام محمد بتعجب .." الحمد الله فرجه قريب .." فرح برجاء .." يمه ادعي للي اعطتني إياها .." |
ام محمد وترفع يدها .. الله يفتح لها أبواب رزقه .." ورجعت طالعت في بنتها .." يمه ويشلونك اليوم .." فرح باستغراب من السؤال .." يمه فيه شيء .." ام محمد .." يابنتي بعد مارحتي رجعت نمت وحلمت حلم مزعج ومن يوم ماطلعتي وانا استودعك الله الذي لاتضيع ودائعه.." فرح وحمدة ربها بسرها ان سخر لها سعود ولا سخر لها غيره =============***============ في بيت ام وليد ولأول مرة يجمعهم القدر كان لقاء مشحون بين اريام ودلال وتنافس لوصول لحلم منشود دلال بجمالها وأخلاقها المزيفة قدرت تأسر قلب ام وليد واريام بطبيعتها وفطرتها قدرت تفرض احترام اهل البيت لها ام وليد طالعت في دلال وتدعت بسرها انها تكون من نصيب ولدها ولا تضيع منها وام نواف انتبهت لها وحاولت تفهم وش ورا هالنظرة ام نواف .." هايا ام وليد متى نفرح بوليد .. " ارتبكت اريام وبسرعة لفت وجها لام وليد تنشدها الحقيقه ودلال ضحكة بسرها وعرفة امها ترمي لا ايش ام وليد بحسرة .." ياليت نفرح فيه الله يهديه كل مانقول له خلينا نزوجك يقول تو الناس .." ام نواف .."يمكن حاط عينه على احد.." ام وليد بثقه .. "لا وليد ما براسه حد.." ام نواف وطالع في اريام وحبت تنتقم لبنتها ولكرامتها .." يمكن حاط عينه على هذي وتأشر باشمئزاز عليها .." ام وليد .. "لا وليد يعتبرها مثل اخته وعلاقته فيها علاقة اخ لأخته.." ضاق قلب اريام من حركة ام نواف وازدت الطين بله كلمة ام وليد لا هي تكره هذي الكلمه وما تحبها عمرها مافكرت ان وليد يكون مثل اخوها هسة بقلبها بصوت يتهيا لها لجالسن انهم يسمعوها وليد حلم طفولتي وامل حياتي كلها ..وليد رفيق طفولتي وحبيب قلبي لا مستحيل أتنازل عنه بالسهوله هذي وليد عهد قطعته للميس اني مستحيل اتخلى عنه "اه ياوليد متى تحس فيني وترجع لحياتي .." كانت تكلم نفسها والعبرة خانقتها وماصحت الا على كلمة ام واليد الي كانت لها مثل انطفاء الشمعة في ظلمة الليل.." ام وليد وتكمل .. وهو اذا وده يخطب اكيد ماراح يطلع من عائلتكم .." قالت كلمتها تبي تحجز لوليد مقعد عندهم .." ام نواف وتخفي فرحها .."الله يوفقه والي مثل وليد مااظن انه يرد.." طالعت دلال باريام وابتسمت لها ابتسامة نصر .. واريام حاولت تثبت وجودها وتخفي حزنها .. وأملها الوحيد بوليد وهو الي راح يحكم ويختار =============***============ كتبت الإهداء وغلفت المصحف وطالعت في الساعة ولبست حجابها تنتظر ريم سمعت صوت جرس وطلعت وهي متوترة وحاسة بالإحراج مني الي سوته دخلت الفلة بعد ما أكدت لها ريم أنها ما فيها احد أول مرة تتجرا وتزور خالد بس غصب عنها راح يسافر وهو ما ودعها ريم وتضم خالد .." والله راح نشتاق لك يا خال .." خالد .." وانا كمان وادعوا لي بالشفاء .." ريم ترفع يدها .."الله يشفيك .. وعندي لك مفاجئة .." خالد .."وش هي لتكوني تبي تسافري معانا .." ريم .." انا ما عندي مانع بس اطردوا فيصل أول .." خالد .." تنكتي نطردك انتي ولا نطرد فيصل .." ريم بزعل .." طيب يا خلوده تفضلني على فيصل خلاص ما فيه مفاجئات .." خالد.." أصلا أنا ما أحب المفاجأات .." ريم ..لا مفاجئتي من الي يحبها قلبك ..." خالد بصراحة .." بس قلبي ما يحب غير حنين .." ريم .."والي يقول لك ان حنين هي مفاجئتي .." خالد أنصدم وقام يلتفت يمين وشمال وكأنه يتوسل لقلبه يطلعها حنين وقربت منه .." ها خالد تسافر من دون ما تودعني .." خالد واتجه لمصدر الصوت .." حنين .." حنين ومسكت المصحف وحطته بيده .." خالد أوعدني أول ما عينك تشوف النور تقرا ها لنور.." وضغط عليه بيدها خالد ما قدر يتمالك نفسه وضمها على صدره ..وخلى القلب هو الي يعبر .. ريم بإحراج وتتنحنح .." هيه انتم تراني موجودة لطلعت سو الي تأبونه ما هو عيني عينك .." حنين نزعت نفسها منه والحياء أنصبغ عليها وماصار لها وجهه تتكلم خالد سمع صوت فيصل ينادي عليه يللا عن اذنكم انا طالع وشال الشنطه وغاب عن عين حنين بس مستحيل يغيب عن قلبها ودعته على امل اللقاء =============***============ في بيت ام سعود ام سعود بزعل .." وليه داليا ماجات ولا لسه شايله بقلبها علينا .." ام نواف .. "لا بس البنت حالتها حاله من ذيك الليلة وهي ماتاكل والدموع ماتكف عنها .." ام سعود .."والصايع هذاك وش سويتوا فيه.." ام نواف.." الله يورينا فيه يوم ابو نواف ماهو مقصر فيه واذا ماطلقها بالطيب يطلقها والعصا فوق راسه .." دلال بانتقام.." حق اختى مااحد ياخذه غيري ونشوف مين في الأخر يضحك .." رغد .."حطيني بالقائمة معاك والي ذاقته داليا راح تذوقه هي واخوها ومااظن نواف يسكت عليه ام سعود .".انا كم مره نصحتك يا ام نواف انك ماتجيبي شغالات كافرات بس وش اسوي بعقلك " ام نواف .."ماهو كل الشغالات واحد وهذي ريتا شوفيها كافره ومااذتنا كثر مااذتنا ميري .." ام سعود .."ليكون بس الشغالة المقدمين عليها كافرة.." ام نواف .." لا هذي المرة أصر ابو نواف انها تكون مسلمه.." ام سعود.."ايه كذا ازين شوفوا زهره وش حليلها وعمرنا ماشفنا منها شر .." رهف وتذكرت شيء .. "صح زهرة وعدتني سوي لي مساج.." وركضت تصرخ بصوت عالي زهرررروه =============***============ في الجامعة وفي الكفتريا تحديدا جالسات كعاده على الطاولة سارة بصوت عالي .." وليه ما قلتوا ليي ان خالد سافر يسوي عملية .." دلال وترفع حاجبها .." وليه من متى خالد يهمك ولا ناويه ترسمي عليه من جديد.." سارة بنفاخ .." كل الي في خالد يهمني" .. وبنظرة تحدي ... "فاهمة كيف يهمني .." رغد وبنص عين .." يا سلام توك تفكري بعمي ويوم أترجاك إنك ما تتركيه وهو بحاله هذي رميتي بكلامي عرض الحائط .." سارة انقهرت من برودتهن اتجاها وضربة يدها على الطاوله بقوة .." سمعن الكلام انتي وياها خالد راح يرجع لي وطول عمره راح يبقى لي فاهمات.." دلال .. "احلمي فيه خالد الحين متزوج وحنين تهمه أكثر منك .." سارة بثقة .." هذا وهو أعمى ام اذا شاف أكيد هي ولا شيء بالنسبة له .. وبصوت واثق.." ولا انتي ناسيه ان خالد طول عمره مغرم بجمالي واظن حنين ماهي ذاك الجمال الي تأسر قلبه.." رغد بخوف .." سارة لا تمسكي خالد من اليد الي توجعه وخلاص عمي مبسوط في حياته .." سارة.." بس ما أظن اذا شاف حنين راح ينبسط ..وبعدين انتم ما تستحون يقلون خالد احلى من حنين وخالد احلى شباب العائلة وقادر ياخذ اجمل وحده بدل هالسمره .." دلال بنظره خبيثه .." اظن في هذي انا معاك .." رغد .." بس حنين حرام مالها ذنب ويكفي انها رضت بخالد وهو أعمى .." سارة.." وانا وش ذنبي يوم أشوف حلم عمري يضيع قدامي وبنص عين .."ولا تبيني احط عيني على نواف الي يطير العقل بنظراته .." رغد وعرفت ان نقطة ضعفها نواف .." احلمي بنواف واذا تبي تبني أحلامك لا تبنيها على حطام غيرك.." سارة وتجلس جنبها .." رغد وش بلاك معصبه ومثل ماانتي تحلمي بنواف حتى انا احلم بخالد" رغد باستسلام .." خلاص أحاول أساعدك .." ابتسمت سارة لدلال ودلال بادلتها الابتسامة رغد وتلتفت على وراء .." غيروا الموضوع ريم وحنين جايات .." سارة بابتسامة خبيثة .." خيرا سوت .." ريم وهي ماسكه يد حنين .." هابنات كيفكم مع الجو اليوم .." دلال وتميل فمها على جنب .." ننتظر الأرزاق مع هالامطار .." حنين وتلتفت .."وين داليا ما أشوفها .." رغد .." عندها محاضره ليه تبيها بشيء .." حنين .."لا بس فقدتها في الفترة الأخيرة.." سارة بابتسامة جانبيه .." صح حنين صدق ان خالد اجل زواجه .." حنين باستغراب .."بس خالد ما قال لي .." سارة ورمت او شباكها .."قلت لك من الأول خالد ما يقول كل شيء الا لي يحبه ويغليه .." ريم بقهر .." وحنين من الي يحبه خالد ويغليه صح ياحنين .." حنين لسه بصدمتها واكتفت بهز رأسها واعتذرت انها وراها محاظره طلعت ولحقت وراها ريم وضحكن البنات على غباء حنين وثقتها الضعيفة في نفسها =============***============ دخل الغرفة وهو متضايق كان يتذكرها هنا وهناك تنهد بحزن على حاله جلس ينتظرها تدخل الغرفة بابتسامتها المعتادة ..اخذ جواله ورجع اتصل عليها لاقى نفس الجواب ..."ان الرقم الذي طلبته غير موجود في الخدمة مؤقتا .." رمى الجوال بكل قوته على السرير ... وتذكر اتصال ابو نواف عليه وطلبه تطليق بنته بالطيب بدل المحاكم وجع الرأس غمض عيونه بقوة وهو ماهو متخيل ان داليا راح تكون محرمه عليه خرج من زفرة حزن وألم وفراق وصار يكلم نفس بدون وعي "حرام عليك يا داليا انا وش سويت لك عشان تعامليني بالهجر هذا كله " "اه يا داليا انتي ماتدري اني ايش بالنسبه لي ما امداني انسى لميس واعيش بقلب من جديد حتى انتكس من اول وجديد .." سمع دقات على الباب وحاول يخفي حزنه وضيقه اريام .." تركي انت نايم .." تركي .." لا ادخلي .." اريام وتجلس على طرف السرير .."تركي ارحم حالك وارحمني معاك تراني اتعذب يوم اشوفك بحالة هذي ..." تركي .." وش فيني ها انا بخير والحمد الله.." اريام .." تركي لا تنكر ان فراق داليا ما هو سهل عليك .." تركي بضيق .." وبما انك عارفه ليش تسالي .." اريام بقلق .." لأني أشوفك معذب روحك عليها وهي ولا كنها هامها شيء.." تركي يعدل جلسته .." اريام أنتي شفتي داليا ليوم .." اريام بارتباك .." لا ما شفتها .." تركي .." طيب ليش تقولي عنها كذا .." اريام بقهر.." لانها لو انت هامها ما كانت صدقت بسرعة الكذب الملفق حولك وكان المفروض هي اول من تقف بوجههم وتصدقك .." تركي .."اريام حرام عليك الي شافته يحق لها تسوي كذا .. وداليا انظلمت بعرضها .." اريام بصوت عالي .. "تركي تراك تحب على عماها ... ولا يغرك هالجمال .." تركي بعصبيه .." اريام انا من متى اهتم بجمال حتى يوم حبيت لميس عمري ما فكرت بشكلها وداليا غصب عني حبيتها جذبتني بكل شيء وأخر شيء جمالها .." قامت اريام بضيق وطلعت وهي تدعي ربها يرزق أخوها على نيته =============***============ نايمه على السرير وشعرها مبهدل وحرارتها مرتفعه وصارت تهذي بدون وعي من مفعول الحرارة وأصوت أنفاسها كأنها مزامير ام راشد وهي تحضر لها طب شعبي .. قومي يابنتي وخذي هالداوء تراه ينفع برادة الله رحمة بسعال .."كافيه الي شربته وهذا ربو ما ينفع له أي دواء.." حنين وهي داخله .." رحمة الله يخليك اسمعي كلامي وروحي المستشفى اخاف صحتك تنتكس.." رحمة بتوجع .." لا انا عارفه راح يعطوني موسع الشعب الهوائية وهو عندي فليش اتعب عمري" حنين بقلق.." طيب لك يومين وانتي تستخدميه وما أشوف جاب نتيجة خلينا نواديك المستشفى رحمه بضيق تنفس .. "حنين الله يخليك لا تعبيني .." حنين رجعت تقوس حرارتها بالمقياس المنزلي ... رحمه حرارتك 9، 39 لازم تروحي المستشفى رحمة وأنفاسها تصفر بقوة.. "حنين وبعدين معاك.." ام راشد وتاخذ بيد حنين .." خليها يا حنين على راحتها وهالدكاتره مامنهم غير وجع الرأس حنين سحبيت يدها من يد جدتها وجلست على التليفزيون وقلبها متقطع على رحمة =============***============ كانت تكنس السجادة وتمسح الغبار سمعت صوت اذان الحرم في التلفزيون وقفت تتأمل هذي الصورة كانت تشدها هالحركات والسكنات والقلوب الي تجمعهم حول هالجدار الاسود استغربت من أداهم جميعا نفس الرياضة مع اختلاف ألوانهم وإشكالهم كانت تسمع قبل ماتجي من عند اهلها ان المسلمين يؤدون رياضة يوميه ولا يملون منها بس هي استغربت ان اهل هالبيت مايودوها يمكن ام نواف تؤديها وأحيانا ابو نواف اذا صحا متأخر ...كانت عندها أسئلة كثيرة تبي تعرفها بس الحاجز الي فرضوه اهل البيت عليها منعتها تسال عن اشياء تشدها شافت دلال نازله وأخذت الريموت وغيرت على قناة الأغاني ريتا باستفسار .." ماما دلال ليش انتم فيه اعبد جدار اسود .." ضحكة دلال بصوت عالي وطالعت فيها وكشرت بوجهها... "..انقلعي عن وجهي ما نقصني غير اهبال كافره .." وضحكة بصوت عالي .."قال نعبد جدار.." ضغطت على أسنانها واحتقن وجها وحست بكره فضيع لاي مسلم على وجهه الأرض وزادت همتها في نشر دينها وضحكة على نفسها "..وش دخلني يعبدوا جدار ولا يعبدوا حمار.." وكملت شغلها وهي مبتسمه ان الله دلها على الحق وغيرها انحرموا منه =============***============ كان منزل راسه على المكتب وهو متضايق مايدري ليه الحلم كل دقيقه ودقيقه يمر عليه وبنفس الوقت خايف ان عملية خالد ماتنجح ويرجع يتحطم من جديد ..صحي على صوتها وهي تناديه مي .." دكتور اسامه فيه مريضه جايه وشكل حالتها حرجه .." اسامه وهو منزل راسه على المكتب .."روحي لدكتورة إيمان هي اعرف بالحريم .." مي .." دكتورة إيمان طلعت بدري .." اسامه .." طيب دخليها الضماد ..وانا جاي .." مي .."هي الحين فيه .. وهذا ملفها .." اخذ اسامه الملف وقام يقلب فيه وانصدم بالي قراه اسامه بعجله .. "وش اسم المريضة .." مي .."على ما اذكر رحمة .." تركها اسامه بسرعه وهي ماهو مصدق دخل وشافها مغمى عليها اسامه بخوف .." وش بلاها .." مي .. "ارتفاع بدرجة الحرارة مع ضيق في التنفس .." اسامه و يقيس النبض والضغط وباهتمام واضح ..."بسرعه هاتي الاكسجين وحطيه عليها.." وانتبه لكلمة عليها بعني راح يضطر يكشف وجهها ..و يشوفها على طبيعتها لف وجهه لجهة الثانيه وهو مايبي يعذب قلبه بشوفتها ويزحزح ألصوره المرسومة عنها مي وتكشف وجها بعجلة وتحط الأكسجين اسامه طالع بالجدار وحاول يضبط نفسه ويتماك حاله ان مايطالع فيها ويسكت الفضول بداخلة مي وتنادي .." دكتور اسامه .." التفت لها بخوف وعجلة وبدل ما تستقر عينة على مي استقرت عينه على رحمة قراءه ممتعه مع فائق ودي نـــونـــnoonaـــــا (: |
مساء الخير نونا
هالمرهـ سادحه باكثر من جزء هههههههههه هذا يبي له مخمخه مع كوبايه كوفى من ايدين الغاااليه علشان امخمخ زين واقراء ^_^ لى بآآآآآآآآآآآآآآكـ ان شاءالله مع الكوفى يعطيك العااافيه مشرفتنا000 بروووب ,,, |
صباح الخير الساااهر يعافيك يارب وشاكره متابعتك ^_^ الــجـزء الـعـاشـــــــ(10)ــر "مــاضي مدفـون " كان منزل راسه على المكتب وهو متضايق ما يدري ليه الحلم كل دقيقه ودقيقه يمر عليه وبنفس الوقت خايف ان عملية خالد ما تنجح ويرجع يتحطم من جديد ..صحي على صوتها وهي تناديه مي .." دكتور اسامه فيه مريضه جايه وشكل حالتها حرجه .." اسامه وهو منزل راسه على المكتب .."روحي لدكتورة إيمان هي اعرف بالحريم .." مي .." دكتورة إيمان طلعت بدري .." اسامه .." طيب دخليها الضماد ..وانا جاي .." مي .."هي الحين فيه .. وهذا ملفها .." اخذ اسامه الملف وقام يقلب فيه و أنصدم بالي قراه اسامه بعجله .. "وش اسم المريضة .." مي .."على ما اذكر رحمة .." تركها اسامه بسرعه وهي ماهو مصدق دخل وشافها مغمى عليها اسامه بخوف .." وش بلاها .." مي .. "ارتفاع بدرجة الحرارة مع ضيق في التنفس .." اسامه و يقيس النبض والضغط وباهتمام واضح ..."بسرعه هاتي الاكسجين وحطيه عليها.." وانتبه لكلمة عليها بعني راح يضطر يكشف وجهها .. و يشوفها على طبيعتها لف وجهه لجهة الثانيه وهو مايبي يعذب قلبه بشوفتها ويزحزح ألصوره المرسومة عنها مي وتكشف وجها بعجلة وتحط الأكسجين اسامه طالع بالجدار وحاول يضبط نفسه ويتماك حاله ان مايطالع فيها ويسكت الفضول بداخلة مي وتنادي .." دكتور اسامه .." التفت لها بخوف وعجلة وبدل ما تستقر عينة على مي استقرت عينه على رحمة =============***============ دخل البيت وهو مبتسم أحداث أمس لسه ما غابت عن عينه شاف رهف حاطه يدها تحت خدها وباين عليها الملل قرب منها ومسح على رأسها "ايش فيك رهوفه " رهف رفعت عينها وما هي مصدقه الي تسمعه .." سعود .." سعود بمزح.." لا ام سعود .." ايش فيك شكلي خربت عليك جوك رهف قامت وقفت على الكنب وحطت يدها على جبينه تقوس الحرارة .."أنت تعبان اليوم .." سعود بضحك .." لا شايفه شيء .." رهف .." ايه شايفه الحنيه ناطه عليك مره وحده .. وطالعت فيه بحاجب مرفوع .."كل هذا عشان داليا رجعت .." سعود باستغراب .." ليه هي داليا جئت" رهف وتقعد ." ايه رجعت عمي ابو نواف جابها بعد ما عرف ان ذاك الصايع هو الي ظلمها وانها هي مالها دخل .." سعود وهو ما هو مستوعب .." انتي وش تقولي .." رهف .." اذا ما انت مصدق روح اسأل امي .." تركها قبل ما تخلص كلمتها وهو أشبه بالدوامة و حاس ان المصائب راح ترجع عليه ....وصار ينادي امه بصوت يهز البيت =============***============ جالسه تلعب بخصلات شعرها وباين عليها الشرود والتفكير هزت رجولها بقوة وهي تتذكر كل كلمة وحب وغرام كانت تسمعها منه وتطرب أذانها لها جلست على جهاز الكمبيوتر وفتحت على الماسنجر وعبست وجها يوم ما شافت احد ...سمعت دق على الباب ونادت بملل "ادخلي" دلال وتنفض شعرها بيدها .." وش رأيك بالقصة .." داليا بدون ما طالع .." حلوة .." دلال وترفع رأسها .." طيب طالعي .." داليا وطالع .." حلو لو انك خلتيه أقصر شوي .." دلال .." تتوقعي وليد راح يعجبه شعري .." داليا فتحت عينها على الأخر .." ليه هو خطبك .." دلال .." لا بس قريب إن شاء الله .." داليا بحزن على حالها وتذكرت أحلامها الي ضاعت وهي ما انبنت "الله يسعدك" دلال وتمسك يدها .."داليا لا تتحطمي لسه انتي باول الطريق والكل يتمناك واذا على الصايع تركي راح يلاقي جزاءه.." داليا وتحاول تظهر اللامباله وتنام على السرير وتتغطى بالحاف "لا طلعتي قفلي النور" =============***============ في المستشفى دخلت وحطت الثلاجة على الطاولة .. وشغلت الأنوار ...وفتحت الستاير وضربة على يدها بخفيف تصحيها من نومها "رحمه .. رحمه اصحي.." قامت وهي تتثاوب وتلتفت .." وين انا .." حنين بمزح .." في باريس يعني وين شايفه .." رحمة .." اوه ما كنت ادري ان الحرارة توديني المستشفى .." حنين.." تقصدي البلاهه .. خوفتينا عليك .." رحمه وتسعل بخفيف .." هو انتي من متى تخافي علي كل همك المطبخ لا يطيح عليك .." حنين .." ايه صح ليش ماغسلتي بلوزتي قبل ما تمرضي اليوم ما داومت على حسابك .." رحمه .." أقول حنين فكينا من شرك وقول لي شخبار امي .." حنين .." ما عليها تسلم عليك وما قدرت تجي البارحة طول وقتها سهرانه عليك .." رحمه .." والله تعبتها وياي .. الله يساعدني وارد لها جميلها .." حنين .." وانا مين البارحة ودموعي ما كفت كلها خوف عليك وأخرتها طلعتي تدلعي علينا " رحمة .."ايه يا حبي لدلع .." حنين وتصب لها كوب حليب .." اذا تحبي الدلع اشربي هالحليب ترا اول مره بحياتي اسوي حليب بالزنجبيل .." رحمه تبعده بيدها .." لا ما احبه والحمد الله احس نفسي احسن .." حنين .." هي ماهي شغلة تحبيه ولا ماتحبيه المهم تشربيه ترا الزنجبيل ينفع لصدر .." رحمة .." خلاص راح اشربه بس ما هو الحين .." حنين قربت الكرسي وجلست عليه .."صح رحمه سألت عنك وقالوا ان صحتك كويسه وتقدري تطلعي بس لازم يمر عليك الدكتور يكتب لك الخروج .." رحمه .." الحمد الله .. اصلا جو المستشفى يجيب الهم .." =============***============ نايمه على بطنها ورافعه رجولها تلعب بالهواء طاحت خصلة من شعرها على وجها ورفعتها وهي تقلب صفحات مجلتها المفضلة..استوقفها مقال وشد انتباها وعدلت جلستها وصارت تقرا بنهم "حرب اكترونية على الإسلام" كشفت دراسات ان عدد المواقع الاكترونيه التي تهاجم الاسلام تتعدى عشرة الالف موقع على الانترنت وان الميزانيه المرصوده لمهاجمة الاسلام في جميع وسائل الاعلام ومن ضمنها الانترنت تتعدى المليار دولار سنويا وقالت نفس الدراسه ان عدد المواقع الاسلاميه على شبكة الانترنت في المقابل لا تتعدى مائتي في المقابل ان الجهود المبذوله لدفاع عن الاسلام قليلة وفرديه ولا تتعدى مليون دولار.." رفعت رأسها لسماء وحست بالم بصدرها ياااه كل هذا همة في نشر دينهم واحنا عاجزين عن خدمته والدعوة له تذكرت ريتا شغالة خالها ابو نواف الكافرة ان وش يخسرني لو اشتريت كتب عن الإسلام و أعطيتها لها ونصحتها وجهتها لخير وقفت على صوت مسكت الخير .." لا انا ما أصلح اكون داعية عندي من الذنوب ما فيها الكفاية وأخاف ربي يعذبني لأني أمر بالخير وما اجيه وغشا إبليسها عيونها باية تصدق كلامها .. َ أتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ }البقرة44 صدقت الشيطان واتبعت أوامره وتركت الخير لاهله ونست انها من اهل الخير.... سكرت المجله واتصلت على حنين واستغربت انها ماترد رجعت اتصلت فيها ثاني ونفس الجواب شغلت التليفزيون وحاولت تشغل نفسها بالمتابعة =============***============ جالس في الصالة ومفترش الكنب بجسمه وهو يفكر فيها ويتذكر طفولتها وبراءتها ويتذكر أحلامه الي بناها معاها ... ابتسم وهو يطالع في أخته وهي تلعب بدميتها وتغني لها وتمشط شعرها سحبها من يدها وحطها وراء ظهرها وليد بضحك.." اذا انتي قويه تعالي خذيها .." ريماس و ترفع رأسها وطالع فيه .." لا انت كبير وما اقدر أخذها منك وليد .." خلاص اجل ما راح أعطيك إياها .." ريماس وتصيح وتضرب فيه على رجوله .." هات لعبتي والله لا علم عليك امي .." وليد.." اذا ودك اللعبه تجاوبيني وما تكذبي .." ريماس ببراءة .." اصلا انا ما أحب الكذب والي يكذب ربي يحطه في النار.." وليد .." اجل خذي أللعبه وقولي لي مين كان عندكم امس .." ريماس .." محد جانا امس .." وليد ويأخذ أللعبه .." ما اتفقنا انا ما نكذب .." ريماس .." طيب انا ما كذبت ..محد جانا .." وليد .." ودانه نستيها .." ريماس وتضرب راسها ايه ..صح تذكرت ...وتعد على أصابعها .." جتنا خالتي ام نواف ودلال ودانه و اريام .." وليد .." جلستي معاهم وسمعتي وش يقلون .." ريماس .." لا امي ما خلتني تقول عيب الصغار يجلسوا مع الكبار .." وليد .." طيب مين تحبي تزورنا دائما دلال ولا اريام .." ريماس .." امممم أحب اريام تزورنا لأنها تمشط شعري وأحب دلال لأنها تعطيني شوكولاته يعني ابيهم الثنتين يزرونا كل يوم .." وليد وبنظره خبيثه .." مين احلى دلال ولا اريام .." ريماس وبنظره طفوليه .." عيب هذا الكلام تبيني اعلم تركي ونواف عليك .." وليد بخوف وضحك .." لا ترا بعدها ما اوديك الملاهي .." وقطع ضحكة وطالع في ابوه ابو وليد وهو نازل من الدرج .. "وليد تعال على مكتبي ابيك في موضوع.." وليد قطب حاجبه وعرف موضوع ابوه .." حاظر يبه .." دخل أبو وليد مكتبه ودار كرسيه وجلس عليه .." وليد فكرت في الموضوع الي قلت لك عليه وليد .." ايه ونفس الجواب عندي .." ابو وليد وينزل النظارة الطبية .. وليد انت الحين كبير وفاهم وما ابي اغصب على شيء انت ماتبيه واختار الي تبيها وانا جاهز.." وليد بترجي .." يبه الله يخليك اذا لا تغصبني على شيء ما ابيه ... والحين احس نفسي ماني متهيئ لزواج.." ابو وليد.." اجل متى ناوي تتزوج ..انت شايفني هادني المرض والقلب ماهو راحمني وايبي افرح فيك و أشوف أعيالك قبل ما أموت ام وليد وهي داخله .." بعد الشر عنك يا أبو وليد .. وطالع بولدها "وليد انا راح اخطب له و اظنه ما راح يكسر كلامي ويرفض لي طلبي .." وليد .."يمه الله يخليك اذا تبي تختاري لي بنت ابو نواف انا من الحين رافض .." ابو وليد تلقائيا .."اجل خذ أخت تركي وما اظن انك راح تلقى احسن منها.." وليد .. يبه اريام اعتبرها مثل اختي وما أفكر فيها .." ام وليد .."اجل مين نزوجك ترانا تعبنا وياك .." وليد قبل ما يطلع.."زوجوني الشوارع احسن لي .." وضحك على كلمته وسكر الباب ورآها =============***============ ضرب الجدار بقوة ... وكان جسمه يرتجف من الغضب .. ما كان يتخيلها بهالدرجه وكل الي مرسوم بعقله انزاح بنظره وحده لها والوقت يمشي بطئ وما هو مسعفه ...كان عازم على قرار ومستحيل يتراجع عنه ... شم ريحه عطرها وعرف إنها دخلت مي .." دكتور المريضة رحمة منعت الزيارة عنها .." أسامه بامتنان .." مشكورة أختي .." رفعت مي عينها وطالعت فيه وهي عندها مائة سؤال وسؤال عن الاهتمام ألمفاجئي بها المريضة بالذات و أسامه عرف ان نظراتها ورآها ألف سؤال وسحب نفسه قبل ما تواجهه دخل جناحها وهو متضايق منها وتننح عشان تتغطى أسامه بغضب مكبوت .."شخبارك اليوم يا رحمة .." رفعت رأسها وهي مصدومة ما توقعت ان الطبيب المشرف عليها يكون اسامه ولفت وجهها الجهة الثانية.." بخير وانتظر الأذن بالخروج اسامة ويتمالك نفسه .." بس لسه بدري على الخروج لازم نحولك على العيادات النفسيه اولا .." وضغط على أسنانه على الكلمة الاخيره رحمة بحركة سريعة لفت وجها وطالعت فيه .." وش تقصدا انا بعقلي والحمد الله .." اسامه .. "والي بعقلها تكذب على الناس وتقول انها محروقة وتلفق الكذب حولها .." رحمة بصدمه.." انت شفتني ..وسحبت الشرشف وقربت منها بقوة وصرخت..." لاانا ما اكذب انا صدق محروقه .." اسامه باستخفاف .." يمكن عقلك محروق بس ما هو وجهك صح .." رحمة وتصرخ بصوت عالي .." انت مين سمح لك تكشف وجهي قولي مين .." اسامه ببروده.." الطب عندك مانع" .. وقرب منها رحمة ليه..."تعذبيني بحقيقة مالها اصل بالوجود واذا انتي خايفه من شيء انا مستعدا اساعدك واقف معاك .." رحمة وتنافخ من الخوف.." انت مالك دخل في فاهم مالك دخل في وانا حره بتصرفاتي ولا تظن اني في يوم احتاج لك واطلب مساعدتك.." اسامه ما استحمل ومسك يدها بقوه .." لا ما انتي حره وتصرفاتك الغبية انا راح اوقفها عند حدها فاهمه " رحمة بتوسل وخوف .." طيب فك يدي .." اسامه أنحرج من حركته وفك يدها بسرعة .." أسف ما كنت اقصد المسك .." رحمة.." لو سمحت اطلع برا انا تعبانه ما ابي أشوفك .." وحطت يدها على رأسها اسامه ويسحب كرسي ويجلس .."ما راح اطلع قبل ما نتفق على كل شيء .." رحمة بخوف ودقات قلبها تزيد بسرعة .." على ايش نتفق احنا مابينا أي اتفاق .. وبصوت عالي .."فاهم مابينا أي اتفاق" اسامه بصوت خافت .." رحمه الله يخليك هدي شوي وخليني أتكلم.." رحمة بعصبيه .."وأنا ماني مستعدة أسمعك فحس على دمك واطلع برا اسامه .." راح اعتبر نفسي ما سمعت أي كلمه" ..ولف وجهه الجهة الثانية "رحمه انا محتاج لك ...والله محتاج لك انتي ما تعرفي انتي ايش بالنسبة لي واذا انتي عانيتي في حياتك ترا حتى انا عانيت ومع هذا صبرت وبنيت حالي ورفع عينه عليها .."رحمة انا محتاج لك مثل انتي ماانتي محتاجه لي وخلينا نبدا حياتنا من جديدا ونساعد بعضنا ونبي أحلامنا .." وسكت فتره طويله ...وتشجع يوم شافها سكتت وقام وطالع من الشباك و بدون ما يلتفت لها .." رحمه انا احبك و ابي أتزوجك .." صحت من غفوتها على هذي ألكلمه كانت كل شيء تقدر تصبر عليه الا هذي الكلمه كل شيء يطاق ويهون عندها الا انها ترجع وتسمعها من جديد وصرخت بهستريا وبصوت عالي وكان نار اشتعلت بجوفها والزمن رجع يلعب لعبته لا..لا..انا ما ابي ازوج .. مابي اعيش ...واشارت بأصبعها وهي ترتجف ..."وانت كذاب والله انك كذاب ما تحبني انا اعرف انك تبي تلعب علي تبي تحطمني من جديد ... وصارت تهذي بدون عقل" ..كلكم خائنين كلكم كذابين تضحكوا علي بكم كلمه عشان ترضوا غروركم ترضوا انفسكم الله ينتقم منكم مثل ما دمرتموني مثل ما قضيتوا علي أحلامي.. وانا أكرهكم وما ابيكم خلوني اعيش بحالي خلوني اعيش حياتي بروحي وصارت ترتجف من الخوف وتغطي وجها با شرشف بقوة وهي تشوف الماضي قدامها وتحس انه راح يرجع لها من جديد اسامه أنصدم من ردة فعلها ومسكها بقوة وحاول يهدي فيها "رحمة .. رحمة ايش فيك" رحمة وتحاول تنزع نفسها منه بدون عقل وتصيح بكل قوتها .." لا..لا.. اتركني لا تمسكني انا اعرف انك تبي تقضي علي تبي دمرني بس هالمره مستحيل اسمح لكم والله مستحيل " اسامه و بصارخ نادي على الممرضات وبسرعة جوا و أعطوها ابره منومه وارتخت على السرير ونامت وهي تأن الماضي الدفين ..وتبكي العذاب القديم " =============***============ في المانيا كان واقف يطالع بعمه رفيق دربه حس ان قلبه يعتصر الم وحزن على حاله.. ورفع عينه لسماء برجاء يدعي ربه يشفيه شاف الدكتور يشيل الشال عن عينه ضغط على نفسه وهو متوتر وخائف انها تكون مثل لعملية الأولى الدكتور ويشيل بالشال .." ان اذا نجحت العملية في هالعين راح نجري عمليه ثانيه لعين الأخرى واذا فشلت نضطر نوقف العلاج لفترة طويلة خالد .."انا متوقع انها راح تفشل وعمري ما راح أشوف.." فيصل .." عمي ليش هالتحطيم .." الدكتور .." ليش التشاؤم انت يالمسلمين اعرفكم دايم متفائلين .." خالد بانحراج .." ايه الامل موجود ..بس العمليه صعبه .." الدكتور ونزع اخر لفه .." هاااخالد تشوف شيء .." خالد وهو يركز ويفتح عينه .." لا كل الي اشوفه ظلام بظلام .." الدكتور .." طيب ارجع غمضها وافتحها من جديد .." خالد ويرمش بعينه بسرعة .." لا ما أشوف الا ... وسكت فتره وصار يرمش بعينه بقوة الدكتور .." أستاذ خالد جاوبني تشوف شيء .." سكت خالد وما هو قادر يستحمل شاف نور يضيء حياته من جديد رفع رأسه وتعلقت عينه بالنور الي قدامه ... فيصل ويحط يده على ظهره .." عمي .. انت تشوف شيء .." خالد .." لا انا ما أشوف إلا ظلام ونور جاي من بعيد الدكتور .." يعني تشوف هذي ورفع يده بجهة عينه .." خالد .. ويحاول يركز .." أشوف شيء قدامي بس ما اني قادر أوصفه الدكتور بفرح .." يعني العمليه نجحت..وبإذن الله راح ترجع تشوف من جديد .." خالد وضربات قلبه تزيد .." يعني فيه امل ارجع اشوف " الدكتور .." ايه وراح نضطر نجري عمليه للعين الثانية .." فيصل والفرح ماهي واسعته .. مبروك السلامه عمي .. الف الحمد الله على السلامه.. وبدا صوته يختنق .." =============***============ في بيت ام ريان جالسات مع بعض يكملن محاضراتهن ويلخصن كتبهن ريم وتحط القلم بفمها .." الدكتور يقول لازم نقدم التلخيص قبل الاختبارات و إلا ما راح يقبله .." حنين ومنشغلة بالكتابة .." ما عليك عندنا وقت نقدمه قبل الاختبارات" |
ريم وتترك ألكتابه .." تصدقي مشتاقة لخالد .." حنين وتنهد وتبتسم .." اذا انتي تقولي مشتاقه له اجل انا وش اقول .." ريم بنظرة .." ليه شوقك يختلف عن شوقي .." وبنظره ماكرة .." صح شوق الأزواج غير .." حنين وتضرب فيها .." ابي افهم العقليه هذي من وين تجبيها يابنت استحي وخلي عندك حياء .." ريم .." ليش الزعل هذا كله .. وقطع كلامهن اتصال التلفون وكلهن تسابقن له ريم وترفع ألسماعه .." الو مين " فيصل بصوت مبوح .." معاك فيصل " ريم وتميل فمها على جنب .." نعم فيصل تبي شيء .." فيصل الفرحة ما هي وسعته .." ايه ابشرك خالد نجحت عمليته ورجع يشوف من اول وجديد .." ريم وتصارخ وتنادي حنين ..ونست الحيا مع الفرحه .." احلف يا فيصل قول والله انك ما تكذب وان خالد ماصار اعمى .. " فيصل يبعد السماعه عن اذنه .." بكيفك صدقتي ولا ما صدقتي .." ريم توها تستوعب .." طيب خالي وينه .." فيصل .." بسوي الفوحصات ومصولني اني انقل الخبر لخطيبته فياليتك توصليها الخبر وسلام خالد لها.." ريم .." خلاص راح أوصل الخبر لحنين وكل العائلة لا تخاف " فيصل ضحك بنفسه .." أعرفك ما تقصري " وسكر الخط وهو يحمد ربه على نعمة العقل ريم ودموع محتبسه بعيونها .." حنين ..حنين .. خالد رجع يشوف " حنين ودموعها على خدها .." الحمد الله ربي ما يضيع عبده " ريم وتجلس جنبها وتمسح دموعها .." حنين ليش هالدموع " حنين وتكتم غصتها .." مدري هذي الدموع هي دموع فرحه ولا دموع شوق ولا دموع خوف .." ريم .." دموع شوق وفرح فهمناها ...دموع خوف ليش " حنين وتقوم طالع نفسها بالمرايا ..وترفع الخصله الطايحه على وجها وتمسح على خدها بيدها "اخاف خالد لا شافني يندم انه اخذني...ومسحت دمعه بطرف عينه.." .."انا اعرف نفسي ماني حلوه .." ريم تقرب منها .." حنين وش هالكلام .. خالد يحبك ومستحيل يتخلى عنك واذا على شكلك يحمد ربه ان اخذ وحده بجماك ولا مين يحصل جمال بجمال الهنود ويرفض.." حنين .." لا انا اعرف نفسي راح يقول عني سمره و... ريم تقطع كلامها .." وش فيهم السمر هذا انا بيضاء وملامحي عاديه وانتي سمره وملامحك حلوه .." حنين .." لا انتي ملامحك لايق عليك ام ان ما اظن.." ريم بعصبيه .. وتقرب من حنين وفكت شعرها وخلتها تتطاير على وجهه وقربتها لمرايا طالعي مين الاحلى انا ولا انتي.." حنين وتقطب حاجبها .." اكيد انتي .." ريم .." مستحيل الي حولك يقتنعوا بجماك الا انتي اذا اقتنعتِ فيه وانتي بالخصل الطايحه على وجهك طالعه احلى بكثير.. وبعدين ان شاء الله تبي تقابلي خالد بالشعر هذا.." حنين .." وش تقصدي" ريم .." الي اقصده انك تقصي شعرك وتصبغيه وتغيري من شكلك وصدقيني وقتها خالد راح يأخذك لأقرب فندق .." حنين وطالع فيها بنص عين وخدودها حمرت ..وتقرب منها .." وصدقيني اني عمري ما شفت قلة حياء مثلك " وطلعت وهي مصبوغه من الحياء =============***============ نزلت من السيارة وهي تكلم الجوال وتضحك بصوت عالي انتبهت لنظرات سعود لها وطنشته ودخلت الفلة وبدون ما تسلم على اهل البيت طلعت على غرفة دلال سارة وتفتح الباب .." سلام بنات .." دلال وتسلم .." هلا ساره ايش فيك تاخرتي .." ساره .." ما أظن إني تأخرت كثير .. وطالع في داليا .." ايش في الحلوين زعلانين" داليا تلف وجها الجهة ألثانيه .." اسألي نفسك .." سار بضحكة مزعجه .." لا تخافي سعود ما هو مفكر في ولا يغرك هالنظرة .." داليا .." وش دخل سعود أنتِ فاهمه وش اقصد .." سارة .."لا يعيوني ماني فاهمه أحيانا يجيني غباء وضحي وش تقصدي .." داليا .." اقصد عمي خالد وش تبي فيه .." سارة بغباء مصطنع .." اهاااا تقصدين خالد .. وش فيه.. ايه صح مبروك سلامة عمك .." داليا .." الله يسلمك" ..وقامت وحطت عينها بعينها ..ساره انسي خالد ترا ما احد يوقف بوجهك وقتها غيري فاهمه .." دلال بنفاخ .." داليا وش هالكلام ولا الفقر الي عشتي فيه لعب بعقلك شوي .." داليا وتبلع ريقها.." لا بس حنين حرام عليكم ما تستأهل .." دلال وتحط يدها على بعض .." وطيب وما هو حرام عليك ساره .." داليا .." الا بس .." رغد .." لابس ولا حاجه احنا اجتمعنا عشان نتفق ما هو عشان نتخانق داليا وانا من الحين انسحب ومسكت مقبض الباب تبي تطلع دلال وتقوم بسرعة .." طلعه ما انتي طالعه واجلسي بالطيب احسن لك داليا بخوف وهي تعرف دلال أختها طول عمرها متسلطه وكلمتها ماشيه عليها " خلاص بس مين الحين انا مالي دخل .." ساره .." اصلا طول عمرك وجودك مثل عدمه .." انقهرت داليا من كلمتها وصارت تلعب بأظافرها وتحاول ا ما تظهر ضيقها ...وان الموضوع ما يهمها سمعت دق على الباب ورفعت عينها ريتا .." ماما داليا بابا نواف يبغاك على التلفون .." داليا باستغراب .." وش يبي في الحين وقامت وهي ما تخوفه من اتصال نواف .." رفعت السماعة وردت بخوف .." نعم نواف " سعود .." معاك سعود اسف اني كذبت عليك .. بس لازم اكلمك " داليا وتزفر.." نعم تبي شيء .." سعود .." ايه و ياليتك تكلميني من غرفتك .." داليا .." قول الي عندك ما حولي حد .." سعود .." داليا انا اسف وما كنت اتوفع انك ضحيه لواحد صايع وصدقيني ان كل الي سويته كان من دافع حبي لكِ ومستعد من هذي اللحظه ابني كل الي هدمته .." داليا وما حبت تضعف.." خلصني وش عندك" سعود .." داليا انا اعرف انك زعلانه علي بس غصب عني الي سويته وخلينا نسى الماضي ونبدا من جديد داليا بالم.." و انا ماني مستعد انسى الماضي وصدقني يا سعود ان ولا شيء بحياتي.." سعود ويقاطعها.." داليا انا مقدر الي صار لك ومع الايام راح تنسي داليا لو سمحت ياسعود اظن ان المكالمه زادت عن حدها وقدام ما اقفل حبيت اقولك ان ما كرهت انسان كثر ما كرهتك حتى تركي الي ظلمني وضيع مستقبلي ما كرهته كثرك تعرف ليش لأنك بلحظه وحده نسيت كل الي حولك وحطمت أحلامهم وانا ماني مستعده ابني معاك احلام عشان تجي انت بلحظه وتهدمها من جديد وسكرت ألسماعه وهي ماهي ندمانه على أي كلمه قالتها بحق سعود =============***============ سافت البيت فاضي وعرفة انهن مجتمعات ترددت تطلع بس الملل الي فيه اكبر دافع لها وهي عارفه راح تلاقي نفس الجواب وقفت عند الباب وتنهدت ودقت الباب دقات خفيفه رهف وتستأذن .." الله يخليكم خليني ادخل ترا مليت من الجلسه بروحي .." رغد .." انتي وش جابك روحي على البيت احسن .." رهف .." والله ماعاد اقول لسعود حاجه وراح اسكت ولا اتكلم" وحطت يدها على فهمها دليل القسم ساره حنت لها .." خلاص بس من الحين لو كلمه وحده تطلع برا الغرفه ما تلومي غير نفسك ...وبتهديد ..سامعه.." رهف بفرح .." وهذا وعد .. وجلست وحطت يدها على فمها دلال .. وتكمل كلامها .." المهم يا بنات خالد ما راح ينضحك عليه بااي كلمه وخاصة ان حنين غصب الواحد يثق فيها ساره .."اجل وش الحل .. خالد ما ينضحك عليه .. وحنين ما ينفع معها الكلام والسحلية ريم معاها.." رغد .." فكري واذا تبي خالد يرجع لك شغلي عقلك .." ساره .." مدري احسها صعبه خالد يحب حنين وحنين تموت بخالد" رهف وطالع في البنات .." طيب مين قال ان حنين تحب خالد .." ساره .." رهف احنا وش اتفقنا رهف .." والله صدق انا سمعتها تقول لريم انها تحب ولد عمتها" البنات شهقوا كلهم ومسكوا رهف بقوة سارة وتهز فيها .." متى هذا الكلام وايش كانت تقول .." رهف وتحكي لهن الموضوع كله دلال .." والله جابتها رهف ولقينا الحل" ساره .."وما عليكم حنين علي وخالد عليكم" رغد .." لا خالد على ريم ما راح ينفع كلامنا معاها الا كلام ريم وشوفوا رغد وش تسوي ..." وانطلقن بالضحك وهن يبنن احلامهم على حساب احلام غيرهم =============***============ اتصل على ريم وطلب زيارته المستشفى ..حس نفسه هو سبب الي هي فيه خاف انها تضيع من يده وقتها ما راح يسامح نفسه.. ندم على كل كلمه قالها له .. بس غصب عنه ما قدر يشوفها الجمال هذا ويصبر عنه وفوق هذا ما هو لسانه الي اتكلم هذا قلبه الي نطق وعبر وصحي من تأنيبه على استئذانها .." ادخلي ريم " ريم بخوف .." خالي ايش فيك .." أسامه بالم .." رحمة .. رحمة جاءها انهيار عصبي .." ريم بشهقة .." توها كانت بخير وش بلاها .." اسامه ما هو وقته المهم اتصلي على حنين لازم احد من اهلها يكون حولها ريم وتأخذا جولها وتكلم حنين وبعدين رجعت سكرت وطالعت في اسامه ريم بنظرة عتاب .." انت قلت لها شيء" اسامه بضيق.." ماهو وقتها يا ريم ريم .."انا رايحه انتظر حنين عندها تامر شيء .." اجلس أسامه وحط يده على رأسه ...." اذا صحت خبريني .." =============***============ تجمعن بالمر وهن يسمعن صريخها وبكاءها وما هي راضيه احد يدخل عليها.. وما تهدى الا بالإبر ألمهدئه.... ام راشد ماكفت عن الدعاء لها وخايفه انها ماحفظت امانة ابو راشد .. وابو ماجد .. كان رايح جاي بين الدكاترة ويحاول يهدي امه باي طريقه حنين متكوره على نفسها وسانده ظهرها على الجدار وصوت شهقاتها مخنوق .. شافتها ريم وسحبتها من يدها .. " حنين وش الي مسويته بنفسك .." حنين وترمي نفسها بحضن ريم .." قولوا لي هي وش بلاها ..انا جيتها وهي مافيها حاجه.." ريم .." وانا وش دراني" شافها اسامه من بعيد وعرف ان سر رحمة مع حنين تردد يكلمها بس لازم يساعدها وخليها تتخطى هالماضي ..وانه مستحيل يتخلى عنها اسامه بتردد.." لو سمحتي حنين ممكن اكلمك " حنين بخوف وتمسك بالجدار.."رحمة فيها حاجه.." اسامه .." لا تخافي رحمه ما فيها الا الخير بس ازمه وتعدي.." حنين برجاء.." الله يسمع منك .." اسامه وينزل رأسه ويلعب بجواله .." حنين انا عرفت ان رحمة ماهي محروقه .. وصدقيني كان بدون قصد وكل الي ابيه منك انك تخبريني الحقيقة حنين بصدمه .." أي حقيقة " اسامه .." رحمه لايه تلبس اللثمه وتقول انها محروقه حنين وتهز راسها .." ما اعرف بس هذا رأي جدي عليها" اسامه بذهول.." يعني جدك هو الي قالها " حنين .." ايه ومااحد يعرف بهذا غيري انا وجدتي ام راشد حتى امي وعمتي ما تعرف .." اسامه بحيرة .." طيب ليه " حنين .." لا تسألني ليه حتى انا ما اعرف كل الي اعرفه انا رحمه جتنا مخلوقه غريبه مخلوقه طول وقتها تصيح ومعتزله الي حولها وصعب انه تتكيف معهم.. وما كان ملاذها الوحيد غير جدي الله يرحمه ومع الايام قدرت تكيف معنا .." اسامه وتذكر شيء .." طيب كم عمرها يوم جت حنين .." على ما أظن بين 15 او 16 اسامه .."يعني ما هي صغيره " اسامه .." ومعارفها ما في لهم خبر .." حنين .." جدي تعب وهو يدور لهم اثر بس ما فيه فائدة .." أسامه .." مشكورة حنين ..وابتسم .. صح تستأهلِ سلامة خالد" حنين بحياء .. الله يسلمك .." =============***============ نزل من سيارته وهو يترنح ترك الباب مفتوح والأغاني شغالة وهو يتمايل في مشيته دخل الفلة وشاف الظلام مالي البيت ..الا نور التليفزيون شغال نواف ويلعب بمفاتيح .." مين داليا " داليا بدون ما طالع .." ايه تبي شيء " نواف ويناظر فيها بنظرات متفحصة غريبة .." ما شاء الله حلوه البجامه عليك" داليا وباستغراب .." نواف فيك شيء .." نواف ويقرب منها ويتحسسها بحركة استفزازيه .." لا بس وش رأيك نسهر بغرفتي .." داليا وشمت ريحه فمه .. وعرفت انه ما هو بعقله .." نواف أنت شارب شيء ايش فيك مانت طبيعي " نواف ويسحبها لصدره .." لا انا بعقلي حتى طالعي..." واشر على راسه .." داليا وعرفة سكران وفهمت وش يقصد .. وبسرعة نزعت نفسها منه وركضت لغرفتها وقفلت على نفسها بالمفتاح عدة تقفيلات طالع نواف وعرف انها هربت منه وضرب جبهته بقوة " غبيه وانا تعبان وجايب لها هديه وفوق هذا تهرب أصلا ما يستحق الهديه غير ريتا " ودخل غرفتها وسكر الباب ورآه وضاع القمر بين تلك النجوم واستحى ان يقال هذا مسلم =============***============ ضغط على جواله وهو يسمع نفس الجواب ..نزل عقاله على المكتب وصار يضرب بيده بخفيف على الطاولة ويحاول يطرد خيالها من باله انتبه لرنين التلفون ورفعه ابو وليد بسرعة .." تركي مرني على المكتب ابيك .." تركي .." ابشر عمي دقيقه وانا عندك .." سكر السماعه وهو عارف الموضوع فك ازرير ثوبه وحسن نفسه محاصر من كل جهه..اخذ عقاله وطلع وهو يدعي ربه ان الموضوع ينحل وداليا ترجع له شاف مكتبه مفتوح واستأذن ودخل طارت عيونه وهو يشوف ابو نواف وسعود طالع بسعود بحقد هو اكثر واحد اذاه وتذكر ضرب الامس وحس الالم رجع له وضربات مقلبه سلم سلام بارد وجلس مقابلهم ابو وليد .." اخليكم على راحتكم .." تركي .." اجلس ابو وليد راحتنا بوجودك .." رفع عينه ابو نواف وناظره نظره حرقته وخلته يسكت ابو نواف .." تركي انت فاهم ليش احنا هنا .." تركي .." لا فهموني " سعود .." ما يحتاج نفهمك المهم انك تسوي الي نبيه وان شاء الله ما فهمت " تركي .." على مااظن وجهت السؤال لابو نواف .." ابو نواف يحط عينه بعينه .." تركي ..ايش سويت بالموضوع الي طلبناه منك .." تركي بروده .." ما سويت شيء ولا ابي اسوي شيء " ابو نواف يتمالك نفسه .." اجل نضطر نلجأ لمحاكم وجع الرأس .." تركي وحب ينفرز سعود .." ليش المحاكم رجال يحب زوجته ومايبي يطلقها فيها شيء .." سعود و انقهر .. وباستخفاف .." احلم فيها " تركي ويضغط على نفسه .." لو سمحت.. ثمن كلامك .." ابو نواف ويزفر.." شوف تركي تراك لا من ثوبنا ولا احنا من ثوبك وابعد عن طريقنا وريح راسك والبنت خلها تشوف نصيبها وكفايه الي جاها من تحت راسك .." تركي .." بس انا مستحيل أفرط بداليا ..وكرر ألكلمه ..مستحيل .." ابو نواف بعصبيه .." اسمع تركي بنتي ماتباك وعافتك وخلى عندك شوية كرامه وطلقها بالطيب احسن لك .." تركي جرحته هالكلمة خاصة قدام سعود .." ان هي عافتني حتى انا عفتها يكفي ان اهلها ما هم واثقين فيها ..ورموها علي بغلطه وحده " رمى كلمته وطلع قراءه ممتعه مع فائق ودي نــــونـــnoonaــــا (: |
يعطيك 1000 عافيه يانونا
في انتظار اخربارت من الروايه |
الله يعافيك وشاكره متابعتك يالغلا ..الجــزء الحادية عشرا .. " أنـثى مـجـروحة " بعد أسبوعين من الأحداث....رحمة تحسنت حالتها كثير وما بقى لها بالمستشفى غير الإذن بالخروج....خالد سوى العملية للعين الثانية وأنهى الفحوصات وما بقى غير يرجع لوطنه حنين اقتنعت بكلام ريم وقدرت تغير من شكلها بالقصة والصبغ تركي وافق على طلاق داليا وخاصة انه أنهان من جهتها كثير وقفت امام الشباك وهي تمسح اخر دمعه لها حطت يدها على راسها وكأنها توقف ألدوامه الي فيها .. ورفعت يدها باتجاه الشمس وحاولت تحجب شعاعها ..وتخفي النور عن حياتها تأملت في ملابس المستشفى وتذكرت انها لازم تغيرها وتستعد للخروج أخذت ملابسها وبحركة سريعة دخلت الحمام وغيرت وطلعت لفت طرحتها عليها بإحكام ... ولبست لثمتها بإتقان سمعت خطوات مشى ورفعت عينها باتجاه الباب حنين بابتسامه ممزوجة بالحنان .." أخبار الحلوين " رحمه بعبرة مخنوقة وتسلم عليها .."وينك حنين ليه تأخرتِ " حنين تضمها.." غصب عني" .. وتبعدها عن صدرها "ما عرفناكِ خوافة .." رحمة بغصة .." وليه ما أخاف وكل إلي حولي ما يرحموني" وسكت وطالعت في الباب ولفت وجها الجهة الثانية وضربات قلبها زادت ....وانفاسها بدت تتلاحق ... انتبهت حنين وطالعت مين داخل كان الدكتور أسامه داخل بسماعته الطبية والبالطو الأبيض ومعه الدكتور احمد والدكتورة إيمان والممرضة مي الدكتور احمد بكلمته المعتادة .." كيف صحت مريضتنا اليوم " رحمة وتمسكت بحنين بقوة يوم شافت أسامه .." الحمد الله " حز بخاطر أسامه وهو يشوف الخوف باين على حركات رحمة اتمنى انه يقرب منها ويمسح على شعرها ويحط يده على قلبها ويقول لها .." فيه احد يؤذي قلبه " اتمنى انه يرجع يشوف نظرات الشجاعة والقوة بعينها كان راضي انها تسبه تشتمه ولا يشوف الخوف عليها ولا يشوف نظرات العتاب الي توجعه بقلبه علق عيونه على الباب وما قدر يستحمل نظراتها .. وتكلم بصوت هامس..."أتمنى من ربي لك العافية ..وما نشوفك الا بخير" ولفت انتباه إرشادات الدكتور احمدلازم تتكيفي مع الي حولك .. وتعيشي حياتك لان الحزن عمره ما كان علاج لأي شخص .." وتعقب الدكتورة إيمان على كلامه .." وأظن بنت مثل القمر مثلك لازم تفرح بحياتها وتنتبه لنفسها ..وراح نكتب لك بعض الادويه والإرشادات ونشوفك الأسبوع الجاي بنفس الموعد لزمت الصمت رحمة وهي تناظر الدكاترة يتكلمون فيها وتوصون ببعض الأدوية والمواعيد للازمه وانتبهت لنظرات أسامه وحست بالماضي يرجع له من جديد وتشبثت بحنين بقوة قطع تفكيره صوت جاي من برا وركزت عيونها على الباب دخلت ريم بوكيه ورد كبير وبدون ما تنتبه لوجود احد حطت الورد على الطاولة وتخسرت وبصوت عالي "حنين وجع ان شاء الله ليه ما خبرتينِِِِِ انك تزوري رحمه " استحى أسامه من بنت أخته الفضيحة واشر لها بوجود الدكتور احمد لفت الجهة الثانية و انصدمت من نظرات الدكتور لها وبسرعة طلعت وتمنت الأرض تبلعها ولا تكون بالموقف هذا ضحك أسامه بنفسه وما انتبه لخروج الدكاترة وعلق ابتسامته على وجهه رحمة بقى واقف فترة يطالع برحمه وينتظر يسمع صوتها او ينتظرها تطرده مثل كل مره تنهد من داخل وعرف ان قلبه تمنكن منها وانه ما في سبيل لخلاص من حبها انتبهت له مي ورجعت وبغيره واضحة .." لو سمحت دكتور لازم نمر على المرضى الباقين .." ابتسم أسامه وطالع برحمه أخر نظره وعرف ان فيها جاذبيه اقوي من جاذبية الأرض له وسحب رجولة من قدامها سحب =============***============ سكرت الكتاب وانقبض قلبها أصوات ضحكهم واصل لغرفتها طلعت من غرفتها ونزلت تحت شافتهم مجتمعين نواف وفارس ودلال تأملتهم بحيره وخوف وموقف نواف سبب لها حساسية جلست بينهم.. وطالعت بنواف بحسره على شبابه دلال وتنزع الجوال من يد نواف.." داليا وش رأيك بالصورة.." داليا وقطبت حواجبها .." صورة مين " دلال بضحك .." طالعي وبعدين احكمي .." داليا طالعت بصورة ومن الصدمة قامت بسرعة .." دلال وش جاب صورة اريام بجوال نواف" دلال بروده .."أنا أرسلتها له .. ونواف أظنه ما يقصر .." داليا وترفع عينها على نواف .." نواف خاف ربك ولا تلعب بإعراض المسلمين.." نواف انصدم من ردة فعلها .."وليه هم ما خافوا ربهم يوم يلعبوا بعرضك..ولي ذقتيه راح يذوقه هو وأخته .." داليا ..كانت تبي تقوله انك اول من حاول يعتدي على عرضه ..انت اول من كان يبي يدنس عرضه بس عرفت انه وقتها ما كان بعقله "... حرام عليكم البنت وش ذنبها وبعدين أخوها واثق فيها ما هو مثلكم .." نواف .." عشان أخوها واثق فيها راح أرسلها لكل واحد وما هو بس كذا راح العب بصوره على كيفي وأخليه فضيحة على كل لسان .." داليا بترجي .." الله يخليك يا نواف تعوذ من الشيطان ولا تظلم البنت و إذا على تركي فيه مائة طريقه تأخذ حقك منه.." نواف .." ليش اتعب نفسي وهذي الصورة قدامي واخذ الجوال وطالع فيها "تصدقي البنت حلوه وما تشبه أخوها ..وابتسم لدلال "اممم رغد أحلى منها بكثير.." ومد الكلمة الأخير عرفت داليا ان نواف مستحيل ينفع معه الكلام وطلعت غرفتها وهي تفكر بطريقه تأخذ الصورة منه خافت على اريام ودعت ربها ان يسترها وما تكون لعبة سهله لآخوها =============***============ يوم الأربـعـاء كان يوم موعد عودة خالد وفيصل لأرض الوطن ركب الطائرة ....وربط حزام الأمان ...وحلق بأحلامه قبل ما تحلق الطائرة في السماء.. سرح بحنين ..واشتاق لشوفتها عد الساعات والدقائق ودعا ربه بسره ان الوقت يمر بسرعة ابتسم المرور زوج من الطيور قدامه نزل النظارة الطبية من عينه وحطه بجيبه وتنهدت بسعادة ".. سبحان الله طول عمري أتمنى إني أشوفها طول عمري اتمنى اني اشوف الحب بعيونها يااه ماني مصدق ان راح املي عيني منها كيف شكلها حلوه مثل داليا ولا عاديه مثل ريم بيضاء ولا سمره وهز رأسه بابتسامه لا مايهم يكفيني انها حنين يكفيني ان احبها ان روحي معلقه فيها يكفي انها جبرتي قلبي المكسور وقدرت ترجع النبض والحياة له ......" انتبه لفيصل وشافه غارق بالنوم طالع في سقف الطائرة وحط يديه وراء رأسه ومد رجولة بارتياح ونام وهو يدعي ربه انه يشوفها بأحلامه =============***============ وقفت سيارتهن عند باب السوق التجاري ونزلت كل وحده تفنن بمشيتها أخدا العطر ورشاَ منه وشدن العابئة على الخصر أشرا لسواق بالمشي ابتسمن وهن يشوفن التصفير والصفيق سارة وتعدل لثمتها .." دلال انتبهي أخاف نواف بينهم " داليا .." لا نواف اليوم في الاستراحة " دلال.." المهم انكم ما تفضحونا ولا نبي ضحك بصوت عالي " ساره بنص عين.." علمي روحك ناسيه ايش سويتي قبل يومين.." دلال .." لاماني ناسيه بس كان غصب عني الرجال كلامه من صدق يضحك يقول طالعي عبأتك مكبوب عليها لبن .." رغد .." وأنتي ما صدقتي على الله وفاضحتينا .. يا ليتك سمعتي ايش قال بعد ما طلع " دلال باستغراب وخوف .." ايش قال .." رغد .." ذكر تيني فاجرة شفتها البارحة في الفلم " دلال انقهرت وردت لها كرامتها .." أصلا هو إلي ما يستحي ملاحقنا في كل محل رغد بحزم .."هو رجال وأنتي بنت ... وخلونا من الفضائح.." داليا بملل وطالع بالمحلات .."خلينا نروح لدرعه منزله عطور جديدة بدل ما نضيع الوقت على ألفاضي .." سارة .." لا أحنا نبي مكياجي .." داليا .." اجل خلونا نروح درعه وبعدها مكياجي" دلال .." لا روحي انتي بروحك وراح نلحقك هناك " هزت رأسها بالرضا ومشت بخطوات متثاقلة .. ابتسمت لكلمات الإعجاب الي تسمعها رفعت عينها شافت محل أزياء حوامل .. حطت يدها على بطنها خافت انها تحمل طفل لتركي.. تنهدت بالم "معقولة الي خايفه منه يكون حقيقه " واني راح أكون ام لطفل تركي "ووقتها وش الحل " نفضت رأسها بقوة وكأنها تطرد الأفكار منها ودعت ربها انها يخلصها من اي شيء يربطها بتركي .." =============***============ طالع فيها بذهول ...وعينه ما هي مصدقه الي يشوفه.. عدل جلسته ورمش عيونه بقوة ....وحاول يطرد من رأسه فكرة ان هذي داليا وكيف يقدر يطرد هالفكره وهو يشوفها قدامه و يميزها بنظرات الخوف بعيونها .. ويسمع أرقام الشباب الملتفين حولها .." قام وقرب منها ونار الغيرة أكلت قلبه ..." "داليا غطي عيونك أحسن لك " داليا بصدمه وخوف وبسرعة غطت عيونها .." تركي " تركي مسكها مع يدها .." ايه تركي .. تركي زوجك يا داليا .." داليا بضيق.." لو سمحت تركي اترك يدي وخليني أروح بطريفي .." تركي "لا مستحيل اترك لوحدك في هالسوق وامشي قدامي " داليا بعصبيه وتنزع يدها .." مالك شغل في فاهم " تركي ويتمالك نفسه وبصوت كله تهديد .." داليا لا تختبري صبري واذا جايه لسوق لتسليه فيلا قدامي على السيارة .." داليا وصوته هزها وتحرك رأسها من الخوف وبصوت مخنوق .. "لا أنا أبي اشتري أغراض لحفلة عمي خالد " ابتسم تركي غصب عنه واشر بيده .." طيب يللا معي" مشى تركي ومشت وراءه وكل دقيقه يوقف تركي ويبتسم لها وينتظرها ... " ها داليا أشوفك ما غيرتي مشية السلحفاة " طالعت فيه داليا وطنشته وكملت طريقها دخلوا محل أزياء واشترى لها تركي كم قطعه على ذوقه بين تعليقات داليا ورفضها وعنادها أحيانا.. أخذها لدرعه واشترى لها عطر هدية وطلبها تختار له عطر على ذوقها استحت داليا في البداية وعاندت بس يوم شافت البنات يطالعوا في تركي أنحرق دمها وحبة تغيضهن ورضت تختار له.... دخلت محل ملابس أطفال مواليد بالغلط وان حرجت داليا وبسرعة طلعت و تركي وقف فيه فتره وهو يتأمل الملابس ويرسم البسمة على وجهه ويناظر بداليا وكأنه يوجهه لها رسالة.. لفت داليا وجهها الجهة الثانية وضربات قلبها فضحتها.. والارتباك بان على حركاتها قرب منها تركي وهمس لها ..." نفسي أشوفك ام " طالعت فيه داليا و حست ان مشاعره راح تفضحها و احاسياسها تبي تخونها وضغط على نفسها بقوة ... وصارت تتنفس بسرعة والكلام صار يتردد على شفايفها.. وهي تتوسل لقلبها يطاوعها. رن جوالها وانقضها فتحت شنطتها وأخذت جوالها وقفلت بعد ما عرفت ان دلال تتصل فيها مسكها تركي من يدها واخذ جوالها واتصل على جواله عشان يحفظ رقمها.. رفع حاجبه وحط عينه بعينها "داليا راح اتصل فيك واوعديني تسمعيني " هزت رأسها بدون أراده وبقت فترة تتأمل عيونه انتبهت لنفسها فجأة ولفت الجهة الثانية والدم تجمع بوجهها وخرجت من السوق وهي تحاول تطفي الحرارة بداخلها =============***============ ضحكن بصوت عالي و هالمره ما هي بس دلال حتى رغد و ساره الشاب .." لو سمحتن ممكن اعرف ايش نوع العطر الي حاطته " سارة بغرور "ليه عجبك " الشاب بتحقير" لا عشان احرمه على نفسي " ومشى عنها وهي متحسر على حال أولياء الأمور الي تاركين الحبل على غارب في تربية بناتهم وكأنهم ما هم مسئولين امام الله البنات انصدمن من كلمته وطلعن من المحل ولا وحده قدرت تتكلم وترد عليه ...وكل وحده تحط اللوم على الثانية " ساره وتأشر بيدها .." طالعن ما هو كنا ذاك وليد" دلال بفرح .." وين" ..وطالع .. "والله انك صادقه" رغد بخوف.." طيب خلونا نعبد أخاف يشوفنا ويعلم علينا سعود ساره تتمسخر .." سعود .. سعود .. تراك علتينا فيه " دلال .." والله أنها صادقه ..خلينا نبعد عن الشر أحسن لنا" ساره بنص عين .." لا وش رأيكم العب على وليد وأشوفه هو راعي بنات " دلال بثقة .." وليد كلنا عارفين أخلاقه ما أظن انه راعي بنات طنشتها ساره ومشت خطوات قريبه منه وحاولت تلفت انتباهه وليد انتبه لها .. وقرب منها .."لو سمحتي غطي عيونك" ساره انصدمت من ردة فعله .." ورفعت عينها بعينه" وليد وكمل كلامه بضحك .." لأني ما اقدر أقاوم هالبريق تصدقي عيونك تذكرني بتيس عند جدي الله يرحمه " ساره انفجرت والدم تجمع بوجهها.." وليدوه ضف وجهك أحسن لك" ورجعت عند البنات وهي تحلف ما تجلس في السوق بعد كذا دقيقه وحده.." =============***============ ركب السيارة وهو بعالم ثاني ....عالم يعرفه عاش فيه فتره وكان اسعد ألحظات بحياته ..ومستعد يدفع عمره كله بس ترجع له هذي ألساعات وعرف انه حياة قلبه بيدها وليد بعصبيه ..." وينك يالاخ " تركي بروده وبابتسامه .." ايش فيك معصب اكيد مسكتك الهيئة.." وليد يشغل السيارة .." لا والله شكلي تلقفت على وحده من المعارف " تركي يكتم ضحكته .." وش داراك انها تعرفك .." خبر وليد تركي بالسالفة وتركي من كثر ما ضحك دمعت عيونه وليد .. ايه تتشمت أشوف فيك يوم يا تروك" تركي يمسح دموعه .." لا والله بس ..وما قدر يستحمل وضحك بصوت عالي .." وليد بحقد .." نفسي اعرف هالضحك من وين طلع لك .. دخلت السوق بشكل وطلعت بشكل ثاني .." تنهد تركي براحه وطالع بوليد .." شفتها " وليد باستغراب .." مين " تركي ويطالع قدامه وسرح بخيالها .." زوجتي " كان يستمتع يوم ينطق هالكلمه ويحس بفرحه غربيه ..و ان داليا مهما كانت بعيده تبقى قريبه واقرب وحده لقلبه .... تبقى ُملكه وما احد يقدر يقرب منها طول ما هي بذمته ...وطول ما هو ينطق بالاسم " وليد .." داليا " تركي.. "هو فيه غيرها .." وليد .. "وش سويت لها" تركي ورفع حاجبه وفتح عينه وناظره بنظرات تحقير .." يعني وش اسوي لها ..اخذتها معاي وخليتها تشتري وتخلص أغراضها تحت عيني وحمايتي.....وعلى حسابي كمان والتفت له بجسمه كله ..."تدري وليد إني كنت أفكر فيها وما صحية إلا وهي قدامي توقعت إني في حلم او إني انجنيت .." ابتسم له وليد .." كل هذا حب " تركي .. يعدل جلسته " لو فيه اكبر من ألكلمه هذي كان قلتها" وليد .." طاوعني وخليني انا اكلم لك ابو نواف.." تركي يهز رأسه بقوة .." لا انا ابي داليا تقتنع من نفسها من دون أي ضغوط وأكون محل ثقة لها .." =============***============ جالسه بالحوش وهي ضامه رجلها لصدرها ورافعها رأسها لسماء تتأمل القمر والنجوم ..غمضت عيونها بقوة ورجعت فتحتها من جديد شافت القمر لسه بمكانه..تنهدت بحزن ..وهي تخاطب القمر "أنت الوحيد الفاهم انا ليش عايشه كذا" كنت اسهر معاك وارسم أحلامي تحت ضوءك .. كنت تعرف مين رحمه وش قصتها وتتنكر لي ..." هزت رأسها باستخفاف على حالها ..."طول عمرك وأنتي تخاطبي القمر وعمره ما نفعك.. عمره ما رحمك وأشفق لحالك ...رفعت عينها لسماء معاتبة القمر وكأن القمر استحى منها و اختفى بين الغيوم واخذا ضوءه معه نزلت رأسها بأسى وحزن على حالها أتمنت أنها ترجع طفله تلعب بدميتها وتبني أحلامها من جديد أكلت أظافرها بيدها من كثر وهي تفكر بحالها وضمت رجلها لنفسها بقوة من الخوف وهي تتذكر كلام أسامه ونظراته المحرقة حست بيد امتدت لها بحنان رفعت عينها وابتسمت لها حنين رحمة وبعدين معاك ... انا ما اتفقنا نرجع مثل أول " طالعت فيها رحمة بحزن ونزلت رأسها حنين .." رحمه الله يخليك لا تعذبيني معاك" رحمة بترجي .." حنين روحي المزرعة واتركني ان بخير" حنين .." لا انا اعتذرت لخالد و أسامه خبره بحالتك .." رحمة وتغمض عيونها.." الله يسعدك خليني بروحي " حنين .." أسفه رحمه ما اقدر " وسحبتها حنين من يدها ودخلتها البيت =============***============ دخل غرفة وهو يلتفت ويمين وشمال قفل الباب عليه ورمى نفسه على السرير وفتح جواله وصار يتأمل بصورتها ... "والله البنت عليها ضحكة تطير العقل" وزفر بقوة.."اه لو ما أنتي أخت تركي" |
مر أصبعه على صورتها بحركة دائرية حط يده على وجها وقربها لوجه أكثر وبدا يتأملها وبدون وعي باس صورتها أكثر من عشر مرات فتح جهازه لأب توب عشان ينزل ألصوره ويلعب فيها وانفجر يوم ما لاقي الوصله فتح الأدراج والدواليب هو يدور على ألوصله و ماشافها ضغط على أسنانه وطالع في الصورة وتضحكين علي صدقيني انك ما راح تسلمي مني و هالضحكة لخلي بدالها دمعة ونشوف مين نواف =============***============ العصر في بيت ام راشد جالسات في الغرفة وأصواتهن طالعه وكل وحده تحاول تفرض رأيها على الثانية ... ريم و تحط لها كريم الأساس وتمسح بوجهها .." الدرجة هذي ممتازة وتناسب بشرتك .." حنين بضيق.." أقول تراك تذبحيني بخربيطك ..انا اعرف وش يناسبني.." ريم .."صح أنا ما معي شهادة بس عندي خبره .. وخليني احصل دعوات من خالي اذا شافك .." حنين بملل .."ريم المهم خلصي مابقى وقت اخاف خالد يجى الحين .." ريم وطالع بشكل حنين بالمرايا .." لا تخافي خالد الحين عند خالي ابو نواف ..والمجلس مليان رجال وهو قالك بعد المغرب أمرك .." حنين .." بس لازم ارتاح قبل ما يجي .." ريم وبعد ما خلصت وتفتح الكيس وطلعت لها بدي فوشي وتنوره بيضاء بكر وهات فوشي تحت الركبه من قدام وذيل طويل من وراء.. شوفي وش اشتريت لك عشان تقابلي خالد فيه ..." حنين بشهقه.." ان شاء الله تبيني البس هالبس عند خالد " ريم بنص عين .." لا وشرايك تلبس دراعة جدتك " حنين .." انتي من عقلك البس كذا عند خالد .." ريم باتفف.." با بنت عادي تراه زوجك وما فيها شيء " حنين .." لا يعيوني عشان يقول البنت استخفت " ريم بصوت عالي.." انتي طول عمرك غبيه وراح تلبسيه غصب عنك حنين طنشتها وفتحت دولابها وطلع لها تايور ناري بكلام انجليزي بيج اكثر احتشام ونعومة من الاول لا البس هذا احسن من الي معاك واحتفظي بلبسك لزوجك ريم ودخله بالكيس .." هو يوم يجي زوجي أصلا " دخلت عليهم رحمه وقطعت كلامهم حنين وتتأمل شكلها بالمرايا .." رحمة وش رأيك الحين .." رحمة بإعجاب.." لو وحده ثانيه قالت هذي ما هي حنين كان صدقتها ورفعت عينها لريم .." تسلم هاليد الي طلعتك بالشكل.." ريم وأول مره تبتسم لرحمه .."الله يسلمك" حنين وتمسك بيد رحمه الاثنتين .." يعني راح اعجب خالد.." رحمة .. صدقيني اذا ما أعجبه شكلك ما عنده ذوق .." حنين بفرح .." الله يسمع منك " رحمة قطبت حواجبها وبعدين رفعتهم لفوق وقتحت عيونها على اخر. " حنين انتي نامصة .." حنين وتبلع ريقها .." والله ما كنت ابي بس الكوفيره أقنعتني ان حاجبي كثيف ولازم اخذ منه .." رحمة .." ويعني تعصي ربك على حسابها .." حنين تمسح على حاجبها .." بس شكلي طلع أحلى " رحمة ..."بس مهما كان حرام الي سوتيه ..وكيف دوري رضى الناس بسخط الله " حنين .." الله غفور رحيم " رحمة .."بس لا تنسي ان الله شديد العقاب .." حنين بندم .." خلاص رحمة انا عارفه انه حرام وان شاء الله ما أعودها.." رحمة .." انتي تعرف ان النامصة ملعونة وشفاعة الرسول ما تلحقها" حنين وتجلس على طرف السرير.." لا تقلبيها علينا محاضره وخلاص قلت ماعاد أسويها .." ريم وشافت الجو تكهرب بين حنين ورحمة عن اذنكم انا طالعه لازم اجهز لحفله =============***============ طلع من الحمام بعد ما تسبح ... ورمى الفوطة بالهواء .. تأمل نفسه بالمرايا ... ومسح نقط الدم من أثار ألحلاقه.. دخل يده بشعره وصار ينفض فيه بقوة ويحاول يجفف شعره من البلل دخل أسامه عليه وناظر فيه من فوق لا تحت " كل هذا لحنين " خالد ويعدل شماغه .." ليه ام وليد ما تستأهل " أسامه و ينسدح على السرير .." يا رجال اثقل شوي الرجال ينتظروك في المزرعة وأنت مقابل الحرمة .." خالد ويرش عطر.." ما راح أطول اسلم واطلع .." أسامه .." في هذي ما أظن وأنت أعمى بالعافية تروح اجل كيف لو تشوفها .." خالد بضحك.." اجل لو تأخرت تلقوني لسه ما سكرت فمي " تأمل أسامه خالد أول مره بحياته يشوف الفرحة ماليه وجهه حس ان خالد حازت له الدنيا بحذافيره جلس على السرير وهو يتذكر رحمة الي سلبت قلبه بدون إذنه وبكامل ارادته أول مره بحياته يسلم قلبه لأنثى وهو راضي .... ضحكة خالد صحته من غفوته خالد .." ما تبي أوصل لك سلام لأحد .." أسامه بغباء واضح .." مين يعني " خالد لا يروح بالك بعيد بس لام راشد .. رحمة احلم أوصل تراني شريف وما أحب المراسيل الغرامية..." اكتفى أسامه بالابتسامة كجواب وخالد طالع في نفسه نظره سريعة ورش اخره رشه عطر فتح الباب وهو يضحك وانتبه لأصواتهن رغد وانتبهت لفتح الباب .." طالعي عمي تعبان بروحه وفرحان وحنين ولا هامها حتى المزرعة ما رضت تجي .." دلال وتأكدت انه وراءها .." لا تلوميها البنت غصب عنها" رغد ببراءة تصنعها.. "بس حتى لو ما تحبه على الأقل تجامل وتجي تهنئيه بسلامته .." دلال .." انا نفسي افهم مادام هي تحب ولد عمتها ليه أخذت خالد" رغد .." كله عشان تحرق قلب ولد عمتها الي يحبها وتحبه ولا وش ناقصها تأخذ واحد أعمى.." وقف مصدوم ... مبهوت ..معدوم من المشاعر ..مشلول الحركة..كان يسمعهن بكل جوارحه ..وقلبه من كثر ما ينبض خاف يطلع من صدره حط يده على اذنه .. وكأنه يوقف سماعها ..تقدمت خطوات لهن وصرخ بأعلى صوت "كملن كلامكن حنين تحب مين " طارت قلوبهن وما توقعن تكون ردة فعله كذا مسكن يدا بعض وكانهن يثبتن نفسهم ويكملن مشوارهن رغد بخوف واضح .." أي كلام " خالد ويمسكها من طرف بلوزتها وقطعت ازريرها من قوة المسكة "أنتِ فاهمه أي كلام" رغد وعيونها ترمش بسرعة من الخوف..." حنين ..حنين" .. وتبلع ريقها .." تحب ولد عمتها " فتح عيونه على الأخر وغرز يده بشعرها بقوة "كذابة حنين مالها علاقة بأحد " دلال وضربات قلبها قويه وشفتها ترتجف من الخوف "عمي إذا ما أنت مصدقنا اسأل ريم وهي تخبرك " رمى رغد بقوة وقلبه ينزف بالم ويحتضر بصعوبة طلع وهو يصرخ من داخله وينادي بأعلى صوته "حنين ما تخوني " =============***============ وقف سيارته عند البيت وهو متوتر ومتردد بقى فترة بسيارته وتشجع يوم شاف حالة البيت ... ضرب بالمفتاح الباب ضربات خفيفة ومتباعدة .. انفتح الباب بعد فترة وبصعوبة .. زادت ضربات قلبه وتلعثم بالكلام ونزل النظارة الشمسية من عينه.. سعود وينزل بمستوى الولد .." أنت محمد صح" احمد ويهز رأسه ببراءة .." لا انا احمد" ام محمد وتنادي من الداخل .." خير يا خوي " سعود ويطلع الظرف من جيبه ويعطيه .." احمد " ما فيه غير الخير يا أختي.." بس ولدك شفتها يصلي بالمسجد وحبية أكافئها على مداومته على الصلاة و أزور أهله ام محمد .." مشكور يا خوي وادخل المجلس قدامك " سعود .." لا اعذريني مستعجل وان شاء الله مره ثانيه .." وطلع وهو متسع صدره اول مره بحياته يدخل الفرحه على قلوب الناس ويرسم البهجة بطريقه امن بقلبه وهو يسمع الدعوات له =============***============ نزل من السيارة هو يلهث ضرب الجرس ضربات سريعة انفتح الباب وبدون ما يسلم طلع بسرعة غرفتها وفتح الباب بدون ما يستأذن ريم وهي مشغله الاستشوار.." هلا خالي " خالد بعصبيه .." قفلي الزفت الي بيدك " ريم بخوف .." خالي فيك شيء" خالد ويقرب منها ويناظرها نظره محرقه ويضغط على شفته " "قولي لي حنين تحب ميين" ريم بضحك و دلع .." اكيد انت " خالد بصوت عالي ومسكها من كتفها بقوة " ريم اتكلمي عدل.. حنين صح تحب ولد عمتها " ريم بصدمه .." خال وش تقول حنين تحبك " خالد وضغط عليها بقوة بيدها .." ريم قسم بالله لو ما قلتي الي عندك لا طلعك جثه من الغرفة .." ريم بالم من مسكته .." هي كـانـت تحب ولد عمتها ..بس ...... طالعت وشافت خياله راح عناها ريم وتصرخ وتنادي .." خالد حنين تحبك " وعرفة ان صوتها مارح يسمعه جلست على طرف السرير وهي تبكي وتضرب نفسها كفوف وهي ندمانه ان فضحت سر حنين =============***============ ركب السيارة واسند رأسه على ألمرتبه و انحبست دموعه بعينه كان عار عليه ينزل دموعها من اجل بنت.. بس الي سوته حنين فيه كان اكبر ان دموعه تنقذه .. انتبه لاتصال أسامه وقفل الخط ورمى الجوال على ألمرتبه الثانية .. نزل رأسه على الدركسون ورفعه لصوت المزعج إلي أصدره .... حس قلبه أنجرح و أنهان حنين كانت تلعب علي .. كانت تبي تنتقم من ولد عمتها على حسابي انا على حساب قلبي وانا المغفل توقعتها تحبني توقعتها تبادني نفس الشعور ..كنت اضحك على نفسي يوم اقول عمري بحياتي ماحبيت احد كثرها ..كنت اتمنى انها تقولي احبك .. احبك يا خالد ..ورضيت وتوقعتها حياء وخجل منها وما كنت اعرف انها ما تبي تكذب وتنافق وتلعب بمشاعرها كانت تبي توصل لي رسالة اني ولا شيء بحياتها ".... حس نفسه مخنوق ومضايق فتح الشبابيك كلها وشغل المكيف ويحاول يوسع قلبه ويدخل الأكسجين لراءته....رفع رأسه وشاف جواله يهتز وعرف ان حنين تتصل فيه اخذا جواله وقفله وحرك سيارته لحنين يبي يرد كرامته ورجولته الي اهانت بسببها ويرجع قلبه الي ضاع منه =============***============ في المزرعة جالسات عند المسبح ومنزلات رجلهن بالمويا وهن نادمات على العبه الي لعبنها وحاسات بتأنيب الضمير والصمت مخيم عليهن رغد وتلعب بالمويا برجلها .." ما كنت أتوقع ان خالي يحب حنين هالكثر صدمني بصراحة .." دلال بحزن وندم وتلعب بخصلات شعرها.." وانا يوم شفت ردة فعله كذا كنت ابي أقول له كنا نمزح معاك وأنا حنين تحبك .." ساره بحقد وكلامهن أشعلت الغيرة بقلبها .." لا يعيوني خالد مغفل وعلى نياته ولا حب وحده يحب على عماها انتم ناسين قصة حبه لي" رغد تغيضها .." لو توزني حب خالد لك على حبه لحنين كان عرفتي انك ولاشيء كنتِ بحياته.." سارة بثقه .. ما عليكم كلها كم يوم وينساها ... وقتها راح يرجع لي" وتمسح بذقنها..." وهذا وجهي اذا ما رجع .." دلال .." ياشين الثقة الزايده ... ونشوف مين الي يرجع لثاني .." سارة تغير الموضوع وتقوم عنهن ... فكونا من كلامكن ....و وليد ونواف اول مره يجوا المزرعه .. مانبي نضيع الفرصه خلينا نستأنس" دلال ورغد قامن مفزوعات .." احلفي " سارة وضحكة بنفسها .." لا ماراح احلف تعالوا شوفوهم بعينكم " =============***============ تعمد النظر لها بشرود... وتجاهل ابتسامتها العذبة ..رفع حاجبيه بكل الم وحرمان.. ونار الغيرة أكلت قلبه..وحطمت حبه وادار ظهره وتنفس بعمق .. ورمى سهامه بشراسة وحقد .. وأتقن إصابة الهدف ......وقال بكل ظلم وقسوة " توقعتك احلى من كذا بكثير " الحين عرفت ليه رضيتي تأخذي واحد أعمى بس ا أظن الحين ننفع لبعضنا وطلع وسكر الباب ورآه بكل قوته وقفت مذهولة مصدومة وما هي مستوعبه وابتسامتها لسه مرسومه على وجهها وما صحت الا على صوت تقفيل الباب حطت يدها فمها ورمشت عيونها بكثرة وقلبها بدا ينزف من داخل .." لا هذا ما هو خالد .....خالد راح يتعالج ويرجع ..صدقوني راح يرجع هو وعدني انه.... وطاحت على الأرض وغطت وجها بيديها .. وصارت تشهق بقوة وبصوت مخنوق .. |
الجزء الثاني عشــــ(12)ــــراِ اعترفات وليد دخلت بسرعه لغرفتها نادتها رحمة وما ردت عليها قفلت وراها الباب ورمت نفسها على السرير وهي تبكي بحرقه وتشهق بقوة وتدعي على نفسها بالموت وتسب ..".. " الدعاء على النفس لا يجوز " لحقتها رحمة وفتحت الباب وشافتها متغطية وأصوات شهقاتها قويه جلست جنبها وشالت الغطى عنها...." حنين وش بلاك " طالعت برحمة وزاد صياحها رحمة ودموعها بدت تحتبس بعيونها ..." حنين ليش هالدموع ... خالد قالك شيء.." حنين وتحط يدها على فهما وتصيح .."لا خالد ماجاء .. خالد ماشفته" رحمة باستغراب.." حنين اجل مين كان في المجلس.." حنين وقفت دموعها وكتمت شهقاتها .." هذا فايز .. تعرفي مين فايز .." رحمة انصدمت.." حنين وش بلاك اقولك خالد تقولي فايز حنين .." صدقيني هذا فايز الي ذبحني وحطمني وخلاني اهجر الشمال واهجر أهلها.. فايز الي يدور الجمال يدور الشكل رجع ...رجع من جديد يبي يحطمني يبي يقضي على الروح الي بقت في رحمه توها استوعبت وانفجرت من داخلها على خالد وحاولت تتمالك نفسها .." حنين انتي كامله والكامل الله.. ويمكن خالد ..." حنين تقاطعها .." لا .. انا مليت من كذبك .. انا اعرف نفسي .. اعرف ان مافي رجال يبي وحده مثلي وحده مثل شكلي حتى خالد الي كان يعيش باحلام عمري بحياتي ماعشتها ويسمعني كلام عمري بحياته ماسمعته من اول نظره لي كرهني ... كرهني وكره الحب ومسكت رحمة من كتوفها وهزتها.." خلاص يارحمه كلامك ماعاد ينفع لي عرفت مين انا ومين حنين ..." =============***============ ثاني يوم الصباح ساند رأسه على الشجرة وهو يتأمل الشروق ..وشعاع الشمس الي قضت على الظلام ونشرت النور بالكون رفع راسه لسماء وتأمل والطيور وهي دور أرزاقها وتطعم صغارها حاول ينااام بس النوم من البارحة جافاه ..سرح بعيد بخيالها وبطيفها الي احتل عقله وهمس بصراخ داخلي ليه ياحنين تسوي في كذا وش ذنبي يوم سلمت قلبي لك اه كنت اتمنى ان اضمك على صدري وادور فيك العالم كله كنت ابي اقولك انك حلوه وحبة الخال الي على خدك زادتك جمال كنت ابي اخلل يدي بشعرك واقول اخير قدرت اشوف شعرك الي طول عمرك مانعتني المسه .. كنت ابي احكي لك عن شوقي وحبي لك بغيابك وكنت وكنت وسكتت ونيران بداخله اخرسته ونزلت دمعة وحده كانت كافيه انها تطفي النار المحروقه بداخله =============***============ ماشي وحاط يده بطالونه ...ويضرب برجله كل شيء مقابله اول مره يصحا من الصباح ..يمكن طبيعة الجو هي الي شجعته وخلته يحس بنشاط كبير ..فتح سيارته واخذا له من الثلاجة بايسن ...وشغل السي دي واسند راسه على المرتبه وبدا يتابع الفلم الامريكي ...تنهد بملل وفتح درج السيارة وطلع علبة وردية واخذ سلسال منها وحطه بيده وخلله بين اصابعه وضغط عليه بقوة وهو يتذكرها تعلق دمعته بعينه ورمش بقوة حتى يزيح الدمعة من عينه رجع السلسال مكانه شاف خالد صاحي واستغرب انه من البارحة ماناام وليد .."خالد فيك شيء " خالد ويعدل بصوته .." لا مافيني شيء " جلس وليد مقابله ولعب بالرمل .." بس نظراتك نظرات واحد محروم " خالد بتنهيده خرجت من أعماق قلبه .." يمكن لأني انحرمت من كل شيء بحياتي .." وليد رفع حاجبه بحيرة .." بس المفروض تكون اسعد انسان اليوم وانت تشوف كل شيء رجع لك .." خالد .. يمكن رجعت لي اشياء بس بالمقابل انحرمت من اشياء اكبر .." وليد ضرب على الوتر الحساس بدون قصد .."تصدق مافي انثى بدنيا تستحق احد يسلم لها قلبه .." خالد بان عليه الارتباك وعدل جلسته .." كلامك يقول انك انسان مجرب .." ضحك وليد بهدوء .. يمكن الي يشوف حياتي يقول هذا عايش بدون هدف ...عايش لاهي ...بس الي اخفيه عن الناس غير الي بداخلي انا بداخلي انسانه يمكن كان تعلقي فيها مثل السراب بنسبة لي بس القدر يقدر يجمعني فيها وهذا انااحاول انزع حبها من قلبي بس صعب ومستحيل لانها عششت بداخله سنين خالد .. طيب تقدر تنزع حبها من داخلك هذا انا مسرع مااحب ومسرع ماانسى .." وليد .." يمكن انت ام انا لا اعرف نفسي " خالد وحس بالنوم وصار يتثاوب .." تصدق ياوليد الي دورها راح تلقاه بأحلامك وغير كذا مستحيل تلقاه .." =============***============ قامت من نومها وطالت برحمه شافت الساعة سبعة تنهدت بالم وحسرة ونزلت دموووعها وهي تسترجع كلامه الي انغرز بقلبها فتحت الشباك وتأملت الشجر بالحوش واستعادت ذكريات ليلة الامس ومسحت دموعها بطرف إصبعها" الله يسامحك ياخالد .. كااان فيه مائة طريقه تخبرني فيهاعن شكلي ...ولا تجرحني بهالطريقة تأملت بجمال رحمة وهي نايمه .." سبحان الله ملاك يمشي على الارض .. وفوق هذا فيها من هموم الدنيا الله العالم فيه " سحبت الحاف وغطتها بهدواء ....راحت لجهة المرايا وطالعت بشكلها ترغرت عيونها ومسحت على حاجبها المنموص "كنت ادور الجمال برضا الناس على غضب ربي وهاانا اغضبت ربي وسخطوا علي الناس .." استغفرت ربها بسره وتوضأت وفرشت سجادة تدعي ربها يغفر لها ويتوب عليها =============***============ جالسه بروحها وهي حاضنه شنطتها ..طلعت العطر ورشة منه على يدها ومسحت كفها بعض واستنشقته بقوة تأملته فتره وضحكة بعبره مخنوقة على نفسها "العطر قرب يخلص وهو ما صار له يومين وكله عشانه من تركي .." رجعته في الشنطه واخذت جوالها وضغطة عليه بقوة .. من يوم ماخبرها انه راح يتصل فيها وهي ما فارقت الجوال .. فتحت على المكالمات المستلمة ولم يرد عليها دور رقم تركي يكن اتصل عليها وقت هي بعيده عنه ..انقهرت من تركي من يوم السوق وهي تنتظر اتصاله على احر من الجمر .." تبي تسمع له هالمره ليه ظلمها تبي دور له الف مبرر على فعلته .. تبيه يعترف لها بالحقيقة المصر على انكارها ولو اعترف وقتها راح تسامحه اذا تاب وتعيش مصيرها ...دخلت احمام وغسلت وجهها تحاول تطفي حرارة الشوق الي بداخلها سمعت صوت مسج بجوالا وركضت وتركت المويا وراها تصب وبسرعة فتحته ""بعض الناس فرقاه بشرى ..وبعضهم لا غاب صار ذكرى .. لكن غيابكِ أنتِ جرح ما يبرى"" رمشت عينها بسرعه وهي تقرا اسم المرسل عادت قرايتها اكثر من مره وضربات قلبها تضرب بسرعة انتبهت لوصل مسج ثاني " أسف لأني تأخرت عليك بالاتصال بس انا عارف انك بالمزرعة وما أبي أشغلك راح اتصل عليك يوم السبت .. و ياليت يوم تكلميني تكوني بروحك .." .. زوجك.. انفجرت داليا من القهر..وتكلمت بغضب وقهر "الحين لي يومين وانا انتظره وأخرتها يقول يوم السبت .. طيب يا تركي تحسبني ميته عليك قلعتك وقلعت الساعه الي عرفتك فيها .. وقفلت الجوال ورمته على السرير وطلعت ..." =============***============ وقفة بالجهة المقابله لمسبح ومتخبي وراء شجرة الرمان ضحك بداخله وهو يشوف كيف الهواء يطير خصلات شعرها وهي ترفعهن بضيق وتحطهن وراء اذنها ورجلها تلعب بالمويا وتطير قطرات المويا على وجهها وتزيدها جمال على جمالها وترجعها طفله اقل من عشر سنين راوده شعور انه يصورها ويحتفظ بصورتها بس حبه لرغد غير ... وغيرة عليها شيء ثاني ...كان يخاف يصورها وتطيح بيد حد.. انتفض جسمه وهو يسمع صريخ رهف رهف وتتخسر وتجمع أصابعها .." طيب نواف قاعد تتفرج على أختي والله لأعلم عليك سعود.." نواف بنفاخ.." وجع ان شاء الله خوفتيني ... واستعاد نفسه .." "وبعدين مين قالك اني اتفرج على اختك انا قاعد اشوف اخواتي ايش يسوون .." رهف بنص عين .." لاو الله احلف بس .. واخواتك لهدرجه يهمنك .." نواف ويبلع ريقه وخائف من المصيبة رهف .." طيب يالغبيه رغد خطيبتي الحين وعااادي لو اشوفها.." رهف .." شوف نواف لاتقعد تضحك علي بسوليفك البطالة ضف وجهك الحين ولا انا اضف وجهي لسعود نواف طيب مابقى غير جاهل تتنفخ علي انا رايح بس ماهو خوف منك لاني ابي اقنع فارس نتزوج بليلة وحدة رهف بستخفاف.." عااااد هذي الساعة المباركة نواف مشى وهو يهز راسه ويضحك بداخله على رهف الي مافي احد يقدر عليها وعلى لسانها =============***============ وقت الغداء اجتمعوا الرجال يتغدو والحريم بداخل الفلة تغدوا البنات وبحركة سريعه سحبن نفسهن ودخلن الغرفة وسكرن الباب وراهن دلال .." سارة رغد وينها مااشوفها .." سارة .."يمكن مع داليا " سارة وطالع مع الشباك وتأشر على فيصل وتقطب بحواجبها.." مين الرجال هذاك " دلال .." هذا فيصل ولد عمي " سارة وتتأمل بفيصل .." اول مره اكتشف انك مجنونة " دلال .." ليه شايفه شيء " سارة .." عندك ولد عم مثل فيصل وتفكري بالصايع وليد " دلال .." وش دخلك قلبي ولا قلبك ...وكتمت ضحكتها .. شكلك لسه حاقده على وليد .." ساره.." لاياقلبي لاحاقده ولا شيء وتشهق بفرح .. طالعي رغد وداليا واقفات مع نواف وخالد دلال .." غريبة اول مره رغد تسويها .." ساره .. تعالي خلينا نزل تحت عندهم دلال ..اصلا انا نازله من غير ماتقولي . . . تحت عند خالد ونواف نواف سحب عمه غصب عارف اسامه ماتمشي عليه حركاته و مافي قدامه غير عمه خالد الي حركاته قريبه منه نواف وعيونه مافارفت رغد .." شخبارك رغد " رغد بارتباك .." بخير الله يسلمك" خالد ويطالع بنواف ويضربه على كتفه .. هي انت شيل عينك من البنت .. ماني مالي عينك تبحلق فيها قدامي نواف .." ومن زينك عشان اطالع فيك " خالد وهو معصب بمزح.."مادام ماانت صابر عنها تزوجها نواف أبتسم بحالميه .."لو اقدر كان من الحين جبت الملك وملكت رغد استحت اول مره تشوف الحب بعيون نواف و يتكلم بجراه كذا قدامها داليا .." طيب حاول هالمره وان شاء الله سعود ما يرفض.." ساره وهي تمشي وتقطع كلامهم .." الحمد الله على السلامه ياخالد خالد ارتبك اخر شيء كان يتمناااه ان يسمع صوتها التقت عيونهم مع بعض وصار يتأمل بعيونها بلا رادع .."بخير الله يسلمك" ساره بحياء مصنوع وتنزل عيونها .." توها تنور الرياض " خالد .." منورها بأهلها" دلال وتاخذ شكولاته وتعطيها خالد .." تذوق ياعم هذي ساره موزعتها بمناسبة نجاح عمليتك .." خالد بضيق بال .." ذوقتها اول مره وطلع طعمها مر " دلال وهي ماهي فاهمة قصده .." صدقني ياعم لذيذه طعمها " خالد ويبعدها.. "بس نفسي عافتها " وسحب نواف معاه ومشى بعيد عنهم =============***============ شافهن يلعبن بالرمل وكل وحده تبني لها بيت وشوي يتخانقن وكل وحده تخرب بيت الثانية وليد ويحظن ريماااس ويبوسها .." شخبارك دندونه دانه من غير ماطالع فيه .."اسمي دانه فاهم" وليد بضحك.." لاماني فاهم وتبقين دندونه" ريماس .." وانا مادلعني .." وليد طيب دور لك اسم دلع وابشري ريماس..قولي ميس وليد .." ميس ميس وش نقول وليد .."طيب روحن نادي امي" ريماس ودان ركضن وكل وحده تسابق الثانيه جاءت ام وليد وقام وليد حب راس امه وصار يسأل عن احوالها كان يكلم امه ويضحك معها وفجاة سكت وفتح فمه وهو مصدوم حس الدنيا ظلمة ومابقى فيها الا نورها طالعت فيه وبحركة سريعة وكانت بالنسبة لوليد بطية ومتقنه لفت وجها الجهة الثانيه وطارت خصلات شعرها على وجها وحطت رجلها وهربت ام وليد والتفت على وراء .. مسكينة داليا تظن ما فيه احد .." وليد ولسه بصدمته .." هذي زوجة تركي " ام وليد .." ايه الله يجمع القلوب على بعضها " استذن وليد من امه وطلع وخيال داليا ما غاب عن عينه وصورتها انطبعت بقلبه تعوذ من الشيطان واخذ نفس عميق وغمض عيونه وهو يقول "الله يلوم الي يلومك يا تركي" =============***============ ركضت داليا عند البنات وهي تلهث وحاطه يدها على قلبها داليا وتبلع ريقها .." تخيلوا مين شافني" البنات بصوت واحد مين داليا وتمسح على شعرها وتتنهد.. وليد رغد .." وليد ماغيره " داليا وتهوي على وجها من الفشيلة .." بشحمة ولحمه " دلال بمزح .." خسارة ياليتني انا الطايحة بوجهه .. اكيد تلقيه رايح فيها الحين .." ساره بضحك وشماتة .. ذاك كان اول بس الحين لو عرف انها مطلقه وما هي بكر اكيد تشيل نفسه منها.." داليا جرحها كلام ساره وخنقتها العبره واخذت نفس عميق .." لو سمحتي وفري كلامك اذا تطلقت من تركي " =============***=========== جالس عند امه وهو يشوف الجو متوتر ويحس نفسه مخنوق ماكان له نفسه يجى بس عمه اسامه الزمه على الزياره .. شاف امه جالسه تابع القنوات ولا كنه موجود وغايب عنها فتره فيصل وحس بغصة وهو ينطق هالكلمه .." يمه وين اخواتي ابي اسلم عليهن قبل ماروح .." ام فيصل وعيونها ماشالتها عن التلفزيون ..ماهن فضيات انت عارف الاختبارات قربن فيصل .." طيب خليهن يسلمن علي على الاقل ام فيصل .." انت ماتفهم اقولك عندهن اختبارات وماهن فضيات لزيارات الي مالها داعي .." غمض فيصل عيونه وحاول يتجاهل كلام امها وقام وحب فوق راسها طيب عن اذنك انا طالع.....ورفع راسه لصوت الداخل عم فيصل .." انت وش هالزياره الغير مرغوب فيها " فيصل ويتمالك نفسه ..مشكور ياعم يجي منك اكثر عم فيصل .." لو كسرت راسك وانت صغير ماكان جيت وتخطيت هذا الباب مره ثانيه .." فيصل .." لا مايحتاج تكسر راسي انا طالع واخر مره ادخل هالبيت وطلع وهو يحلف بداخله ماعاد يدخل هالبيت =============***============ العصر يوم الجمعة جالسات الحريم على البساط والشباب جالسين يلعبوا في الملعب ام سعود .." والله يا ام نواف انا عجزت بسعود كلمته بمافيه الكفايه ام نواف .. والله الولد مجنني طالع نازل يبي يملك على رغد " ام سعود .. الي يصبره هالسنين يصبره لعطلة الصيفية ام وليد .." الله يوفقه ورغد تستأهل كل خير .. يا حسرتي انا على وليد الي كل مافتحنا له موضوع الزواج يقفله ام نواف .. يمكن الولد فيه عين ولا سحر ام وليد بخوف .. لا اعوذ بالله من الشيطان .. ان شاء الله مافيه غير العافيه .." ام نواف .. وانتي وش يخسرك ودوه لشيخه وشوفوا وش بلاه ام وليد وكانت اعقلهن وافهمهن .." لا الولد مافيه شيء بس النصيب ماجاه.." ام سعود .. والله انك صادقه هذا سعود وش كبره وماهو ناوي يفرحنا ام وليد .. الله كريم ويفرحنا فيهم كلهم .." ام نواف وتصارخ على ريتا .." هي انتي انتبهي لدانه وغيري ملابسها وحطي لها شيء تاكله ريتا .." ماما انا فيه تعبت بس انا فيه شغل " ام نواف .." اقول ولا كلمه هالشغل الي قطع ظهرك " ريتا ماما هذي مريم مافي اشتغل مثل انا اشتغل ام نواف .." لاتقارني نفسك بمريم " شغالة ابو نواف الجديدة" على الاقل مريم مسلمه وتخاف ربها ولا انتي كافره مالك دين يردعك ترغرت عيون ريتا وين العدل والمساواه عشانها كافره يبخسوا حقها ويضلموها وين قوله تعالى .." َلاَ إِكْرَاهَ فِي الدِّينِ قَد تَّبَيَّنَ الرُّشْدُ مِنَ الْغَيِّ فَمَنْ يَكْفُرْ بِالطَّاغُوتِ وَيُؤْمِن بِاللّهِ فَقَدِ اسْتَمْسَكَ بِالْعُرْوَةِ الْوُثْقَىَ لاَ انفِصَامَ لَهَا وَاللّهُ سَمِيعٌ عَلِيمٌ }البقرة256 } =============***============ دخل المكتبه وهو متضايق وحاااس بهمووووم الدنيا كلها فوق راسه كلام امه لسه يدور براسه سلم على العامل وقف بجهة في المقابل ريم كانت واصله قبله بخمس دقايق وهي متضايقه من تصرف خالها ماكان لها نفس تشتري أي كتاب وصارت تتصفح في الكتب بعبث وانتبهت لدخوله واستغربت من يوم ماعرفته وهو دائما يدخل المكتبه ببتسامه انتبه فيصل لريم وابتسم غصب عنه غريبه هالبنت دايم الصدف تجمعني معها راحه لجهة المقابلة لها حتى يقدر يشوف مستوى تقافتها وانواع الكتب الي تستهويها وبدون قصد اخذ كتاب "كيف تكسب محبوبتك" الخاص بالرجال لراشد بالمقابل ريم كانت تتصفح كتاب "كيف تكسب محبوبك " الخاص بالنساء لراشد اعجبها منظر الكتاب وتبي تهديه لحنين وماانتبهت لكتاب الي بيد فيصل ضحك فيصل ضحكة مكتومه وهو يشوفها تتصفح الكتاب انتبهت ريم لضحكته الي كانت واضحه بالنسبة لهدواء المكتبه طالعت بالكتاب الي بيده ورجعت طالعت الي بيدها وخافت انها يفهمها خطا وبسرعة رمت الكتاب على الرف وطلعت ..دفع فيصل الحساب وطلع وراها وكشر وجهه يوم ما شاف لها اثر =============***============ جالس يكتب الارشااادت لمريضه ويحاول يتجاهل نظرات مي له وضربات كعبها على الارض مي .." دكتور اسامة ممكن تعطيني دقيقة من وقتك اسامة فهم وش تقصد .." بس عندي اجتماع الحين " مي بحزن .." اسفه كنت اعرف اني ماعندك وقت لي اسامه ويسكر القلم .." مي اعذريني صدقيني مشغول " مي .." طيب انا مليت من هالحال وسكت فتره .. اذا كان في قلبك شوية تقدير لي قول لأحمد اقصد الدكتور احمد اني مستحيل اكون في الاستقبال اسامة .. ليه هو نقلك من عندي مي .." ايه ويقول ما امن عليك الدكتور اسامه اسامه ضحك بداخله وعارف حركات احمد .."طيب ما بيدي حيلة هذا الدكتور احمد ومااحد يقدر عليه مي طيب حاول انا راضيه اكون عند الدكتوره ايمان او الدكتوره سلوى او أي مكان بس في الاستقبال صعبه اسامه وهو طالع .. وعسى ان تكرهوا شيء وهو خير لكم قلت لك هذا احمد .." =============***============ دق الباب دقة خفيفه وانساب صوتها بعذوبة وطهارة من وراء الباب ..تنفس بعمق وابتسم بقلبه على المشاعر المجهولة بداخله فرح .. مين سعود ابتسم يوم سمع صوتها .. سعود فرح .. هلا سعود دقيقة انادي امي سعود وينادي عليها .. فرح فرح .. نعم سعود .. شخبارك فرح طارت فرح من الفرح اول مره سعود ينطق باسمها ويسالها عن اخبارها فرح وتكتم سعادتها .." بخير دامك بخير " وبسرعة نادت امها ودخل سعود خاصة في الفترة الاخيرة اعتادو عليه واعتادو على زيارته =============***============ دخلت الفلة وطالعت في خالد من فوق لتحت وطنشته راحت لجهة اسامه وباست على جبهته وجلست جنبه ريم .." شخبارك اسامه " اسامه وهو يقرا بالجريده .." هلا وغلا بالقاطعة وينك " ريم بضيق وطالع بخالد .." موجوده بس فيه ناس شوفتهم تضايقني .." اسامه ويرمي الجريدة على جنب .."افــا انتي بس اشري عليه وانا ابرد قلبك فيه.." ريم وتناظر بخالد .." لا ماله داعي " وتلف وجها لاسامه .." ابي اسالك ياخال سؤال وتجاوبني عليه بصراحه.." اسامه ..كلنا اذان صاغيه قولي وش عندك ريم وانفجرت من داخلها على خالد .. فيه فقير كان محتاج وتعبان وعجز حتى عن اهله .. وشافه واحد تاجر وتحسن عليه والحين ماشاء الله عليه الله وسعها عليه وماصار يحتاج لاحد ايش المفروض يسويه لتاجر بما انا التاجر الحين محتاج له اسامه باستغراب .." اكيد بيشكره ويحاول يكافئه على معروفه ريم وطالع بخالد .. سمعت .. سمعت ياخالد المفروض تشكره وتكافئه على معروفه.. خالد وماقدر يستحمل بنت اخته .. انت وش دخلك انا حر بتصرفاتي .. وبعدين حنين ماتناسبني .." ريم بصوت عالي .. "اجل ساره المعتوها تناسبك " اسامه وما هو فاهم شيء .. "ريم احترمي خالك" ريم وبعبره مخنوقه .. يرضيك ياخال بعد كل الي سوته له حنين يتركها .." اسامه بنظرات استفسار .." خالد وش الموضوع" خالد بابتسامه يخفي فيها آلمه ..." كل الموضوع ان حنين ماتناسبني وماعاد صار لي رغبه فيها .." اسامه .. انت مجنون حرام عليك البنت وش سوت لك تتركها يكفي انها سوت جميل ورضت فيك وانت اعمى خالد ويكابر من داخله .." هذي غلطتها وانا ماني مسؤل عن غلطات الاخرين.." ريم .. وتمسح دموعها .. اصلا حنين خساره عليك .. وتصرخ بصوت عالي .. فاهم كيف خساره عليك خالد وماقدر يستحمل وقرب منها يبي يضربها وريم من الخوف دفنت نفسها بحض اسامه وصارت تشهق ضغط خالد على يدنيه بقوة واخذ مفاتيحه وطلع =============***============ ماشية بالجامعة بنظرات منكسرة ونازله بالأرض تحس كل الي بجامعة يطالعوا فيها ويتكلموا عن شكلها مشت جنب الجدار حتى تتلافى أنظار البنات وهمساتهم وهي تشوف كل شيء تنكرلها حتى الأرض الي تمشي عليها ماعاد هي نفسها. فضحتها دموعها ولبست نظارتها تسترها انتبهت لدلال وحاولت انها تكون اقوى .. دلال.. وينك حنين البنات من يوم ينتظرونك حنين ..كنت في المكتبه استعير كتب واسفه اني تاخرت عليكم دلال تغط على نفسها وتحاول تتجاهل نظرات الانكسار بعيونها المهم القهوة لاتبرد ترا طالبينها على حسابك حنين .." مشكوره دلال " ومشن مع بعض الين وصلوا لطاوله انتبهت لها ساره وقامت تسلم عليها .." شخبارك حنين " حنين بابتسامه .." الحمد الله " رغد ليه تاخرتي علينا ولا عشان اليوم عزمناك صرتي تتغلي حنين بطيبة مالها حدود .." ماعاش مين يتغلي على اصحابه " جلسوا البنات مع بعض وكانوا يحاولوا يكسبوا صداقة حنين و يسحبوا من حنين موقف خالد معها بس كانت اذكى منهم وحاولت تتجاهل أي سؤال يخص خالد ساره ابتسمت ابتسامه جانبيه.."تصدقي يوم كنا بالمزرعه .. رغد ترجت خالد انه يجيبك ومارضى مره شكل الرجال زعلان .." حنين .." لا زعلان ولا شيء بس انا اعتذرت عشان رحمة رغد وتغير الموضوع ..وش اخبار رحمة مره ماكنها بالدنيا حنين .." بخير والبنت ماعندها وقت " رغد .." مدري احس اني راحمتها من جد مين يرضي ياخذ وحده مشوها .. ياخوفي انها تعنس ومااحد يفكر فيها .." حنين بطوله بال وتزفر .." كل انسان ياخذ نصيبه " وبدوا البنات يرمنا أشباكهم المتفقين عليها رن جوال دلال وكانت المتصله داليا رفعت الجوال وتكلمت بصوت عالي ..."هلا بخالد وش شخبارك انا الحمد الله البنات كلهم مجتمعين حتى خطيبتك حنين موجوده ... لاتخاف وساره معانا ابشر راح يوصل اكيد متشقق من الفرحه لانا الي تحبهم فيه يللا يالغالي تامر شيء عن اذنك مع السلامه .. طالعت فيها حنين وهي تهز رجلها بتوتر .. معقولة ساره تهم خالد الى الحين ومانسى حبها لها ..وركزت عيونها على ملامح دلال واذانها على كلامها قفلت الخط دلال وزعت ابتسامتها على البنات ورمت كلمتها على ساره وركزت عيونها على حنين دلال بابتسامه جانبيه.." ساره عمي خالد يسلم عليك" انصدمت حنين اخر شيء توقعتها ان خالد يتجاهل وجودها ويظهر حبه لساره علني اخذت كتبها وملازمها وواستذنت من البنااات وطلعت وهي تقول ياليتني سمعت كلامك يارحمة ان الرجال كلهم خاينين ومالهم امااان .." =============***============ دخلت ريماس وهي تركض وشعرها يطيره الهواء وتنادي بصوت عالي اريااام .. اريااام .. شوفي صورتك بجوال نواف اخو دانه وقفت اريام وهي تلبس عبايتها تبي تروح وهي ماهي فاهمة طالعت بريماس..."رجعي جوال الرجال الحين وليد يزعل" ريماااس باحبااط "طيب شوفي صورتك وبعيدين ارجعة " اريام وتاخذا الجوال وطالعت وشهقت بصدمه وهي تشوف صورتها بجوال رجال غريب سمعت صوت وليد داخل يصارخ على ريماس ويسأل عن جوال نواف وبحركة تلقائيا اخذت جوال نواف وحطة بصدرها وليد بعصبية .. ريماس وين جوال نواف ريماس وتاشر على اريام ببراءه اعطيته اريام وليد ..اريام جوال نواف معاك اريام لسه بصدمتها وعقلها عند صورتها وماردت عليه وليد ويصارخ .. اريام اكلمك انا جوال نواف شفتيه هزت اريام اكتوفها بلا وتحرك الجوال من صدرها وطاح انتبه وليد لطيحة الجوال وناظر فيها بقسوه وعيونه يتطاير منها الشرر وضغط على اسنانة بقوة.... واريام من زود الصدمة بسرعة اخذت الجوال وضمته بقوة على صدرها وهي تضغط عليه بيدها الثنتين |
.. الجـزء الـثالـث عـشــــ(13ـ)ـــــرا .. "الخضـوع لانـتـحار " دخلت ريماس وهي تركض وشعرها يطيره الهواء وتنادي بصوت عالي...." اريااام .. اريااام .. شوفي صورتك بجوال اخو دانه.." وقفت اريام وهي تلبس عبايتها تبي تروح وهي ماهي فاهمة طالعت بريماس..."رجعي جوال الرجال الحين وليد يزعل" ريماااس باحبااط "طيب شوفي صورتك وبعيدين ارجعة " اريام وتأخذا الجوال وطالعت وشهقت بصدمه وهي تشوف صورتها بجوال رجال غريب سمعت صوت وليد داخل يصارخ على ريماس ويسأل عن جوال نواف وبسرعة تغطت...وبحركة تلقائيا اخذت جوال نواف وحطة بصدرها وليد بعصبية .. "ريماس وين جوال نواف" ريماس وتأشر على اريام ببراءه...." اعطيته اريام" وليد بنظرات حادة .."اريام جوال نواف معاك" اريام لسه بصدمتها وعقلها عند صورتها وما ردت عليه وليد يصارخ .. "اريام اكلمك انا جوال نواف شفتيه" هزت اريام اكتوفها بخوف.." لا ماشفته " وتحرك الجوال بسبة اهتزازها وطاح من صدرها انتبه وليد لطيحة الجوال وناظر فيها بقسوه وعيونه يتطاير منها الشرر وضغط على اسنانة بقوة.... "طلعتي تعرفي تكذبي ياريام" واريام من زود الصدمة بسرعة اخذت الجوال وضمته بقوة على صدرها وهي تضغط عليه بيدها الاثنتين قرب منها وليد وجهه انفجر من القهر ..."اريام هاتي جوال الرجال .. اريام وتتراجع على وراء ودموعها تنزل وهزت راسها بلا وبدون ما تتكلم وليد يصرخ بصوت عالي.." اريام قسم بالله لو مااعطتيني الجوال راح يكون ماهو بصالحك اريام من بين دموعها .." لا ..والله لو تذبحني مااعطيتك الجوال " وليد انصدم من حركة اريام ويتمالك اعصابه .. "انتي مجنونة .. هذا جوال نواف ..وغير نبرة صوته بحنيه .." واذا اعجبك والله راح اشتري لك مثله .." اريام .." لا انا ابي هذا الجوال تفهم .." وليد سك على اسنانه ويضغط على يده .. اريام اذا كنتي تبيه عشانه لنواف فنواف في المجلس خذيه بكبره بس لا تفضحينا مع ضيفنا .." اريام .. "قلت لك لو تموت مااعطيتك ياااه" وليد ونفذ صبره .."اريام لاتخليني اسوي شيء تندمي عليه" سكت اريام ومسكت الجوال بقوة ولفت وجها الجهة الثانية وليد .."يعني تعاندي يااريام " قرب وليد منها واريام رجعت على وراء وليد قرب والشيطان قاده واريام تبتعد بخوف ورجولها ماعاد تقدر تمشي عليها الى ان صدمت بالجدار ومسك يدها وليد بوحشية وغرز اظافره بيدها ونزع الجوال منها بكل قوته وعجزت اريام تقاومه اريام وطالع بالدم الي نزف من يدها من اثار أظافره "..وليد ..لا ..لا دمرني هااات الجوال الله يخليك " مشى وليد ولا كنه يسمع صريخها ولا توسلاتها وهو يهز راسه حسرة على اريام الي كانت دائما عنده بالقمه ومالها مثيل بين البنات .." وقلب الجوال بيده وهو يشوفه مثل أي جوال الا انه لنواف الضايع مثله وضغط عليه بقوة واشتغلت الشاشه وشاف صـــورتـها كل شيء تجمد فيه الا قلبه بدا يضرب بقوة وبصوت مسموع وكانه يبي يخرج من جسمه التفت على اريام " وكان يعرفها بشكلها وهي صغيره وفوق هذا الصدف الي تجمعها معاه احيانا " التفت وشافها على وضعها وماعرف يتكلم الا انه يمسك الجوال وبكل قوته ضربه على الجدار..وتناثر الجهاز قطعه قطعه وصرخ بصوت مكتوم " ليه يا اريام ما خبرتينِ " =============***============ جالس على مكتبه وفاتح الكتاب قدامه وعقله ما هو معه يفكر فيها والمواقف الي جمعته معاها تذكر الراحه الي يحس فيها يوم يشوف طيفها والابتسامه الي تاخذ مجراها بمجرد تلتقي عينه بعينها وفجأة خطر على باله شيء و انقبض قلبه وتغيرت ملامح وجهه "معقولة تكون متزوجة " لا لو كانت متزوجة اكيد بتهتم بكتب الحياة الزوجية وكتب التربيه او على الاقل ..... حط يده على راسه يوقف الدوامه الي براسه بسؤاله.."انا وش يهمني فيها " قطع الاجابه على سؤاله دخول عمه اسامه عليه وانقاذه من عذاب نفسه والدوامه الي بداخله اسامه بضيق .." شكلك مشغول " فيصل يقوم عن الكرسي .." لا يا عم تفضل " أسامه بابتسامه هادئه .." انت ها كبرك وتقول لي عم وريم الله يهديها ما تقول غير أسامه وإذا زعلت اساموه.." فيصل بصوت حازم .." لأنك معطيها وجهه زياده " اسامه .. "والله تستأهل بنت ام ريان تضحي بنفسها للكل " فيصل وكلمت اسامه تكررت بعقله تضحي بنفسها للكل .." فكنا من ريموه وقولي عمي خالد وش بلاه ما اشوفه الا نادرا.." اسامه وزفر بضيق .. كلنا ماعد نشوفه الله يهديه من يوم صاحب وليد تغير كثير.." فيصل باستغراب.." طيب وليد رجال وما عليه كلام " اسامه وتذكر الحلم .." بس الأشكال هذي ما احبها .." =============***============ في احد المطاعم ..جالسين مقابلين بعض وتركي ماسك يدها وضاغط عليها ويحاول يقنعها بالكلام ... وداليا ما هي راضيه تقتنع ولا معطته مجال انه يبرر موقفه وكبرياها ما هو راضي ينحني تركي برجاء وحنيه "داليا تراك ظلمتني وحرام عليك الي تسويه فيني.. وإذا انتي مصره على الطلاق انا ما عندي مانع.." داليا بعذوبة .." تركي لا تنكر الحقيقة و الطلاق أحسن لي ولك وكفاية الي سويته في ..وصدقني مسامحتك على كل شيء آذيتني فيه " تركي .." داليا أنا ايش أذيتك فيه أنت ليه ما تثقي وأنا إلي واثق فيك ثقه عمياء ولا مين رجال يثق بنت اهلها ما وثقوا فيها وباعوها لرجال عمرهم ما شفوه و اذا هذا قرارك خلاص الي بينا راح ينتهى من هذي ألحظه.." سكت داليا وخلت الدموع هي الي تجاوب على كلامه تركي جرحه بالصميم .. واثر في نفسيتها هو صادق في كل كلمه يقولها كيف رجال يتعلق بنت كانت نتيجة محل تقة مزعزعة لأهلها وفوق هذا قدر يحسسها بالأمان ويعوضها عن اهلها.... انتبهت لخروجه ونادت بصوت مخنوق...."تركي" وقف وبدون ما يلتفت عليها .." لا تخافي ماراح اطول كلها يوم ولا يومين و ارسل ورقتك .." داليا ومن بين شهقاتها .. "تركي لا تظلمني كفايه الي صار في .." قرب منها ومسك يدها بحنيه وعيونه تلمع بحب .." داليا صدقيني فراقك صعب بس هذا قرارك.." داليا ورفعت عينها بعينه بانكسار .." تركي انا محتاجا اجلس مع نفسي ابي أعيد أشياء كثيرة بحياتي وأنا أوعدك..و...وسكتت عن الكلام فتره مر بطيفها موقف نواف وكلام سعود..ونظرات ابوها ..وشماتة ساره... حست نفسها ضعيفة ومحتاجا إنسان يحتويها بكل ماتعنيه هذي الكلمه إنسان ينتشلها من الضياع الي فيه ويزرع الأمل بحياتها من جديد ... كانت تبي ترسي على شاطي بس بدون قارب كانت تبي تلم شتات نفسها وتريح قلبها وتعيش حياتها قرب من تركي وطبع بوسه على جبينها داليا اتمنى انك تفكري بعقلك... وحط يده على قلبها " ويا ليت يكون لي مساحه بقلبك" =============***============ دخلت كفتريا الجامعة وهي تتوعد لهن وكل شوي تصدم بنت والغضب عاميها عن طريقها ونفسها بدا يقل وأنفاسها صارت تتلاحق وقفت عند طاولتهن وصرخت بقلب مظلوم عان من حياته بما فيه الكفاية اريام .."انتم ما تخافوا ربكم تلعبوا بصور الناس على كيفكم " دلال وتضرب الطاولة بقوة .."سمعوا من يتكلم" اريام تحط أصبعها عند فمها ..." اص انتي ولا كلمه فاهمه وتلتفت على داليا .." هذا العشم فيك يا زوجة اخوي " داليا بصوت متقطع .." اريام انا مالي دخل والله " ساره باستخفاف وطالع بنص عين على داليا .." لا وش رأيك تحبيها على رأسها عشان تصدقك " دلال وتلعب بأظافرها وتبتسم بدلع .." والي يقولك اني انا الي ارسلتها لنواف وكما تدين تدان .." اريام .." وش تقصدي وضحي يادلوله " دلال بحقد .." يعني مثل ما صورتي أختي تصورتي " اريام وتوجه نظرها لدلال بستفهام .." ومين قال اني صورت اختك " دلال.. "ما يهمني مين قال والمهم وقعتي بشر اعمالك " اريام بغيض.." لا يعيوني الحمد الله ربي سخر لي وليد وبدل ما يمسح ألصوره كسر الجوال .." دلال بغيره وعصبيه .. "قولي من الأول انك حاطه عينك على وليد " اريام .."ما يخصك " دلال وتقوم وتحط أصبعها على جبهة اريام .." شيلي وليد من راسك أحسن لك " اريام وخرج منها صوت استخفاف.." ليه ليكون براد بيتكم وانا مدري " دلال .." صدقيني يا اريام راح تندمي .. وهذي المره صوره المره الثانيه حاجه اكبر منها وكل شيء اسكت عليه الا وليد فاهمه .." اريام .." لا يا قلبي ما هو انا الي اركض وراء الرجال واذل نفسي عشانهم " دلال تقاطعها ..." احترمي نفسك يا بنت الفقر .. وما هو عشان أخوك اخذ أختي صدقتي عمرك وراسك كبر وحطيتِ وليد براسك.." اريام بكلام خارج عن قلبها .." اصلا وليد مايهمني واشبعي فيه .. ومن جد لا يقين على بعض " ومشت عنهم خطوات ماهي بعيده وقفت وجددت الهواء الي بدخلها وعيونها امتلأت دمووووع ومسحتها بالمنديل بقوة " سامحيني يالميس مااقدر استحمل اكثر من كذا وليد هو الي ضيعني وضيع حلمي وليد هو الي خلاني اقتل حلمي بسكينه..وتنهدت باسى ورفعت عينها لسماء برجاء "الله يسعدك يا وليد ... ويرزقك بزوجه الي تفرحك...والله يساعدني على نسيانك " =============***============ في بيت ابو نواف كانت العائلة كلها مجتمعه على العشاء ابو نواف وعياله وسعود وخالد و أسامه يتناقشوا بامور عايليه وامور الشركه ويتخلها بعض تعليقات خالد ونواف البعيده كل البعد عن الجدية ابو نواف بحدة.." وبعدين معاك ياخالد انت متى تكبر كل الشغل طايح علينا" خالد بضحك .. "حرام عليكم تبوا تسلموا الشغل لمراهق توه يصحا على الدنيا خليني يوم اجي العشرين على الأقل .." سعود وبنص عين .." وبما انك صغير ليه تزوج اجل " خالد.." ومين قال اني ابي ازوج انا خلاص ابي اطلق البنت وارتاح " اسامه بنظرات حاده ..."خالد احنا وش قولنا" وقطع كلامه اتصال اسامه ويبتسم ابتسامه مالها مثيل .." هلا والله بالغالي " فهد .." اهلين بالدكتور " اسامه.. "وينك يا رجال ماتتصل ولا تسأل" فهد "اول بارك لي أخذت الدكتوراه " اسامه بفرح.." الف مبروك والله انك قدها " فهد .."وأبشرك السنة الأولى جاء تعيني بجامعة الملك سعود " اسامه .. "الله يعين يعني راح ازوك هناك " فهد .."لا ياليت طلعت ادرس بجامعة الملك سعود لبنات" اسامه .. اجل ما اوصيك على بنات اخواني الله الله بدرجات " فهد .. "من الحين تكثر التوصيات" ضحك فهد واستأذن من اسامه وأنهى المكالمة خالد الي استغرب اسم الرجال وكل شخص جاء على باله اسامه وحس بعيون خالد سؤال وبادره بالكلام قبل ما يسأل .. هذا فهد الشمالي خاله ابو ماجد..." خالد بصدمه وانقبض قلبه .. "هذا ولد عمة حنين " اسامه .."ايه ما شاء الله عليه اخذ الدكتوراه وراح يدرس بجامعه البنات على الشبكات الخارجية .." سعود بمزح.. افا لا يكون بس يدرس أخواتنا.." اسامه .. مدري أي قسم راح يمسكه .. الله يوفقه يستأهل الرجال " نواف .. عز الله تلقى البنات ألجامعه كلهم طايحات عنده وما في وحده تغيب عن المحاضرة.." =============***============ في المقهي..مجتمعين الشباب يتابعوا المباره الرياضية لكرة القدم بين نجوم الأندية السعودية الهلال والنصر الكل متحمس ويشجع والحماس مالي قلوب الشباب الا قلبين كان كل واحد همه اكبر من هم الكوره خالد .."طيب يمكن البنت هي الي اعطة الرجال الصوره" وليد ويهز رأسه باستنكار .. "لاانا اعرف البنت مستحيل تسويها وبعدين فيه انتقام بين هالعائلتين واظن صورها وصلت على كذا .." خالد .. "طيب أخوها يعرف بالموضوع " وليد .. لا وناااوي اخبره يكفيها الي جاها ومالي وجهه اكلمه بعد الي سويته بأخته وفجاة طالع بأظافره تصدقي اني نسيت نفسي حتى الدم طلعته منها خالد بابتسامه جانبيه.. "يعني غيره حبيب ولا لأنها رفضت تعطيك الجوال " وليد وحط يده على راسها ويغمض عيونه .. "مدري ..مدري " خالد .. "ما عليك اذا ما تحبها لا تنقل هم وإذا غير كذا الله يعينك " وليد ويغير الموضوع .. "هاااه انت خبرني وش سويت مع خطيبتك" خالد بستخفاف .."تصدق ولد عمتها شكله ما صدق على الله وجاااي الرياض" وليد ويرفع حاجبه باستغراب.. "معقولة بسرعة هذي " خالد بحقد مال قلبه.. "لا وأبشرك يمكن يسكن عندهم" وليد .. "طيب وش الحل " خالد بتفكير.. "لا تخاف انا قدها ونشوف مين الخسران في النهاية" وليد بابتسامه جانبيه .. "انت لسه تحبها" خالد ومر طيف حنين قدامه " اكذب عليك يا وليد اذا قلت لك غيابي عنها زادتني شوق لها كل يوم افتح الشباك واطالع بيتهم ويراودني شعور اني أدوس على رجولتي وعلى كرامتي وارجع لها واعتذر عن كل كلمه جرحتها فيها وأقولها اني مستعد اعيش معاك لاني احبك وما يهمني اذا ماتحبيني بس يكفي انك تكوني تحت عيني وبين قلبي وفي النهاية أتراجع عن قراري وارضخ لواقع وتنهدت بنفس عميق يحمل في طياته الاسى ولوعة الفراق .. "الله يسامحها لعبت بقلبي وانا المجنون ضحك وليد وقاطعه .." أقول لا تقلبها علي تركي الثاني خلينا نروح الأسواق نسترزق الله بالليل " خالد ويضرب على ظهره بخفيف "انت ما كبرت على حركاتك وليد .. مالي شغل هم البنات الي يرقموني انا بس اعرض نفسي والزبائن هي تختار ضحكوا مع بعض وطلعوا يفروا بالشوارع =============***============منسدحه على السرير وحاطه يدها تحت خدها وماسكه المجله تتصفحها بدون نفس ...تذكرت رقم الشاب الي اعطتها صاحبتها .. واخذت الجوال وطالعت بالرقم نفضت راسه وهي تطرد وساوس الشيطان تنهد بملل ورجعت شافت الرقم .. انا وش يخسرني خليني أجرب وعلى الأقل أتسلى وأضيع وقتي وما راح يعرفني دخل سعود غرفتها وما انتبهت لدخلته سعود ويأشر بيده .." ياااهو خلك معانا " رهف بتأفف وتقفل الجوال بارتباك .." نعم خير وش تبي " سعود وعبس وجهه .. "رهف تكلمي عدل وش فيك" رهف وتعدل جلستها وحست نفسها تبي تنفجر .." والله طفشت ماهي حياة هذي امي ماهي فاضيه لي وطول وقتها خارج البيت ورغد اغلب وقتها مع بنات عمي وانا جالسه بروحي حتي صحابتي ماانتم راضين تخلوني ازورهم" سعود .." طيب انتي بنت وهذي لازم تكون حياتك " رهف .. يعني عشاني بنت ما ترحموني وتخلوني اعيش حياتي ترا البنت لها حدود بالصبر والفراغ عدو لها واكبر شيء يدمرها هو وحدتها والشيطان شاطر ويعرف كيف يلعب .." سعود بتفكير .." طيب خلاص اوديك عند ناس راح تحبيهم وان شاء الله تعجبك البنت وتستأنسي معاها .." رهف بفرحه ..."احلف "طيب اعرفهم الناس هذي " سعود .. "لا ما تعرفيهم بس عندهم بنت قريبه من عمرك " رهف ناظرتها بمكر .." طيب انت وش عرفك فيهم ومين هم" سعود .. ما راح أجاوبك الحين لا وصلتك خبرتك بس ماابي احد يعرف اني انا الي دليتك عليها اتفقنا .." رهف وتبتسم .."خلاص اتفقنا " =============***============ دخل البيت هو يغني ويلعب بمفاتيحه والفرحة ما هي وسعته شاف اريام جالسه على الأرض وسانده رأسه على الجدار و سرحانة بالي بيدها تركي بحنيه .."خبارك اريام " اريام وتخفي الصور الي بيدها وراء ظهرها .." الحمد الله " تركي ويناظر نظرات غريبه ..."اريام ايش معاك " اريام .." مامعي شيء " تركي بعصبيه .."اريام لاتنكري " اريام بسخرية مؤلمه على حالها .." صورة لميس هاااه ارتحت " تركي وانقبض قلبه .. "وش يذكرك فيها الحين " اريام بضيق .. "ليه انا عمري نسيتها " |
سكت تركي وترك اخته ودخل غرفته طلعت ألصوره وتأملتها فتره وطاحت دموعها على الصوره وغطت ملامح وليد كانت تتأمل بصورة وليد وهو ماسكها غصب عنها عشان تتصور معاها وهي تغطي وجها بيدها الاثنتين وتضحك ببراءه .." ليه يا وليدي تعلقني فيك وتتركني .. طول عمري ما اعتبرتك مثل تركي وطول عمرك تعتبرني مثل اختك ضمت رجولها على صدرها ونزلت راسها وهي ترجي الله وتدعيه يخلصها من حبها =============***============ كان منسدح على الكنب وحاط رجل على رجل وماسك الريموت ويتابع القنوات وينتظر أخته ام ريان تحط العشاء وعيونه على الشاشه وعقله عندها يفكر فيها ويفكر بحياته من دونها عارف نفسه مهما كابر يبقى من دون حنين نصف انسان نصفه الاخر معاها هي امتلكته ومستحيل يحصله مع غيرها وريم جالسه مقابلة وتتصفح المجله ولا كأن خالد موجود انفتح الباب بهدواء وأطلت بابتسامتها المعهودة حنين .." السلام عليكم " ريم وترمي المجلة .." هلا وغلا بحنين القاطعه وخالد اول ماسمع اسمعها بسرعة عدل جلسته وركز عينه على الباب بلهفه وشوق ما قدر يخفيها ويتحكم فيها حنين وما انتبهت لوجود خالد .." انا القاطعة يالدبا ولا أنتي إلي ماعاد تسالي " ريم وتوها انتبهت لخالد وتمنت ترجع القلوب لبعضها "انا عارفه انك ماهو عشانِ جايه لهذا " ...وأشرت على خالد حنين انتبهت على يد ريم وطالعت بخالد وذكرت اخر لقاء كان بينهم وما حبت تضعف قدامه وحاولت تتجاهل وجوده وهذا طبعها مستحيل الي بقلبها طلعه لأحد والبرودة هي شخصيتها .." حنين بروده واشرت من بعيد .. "سلام خالد " خالد بلع ريقه من القهر وناظرها بحده .." وعليك السلام " ام ريان وهي داخله بصنية العشاء .." حيا الله حنين" حنين بخجل . "الله يحيك " ام ريان ..وتأشر على طاولة الأكل .." هااا وش رأيكم نأكل على الطاولة ولا ناكل على السجاد خالد ونظراته اكلت حنين ..." الي يريحك" ريم بمزح .."عارفين ودك تلتصق بزوجتك " جلسوا على الأرض وأصرت ام ريان ان حنين تجلس جنب خالد ابتسمت حنين بإحراج وجلست جنب خالد وهي تصارع الي بداخلها وترسم التجاهل على ملامحها .." صرت رعشه بجسد بخالد لما جسمه لامس جسم حنين والحرارة ملت كل عضو بجسمه رفع عينه لها وارتسمت على ملامحه ابتسامه متمرده خرجت من أعماق قلبه بلا أراده منه ارتبكت حنين وحاولت ما تبين شيء عليها ام ريان .." كلي يابنتي ترا خالد زوجك ولا تستحي منه " حنين تمسح بقايا الأكل من فمها .." لا مشكورة شبعت والحمد الله" ام ريان باستفسار .." صدق ان ولد عمتك اخذ الدكتوراه " حنين بابتسامه .." ايه ومع مرتبة الشرف " ريم وفمها مليان اكل .. "تخيلي انه يطلع يدرسنا " حنين بحسن نيه .." ياليت والله كان ما نقل هم الماده ونطلع عنده من الأوائل " خالد بعصبيه وغيره واضحة .. "لا وش رأيك يا حنين تتغزلي بالرجال قدامي" حنين بشهقه .. "خالد انت وش تقول " خالد بنفاخ .." اسألي نفسك " حنين بروده .. انا ماقلت شيء وفهد ولد عمتي قبل ما أعرفك " خالد انقهر منها وعرف الي بداخل حنين وان حنين مستحيل يكون بقلبها ذرت حب له وان حبها الأول والأخير هو ولد عمتها طيب يالاخت حنين اذا خلصتي اكل تعالي بالمجلس ابيك بكلام خاص قامت حنين وطالع بريم بنظرات خوف ومشت وهي تدعي ربها يثبتها حنين وهي داخله وضربات قلبها فضحتها .." نعم خالد " خالد ومعطيها ظهره .. "حنين على ما أظن الي بينا انتهى صح " حنين بصوت مخنوق .. "ايه وأنت الي انهيته" خالد .. انتي عارفه ليه انهيته وخلي كل واحد يعيش مع الي يحبه وبلاش التمثيل الي مالع داعي .." حنين بذهول .. "خالد وش تقصد " خالد تغيرنبرة صوته .."حنين قلوبنا عمرها ماتعانقت مع بعض عمرنا ماعشنا الحب السامي كان كل واحد يعرف يتقن دور المسرحيه الي انتهت حنين بصدمه.." يعني انت كنت تمثل علي وماكنت تحبني " خالد "ايه وعشان كذا هذا الطريق احسن لنا " حنين وما هي قادرة تستحمل كلام خالد "خالد اذا ماتبيني خلاص اتركي بحالي وكفايه جروح وياليتك طلقني بسرع وقت .." خالد بحدة وصوت قوي .." بالسهوله هذي اطلقك لا يعيوني انا مااطلق بدون مقابل حنين فتحت عينها على الأخر .. "ايش تقصد " خالد .." الي اقصده ان ابوك المحترم يرجع لي مهرك المائة والخمسين ألف الي دفعتهن فيك وبعدها كل واحد يروح بطريقه .." حنين .. "بس الطلاق جاااي من جهتك " خالد .. خلاص أنا ما عندي مانع انك تبقي على ذمتي وانا رجال وحر لو اخذ عليك بدل الوحدة ثلاث .." حنين .." لا أنا ما ابيك ولا ابي أكون على ذمته رجال مثلك " خالد .." خلاص اجل ادفعوا المهر " حنين وهي عارفه ابوه مستحيل يرجع الفلوس .."وإذا أبوي ما رجع المهر " خالد .. راح تبقين طول عمرك معلقه وعلى فكره أنا أبي اخطب وأشوف نصيبي وما أظن ان احد يزوجني وأنتي على ذمتي فياليتك تقنعي ابوك يرجع المهر بأسرع وقت .." حنين ودموعها فضحتها وانهارت من كلامه وبصوت مملوء بالعذاب .. "انت ما عندك قلب .. فاهم كيف ما عندك قلب.." خالد وباستخفاف ويأشر على قلبها .." وهذا وش تسميه " حنين وتحط يدها على فمها تمنع خروج شهقاته .. اسميه حجر وأقسى من الحجر .." خالد ويجلس على الكرسي ويحط رجل على رجل بلا مباله افا ليش انا خلوده قلبي حجر .." طالعت فيه حنين بعيون مليانه دموع وبقلب متقطع من داخل قلب انحرمت انه يعيش مثل غيره ويحس بالطمائنية والراحه وناظرته فيه نظره مجروجه .."دمرتني يا خالد الله يسامحك " =============***============ دخل البيت وهو يفرك بخشمة بقوة والجوال يرن وماهو منتبه عليه وبسرعة طلع الدرج وفتح غرفة دلال من غير ما يستأذن نواف بعجله ويلهث.." دلال ابك تجيبي لي صورة اريام باي طريقة دلال وتطالع برغد .." نواف " نواف ما هو شايف الدنيا .." دلال راح أعطيك الي تبيه بس لازم تجيبي لي صورة اريام الله يخليك وبأسرع وقت .." رغد وتعض على شفتها وبغصه "لهدرجة ألصوره تهمك .. وما أنت صابر عنها " نواف انتبه لمصدر الصوت والتفت على وراء وشاف رغد طالعة بنظرات عتاب قويه وموجعه بنفس الوقت وسكتت يبي يتأكد بعدين شهق بصدمه "رغد " رغد وهي طالعه.." سبحان الله طلعت حقيقتك قدامي يانواف " نواف ينادي .. "رغد .. رغد اسمعيني " نزلت رغد وهي تركض ماتبي تسمع اكثر من الي سمعته ودخلت غرفتها وسكرت الباب ورآها بكل قوتها ودفنت نفسها بالمخده وهي تصيح اخر شيء توقعته ان نواف يحب اريام وان اريام تهم نواف اكثر منها لحقتها دلال ودخلت الغرفة وشغلت الأنوار دلال وتمسح على شعرها.." رغد " رغد بصراخ وتأشر على الباب.." اطلعي برا وش جايه له " دلال بتوسل .."رغد قصري صوتك... ولا تفهمي الموضوع خطا" رغد من بين دموعها .. "ليه تخبي علي وتكذبي وتقولي ان نواف يحبني " دلال .." طيب والله انا ماكذبت ونواف يحبك واكبر دليل شوفيه تحت حالته حاله ولو كيفه كان دخل ولحقك .." رغد وترجع تدفن نفسها بالمخده .." تراني انا مليت من الكذب والتمثيل " دلال .. انتي من متى غبيه ..انتي عارفه اريام اخت مين .. وليه نواف يبي الصوره.." رغد وترفه راسها .." بس نواف " دلال .. "لابس ولا حاجه " وسحبتها من يدها وفتحت الشباك ... طالعي شكل نواف كيف رغد وتمسح دموعها وترفع شعرها ..طيب ليه ماخبرتيني من الاول نواف انتبه لفتح الشباك ورفع عينه وغمز لها بأبتسامه رغد وجها تلون من الفشيله وسكرت الشباك وضمة يدها الاثنتين لصدرها ياربي لا تحرمني يااه مدري كيف اعيش من دونه دلال وتبتسم وتجلس على طرف السرير .. هااا صدقتي يوم اقول لك انك غبيه .." رغد بحالميه.." مجنونه بنواف ايه... ام غبيه اكيد لا" جلسن مع بعض ورغد قلبها تحت مع نواف خايف انها تنحرم منه ونست انها كانت سبب لفصل قلوب بعضها وحرمانهم من الحياة وتغافلت عن قوله " ان الله يمهل ولا يهمل " =============***============ واقف على جنب السيارة ومتكي على الباب الخلفي ينتظر خالد و يكلم بالجوال ويضحك بصوت عالي والدخان بين أصابعه.. وبين فتره وفترة يأخذ له مصه طويلة وعيونه مركزها على الباب طلعت رهف ولابسه لثمتها وما هي راميه الطرحه عليها انتبهت لرجال الي طالعه فيها ويضحك رهف وترمي الطرحه عليها .. "انت ماتستحي تبحلق فيني وقدام بيتنا كمان " وليد بابتسامه لئيمه .. "انتي الجايه ولا انا بمكاني ما تحركت " رهف وطالع فيه من فوق لتحت .."لاتكون انت ليدي الي تنتظر خالد " وليد يرفع حاجبه وبطرف خشمه .." اسمي وليد وماني بنت تدلعيني " رهف بعباطه .." بس الي يشوف لبسك يحسبك بنت ماانت رجال" وليد ويناظر بملابسه .. "وش فيها ملابسي " رهف .. مدري لابس برمودة جنز وتي شرت احمر وعدساتك الرماديه البنت ما تلبسها وفوق هذا شعرك الي واصل لكتفك .." وليد استحى وبغرور رد .."عشان كذا البنات طايحات عندي " رهف بستخفاف وتاشر بيدها .." تلاقهن ضيعات مثلك .. على علمك البنت مهما اعجبت بوسامتك مستحيل ترضي فيك لانها تبي رجاااال .....ومدت الكلمه الاخيره وركبت السياره.." =============***============ فتحت جوالها وبحثت في الأرقام حزنت على نفسها وهي ما تشوف فيه غير رقم حنين مسجل عندها ..حست بغربه كبير وفراغ مالي قلبها كل شيء بالدنيا ماعاد له طعم عندها ... مهما حاولت تنسى وتعيش حياتها تخونها الذكرى وتذكرها بالماضي .. ابتسمت بمرارة وهي تشوف حنين داخله عليها حنين وتنزل اكمام بلوزتها .." لو سمحتي اخت رحمة فيه ضيف جاي على حسابك فياليتك تسوي له شاي انا ما قصرت خلصت القهوة و أعطيتها جدتي .." رحمة وتغيرت ملامح وجها .. وانا من متى يجو ناس على حسابي حنين بابتسامه.. و أسامه وين راح الي ذابح نفسه على شانك " رحمه وتقوم مفزوعه .. ايش يبي هذا ماهو كفايه الي سواه وله عين يجي " حنين باستغراب .. "ليه هو وش سوا" رحمة .. "يوووه انت وش دخلك انا رايحة اشوف وش عنده" حنين وتمسكها من يدها ... "ايش بلاك رحمة كل هذا بس لانه زارنا اجل كيف لو سوى فيك مثل خالد ماسوى فيني.." رحمة ما ردت عليها الا بنظره حقرتها ونزعت يدها وراحت لهم =============***============ كانت جالس مع ام راشد وما هو مقتنع بحقيقة رحمة..وكيف يقلون انها هي احترقت وهي ما فيها أي اثر للحروق ..حاول يعصر مخه ويشغل عقله ويلاقي جواب وحل لاستفساراته قطع شروده وتفكيره كلام ام راشد ام راشد وتنهدت بحزن .."أيـه يا وليدي تسألني عن رحمة رحمة اذا تبي تعرف الحزن اسأل رحمة واذا تبي تشوف الضياع فتش قلب رحمة واذا تبي السعاده مستحيل تلاقيها برحمه..واذا كنت تبي تساعدها وتسوي فيها جميل انساااها " اسامه "بس ياخاله حرام الي تسويه بنفسها وانا مستعد اساعدها واقف معاها لنهايه " ام رشد برجاء .." يا وليدي أنسى رحمه احسن لك ولها " اسامه ويتمالك اعصابه .. ياخاله انا جاي عشان تساعديني وتقولي قصتها وانتي تقولي انساها بكل سهوله.." وتنهدت تنهيده اكبر من الاولى .." طيب تبي تعرف وش قصتها ؟.؟.؟ قراءه ممتعه نــــونـــnoonaـــــا (: |
يعطيك العافييه حبيبتي
في انتظار بااقي الروايه والبارت يسلمؤؤحبيبتي |
يعافيك يارب حوبي "الـجـزء الــرابع عـشــــــ(ـ14)ـــــرا " "لـقـاء الـقـلوب " اسامه ويعدل جلسته .." ياليت ياخاله " ام راشد وتمد الفنجال .." اكذب عليك يا وليدي اذا قلت اني اعرف عنها شيء ابو راشد الله يهديه كل ماافتح معه الموضوع يعصب ويقفل الموضوع بس الي قدرت افهمه من اول يوم جاءت فيها ديرتنا انها ابدا ما هي بدويه وعمرها ما عاشت حياة البدو وجلست مدة طويله على بال ما أتكيفت والفت حياتنا اسامه وينزل الفنجال .." كيف ما فهمت" ام راشد برجاء .. "يا ولدي لا تتعب عمرك بشيء ماضي رحمة ماضي قديم والي يفتحه راح يتعب وعمره ما راح يستفيد شيء .." اسامه .." بس حرام البنت يمكن يكون عندها اهل ومعارف " ام راشد .. "ابو راشد مابقى احد ماسأل عن اهلها وقبل ما يموت سمعته يكلم رحمة ان راح يسافر الرياض يقول انه عرف احد من معارفهم البعيدين هناك .." اسامه باستفسار.. "طيب مين هم الناس هذي " ام راشد وتتنهد .. "مدري يا وليدي بس يمكن صاحب ابوها او احد من طرف اهلها الله العالم مين هم .." سكت اسامه فتره وصار يحلل الكلام براسه ويحاول يربط بين كلامها وكلام حنين وكلام فهد وماقدر لانه كل واحد بعيد كل البعد عن الثاني وابد مافي مجال لربط بينهم .. وبعدها قام ..."عن ذنك ياخاله انا طالع وياليتك تذكرني رحمه بموعدها يوم الاثنين.."ورفع عينه باتجاه الباب رحمه وهي ضامه يديها على بعض ومتكيئه على طرف الباب وبنظرات استحقار "وين بدري تو الناس" اسامه بابتسامه .. "بدري من عمرك " وبنظره قويه وحاده .."أخذت الي ابغاه ومشكور على الضيافة" رحمة وانقبض قلبها .."وش تقصد" أسامه .."ما اقصد شيء و لا تنسي يوم الاثنين موعدك عندي " ام راشد بعصبيه وتاشر بيدها .. "عيب يابنت وادخلي عن مجلس الرجال.." رحمه وسكت على اسنانها وانقهرت .. يوووه ضحك اسامه بنفسه واشتاق لعصبيتها ونفرزتها كل شيء برحمه يعجبه جمالها الجذاب ثقتها الغير متزعزه حتى غرورها وكبرياها وطلع وهو يدعي ربه ان رحمه تكون من نصيبه =============***============ كانت تكلم امها بالجوال وهي تبكي بحسره على حالها وتمسح مره بخشمها ومره بدموعها وحاسه ان الدنيا قفلت بوجها من كل جهة حنين برجاء.." يمه خلاص كفاية الي جاني" ام ماجد .." شوفي كيف ربي جازاك وعمري الي ماتسمع كلام امها ما تتوفق.." حنين وزاد صياحها .." يكفي يمه .. الله يخليك" ام ماجد بضيق بال .. "عااد من وين ندفع له المهر ابوك لو يموت ما رجع له لو فلس واحد.." حنين .." طيب ايش الحل انا مليت من كلامه ومن تجريحه" ام ماجد .. "خلاص اخوك جاااي الرياض وان شاء الله يقدر يقنع ابوك او يحاول بالزفت خالد ان يتنازع عن نص الفلوس.." حنين ويعلى صوتها وبرجاء.. "لا يمه ماابي ماجد يذل نفسه لخالد ولو اقعد طول عمري معلقه " ام ماجد بحزن على بنتها.. " طيب اصبري لين الله يفرجها عليك" =============***============ الفجر بعد الشروق .. واقف ينتظرهم عند باب سيارته..ويلعب بورد ألجوري المزروع خارج البيت ومتشخ اخر كشخه..شافها جايه من بعيد مع دلال وداليا وقطف ورده حمرا وعاد ترتيب الفكره براسه وابتسم بقناعه على مخططاته رغد وتلتفت يمين وشمال .. "نواف انت الي راح تودينا" نواف ويمد الوردة لدلال ويأشر بعيونه على رغد .."ايه مفاجأة حلوه " دلال وتمد الوردة لرغد .." بس رغد ما هي ناقصة مشاكل مع سعود " نواف .."سعود ماراح يقول شيء انا كلمته " داليا .. غريبه ماهو من عادة سعود يقتنع بسرعه نواف .. فكينا من كلامك واركبوا بسرعه .." ركبن البنات وهن ماهن مصدقات ان سعود يسمح لرغد تركب مع نواف بالسهوله هذي..واحسااااس بداخلهن ان هذي لعبه جديده من العاب نواف =============***============ وقف نواف عند باب الجامعه ...ونزلت دلال وداليا نواف يعدل بالمرايا الأمامية .. "رغد لا تنزلي ابيك موضوع" رغد باستغراب .."خير صاير شيء " نواف ويلتفت عليها .. "طيب تعالي اركبي قدام عندي ما اعرف أتفاهم وأنتي وراء" نزلت رغد وركبت قدام وحرك نواف السياره بسرعه رغد بصدمه وعينها على نواف .." وين رايح في" نواف ويبتسم لها .. افا لا تكوني ما تثقي في" رغد .." طيب جاوبني " مارد عليها نواف ومشى خطوط معاكسه واتجاهات بعيده ورغد كل شوي تترجاه ان يرجعه لجامعه =============***============ ماشيات مع بعض بساحات ألجامعه وضاغطات بيديهن على بعض ونسمات الهواء تلعب بشعرهن وطيرهن يمين وشمال حنين وتأخذ رشفه من الكولا .. "والله ما توقعت خالد كذا" ريم انصدمت من موقف خالد وما قدرت تخبرها ان خالد عرف بحبها لولد عمتها ويمكن الي سواه من دافع الغيره ريم "خالد يحبك وصدقيني انه ما قال هذا الكلام الا يبي يختبرك " حنين هزت رأسي بالنفي.. وهي تسحب من أعماقها تنهيده سمعتها كل الي حولها..."لا ياريم خالد قال انه عمره ماحبني وعمره ماقلبه تحرك اتجاهي" وتضغط على يد ريم .."تصدقي كنت احسد نفسي على الحياة الي عشتها وعلى الحب الي ذقته ..وما توقعتها مسرحيه لازم يجي يوم ينتهي دوره ادري ان خالد لسه قلبه معلق بساره وحبها معشش بداخله وابتسمت باستخفاف على نفسها .."توقعته مثلي نسى حبه على طول " ريم .. "بس خالد ما يحب ساره" حنين وتغير الموضوع وتغمز بعينها بضحك ...ها وشخبار افلاطونك ريم ابتسمت بحالميه .."صدقي صرت اعد الأيام والليالي بس عشان اشوفه يوم الخميس بالمكتبه " حنين .."طيب يا شاطره يمكن الرجال متزوج" ريم وتهز راسها بقوة .."لا ما هو لابس دبله" حنين وبنص عين .. "ومن متى السعوديين يلبسوا دبل" ريم وعبست وجها .. "يوووه منك لا تخوفيني" حنين وتسحبها من يدها ويمشي بتجاه المصلى .." أقول لا تعشقي سراب " =============***============ وقف نواف سيارته وطالع برغد ومسك يدها واستنشقها بقوة ..وخلل أصابعها بأصابعه رغد وبخجل وتحاول تنزع يدها .. "نواف اترك يدي" نواف وحط عينية بعينها وبنظرات حادة ومملؤها رغبة حيوانيه " رغد احبك ولا تحرميني منك.." رغد بإصرار وصوت عالي .." نواف فك يدي و رجعني ألجامعه " نواف وقرب جسمه لمرتبه الثانيه .. "رغد انا ..." رغد وتلصق بالباب وبرجاء ممزوج بخوف " نواف فك يدي وابعد عني" نواف يتنهد بسعاده " رغد ماني مصدق انك جنبي وجسمي ملامس جسمك " رغد وشوي تصيح .." طيب ابعد عني" نواف ويرجع مكانه ويدخل يده بجيبه ويطلع منها علبه على شكل قلب وفتحها وطلع منها خاتم بالذهب الأبيض منقوش بكريستال وردي ويسحب يدها ويلبسها بدون أي مقاومه من رغد رغد وتسحب يدها من نواف .. "وبعدين معاك أنت ما تفهم اقولك رجعني الجامعه " نواف بابتسامه جانبيه .." طيب ما في شكرا" رغد وتذكرت سعود وانهارت من الخوف وصارت تصيح مثل الأطفال " نواف رجعني البيت" نواف بخوف وحنيه .."رغد أنا أسف وما كان قصدي.." وانتبه لضرب على الشباك ورفع عينه وشافت رجال ملامحه تشع نور ولحيته مرسومه على وجها بإتقان وزادته نور على نوره .. نزل نواف من السيارة وبصوت عالي يخفي فيه خوفه ".. خير وش تبي" الهيئه .. "قدامنا على السياره "..واشر لرغد بالنزول نواف بعصبيه .."وانت وش دخلك زوجتي وانا حر فيها" الهيئه .. "طيب اثبت انها زوجتك" نواف ويبلع ريقه .. "ما معي أثبات" الهيئه واشرت لشرطي .."خذه معاك " خضع نواف وركب بالسيارة وركبت رغد معاه وصوت شهقاتها المخنوقه يسمعها الجميع.. ودموعها غطت ملامح وجها وماتعرف ان الدموع عمرها ماانقذت ولا ساعدت احد =============***============ وقف أسامه وقفت منكسره وذل من بنت اخوه تمنى ان الارض تبلعه ولا يكونوا بالموقف هذا وحمد ربه بسره ان عبدالله ولد جارهم هو المناوب مع المدير وانه تصرف بالموضوع بطريقه ثانيه وفضل استدعاءه هو بدل سعود عشان يستر عليهم ولو سعود عرف لقضى علي رغد وما كان لها اثر بالأرض اسامه بمرارة .. "هي انا عمها" مدير الهيئه باستفسار .. "طيب أبوها وينه" اسامه ويوجه نظراته لعبدالله .. "أبوها متوفى وأنا موكل عليها" رجل الهيئة واشر على نواف .. "وهذا مين هو" اسامه بنظرات حارقه لنواف ".. هذا ولد اخوي ويكون خطيب البنت الي قدامك.." رجل الهيئه باستغراب " .. بس ما في أثبات انه عاقد عليها" اسامه بطوله بال .. "ايه لانها بس كلام" عبدالله يقاطعه ويهمس باذن المدير... وبعد اقناع خضع المدير لكلام وخاصة ان عبدالله مشهور باخلاقه العاليه مدير الهيئة .. طيب حرام تطلع معاه والرسول صلى الله عليه وسلم يقول .." لايخلو رجل بأمرائه الا كان الشيطان ثالثهما وهي بحكم وحده اجنبه عنه وما في فرق بينها وبين أي وحده " اسامه .."عليه الصلاة والسلام" الهيئه .. راح نكتب تعهد عليهم واخر مره نشوفهم هنا " ابتسم اسامه ابتسامه شكرا وامتنااان لعبدالله ... وارتسمت بعيون عبدالله نظرات الم وحزن وتمنى ان الارض تبلعه ولا يشوف هالمنظر الي شافه وحس بشعور غريب ملى صدره شعور اندفن من سنين وباللقاء قدر يرجع الماضي بلحظات ويذكره بجميع احزانه وقعت رغد بالتعهد وقع نواف وخرج بكفالة اسامه =============***============ جالسه على طرف السرير وهي كل شوي تمسح بدموعها .. رفعت رأسها والتقت عينها بعين اسامه وتجاهل نظراتها ولف الجهة الثانيه كان شعورها بالحرج والإحساس بالذنب يزيد بصياحها وشهقاتها و اسامه رامي نفسه على الكرسي الهزاز وعيونه بالسقف ومتمالك أعصابه وينتظر نواف دق الباب وتغطت رغد نواف وهو داخل وعينه بالأرض وباس اسامه على راسه "سامحني ياعم اني حطيتك بالموقف هذا" اسامه بضيق واشر لها.." اجلس وخلينا نتفاهم" جلس نواف ومرت لحظة صمت غطت على المكان اسامه بحزم "كم مره طلعتوا انت وياها" نواف ويفرك بيده .."هذي اول مره تركب معاي وهي مالها ذنب انا كذبت عليها وقلت سعود سمح لي ان اوصلها الجامعه .." اسامه سكت فتره وبتردد .. "طيب صار بينكم شيء" نواف بإحراج ويهز راسه ..لا ما صار الي براسك ولف وجهه الجهة الثانيه .." الله يسامحه سعود هو الي خلاني امشي بالطريق هذا وش يضره لو واقف اني املك الحين وبالعطله أتزوج.." اسامه .. "يعني انت تبيها بالحلال" نواف ويصوت كله رجاء .. "أمنية حياتي " اسامه ويناظر برغد .." رغد ها وش رايك بنواف" رغد لفت الجهة الثانيه ومن الحياء ما قدرت ترد اسامه ويكرر السؤال .."رغد وش تقولِ " نواف بابتسامه .."احم حم ما تعرف ان السكوت علامة الرضا" اسامه.." خلاص انا راح اقنع سعود وان شاء الله الملكة بأقرب وقت .. نواف ويحب رأس أسامه .."مشكور يا عم والله يساعدني وارد لك جميلك " اسامه بضحك .. " طيب لتحب راس رغد من الفرحه" نواف .. عادي ...رفع عن امتى الخطا والنسيان " اسامه بمزح .." اقول اذلف ياعنتر زمانك " =============***============ في اخر الليل وفي شقة عادل نواف الفرحه ماهي واسعته واخيرا حلم حياته تحقق وكلها كم يوم ورغد تكون ملكه وما يقدر احد يمنعه عنها عادل باستخفاف والخمر لاعب دوره ومضيع عقله "وكيف البنت عجبتك صورتها" نواف .." عز الله قمر ازين من اخوها المنتف " عادل بضحك.." بس ما اظن انها احلى من داليا عمري ما شفت مثل جمالها نواف وما هو مركز .." ومين هي هذي " عادل ويسترسل بالكلام بدون عقل .."يا غبي هذي أختك أعطتني الشغاله صورتها الي لعبت فيها على كيفي وقالت لي المكان الي تجلس فيه اختك كل يوم وحطيت الصور بملف واعطيتها تركي وقلت له يقدمي على وضيفه بشركة وحددت له الموعد وكذبت عليك وقلت ان تروك هو الي ناشر الصوره واعطيتك موعد زيارته لبيتكم نفس الموعد الي قلت لك نواف وبدا يصحا عقله وحب يستدرجه بالكلام .." وبعدين وش سويت" عادل .."اكتشفت اني سويت جميل بتركي وزجته بالمجان ورحت اتصلت على داليا وقلبت الموضوع عليه.." قام نواف ومشى خطوات ثقيله وما صار يشوف قدامه الا انتقام لعرضه والغضب اعمى بصيرته وقرب من عادل وخنقه من رقبته وضربه بكل قوته حتى سال الدم منه وغاب عن الوعي =============***============ دخل غرفة وهي ترتجف وماسكه يدا الباب بقوه وموقف نواف مر قدامها وصارت تهدي نفسها وتدعي ربها بسرها ان يفكها من شر اخوها داليا "نعم نواف تبي شيء" نواف وحز بخاطره يشوف الخوف بعيون اخته .." ادخلي ايش فيك خايفه" داليا وتسكر الباب بهدوء .." نعم نواف ايش تبي " نواف ويأشر لها .."طيب اجلسي" جلست داليا على طرف السرير وصارت تفرك أصابعها من الخوف وجلس نواف على الكرسي ألمقابلها نواف وبتردد وما هو عارف كيف يبدا بالموضوع .." داليا متى اخر مره كلمتي تركي " داليا بارتباك وإنكار .. "من زمان" نواف وحب يبدأ بالموضوع مباشره .." طيب أنتي عارفه ان تركي أنظلم مثلك " داليا رفعت حاجبها اليمين باستغراب .. "نواف ايش تقول" نواف وبهدوء حكي لداليا كل السالفه وقفت داليا ومن غير ما تتكلم طالعت بنواف بنظرات متشتتة وضايعه والصدمة الجمتها عن الكلام اخر شيء توقعته ان حتى هي شاركة بظلم تركي ومسكت راسها وشدة عليه بقوة وهي تحس الدنيا دور فيها والنور كل ماله يقل ويختفي عن عينها وما قدرت تستحمل وتقاااوم اكثر من كذا وطاحت بطولها على الأرض وغابت عن الوعي ونواف أنصدم وما عرف وش يسوي وما في امامه طريقه الا يأخذ عبايتها وغطاها فيها وصلها لأقرب مستشفى =============***============ نزل شنطته عند الباب وضرب الجرس ضربات سريعة وهو يتأمل المباني حولهم وشدته منظر الفلل المتناسقه بعضها والشجر المزروع والمصصم بطريقه تجذب الناظر له ويضحك على ماجد الي له ساعه واقف مع الليموزين وماهو راضي يعطيه الاجره كلها وكأنها مستكثرها عليه رحمه بانزعاج .."مين عند الباب " فهد بابتسامه .." حرامي " رحمه وعرفت صوته وفتحت الباب بفرح "حيا لله فهد" فهد بمزح ..."احم احم الدكتور فهد " رحمه وتتخسر .. "والله صرنا نتكبر يا فهد " فهد بغرور .. "عشا تعرفي الشهادة ماجات بلاش " ام راشد وهي جايه .." هلا بالغالي وتضمه على صدره " فهد .." يا ناس أقولكم الدكتور فهد " ام راشد بحيره وحسن نيه .. "كيف يا وليدي يعني مثل اسامه " فهد بلكاعة.. "لا اسامه دكتور جسم وانا دكتور عقل" ام راشد وتضرب بخفه .. "تتمسخر على يا ولد ناصر " ماجد وهو جاااي ..." هافهد كالعاده سبقت على الحظن قبلي " ام راشد وهي تحظنه.."ياوليدي انت الغلا كله " ماجد ويلتفت يمين وشمال .."وين حنين مااشوفها " رحمه ..."عندها صحباااتها " ماجد طيب انا داخل اشرب مويا ام راشد وتسحبه من طرف ثوبه .." وين داخل ولا حركاتك هذي ماتضيعها" =============***============ صحت من نومها ودارت عيونها بالمكان وشافت نواف واقف عند راسها وعدلت من جلستها داليا بصوت يكاد يسمع .."نواف انا وين" نواف بحنيه وهو حاط يده على راس اخته " أنتي بالمستشفى" داليا بصوت تعبان .."وش تقول انت" نواف ويمسح على شعرها.."داليا مبروك انتِ حامل" داليا بدهشه .." حامل " نواف .. ايه حامل ولك شهرين وابتسم لها .. اتصلت على تركي وخبرته بالموضوع ومسافة الطريق وهو عندك ورفع عينه على الباب وشاف تركي داخل ابتسم نواف ورتب على كتفها ..."سامحنا يا النسيب ومبروك ألبيبي.." تركي وما هو مصدق وعينه على داليا .." الله يبارك فيك... وخلينا من الماضي " استأذن نواف وخلاهم يأخذوا راحتهم طالع فيها تركي وابتسم وعجز ايش يقول بلحظة هذي او كيف يعبر عن سعادته وشعوره هذي هي داليا قدامه ولا وكمان تحمل طفل له حس ان ربي عوضه وان مابعد العسر الا يسر وشكرا ربه وحمد بسره على هالنعمه وصار يناظر فيها بنظرات تكرها داليا وتخليها تضعف وماتقدر تقاوم هالنظرات داليا نزلت عينها وصارت تلعب بطرف الشرشف .. " تركي سامحني " تركي وتقدم خطوات و ناظرها بنظرات خلت وجها يتلون من الحياء ونزلت رأسها ..وجلس بجنبها على السرير ومسك يدها وباسها.." داليا مبروك " داليا بحياء .." الله يبارك فيك " تركي وغمض عينه وماهو مصدق الي صار بلحظات .."داليا اضربي اقرصيني ابي اشوف انا بحلم ولا بعلم اخاف اكون لسه نايم .." داليا وتقرصه مع رجله وبابتسامه .. "هااااااه صدق" تركي بتوجع وضحك " ااااي اوجعتيني " وبنظره لئيمه .." هاااااه ماتبي ترجعي بيتك " =============***=========== واقف مع سعود وهو لابس ثوب ابيض وشماغ احمر وريحة العطر واصله لشارع الثاني طالعت فيه رهف وضحكت بداخلها خالد ويضربه على كتفه ويقطع كلامهم .. "أقول يالحبيب وش عندك سعودي اليوم.." وليد وبنظره قويه .. "اخاف ينقال لي ليدي " خالد .. "ليه هو في احد يتجرا يقول لك كلمه .." خالد .. "ايه الاطفال اعطيانهم وجهه زياده " وركز كلمته الاخيره على رهف انقهرت رهف وركبت مع سعود وسكرت الباب بكل قوتها وابتسم وليد ابتسامه نصر وبنفس الوقت ابتسامة اعجاب من هالبنت الصغيرها بعمرها والكبيرها بعقلها وفجأة تذكرها وتذكر الماضي وغاص باعماااقه وحمد ربه ان خالد انتشله من يغرق فيه ويفتح اوجاع قلبه خالد وينادي عليه .. "يالاخ ترانا تاخرنا على تركي " =============***============ نزلت رهف من السيارة وبرأسه ألف سؤال وسؤال عن سبب اهتمام سعود بالعائله هذي وكثرة كلام سعود عن فرح وعن العلاقه الي تربطهم مع بعض وبالنفس الوقت مستغربه من حال البيت توقعت مافي كائن بشري يرضى انه يعيش في بيت مثل هذا رفعت عينها لسقف وهي طالع بالسترنق المعدوم من اثار المطر والجدار المتهالك من من الصدع واسلاك الكهرباء المكشوفة والمعرضة لالتماس باي وقت فرح بإحراج .."تفضل حياك الله" رهف بابتسامه .." اكيد فرح" فرح .. ايه وتأشر على امها وهذي امي ام محمد رهف وتحب راس ام محمد .. هلا خالتي انا رهف أخت سعود ام محمد بطيبه .. "هلا فيك نورتي البيت يا اخت الغالي .." رهف .. "منور بوجودك " ام محمد وتقوم اتركم بروحك تاخذ راحتكم حست رهف بإحراج فرح وارتباكه وكانه هي من طبقه غير طبقتها وطينه غير طينتهم ... وحبت تزيح جدار الصمت بينهم ..وتثبت لفرح ان كلهم ابناء دم واحد ومافي فرق بينهم رهف .. ابي افهم يافرح ايش مسويه لاخوي طول الطريق وهو يمدح فيك فرح بانحراج وتمسح على رقبتها " تقصدي ايش مسوي لنا عشان امي عمرها ماصلت صلاه الا وتدعي له .." مرت الساعات وما هم حاسين بالوقت فرح حبت رهف من كل قلبها يكفى عندها انها اخت سعود سعود حبها الاول والاخير سعود المتربع بقلبها وكانه عايش فيه سنين سعود الي يوم عن يوم يزيد حبها له واعجابها فيه وبرجولته وبوقفاته مع اهلها ماكان يهمها فارق العمر الي بينهم ولا فرق الطبقات كل الي يهما كيف تكسب قلب سعود .. وتخليه ملكها .. ملكها وحدها هي وبس وصوت بداخلها يقول ان سعود مستحيل يفكر فيها وهذا الي يضايقها اكثر شيء ويعكر عليها احلامها فرح بستفسار وتفرك باصابعها.. "طيب سعود ليه ماتزوج" رهف .. "عجزنا نقنع فيه ان يتزوج وهو ماراضي " فرح سكتت وبتردد " يمكن حاط عينه على احد " رهف .. "لا هو كان يبي بنت عمي وصارت ظروف وماكتب الله نصيب" فرح بحزن .. "شكله لسه متعلق بنت عمه" رهف وتهز اكتوفها .. "احتمال " فرح وبغصة مخنوقة .." الله يوفقه ويستأهل سعود كل خير" =============***============ ماشي بممرات المستشفى بسرعة وما هو انتبه لحوله و منقهر من رحمه انها غيرت موعدها عنده وحطته عند الدكتور احمد وهو عارف الدكتور احمد ما في مريضه تجيه الا ويتغزل فيها ويضايقها بتصرفاته الطايشه انفكت خيط جزمه ومن العجله تركه من دون ما يربطه وكل شوي يتعثر فيه وفجأة صدم في رحمه بدون ما يدري وبحركة تلقائيا حط يديه وراء ظهرها ورجعها على صدره بكل قوته عشان ماطيح على الارض وتتأذى وبلحظة صارت رحمه بحظن اسامه وبين يديه وعلى صدره وبثواني معدوده ...تلاقت العيون ...واختلطت الأنفاس ....واتحدت النبضات |
"الجزء الخامس عشرا " "مــوعدا مع القدر " ماشي بممرات المستشفى بسرعة وما هو انتبه لحوله و منقهر من رحمه انها غيرت موعدها عنده وحطته عند الدكتور احمد وهو عارف الدكتور احمد ما في مريضه تجيه الا ويتغزل فيها ويضايقها بتصرفاته الطايشه انفكت خيط جزمه ومن العجله تركه من دون ما يربطه وكل شوي يتعثر فيه وفجأة صدم في رحمه بدون ما يدري وبحركة تلقائيا حط يديه الاثنين وراء ظهرها ورجعها على صدره بكل قوته عشان ماطيح على الارض وبلحظة صارت رحمه بحظن اسامه وبين يديه وعلى صدره وبثواني معدوده ...تلاقت العيون ...واختلطت الأنفاس ....واتحدت النبضات اول مره جسم اسامه يلامس جسم بنت غريبه عنه وماهي أي بنت هذي رحمه الي حرمته النوم ومعاد صار يفكر الا فيها اسامه ويبعد يده وبإحراج واضح .. اعذريني ما كان قصدي رحمه الي ضاعت بملابسها وما تدري ايش الشعور طغى عليها وما قدرت ترد عليه واكتفت بهز رأسها وخافت تفضحها دموعها وبسرعة طلعت =============***============ في بيت ام راشد نايمه على الارض تابع برنامج على التلفزيون وحاطه راسها بحضن حنين وتفكيرها شارد بهموم الدنيا ومن يوم وصلت من المستشفى وهي ساكتة ولا تتكلم ونظرات اسامه ابدا ماغابت عن عينها وضربات قلبه تحسها بكل لحظة حنين وتمسح على شعرها .. "رحمه ايش بلاك من يوم روحتي من المستشفى واحسك ماانت على بعضك.." رحمه بضيق بال .. "مافيني شيء " حنين وتستنشق بقوة .. غريبه اشم معك ريحة عطر رجال ما هي غريبه علي .." رحمه برتباك وتتلعثم بالكلام "..معقوله ..هاااه... يمكن ..." حنين بنفاخ .." رحمة ايش مخبيه عني" رحمه بعصبيه .. "ماني مخبيه شيء" حنين .."طيب ايش صار لك مع موعد اسامه" رحمه وتشيل رأسها من حضن حنين وتناظر فيها نظرات مملؤه بالقهر .. "اذا كنت تحبيني لاتجيبي اسم اسامه على لسانك.." حنين باستخفاف .." ليه تغاري عليه" رحمة بطرف خشمها .. "مانقصني غير هالاشكال" وقامت وغيرت ملابسها ورمتها بقوة بسلة الغسيل وكأنها تنتقم منها انها حتى هي ما رحمتها و مسرع ماتعلقت باسامه والفت عبيره .... =============***============ ماشي بحديقة المستشفى وشايل البالطو على كتفه .. يفكر بنفسه وبحياته وبالناس الي حوله يفكر برحمه و سبب نفورها منه وكرها له يفكر بكل المواقف الي بينهم وحاول يطلع موقف واحد يكون بصفه ويثبت حب رحمه له بس لا اسف كلها مواقف تثبت العكس .. ثبت التضاد حاول يدور مصدر هالكره ومالقى جواب الا انه ولد شوارع ولد لااصل له ولا نسب..انه يتيم ماله ام ترعاه ولا اب يحميه قطع سرحانه الصوت العالي الي نفض كل خليه بجسمه احمد ويقطع سرحانه وبصوت عالي .. بوووووو اسامه بشهقه ..." بسم الله الرحمن الرحيم من وين طلعت احمد بنص عين .." لهدرجه مفعول رحمه يسوي فيك كذا " اسامه .. "وش دخل رحمه " احمد .. "ابي افهم اذ تحبها ليه ما تخطبها" اسامه وتنهد بالم .. "ياليت السالفه تبقى عند كذا" احمد ويضربه على كتفه .."يارجال ترا الحياة ماهي كلها حب وخربيط واشياء فاضيه في اشياء اساسيه لازم تتوفر في الزوجه الي تريدها وتقترن فيها.." اسامه بنذاله ".. وش رايك اسمع هذا اللكلام مي" احمد .."صح اني مغرم بجمالها بس اني احبها و ارضاه زوجه لي وام لأطفالي مستحيل .." اسامه .. "بس تقدر تغيرها وتربيها على كيفك" احمد .."انا ماابي ازوج عشان اربي انا ابي ازوج عشان استقر واعيش حياتي ..." ومشوا مع بعض حتى دخلوا بوابة المستشفى =============***============ في المكتبه وبعالم اخر...فيصل بكتوفه العريضة والثوب الأبيض بتفصيله المغربي قدر يستولي على قلب ريم ويخليها رهينه بحبه واسيرة لقلبه..ونظرات عيونه الي مافارقت عينها وملاحقته لها بنظراته الحاده الي تسعى لشيء بداخلها وكان المره مصمم على شيء بداخله وصار ياخذ نفس الكتب الي تاخذه استغربت ريم حركته وحبت تغيضه واخدت كتاب .. لا احد يشبهني " لفردوس ابو قاسم " وكانها تقلل من نفسه وتحقر حركته ضحك فيصل بداخله ومسك كتاب " مجرد أنثى " لساره الخضير وحب يوضح لها انها ابد ماتهمه ومجرد امراءه انقهرت ريم ودارت عيونها على كتاب يسعفها ومالقت الا كتاب" "أمراءه تهفوا لمثلها القلوب " تبين له انها حلم لكثير من الشباب وكانت فرصته واخذ كتاب " فتاة ... تعجبني " من اصدار دار الوطن .." ولو شاف كتاب كتاب اجر من كذا ويعبر عن الي بقلبه كان اخذه ام ريم دارت الدنيا فيها اخر شيء توقعته انها تكون لعبه سهله لرجال ماتعرفه وماتدري ايش الي بقلبه او ايش الي ناوي عليه وماكان يخطر ببالها ان نهايه العبه تكون كذا وبسرعه حاسبت وطلعت وهي تحلف بداخها انها مستحيل ترجع لمكتبه هذي =============***============ الصباح في الجامعة..اجتمعن البنات بالكفتريا وماهن مصدقات ان داليا راح تكون في يوم ام ...وام لمين لاولد تركي اخو اريام الي كرهم يزيد يوم عن يوم والانتقام يولد من جديد لها..وبنفس الوقت منفجرات من داليا انها رفضت تسمع كلام اهلها ورضت تعيش مصيرها مع تركي الفقير الي على قد حاله بالنسبة لهم ..تركي الي حبها من كل قلبه تركي زوجها الي كان الوحيد الي وثق فيها وحسها بالامان يوم تخلى عنها اهلها ورموها بدون مايسألوا او يتأكدوا من برأتها دلال وتحط يدها تحت خدها .." ابيك تقولي لنا ياداليا من يوم ماروحتي ايش صار" .. وتميل فمها على جنب ..."و ياليت بالتفصيل الممل.." داليا بخجل .."ايش تقصدي" دلال بنص عين .." انت فاهمه ايش اقصد " داليا .. وتحكي لهم ايش صار لها من يوم ماطلعت من البيت الي ثاني يوم مع التحفظ على بعض الاشياء الخاصه دلال وتحط يدها تحت دقنها .. "والله طلع تركي يعرف الرومنسيه ساره و تفك الشال من رقبة داليا وتغمز بعينها بضحكة .." طالعي اجل اثار الرومنسية .." دلال بستفزاز .." وانا اقول وش عندها داليا لافه الشال على رقبتها بعز الحر .." داليا وتلف الشال عليها بقوة من القهر وجها تلون من الحياء.. " لو سمحتوا بلا تعليقات ماسخه.." ساره بسخريه وقحه .." انتبهي اجل لايدخلك البرد على هالصباح انقهرت داليا من وماقدرت تستحمل قلة حياء البنات وغمازاتهن وجراتهن عليها وعدم مرعاة مشاعرها واخذت اغراضها وقامت وهي تلملم بقايا دموعها دلال وتمسك يدها .. "على وين لتكوني مليتي منا " داليا .. "بالعكس كنت سخيفه يوم فضلت اني اترك المحاظره واجلس مع اشكال اشك انهم بنات اصلا .." دلال .." بلا حركات بزران مالها داعي .. واجلسي بالطيب احسن لك " ساره بحقد .. والله صار لسان دافعي فيه .." رغد وكانت ساكته طول الوقت وتكفيرها كله منصب بذلك اليوم وبنظرات عبدالله الي حرقتها ونظرت النفور الي شافتها بعيونه .." واخيرا نطقت ورمت قنبلتها ..."لو انا منك واعرف زوجي يحبني هالكثر كان استغليته وخليته يحقق لي الي ابيه.." داليا وهي تجلس .." بس تركي ماهو مقصر معاي.." دلال بنفاخ.. "سكت وبلا كذب يكفي السياره الي تفشل الي يركبها .." داليا .."بس تركي ماراح يرضى واكيد لو عنده فلوس كان غيرها .." ساره .. "ياغبيه انت الحين حامل واكيد تركي راح يحط بعيونه ..او على الاقل يقول هذا من تاثير الحمل ....وبعدين لاتنسي ان اريام اخت تركي ومستحيل تخليك على راحتك ..وراح تنغص عليك حياتك داليا بتردد .. "بس اريام ماشفت منها الا كل خير حتى استقبالها لي كان مافي شيء .. بالعكس فرحت فيني كثير..." رغد .." انا نفسي افهم انت متى تكبري عقلك وتفكينا من غباءك واريام اشطر مني ومنك وتعرف تلعبها عدل ...وعلى قول المثل تغدي فيها قبل ما تتعشى فيك .." وبدا البنات يلعبون براس داليا ويغيروا كل الي بناه تركي وفي الأخير اقتنعت بكلامهم وصمتت على حياة جديده =============***============ واقف عند سيارته ينتظر فرح وكل دقيقه يناظر بساعته ويزفر ما قدر يقاوم الي بداخله وألغى جميع مواعيده وفضل انه يكون موجود وقت زيارة فرح ....... شاف سياره سواقهم وقفت عند البيت وابتسم بداخله نزلت فرح من السياره وماتوقعت ان يكون بيت سعود بالفخامه والروعة الي تشوفه وقفت فتره تتامل بالبيوت وتمتع عيونها بالمنظر الخلاب ......انتبهت لنظرات سعود فرح بخجل .. "السلام عليكم" سعود وانشق حلقه ببتسامه عمرها ماابتسمها..." وعليكم السلام " فرح بتردد.."سعود أي فله " سعود وعيونه ماشالهن عنها وواشر بيده..." الوسطى" تابعها بنظراته وهي تمشى الى دخلت البيت وركب السياره ورجع ظهره على المرتبه بارتياح وحط يده وراء راسه يفكر فيها و ببرائتها و وبعذوبتها وعفويتها يفكر بدموعها بذاك اليوم ويردد كلامها بين قلبه....مستحيل يافرح انساك وانسى ذاك اليوم مستحيل انسى طهرك وبراءتك.... حتى شكلك وانت تصيح كان جذاب وناعم واكثر شيئ عذبني .." وتذكر شيء وعبس بوجه وتغيرت ملامحه وانتبه لنفسه .. انت وش قاعد تقول انت سعود الشامساني تحب فرح ..وينفض راسه بقوة "لا ومن قال اني احبها يمكن....." يمكن ايش ياسعود شكل المراهقه بترجع لك من جديد وضغط على المكابح السيارة بقوة وانطلق بشوارع الرياض وهو مضايق من قلبه الي طووول عمره قافله بقفال من حديد اقفال عمر ماقدر احد يحاول يفتحها او يتجرا يقرب منها وفجأة شاف بصيص من نور .. واصوات مفاتيح جاااايه =============***=========== دخلت رغد وطالعت بفرح من فوق لتحت وبظرة استحقار "انت فرح صاحبة رهف الجديده " فرح بنظرة منكسره ..ايه انا فرح " رغد وتأشر بيدها بطريقه استحقار ... تفضلي قدامك مجلس الضيوف ........واخذت التلفون واتصلت بدلال دلال وترفع السماعه وبدون نفس .. نعم " رغد وبدون مقدمات..دلال تعال عندي عندي لك مفاجئة دلال .. "وش هالمفاجئه " رغد .. "ابيك تشوفي صديقة رهف الي علتنا فيها وبصراحه انا ماارضى ان اختي تصاحب وحده مثل كذا وابي اضايقها واطفشها لين ماتحرم تدخل هالبيت مره ثانيه .." دلال .. اصلا اختك وجهها وجه فقر مالقت احد تصاحبه غير هذي رغد وترفع عيونها دور رهف ..."ما هو وقت الكلام الحين .. تعالي قبل ماتزل رهف عندها وتفضحنا بلسانها الطويل فرح وعيونها جمعت فيها الدموع وهي تسمع كل كلمه قيلت بحقها من اول زياره لها .. تندمت على هالخطوه الجديده الي تقدمتها وتندمت انها ماسمعت نصيحة امها وراعت الفوارق الي بينهم قطع تفكيرها دخول رغد ودلال عليها دلال وتاشر بيدها من بعيد .. "هاااي " فرح وانحرجت من وقفتها الي ماعبرتها فيها دلال وبصوت مخنوق " السلام عليكم " رهف وهي داخله وطالع بدلال وبرغد بنظرات حاقده وسمعت الكلام الي اندار بينها وبين رغد .. لو سمحتي رغد ودلال انا ابي اخذ راحتي مع فرح وياليت تشوفن لكن مكان ثاني .." =============***============ فاتحة الكتاب وتحفظ المقرر وترفع راسها وتسترجع الكلام الي حفظته وماسكه القلم ترسم خطوط تحت الكلام المهم وبين دقيقه ..ودقيقه تزفر وتعد الصفحات وتشوف متى تنتهي جاءت داليا وطالعت باريام وكلام البنات ينعاد براسها وتحط رجل على رجل ..."لو سمحتي اريام العشاء جاهز" اريام وبنص عين .. "شغالة ابوك وانا ماني عارفه" داليا وتمسح على بطنها .." للأسف عمة ولدي" وابتسمت يوم شافت تركي داخل تركي .. "يسعد مساء الورد ياطيب ورد الروح ...وان تجملت بالرد لك باب القلب مفتوح.." داليا بدلع وتميل راسها على جنب بدلال .." كله لي... ولا في احد يشاركني فيه " تركي واندارت عينه بين اخته وزوجته .. "اكيد كلكم اغلى مافي دنيتي كلها .." ويحط يده على كتف داليا ويمسكها مع دقنها ويبوس جبهتها قدام اريام بلا خجل ولا حياء .. "رويتي ظمئ الجروح خليتي قلبي بحبك يبوح ولي هجرتيني بذمتك وين أروح.." داليا بحياء واضح .." تركي وبعدين معاك " تركي " ها ياقلبي شخبار ولي العهد .." داليا وتحط يدها على بطنها وتتظاهر بالتعب .." متعبني كثير" تركي ويفسخ شماغه ويرميه على الكنب .." اكيد مثل ماامه متعبه ابوه اكيد الولد بياخذ حقي منك .." داليا وتغير الموضوع .." تركي حبيبي شرايك نطلع برا نغير جوا ومنها نتعشى بمطعم .." تركي .. "ليه ماسويتوا عشاء.." داليا .. تعرف الحمل متعبي واريام ماهي راضيه تطبخ.." تركي ويعبس وجهه .." اريام ليه ماجهزتي العشاء" اريام بطولة بال .. انا كل يوم اسوي العشاء واليوم ماقدرت عندي اختبار ولسه ماختمت الماده.." تركي.."طيب كان خبرتيني بدري على الاقل اجيب عشاء وانا جاي " داليا خلاص تركي اصلا انا مااحب طبخ اريام خلينا نتعشى برا تركي ويناظر الساعه .."طيب يللا خمس دقائق واشوفكن جاهزات داليا وترفع حاجبها .. ليه ماراح نروح بروحنا تركي تلقائيا .." اكيد راح تشاركنا الغاليه اريامي" داليا بزعل وغيره واضحه .." ياسلام كل مانروح مكان غير تاخذها معنا ... وتزفر بقهر ..."وش الحياة هذي .." تركي باحراج .. "صعبه تبقى بروحها " داليا .."عادي ماهي صغيره عشان تخاف عليها وتحط رجل على رجل .. "خلاص روحه ماني رايحه وتعشى وانت والغاليه اريامي" طالع تركي باريام وكانه يترجاااه تحل الموضوع .." اريام وفهمت نظرات اخوها وتقفل الكتاب وتقوم "خذ راحتك تركي انا مقدر اروح لاني لسه ماختمت الماده ..." =============***============ يوم الخميس كان يوم مميز بالنسبة رحمة واهلها قرر ابو ماجد انه يكشت برا الرياض يغير جوا ومنها يبسط امه الي انحرمت من طلعات البر وماغير محشوره بها البيت.. وخلى الكشته عائليه ومافيها احد غير عائلة الشماساني لان بقرابة النسب الي بينهم ... وكان يطمح ان المياه ترجع لمجاريها... والقلوب ترجع لبعضها ولا يخسر نسب الشامساني رحمه وتشيل الأغراض وتنادي بصوت عالي .. "يللا حنين لاتاخرنينا.." حنين وتلبس العباءه . "وش عليك مني انا راح اركب مع ابوي رحمه .. "ياسلام وانا مين يركب معاي " حنين "تكفيك ام راشد ".. وبنظره حاده .. "أظنها تكفي وتوفي " رحمه برجاء.. "الله يسعدك اركبي تونسيني في الطريق واذا على فهد عااادي اخوك ماجد معاااه وماراح يأكلك.." حنين .. لا يا قلبي فهد مشهور بعيونه الطويلة.." وماني ناقصة وجع راس " في المقابل كان خالد واقف بسيارته ينتظر حنين تطلع وكان خايف انها دوس على قلبه وتركب مع فهد وقتها البركين الي بداخله بتنفجر وماراح يرحمها وبيفضحها في الدنيا كلها وارتسمت على شفايفه ابتسامه عريضه وهو يشوفها تركب مع ابوها ورفع عينه لشباك وشاف وليد يضرب عليه بقوة خالد وينزل الشباك .. خير يالاخ أشوف هالايام ماعندي شغله غير وليد .." وليد .." قول من الاول انك بتخلى الجو مع ست الحسن والدلال " خالد.." مايهمك وخليني اريحك مافي غير بنات اخواني .. وبخلع عيونك لو تبصبص عليهن " وليد وهو يركب من الجهة الثانية .. "عااادي يمكن وحده تعجبني واتزوجها واريحكم منها ..." خالد وتذكر شيء .. "ايه صح فيه وحده اسمها رحمه يمكن انها تربيك عن حركاتك وتعلمك كيف تحترم بنات الناس " وليد وسكت فتره وباستغراب .. ايش رحمه .. مين هذي .." خالد .. هذي بنت ابو راشد بالتبني .. ولا تحط عينك عليها تراها محجوزه من الحين لااسامه =============***============ خارج الرياض وبين شموخ الجبال ورمال الصحراء..وتحت ضلال الأشجار اجتمعن الحريم جالسات مع بعض وأصواتهن طالعه ام سعود وام نواف ونادية زوجة ابو ماجد الثانيه وام راشد الي مغطيه المكان بتعليقاتها ام سعود .." الله يخليه اسامه امس مكلم سعود عن نواف ومسرع ما اقتنع ورضا ان الملكه تكون بعد الاختبارات " ام نواف بسعاده .. "والله ماتدري قد ايش فرحت نواف ..الولد تعب وهو ينتظر البنت .." ام سعود .. "والله ماني متخيله ان رغد تتزوج وراح تبعد عني احسها توها على المسؤليه .." ام راشد بصوت عالي .. "وش توها على المسؤليه البنت عنست وانت تقولي صغيرها ... الله يرحم زمان اول الي البنت اذا جاء خمسة عشرا وهي ما تزوجت تكون عانس " رهف وهي تفرد بجلستها ومستمتعه بكلام الحريم .. وتشهق "يعني انا الحين عانس" ام سعود وتغمز بعيونها .. "عيب يابنت وش هالكلام " ام راشد وتنهد بحسره .. ايه يابنتي زمان اول تحول ابو راشد تزوجني وانا لي12 سنه ومع هذا كنت اطبخ وانظف ومافي حرمه تجي مثلي بصنعتها وشطارتها .." ناديه .."الله يهديك ياعمه هذا زمان اول .. والحين عندنا البنت تخلص العشرين وهي ماتعرف تسوي كاسة شاي .." ام راشد.." وش له الدلع .. العتب على الام بكره اذا تزوجت وش تسوي لجاء زوجها ضيوف " رهف وتتجاهل نظرات امها .. "صح انا مااعرف اسوي شيء اخاف محد يرضى في بعدين .." ام راشد بحده .." تعلمي وماحد يطلع من بطن امه متعلم " رهف .. "طيب ياخاله انا بكره اجيك وابيك تعلميني الطبخ ام راشد .. تعالي والله وراح اكلمك القرصان والجريش وكمان والمرقوق ام سعود .. "هذا الي ناااقص اجل ليش الطباخه جايه " ام راشد .. "وش عرف الاجانب بها الاكل ..الطبخه مايعدلها غير اهلها وخلي البنت تتعلم لها شغله مفيده .." رهف خلاص انا بكره جااايه ولا تسوي شيء غير اكون فيه وطالع بطرف شيلتها باستغراب "وش هذا ياخاله " ام راشد وتمسك المفتاح المربوط بطرف شيلتها .." وش شايفه مفتاح بيتي .. اخاف يضيع عشان كذا ربطته .." رهف وتفك الميدالية المربوطه بشنطتها وتاخذ المفتاح من ام راشد وتعلقه بالميداليه .." ام راشد .."وش سويتي" .. وتاخذا الميداليه وتربطها بطرف شيلتها رهف فتحت عيونها .. "اجل ليش اعطيتك المداليه ماهو عشان تفكي المفتاح من الشيله.." ام راشد .. "ولو ضاع المفتاح مين ينومي عنده اليوم " وعند البنات ريم الي مارضت الا غير تروح مع خوالها ومنها تبي تسوق السياره وتتعلم على السواقه بشطاره..اتفقن البنات كل وحده دبر لها مفتاح ويروحوا بعيد عن الرجال رحمه ماكان امامها غير فهد الوحيد الي تقدر عليه ويمكن هو الرجال الوحيد القريب لقلبها وتقدر تتكلم معه بلا تكلفه رحمه برجاء .." الله يخليك هات مفتاح سيارتك " فهد.." لا المفتاح ماهو معااااي واشرا بإصبعه على اسامه " خذيه منه" رحمه وعبست وجها.."وش دخل اسامه بسيارتك .." اسامه وبجمود .." كان عارف انك راح تطلبيها منه واعطاني المفتاح .." رحمة برجاء.. الله يسعدك فهد كل وحده حصلت لها مفتاح غيري فهد ..امممم اسامه وش رايك اسامه ويهز راسه .. "ماعندنا بنات متمردات على القانون" رحمه وطالع بااسامه بنظرات رجاء .." اسامه الله يسعدك زمااان ماركبت السياره وخليني اتحدى البنات .. اسامه واخيرا قدر يلين راس رحمه اخيرا رحمه نطقت اسمه وماحب يظهر فرحته وبحده.." وش رايك يافهد " |
فهد .. "الراي معاك ياطويل العمر " اسامه وماقدر يستحمل وضحك ورمي المفتاح على فهد .. "اجل لا تنكبني برحمه .." رحمه يوم انتبهت لعبه الي بينهن عصبت وانقهرت من فهد .. طيب يافهود صرت لعبه بيدك .. خلاص من زين سيارتك ماابيها اسامه استغرب رده فعلها وحس بشعور غريب اول مره يشوف رحمه بالسعاده هذي والراحه الي فيها وبنغزه اوجعت قلبه ان يكون فهد هو سبب الراحه الي فيها والسعاده الي يشوفها واول مره يحس بالغيره على رحمه يحس ان رحمه ملكه وحده ومايرضى ان احد يشاركها فيه ومن مين يغار من فهد الي اخر واحد يتوقع انه له علاقه برحمه وصحا من شروده على ضحكة فهد فهد .."طيب الجائزه علي واطلبي الي تبيه" رحمه بتفكير .." امممم لو فزت ابي لاب توب " فهد ..."افففف مره وحده لاب توب لاهذي كبيره شوي اسامه بجدية .." اول فوزي وبعدين اطلبي" حنين بحياء ومن بعيد .. الله يسعدك يافهد اعطيها المفتاح ولا تاخرنا فهد وانتبه لحنين .. ويرمي عليها المفتاح بإحراج... اسف اخرناااكم اسامه بقى ساكت ويحلل براسه كل كلمه قالتها رحمه فهد ونبهمن شروده "وش بلاك " اسامه .. غريب رحمه تعرف للكمبيوتر وهي ماهي متعلمه فهد انا كنت مثلك ومستغرب .. ويوم سألتها قالت انها يوم كانت منومه بالمستشفى تعرفت على دكتوره وعلمتها استخدام الكبيوتر اسامه وحس انه ابدا ماهو مقتنع بالكلام ..دكتوره .. وبستخفاف وبين نفسه ولا دكتور كل شيء جايز عند رحمه .... =============***=========== جالس بعيد ومأكل فهد بنظراته وحس انه مافي فرق بينه وبين فهد الي خلي حنين تتعلق فيه وتفضله عليه ومجرد متخيل ان فهد بيوم من الايام يكون زوج حنين حس بغيره وقهر ونار اشتعلت بصدره لمحها من بعيد واقفه مع فهد ولا هي معبرته ولا مهتمه بوجوده قام وماهو شايف بطريقه شيء خالد بقسوه وعيونه يتطاير منها الشرر.. "حنين وش عندك واقفه مع الرجال" حنين وهي ماشيه .." لو سمحت لا ترفع صوتك علي" خالد ويسحبها من يدها .." حر ارفع صوتي عليك واكسر راسك كمان.." حنين بغيض.. "هذا وان حصل لك الشرف تمسك راسي.." خالد وحط اصبعه على راسها وبصوت كله تهديد .. "سمعي ياحنين الي براسك مستحيل تحصليه ...وراح تكوني معلقه طول عمرك .." حنين بصوت استخفاف .. الي ماتقدر تسويه بيدك وصله برجولك ريم وهي تصارخ على اسامه وتترجاه بطريقه ثانيه يعطيها المفتااااح ريم بصوت يفقع الاذان " ..ياسلام لو رحمه اعطيتها المفتاح وبدون ماتسالها..." اسامه باحراج وحب يغيضها .. "هذي رحمه ما هو ريم " ريم .."اقولك تعطيني المفتاح غصب عن خشمك " خالد وياشر بمفتاحه .."طيب خذي مفتاح سيارتي " ريم وتاخذ المفتاح .. "سيارتك ابعطيها حنين.." خالد .."ليه حنين تعرف تسوق " ريم بسخريه .. "زوجتك وماتعرف عنها شيء" وطالع باسامه بغضب وعيونها تشتعل نااار رحمه اخذت سيارة فهد وحنين تركب سيارة خالد "وانت لاتاخرني هات المفتاح" اسامه باستسلام .. خذيها وياوليك لو ماترجعيها لي سليمه =============***=========== جالسات بعيدات عن بعض وكل وحده معطيه ظهرها لثانيه رغد بملل.. "ياليت ساره ولا داليا معانا " دلال وبحاجب مرفوع .. "ليه انا ماني ماليه عينك " رغد .. "انا مااقصد كذا . وطالعت فيها بغيض ..."وش فيك كل ما اقول كلمه تعلقي عليها" دلال .."مدري ليه احس وليد اليوم ماهو طبيعي ..احس بعيونه شيء رغد وتقاطعها .."ليكون الحاسه السادسه اشتغلت عندك " دلال بضيق .."بلا خفه دم مالها داعي " رغد ..ياقلبي انا اشوف وليد مافيه شيء حتى طالعي وتأشر بيدها على وليد وهو يلعب كوره دلال وتجلس جنبها وتقلب الموضوع عليها انا الي نفسي افهم وش صار لك.. من يوم مامسكتك الهيئه مع نواف وانت بس سرحانه .." رغد وسرحت شوي وتهز راسها .. "مافيني شيء " دلال وتحط عينها بعينها ... "كذابه .. ومليون كذابه " رغد وكانت محتاجه انها تفضفض .. "تذكري عبدالله ولد جارنا" دلال .. "ليكون ذاك المطوع " رغد بضيق .." ايه هو ماغيره " دلال بشهقه .. "لا تقولي هو الي ماسك " رغد .." ايه الله يفضحه مثل ما فضحني " دلال .. شكلك لسه متعلقه فيه ومانستيه .." رغد .. لا هذا الي ناقص افكر بمطاااوعه " دلال .. "ليه ولأنه يوم التزم تخلى عنك ونسى كل حبه .." رغد .. "لا ياعيوني انا الي تركته وتخليت عنه ولا هو يحصل له الشرف بوحده مثلي وبعدين انا ماتخليت عنها الا بعد ما شفته كيف متشدد على اخواته وحارمنهن من كل شيء لااسواق ولا مطاعم حتى الحدائق مانعهن عنها وفوق هذا تبيني احرم نفسي بهجة الدنيا واعيش حياة زهد وتقشف مالها داعي دلال وبنظره ماكره .. طيب مين الي مستولي على قلبك اكثر وحسيتي انك حبتيه من اعماق قلبك نواف ولا عبد الله .." رغد بعصبيه .. "ايش جاب لجاب نواف حياتي كلها .. ولا ذاك المتزمت مايهمني ولايحرك في شعره وبالعكس صرت اكره المطاوعه اكثر من قبل واحسهم هم اصحاب المصائب =============***=========== وقف خالد مع رغد ودلال وحب يغيض حنين ويحرق قلبها مثل ماحرقت قلبه ودمرت حلمه الي رسمه بلحظة سعاده وامل بحياة جديده عمره ماحلم فيها ... خالد .."شخبار ساره" دلال .." توك تسال عنها ... اكيد زعلانه " خالد وعيونه على ملامح حنين .. "عاد كلش ولا زعل ساره وش بلاها ..." دلال بفرح ممزوج باستغراب .." يعني ساره تهمك" خالد وانقهر من برود حنين .. "اذا ساره ماتهمني مين يهمني اجل" رغد وترفع حاجبها .. "طيب اذا تهمك اخطبها قيل ماطير منك" خالد باستفزاز ..."وهذا الي ناوي عليه ابيك تشوفي رايها لاني ناوي اخطبها باقرب فرصه .." حنين وتغيرت ملامح وجها وانحبست الدموع بعينها وطالعت بخالد بخالد برجاء انه مايتقدم على الخطوة هذي الي راح دمرها بكامل خالد وحس بالنصر وتجاهل وجود حنين ويكمل كلامه .."عمري بحياتي ماحبيت انسانه مثلها ولاعمري راح احب غيرها وركز نظره على حنين وكانه يقول ..."وياليتك تفهمي الي بقلبي" شاف اخته جالسه وتلعب بطرف رجلها بالرمل .. وباين انها سرحانه وشايله من هموم الدنيا ماتعجز عنه الجبال .." ماجد بهدوء .. "حنين وش بلاك " حنين بغصه وصارعت الابتسامة ... "مافيني شيء .. وتتكابر.. ليه مستغرب العقل الي ناط علي .." ماجد ويجلس مقابلها وبلا مقدمات .. "امي كلمتني عنك وماجيت الرياض الا على حسابك .." حنين وتنهدت بالم .. "فيك الخير ياماجد " ماجد .."خبريني وش الي صار وخلاكم تفترقوا عن بعض حنين وتلف وجها الجهة الثانيه والدموع غطت وجها وبصوت مخنوق ومتقطع .. تبي تعرف ليه افترقنا .. سكت فتره وكانت تبي تقول وبصوت عالي يسمعها اهل الكون لاني ماني حلوه ..لاني مافي ذره جاذبيه ..لانه ماهو من مقام خالد ... خالد الشامساني الي بزمن كان هو الي محتاج لي محتاج لاانسانه تنتشله من ماضيه وتنسيه ذكرياته ... ويوم ربي فتح له الدنيا وشاف النور بحياته انصدم من شكلي ونساني ونسى الحب بذاته خالد يبي وحده تغريه بجمالها وحده.. يفتخر فيها يوم يقول هذي زوجتي حنين وبعد طول صمت وتمسح دمعتها .." لان الله ما كتب الحب بقلوبنا .." ماجد وحصد نتائج تربية اهله شاف قدامه اخته حنين الي انحرمت من كل شيء بحياتها انحرمت من حنان وعطفها امها الي دائما تفضلها على رنيم وكانها ماهي بنتها .. حنين الي صارت كتله من الاحزان مهما كابرت وتظاهرت تبقى مكشوفه لاقرب الناس لها ماجد وكان عارف نقطة ضعف حنين .. حنين الرجال اذا حب الحرمه عمره مايحبها على جمالها تعرفي ليه لان الله هو الي يضع الحب ماهو انت ولا هو والقبول توفيق من ربنا ولاتنسى ان كل شيء قسمة ونصيب واذا على خالد اصبري لين مااجمع الفلوس وارجعها له حنين .. وابوي ليه مايدفع الفلوس الي اخذها ...واصلا ماله أي وجهه حق ياخذها .." ماجد .. ابوي الله يهديه يقول ماعندي بنات يرفضن الرجال وموصيني اني اقولك انك تخلي الدلع وتراضي خالد .. ويحذرك انه ماراح يرجع لخالد ريال واحد حنين كانت تبي تصرخ وتقول .. بس خالد هو الي مايباني هو الي قرف من شكلي وتركني انسانه بلا قلب انسانه محطمه معدومه من المشاعر والاحسايس انسانه تمنت بزمن انها تعيش حياة ملئة بالحب والحنان بس القدر دائما ضدها ... وبصوت هادي .."بس انا مااحبه ولا ابيه ولاتغصبوني على شيء ماابيه.." ماجد وهو قائم .. "ادعي ان الله يرزقك برجال يقدر يدفع لخالد كل فلوسه ويعوضك ويكون افضل منه .." =============***=========== وقفت سيارتها وهي تلتفت يمين وشمال دور سيارة حنين او ريم وانقهرت يوم ماشافت لهن أي اثر وطالعت براءة دانه الي اصرت غير تركب معاها رحمه وبابتسامه .."ها دانه شفتي كيف ربنا وفقنا لانا من يوم ماركبنا قلنا يارب ساعدنا .." دانه ببراءه اطفال .. "أي واحد دعينا " رحمه وفتحت عينها على الأخر وباستغراب .. "مافي غير رب واحد دئما ندعيه ونلجا له ..." دانه وتعد بأصابعها ..."لا خطا فيه ..الاب.. والابن ..وروح القدس"...<تعالى الله عن ذلك > رحمه بشهقه .. "دانه مين معلمك هذا الكلام" دانه .. "هذي ريتا كل يوم تقولي كذا" وتذكرت شيء واشرت على صدرها علامة تعضيم النصارى لصليب وكمان علمتني هذي نزلت رحمه من السياره وشالت دانه وهي مصممه على قرار داخلي بنفسها .. وعلى هدف رسمته بلحظه ودعت ربها بسرها انه يسرا لها تحقيقه =============***=========== بعد انطلاق السيارات الثلاثه انطلقت رحمه وحنين وريم رحمه كانت الأولى بلا منافس وحنين من اول ماتحركت غرز سيارته وبسرعة نزلت وما كان لها نفس انها تركب سيارة خالد ومرت على خالد ورمت المفتاح عليه بصوره استفزت خالد وريم تمشي بطى والخوف مالي قلبها وفي الجهة الثانيه كان الشباب مجتمعين فوق الجبل يراقبوا التسابق وليد من فوق الجبل ويطالع برحمه باعجاب .."والله البنت ماهي هينه خالد ..هذوا الشماليات قدها وقدود .." وليد ومركز عينه على رحمه .. "يعني من بنات ديرتي" خالد ويضربه على كتفه .. "يوووه نسينا ان الاخ شمالي" اسامه والتفت بسرعه وبدهشة .. "ليه انت من اهل الشمال" وليد وبظرات مافارقت رحمه.." ايه من اهل الشمال وعشت اغلب حياتي فيها..." وبدون مايحس بنفسه نزل من الجبل واتجه لرحمه |
الجزء السادس عشـ 16 ـرا " أحداث سريعة مروا بها أبطالنا رحمه .. بين صمود وانكسار لازلت تعاني الم الماضي وقسوة الحاضر .. حنين ..مهما كابرت من داخل يبقى حب خالد هو المسيطر عليها أسامه ..عاشق بصمت وفضل العزله بعد معرفه الجميع بحبه لرحمه خالد ..صارع داخلي لأغلى حب عاشه.. فهد ..لا جديد بحياته الا انه قرر ان يعيش بعيد عن بيت ابو ماجد رغم إصرار ابو ماجد وإصرار جدته الا انه فضل الوحدة ماجد ..انتهى دوره بهذا الجزء وعااااد الى الشمال وليد .. نيران الحقد ملت قلبه على أسامه الي وقف عقبه بطريقه ومنعه انه يشبع فضوله او يلعب اللعيبه ريم .. باصرار وعزيمه تحاول ان تطهر قلبها من الأعيب الشيطان .. ونسيان عشيق المكتبة سعود.. صارع بين العقل والقلب ولابد لا احد ان ينتص "دنــــــــــــيـا غـــــــــــريـبـة" (1) على غروب الشمس ووداعها ليوم سجل بسجل ابن ادم ولن يعود ابدا وفي بيت من بيوت الرياض بيت تتعانق به الأرواح وتالف القلوب للقاء أحبابه ولكن تبقى الأعاصير تعصف به وتحاااول ان تزلزل كيااانه وتسحق افراحه وتبدل ايامه ...وهل بيوم يبقى على شموخه في بيت ام راشد ام راشد جالسه تخيط بدراعه من درعاااتها وكل دقيقه ودقيقه تنادي رحمه تحط الخيط بالابره ... ورحمه يدها على قلبها وهي تشوف حنين تنهي المكالمة حنين وتسكر السماعه وطالعت برحمه بابتسامه حنين.."ها ياشيخه أعطينا الناس موعد .. وما عندهم أي إشكال انك تكلمي ريتا وتبدى معاها مشوارك " رحمه بارتياح .." الحمد الله " ورفعت يدها لسماء .."يارب تيسر لي دربي.." وقامت وجهزت الكتب الي أوصت فهد يجيبها من مكتب شعبة وتوعية الجاليات وغلفت الهدية الي اشترتها تالف فيها قلبها .. وهي رافعه شعارها وسارده حديث الرسول امامها " لان يهدي الله بك رجلا خير لك من حمر النعم " لحقتها حنين وحطت يدها وراء ظهرها .." أول مره أشوفك بالسعادة هذي رحمه وتلتفت عليها وبادلتها الابتسامة.." لأني أول مره أحس إني عندي هدف وهذا الهدف يخدم ديني ويقربني لربي " حنين ..بس ما تخافي انك تكوني على ذنب وتدعي لربك وان غرقانةبالذنوب وما انت اهل لدعوه" رحمه .." صح إني ماني ملتزمة وفيني من الذنوب ماله عالم فيها بس الدعوة الى الله ما هي حكر لا احد ... الدعوة مسؤولية الجميع واذا احنا بنات الحرمين الشرفيين ما خدمنا دينا ونصرناه مين يخدمه اجل.." حنين ..ما كثر الله غير من أهل الخير .. كان على الاقل طلبت من احد يتولى دعوتها او .............. رحمه وتقاطعها .. وليه ما هو انا الي اكسب الأجر وأضفر بالخير ... وكل الشغله كتيبات ماتجي قيمتهن ريالين .." وسكت فتره وتملت الغروب مع الشباك الي خلاني اتحمس لامر ديني همة الكفار بدينهم شوفي ريتا على انها بلد إسلامي الا إنها زرعت معتقداتها با أطفالنا شوفي حال المسلمين بعد ما اعرضوا عن نهج رسول لنا في كل مكان مصاب فلسطين العراق .. أفغانستان الشيشان والحين الصومال ولبنان والله العالم أمريكيا وش ناويه عليه بعد حنين وتربت على كتفها .. الله يوفقك بهمتك واذا احتجتي شيء انا بالخدمه =============***=========== جالسات بعيدات عن بعض والي بقلوبهن ابعد وابعد اريام بعقلها الراجح تحاول انها تتجاهل وجود داليا الي تخلق المشاكل من الهواء وداليا الغيره أكلت قلبها وهي تشوف اريام تنافسها بحبها وبقلبها الي ملكه تركي وهي تشوف الجو الاخوي بين الاثنين وكل ماسمعت ضحكهم تحسفت على أخوها الضائع الي اذا مااذاها مانفعها قامت داليا وبحركه استفزازيه تغير عن البرنامج المتابعة له اريام اريام بطولة بال .. "هيه أنت ما تشوفيني اتابع " داليا .. وانا ابي اتابع الي ابيه... وبنص عين .." ولا عندك مانع " اريام وطالع بستار أكاديمي .. "وش لك بالخربيط هذي ..ناااس ماهي عارفه وش تقدم" داليا بغيض.. "على الأقل أفضل من سوالف الرجال الي حاطه عليها " اريام وتقوم وتغير ..." تركي لو شافك حاااطه على هالبرنامج بيفضحك وزين وقتها ماكسر راسك .." داليا .. "لا ياقلبي بيكسر راسك انت ولا انا بنت ابو نواف له الشرف انه اخذني" اريام وتجلس.. "يازينك وانت ساكته وفكينا من شرك يابنت الحلال .." داليا بغيض .. "ابفهم انت من وين تجبي هالحقاره والنذاله لتكوني ورثتها من احد من اهلك وعلى قولتهم العرق دساس .." اريام ومتمالكة أعصابها وبصوت عالي .." احترمي نفسك وتراك لو زودتيها شوي ...لاخبر تركي يتفاهم معاك " داليا وترفع يدها بوجهه اريام وتحرك الخاتم بإصبعها .."تركي مثل هالخاتم " اريام بنفور .."تراك ما عرفتي تركي زين داليا بروده .. "لا ياقلبي اعرف تركي زين .. يكفي انه لو حب يحب بجنون" اريام تغيضها .. "ايه اذكره يوم كان يحب لميس كيف كان مجنون فيها" داليا انقهرت وعرفت اريام نقطة ضعفها حب تركي السابق.. وانفجرت من داخلها على اريام وعرفت كيف توجعها وكيف ترد لها الصاع صاعين .. واقتنعت بكلام البنات ان اريام عقبه بطريق سعادتها وصممت انها تتغدى فيها قبل ماتتعشى فيها تركي بابتسامه وهو داخل ويقطع كلامهن .."وش عند الحلوين مجتمعين" اريام .. "طيب سلم اول " تركي بصوت جهوري ..." السلام عليكم ورحمة الله وبركاته " اريام .."هااا سددت فاتوره الانترنت " تركي ..ايه وش اسوي كل شهر ادفع خمسمائة ريال لخاطر هالعين " ويحط اصبعه بين عيون اخته ... اريام .."انت مضيع راتبك مضيعه خليني استفيد منه على الاقل " تركي ويقاطعها ويضرب جبهته ... "يووووه نسيت وليد عند الباب ... " وينادي بصوت عالي .."وليد ادخل قدامك مجلس الرجال ...ويناظر باريام "اريامي وليد مشتاق لطبخك ... ونفسه بمكرونه ايطاليه..." اريام وابتسمت وحست انها فقدت هالجوا.. فقدت تعليقات وليد.. وضحكات تركي .. فقدت انسان كان بمجرد سماع صوته يقدر يقلب حالها ويدخل الفرحه لقلبها وحبت تروح عن نفسها وتنسى وليد الي من يوم ماحبته وهي بصارع داخلي ومثل مايعتبرها اخته هي راح تحاول قدر المستطاع انها تعتبره اخوها اريام .."لا ياسلام عشان بعد ما يأكل ويملي بطنه يسبني ويسب أكلي هذي ما تعرف تطبخ .. وش هالا كل ترانا بشر ...يا حسره على الي يضيع عمره مع اريام "....وطالع بنص عين بتركي .." تراني مانسيت.." تركي ويضحك بصوت عالي .."لا هالمره حالف انه يأكل وينطم" اريام.." ما هي اول مره يحلف كل مره يسويها" تركي و يصارخ على وليد ... "هاااا وليد تأكل وتنطم " وليد بضحكة قويه ..."ايه واذا تبني أنظف لها الصحون ماعندي مانع" اريام وتضحك وتدخل المطبخ ..." نسويلكم مكرونه ايطاليه ولو تبوا اسبانيه بعد " تركي وانتبه لداليا ويحط يده على كتفها ..."ياقلبي وش عندك ساااكته " داليا والغيره ملت قلبها على اريام .."اسأل نفسك" تركي بحيره .. "ماظن اني اخطيت بحقك شيء " داليا وطالع فيه من فوق لتحت وبصوت استخفاف طلع منها ودخلت غرفتها وسكرت الباب ورها بكل قوتها تركي ويطالع باريام بحيره وعلامات استفهام تلوح حوله ..." وش بلاها " اريام وتهز اكتوفها .."مدري روح شوفها " لحقها تركي واستأذن عليها ودخل =============***=========== كان يدور بالكرسي وعيونه في السقف وما هو حاس باللي حوله .. وهو يسترجع ذكريات يوم الخميس .. يتذكر غباءه وسذاجته يتذكر النار الي اشتعلت بقلبه يوم جن جنونه بس مجرد ذكر وليد اسم رحمه وكيف قدر يلفت انظار الكل حوله ..كيف خلى قلبه مكشوف لجميع غمض عيونه بقوه وهو منقهر كيف ماقدر يتمالك نفسه وقدر بلحظه يكشف الي بداخله ويطلع الي بقلبه ضرب اسامه ايده على الطاوله بالقوه وكان حاس بقهر وغصه في داخله وطاقه نفسه يفرغها باي شخص قدامه ... حط يده على راسه وهو يمر ذكريات الخميس قدامه اسامه بغيره.. "وين الاخ رايح ترا بنات الناس ماهي لعبه لك " وليد وطالع فيه من فوق وتحت ولا إعطاءه أي اهتمام وكمل طريقه اسامه .."وليد البنت ماهي من البنات الضيعات الي دورهن " وليد .. "وانت وش دراك يمكن البنت لها ناس مخصصين تعرف كيف تكسبهم وتقلب على الوجهه الثاني " اسامه وانفجر و ما قدر يستحمل ان احد يمس رحمه بشيء .." وليد احترم نفسك .. ولا تجيب سيرة البنت لا بخير ولا بشر " وليد.." سمعوا مين يتكلم ... ويطالع بخالد .. "صح نسينا ان الحبيب يغار" اسامه ويمسكه من طرف ثوبه ويقربه لوجهه .." تبني اعلمك كيف اغار " وليد وينزع نفسه .. "انت قدام ماتمد يدك اعرف تمدها على مين والله لولا احترامي لخالد لكان عرفت ارد على الأشكال الواطيه مثلك " نفض رأسه بقوه وهو يشوف الشماتة بعيون وليد وكأنه يقرا بعيونه الازدراء وبعيون غيره الرحمة والشفقة على حاله رفع رأسه لسماء ودعاء ربه ان كان حب رحمه شر له انه يخلصه منه وان كان فيها خير انه يسرها له ويعجل له فيها =============***=========== جالسه تقرا بالمجله وكل دقيقة تأخذا لها رشفه من القهوة التركية وعينها بين المجلة والتلفزيون استوقفها مقطع لفلم يعرض حفل زواج ..مقطع فلم به زوجين مقابلين بعض وعلى رغم انه تمثيل إلا ان أصحابه..متقنين الدور والابتسامة راسميها على وجهيهم ببراعة طاحت دمعتها وامتزجت بصفحة المجلة وغطت كلمة قاتل ألأحلام كتمت شهقاتها بيدها بقوه وهي تتذكر أنها بيوم كانت اسعد مخلوقه بالدنيا أنها بيوم كانت حلم لكثير من الشباب... يوم كانت الكل يتمنى منها ابتسامة وحده ...او يتمنى همسه من صوتها وصرخت صرخة مكتومة من أعماق قلبها وهي تهدي النار بداخلها "بس هو من حطمني .. هو من قضى على فرحتي هو من تركني بلا احلام..." غطت وجها بيديها وهي تخفي اثار دموعها وتحاول توقف شريط ماضيها وتنتشله من باااقي سرده "الله يسامحك ... الله يسامحك ...انا وش سويت لك عشان تسوي في كذا انا وش سويت لك عشان تعذبني هالعذاب .. ..وقفت .. لا هو ماله دخل ذاك الي قتلتني وانا احيه وعرفت كيف ينتقم مني ياليتني طاوعتك ومانتقمت مني ياليتني سمعت كلامك وبقيت عائشه بدنياااي ومرتاحه بدون الالم..ونفضت راسها مثل المجنونة تكلم نفسها لا ما هو بس.. حتى الحقير ذالك شاركه ورفعت يدها لسماء بدعاء ورجاء يارب انك تغذبه بقبره مثل مادفن حقيقتي معاااه وحطت يدها على رأسها وصرخت كلهم اتفقوا علي ... كلهم اشتركوا على تحطمي.. هم الي تركوا احلام رحمه تنتحر في أخر الليل =============***=========== جالسه على طرف السرير وتهز رجلها بتوتر ..حاسة ان اريام اكبرمما يتصوره شلتها وانها راح تنتقم من البنات على حسابها سمعت صوت فتح الباب .. ويوم شافت تركي عبست ملامح وجها ولفت الجهة الثانية تركي وسحب الكرسي وجلس مقابل.." داليا وش بلاك .. ليكون الحمل ما مضايقك ومتعب نفسيتك .." داليا رفعت عينها بعينه ورجعت لفت وجها الجهة الثانية تركي ويمسك يدها ... داليا حبيبتي خبريني وش بلاك داليا ..توك تسال عن زوجتك تركي .. حرام عليك انا يااما بشغل ياام مقابلك في البيت داليا وترمي نفسها على السرير وتصيح بحرقه .." انت طول الوقت برا وتاركني معا اختك ...اسال اختك ايش تسمعني كل يوم ترا والله تعبتك خليها تحس في شوي كل ما أقولها شي تقول لميس لميس خلاص مادام انك لسه متعلق فيها هالدرجه طلقني وارتاح تركي وضحك غصب عنه..." يابنت الحلال ..."لميس الحين تحت التراب وانت تغاري منها واريام ما تقصد شيء ..ولا راح تزعلي انا راح اكلمها" داليا وبين دموعها .. لا اريام تعرف كيف تعكر علي يومي .. كل ماشفتني مبسوطة تجيب سيرة حبك الأول وترمي كلام ماله داعي يقال تركي وقام من ومسح على شعرها .." دلو حبيبتي خلاص قلت لك اريام انا راح اكلمها وان شاء الله تتفهم موقفك =============***=========== في الاستراحه عند الشباب خالد .. وليد قلت فقل على الموضوع احسن لك " وليد بغيض .."صدقني ولد الشوارع لاعلمه كيف يمد يده عليه" خالد بصوت عالي .. "وليد قسم بالله لو مااحترمت نفسك لاعلمك مين ولدالشوارع" تركي ويحاول يهدي بين الطرفين .." خلاص ياشباب فكونا واقطعوا الشر وليد ويسك على أسنانه ويلمس اثار سحب ثوبه على رقبته .. "ماهو وليد الي ينسى بالسهوله .." خالد بستخفاف .."وش ناوي عليه ان شاء الله " وليد ويطالع بعيد ..."راح تشوفوا والأيام بينا " خالد ويقوم .. "انا الغلطان اني جالس مع اشكالك مثلك " وليد وندم على الكلام الي قاله قدام خالد وينادي عليه .. خالد ... خالد ... ولحقه على السيارة بسرعة وليد ويفتح باب سيارته .. خالد وعشان ما تزعل نأكل تبن ونسكت خالد وزفر .. "على الأقل احترم وجودي .. ولا تنسى ان أسامه اخوي واغلي انسان عندي بالدنيا .." وليد.." مدري ايش شايف فيه " خالد .. انت ياوليد ماتعرف اسامه زين .. اسامه انحرم من كل شيء بحياته عمره ماعاش مثلي ومثلك طول عمره كان يمشى وعينها بالارض كان يكره ان يشوف نظرات الرحمه بعيون الناس .. عمره كبر وكبرت همومه معها وقدرت يكون نفسه ويبني حياته ويوم لقى الانسانه الي اختارها قلبها .. جاااي تقف عقبه بطريقه وليد .. بس البنت على حد علمي فيها تشوهات كثيره ومااظن فيه رجال عاقل يرضى ياخذا وحدها مثلها خالد .. مدري اسامه على ايش يفكر ... يقول يكفي انها عاجبتني وليد وينبه لرنات الجوال المتواصله .." يووووه نسيا تركي " خالد ويضربه على راسه .." مدري العقل هذا مين بيرضى يضيع عمره معاااه وليد .." كثير وخليني اوريك" ورجعوا لتركي الي كان على أعصابه من وليد =============***=========== مفترش على الكنب ويطالع باهله وهم جالسين على سفره الأكل يفكر بأخواته الي مهما كبروا يبقوا صغار بالنسبة له... ومسؤوليتهم كل ماكبرو تكبر معاهم .. حس ان محتاج لشخص يعوضه عن تعبه شخص يقدر يرمي كل همومه وراءه من اول نظره له ..شخص يحتويه ويعيش احلى ايامه معاه شاف رهف قامت تغسل يدها ولحقها سعود بتردد .."رهف شخبار فرح.. ان شاء الله انبسطت بالزيارة " رهف ماعليها تماام الحمد الله بس انها انبسطت بالزيارة على ما اظن لاء " سعود بخوف ويسرع بالكلام .. "ليه حصل شيء .. احد ضايقها" رهف وطالع برغد .." اسأل رغد ودلال ايش سوا بالبنت " سعود بنظرات محرقه .."رغد ايش سويتي لبنت" |
رغد بخوف وكلامها يتقطع .. "انا ماسويت لها شيء " سعود بصوت عالي هز البيت .. "رغد انا اخوك وعارفك زين .. احترم الي حولك هذا شيء معدوم عندك .." رغد ودموعها تجمعت بعيونها .."والله انا ماقلت لها شيء " سعود ماتهمني دموعك .. والله ثم والله ..وهذا انا اقسمت لو اسمع انك ضايقتيها مره ثايه او ضايقتي احد دخل هالبيت ماتلومي وقتها غير نفسك .. وبصوت عالي كله تهديد ...... "فاهمه " رغد الي تفاجئات رده فعله وكمشت على نفسها .. "خلاص والله قلت خلاص" وبسرعه ركضت على غرفتها وصريخ سعود لسه يدوي بإذنها =============***=========== فتحت الباب بارتباك وحاطه يدها على قلبها من الخوف وسكرت الباب ورآها بعد ما اطمتنت ان الغرفة فاضيه ومافيها احد وراحت لجهة جهاز الكمبيوتر ..وصارت دور على كاميرا رقميه اكثر دقه من كاميراتها.. عشان تأخذها معها بيوم المزرعة لمحت على الطاولة وهي دور كرت لوليد مسجل فيه اسمه والايميل وماهوناسي صورته وبحركة تلقائيا حطته بجيب بطالونها وهي ماتعرف ليه احتفضت فيه بس الي كانت تعرفه انها راح تملك بوليد بالطريقه هذي وبثواني قدرت ترسم خطتها وتعدها وتشوف انتصارها فيها وضحكة باستخفاف .." نشوف انا ولا اريام الي راح ينتصر " طيب ياوليد اذا ماعرف كل وارده وصادره عنك مااكون بنت ابو نواف =============***=========== نزل من الشقه مسرع ويعدل بازرير ثوبه .. ويلبس شماغه على عجله فتح باب السيارة وهو ينافخ ومنقهر من الانزعاج الي سواه له اسامه فهد بعصبيه .." خير ياخوي تراك ازعجتني " اسامه بابتسامه .." طيب اركب بالاول" فهد ويسكر الباب بقوه .." هاااااه لا تقولوا رايح تحرر فلسطين " اسامه بمزح .." ليش ابعد العراق قريبه " فهد بنفاخ .."ياخوك فكنا من خفه هالدم وقول وش تبي " اسامه ويحرك السياره ويأشر على وراء .." هااات هذي الشنطه " فهد ويلتفت ويأخذ الشنطه "..هااا والزبده ياطويل العمر " اسامه ويلتفت عليه .." اسمع هذا اللاب توب حقي ماابيه ولانك وعدت رحمه اذا فازت تشتريها لاب توب انا راح اريحك واعطيك جهازي .." فهد .. "لا رحمه اعرفها وقتها تمزح.... وتراها ما تحب تأخذ من احد شيء مهما كان هذا الشخص .." اسامه ..طيب هذا الجهاز ما احتاجه وبعدين الحين انا عندي كمبيوتر كفي وفي المكتب عندي جهاز يعني على بلاطه ماله داعي عندي فهد .. بس اخاف فيه اشياء شخصيه او...... اسامه ويقاطعه .."لاتخاف مسحت كل الاشياء الخاصه .. مابيها تشك انه من عندي واذا تبي تساعد رحمه خليها تعيش حياتها وتكون لها علاقات سكت فهد فتره واحترم الصمت الي فرضه اسامه بعد كلمته الاخيره فهد بتردد وعينه قدام .." ابي اسألك رحمه وش تعني لك" سكت اسامه واحتار ايش يجاوبه.. اذاقال له انها تعني لي الدنيا كلها يكون ماقدر يوصف الي بداخله .. اذا قال انه مجرد مايشوف طيفها ينسى همومه كلها وبمجرد مايسمع صوتها يغرق بحر احلامه كان بيقول له رحمه ملكتني بالكامل وكذاب اذا قدرت اوصف هالشعور وانتبه لااشاره الخضراء .. وهمس بهدواء .."مجرد انثى بحياتي واكيد بيكون مزوج بعض الاحترام وما أنكر الإعجاب =============***=========== في بيت ساره وتحديدا في غرفتها الوردية منسدحه على السرير وحاطه رجلها على رجل والسعادة غامرتها وهي تشوف أحلامها كيف تحقق ساره وتعلب بطرف شعرها ..." ماني مصدقه ان خالد لسه يحبني ويسأل عني بعد" دلال ..لا صدقي عشان تعرفي دلال ورغد اذا يبغوا شيء يحصلوه " ساره.. الله لا يحرمني منكم ... والله خدمتوني خدمه ماراح انساها لكم " رغد .." ترا كلها بس عشان نقول لك عمه .. ساره .. "عاد كلشيء يهون المهم خالد ملكي وحدي وبس" دلال بنص عين .. "ليه انت ناسيه حنين " ساره وتقوم مفزوعة من السرير .." قلعتها عاد من زود هالجمال " رغد .. "لا تكوني تغاري بس " ساره بغل .."مانقصني غير هالاشكال وبعدين خالد طول عمره يحب الجمال ويوم شاف حنين اكيد مااعجبته وتعكر منها ومشان كذا تركها .." دلال وتحط رجل على رجل .. "بس خالد كان يحب حنين واحنا الي خربنا هالعلاقه ولا نسيتي الكذبه الي لفقنها.." ساره .."مايهمني هذا الكلام".. ..وبغيض تغير السالفه "نسيت ماخبرتكم اني قدمت لي مصففة شعر وميك اب على حسابي واربعه وعشرين ساعه قدامي" دلال .. "افففف والله طلعتي خطيره كل هذا لخالد " ساره ياقلبي ان ابي استولى على خالد بجمالي وهذا سلاحي الوحيد " دلال بما ان اليوم يوم مفاجات .."نسيت اخبركم ان وليد سوي لي اضافه " رغد.." انت على ايش ناويه " دلال وترفع راسها وطالع بالسقف.." ببساطه اني اغوص بإسرار وليد واعرف الي بقلبه بدون مايشك في .." رغد.." بس ماتخافي من نواف يكشفك " دلال .. "لا انا اذا لعبت اعرف كيف ارمي الهدف ..وبعدين وش دراه عني " ساره .."اجل مااوصيك لا تدخلي الماسنجر الا من جوالك .." دلال .. لاتخافي هذا الي ناااويه عليه على الاقل اكون اون لاين على طووول رغد وحست الدنيا دارت فيها وحطت يدها على راسها بقوه ومسكت طرف الكنب عشان تثبت توازنها وماطيح على الارض دلال بخوف .. "رغد فيك شيء " رغد .. "لا بس الصداع له كم يوم وهو مايفارقني" ساره .. عشان تعدلي نومك يابنت .. ابي افهم فيه وحده تنام يوم كامل رغد وتلبس عبايتها .. "وش اسوي والله من الملل " =============***=========== ضرب الباب ضربات خفيفة وسريعة واطل بابتسامته المعتادة تركي .."كشفتك وش تسوي" اريام وتضرب يدها على صدرها بشهقه .."بسم الله الرحمن الرحيم .. قلنابتصير ابو وتعقل.." تركي بضحكة .." عيديها ما سمعتها زين اريام وتحط يدها على خسرها .." مستصغر عمرك انك تصير اب" تركي .." لا بس احس نفسي ماني مصدق " اريام وترفع يدها برجاء .."الله يوفقك يا خوي وتستاهل كل خير " تركي .." العقبى لك يوم افرح فيك وأزفك لزوجك " اريام بخجل وخدودها احمرت من الحياء .." أيش فيك لتكون تبي الفكه مني" تركي بخباثه .."ايه وابي اخذ راحتي بالبيت مع زوجتي " اريام.."شوف الرجال ويقولها بدون احم ولا دستور وعيني عينك " تركي .." عاد لو مخاوي غير وليد كان زوجتك ياااه .. بس وش نسوي مافي غير وليدوه في السوق هالايام " اريام بجراءه .."عااااد هذا حظك ماطيح غير بالوليد. وبضحكه مكتومه .." "ياخي دبر حالك من هنا ولا هناك " تركي .. شوف البنت ماتستحي" ...ويقطع كلامها ..."صح نسيت انا ليه جااااي وبتردد.. اريام انت عارفه غلاك عندي وداليا الحين حامل وياليت مضايقيها بشيء اريام وترفع حاجبها باستغراب .."بس انا مضايقتها بشيء " تركي.." وهذا الي واثق فيه بس انت الله يهديك كل دقيقه ودقيقه تجيبي سيرة لميس .. وانت تعرفي غيرة الحريم فياليتك تنسي الموضوع اريام .. بس انا ماقولها لها الا يوم تضايقني فيك تركي .." طيب عشان خاطري اقطعي هالموضوع " اريام .." خلاص تركي ابشر راح اقطع هالسيره لخاطرك ونزلت رأسها بالأرض فتره وبعدها رفعته بألم تركي تبي تسمع نصيحتي داليا زوجتك عمري بالدنيا ماشفت اطهر من قلبها بس مشكلتها بسرعه تتاثر بالي حولها وياليتها يكون تاثير من ناحيتك وتكون انت الوحيد الي تاثر عليها وماتترك لااحد مجال انه يلعب فيها او يغير افكارها" تركي وهو طالع ولاكنه سمع شيء .." ان شاء الله يصير خير .." =============***=========== واقف بالصاله وصوته واصل الشارع من القهر وحاااس بنفسه انه لعبه سهله لساره وقت ماتبيه تبيه ووقت ماترفضه ترفضه وان رجولته راح تنهااان برجوعه لساره ويده صارت ترتجف بقوه من القهر والنار الي اكلته من داخل خالد ويصارخ .." وياسلام هو انت كل شيء تقوليه لساره" دلال بصوت متقطع .." بس انت قولت شوفي رايها" خالد .. "طيب ارجعي واسالي .. يمكن امزح والعب" رغد وتبلع ريقها " .. بس الزواج مافي مزح .. وساره الف واحد يتمناااها" خالد ويقاطع كلامها .. "الا انا مااتمناااه ولا لي نفس فيها" دلال "..صعبه .. والله صعبه ياعم .. تيني اقولها خالد رافضك وماله نفس فيك" خالد .." ايه وخلال هاليومين مارديتي علي مايكون بصالحك" رغد .." طيب والله ساره احلى بكثير من حنين ..والبنت يكفي انها تحبك " خالد .. "اقول بلا كلامي فاضي ولا تقارني بينها وبين حنين فاهمه " رغد وانفجرت من داخلها .. "خلاص احاول افهمها باي طريقه.." =============***=========== في بيت ابو نواف..اجتمعن البنات وكانت سهره شبابيه اول مره تجمع رحمه مع البنات اما ريم وحنين فضلن يختلن بحالهن عند المسبح وكل وحده تفضفض همومها لثانيه ريم .." صح كنت احبه بس مانجريت وراها وهذا انا لي ثلاث اسابيع مارحت المكتبه حنين وتضحك بشماااته .. "تستاهلي ياااما نصحتك بس انت عنيده وركبتي راسك وشفتيه اطهر رجال على الارض .." ريم .. "عاااد بلا شماته .. وكل واحد لازم يغلط بالدنيا والحمد الله تعلمنا " حنين .. ولازم تتعلمي من غلطتك وماتبعتي هواك واستمريتي بالعلاقه الي ماتدري وين ترميك .." ريم .. هذا انا احاول قدر المستطاع اني انساها واو على الاقل اتنساهل حنين بدعاء .." الله يرزقك بخير منه " ريم بضيق .."ماظن اني راح احصل واحد يجي ربعه" حنين سمعت صوت مشي والتفت على وراء وشافت خالد جاااي من بعيد وسحبت ريم مع يدها .. يللا ياريم تأخرنا على البنات خالد وهو جاي واشر بعيونها لريم انها تروح .."ليه اذا الملائكه حظرت هربت الشياطين" ريم وتلف عينها بين خالد وحنين .." عن اذنكم شكل امي تناديني " حنين وتتوسل لريم انها ماتتركها مع خالد .." ريم انتظريني " خالد .. ايش فيك خايفه تراني زوجك.. وما أخوف " حنين بغيض .."يوم أكون زوجتك وقتها" خالد .."ليه ان شاء الله شاك بعقلي ومجنون مدري ايش يطلع مني " حنين وبطولة بال وتلف وجها الجهة الثانيه .."انا ماقلت كذا" خالد .. مايهمني ايش قصدك كل الي يهمني انك قدامي .. وقرب منها لدرجه ان حنين من كثرة ما ترجع على وراء صدمت بالجدار ومسك وجها بطرف يده ومرا أصبعه على ملامح وجها .." ايش عندك زايده حلاوه اليوم " حنين ورعشه سرت بجسدها من قرب خالد والارتباك بان على حركتها ..." "خالد خليني بحالي ترا والله تعبت منك ومن تجريحك " خالد وتنهد من اعماق قلبه .. "حنين مين الي تعب الثاني ..انا ولا انت" حنين .." خالد لا تكبرها وهي صغيره انت بيدك المفتاح ريحنا وارتاح" خالد وفهم قصدها وانقهر منها .." ايش تقصدي ترا احيانا اكون غبي شوي" حنين .. "انك طلقني وتفكني من شرك .. واذ على الفلوس عاااد طلقني ولا تعطيني ورقتي الا اذا دفعنا لك الفلوس كامله.." خالد .."تصدقين حل حلو منها على الاقل اذا خطبت ماانرد بسببك" حنين.." اجل شوف لك من الحين عروس تليق بمقامك .. مقام خالد ال... خالد بغيض ويسك على اسنانه ..." وليش ادور عروسه والعروس جاهز ... انت ناسيه ساره حبي الاول .." حنين لا ياقلبي مانسيت والله يوفقك لأنها بصراحة تعرف لنوعيه هذي على الاقل اكتشفت ان الذل يليق بمقامك ونكران المعروف طبعك وعلى قولة المثل مصير الكلب يرجع لراعيه خالد وجرحته كلمتها بقوة وبعصبيه حارقه .." حنين احترمي نفسك " حنين بحده .." ليه ما تحب احد يواجهك بالحقيقة .." خالد بروده يطفئ فيها النار بداخله .. فكيني من هذرتك الزايده وتراك من الحين معزومه ولا تقولي خلوده نذل وماعزمني " حنين .. مبروك مقدما وبصراحة عرفت تختار على الأقل تليق بقامك وجمالها يغريك ويخليك صريع بالهوى |
| الساعة الآن 07:46 AM. |