انتي غير الناس ..
انتي ..
انتي محد يشبهك فـ مرايتك ..
انتي ..
من يقدر يخونــــك ؟؟
علميني
كيف اسافر في تضاريس التناهيد الحزينة
كيف اشوفك في عيوني ..
طفله ترسم مراجيح المدينة في يديني
علميني ..
كيف يجمعنا وطن ..
وكيف يبعدنا زمن ..
وكيف اذافع عن خفوقي ..
من طعونك
لو هجرتك ..
وش يرك في حياتي ..
غيرك انتي ..
ولو سهرتك
وش يذكرني بليلي ..
غيرك صمتي ..
جيت متنكر ..
لبست جروح غيري
ولما صار الحلم يكبر ..
قمت ادور عن مصيري
علميني ..
كيف تجمعنا خطوط الطول
من خلف الحنايا
وابحث اكثر ..
في دوائر عرض خصرك
عن زوايــا ..
وانثر الباقي من اليابس بصدري
في بحيرات النوايـــــا ..
انتي لما تضحكين
الشمس .. تشرق من شفاهك
واحس اني حــزين ..
ولما ابكي تسمعين
وماقدرت اني افرق
بين آهاتي .. وآهك
علميني ..
كيف يبقى الجرح ..
نفس الجرح
في كل الأماكن .. ؟؟
وكيف صار الورد داكن ؟؟
لو سمحتي ..
ممكن افتح نافذة هالحزن
وابحث في جبينك
عن علاقــة ..
تربط التاريخ .. بالجغرافيا
والحروف الأبجدية ..
من الألف ..للياء ..
وعن نقوش تشبه الحناء
وحنا والطفوله
وعن اساور تلبسك في معصمك
او تلبسيها ..
علميني .. وعلميها ..
علميني
كيف اعد ايام عمري
بين اصابيعك ...
والاقي دبلتك تطوي سنيني
كيف اواجه دمعتيك ..
لما بيعك ..
بعدما يجمعنا حديث جانبي
في أي مقهى ..
تعرفين
اني تخيلتك عروس ..
واحترقت اكثر ..
وطاردت الهجوس
اتركي لي .. أي لحظة
آخذ انفاسي بها
وابدا اخونك
آآآآآه ...
ياآخر محطــات اشتياقي
وكلي الباقي ..
وين اسافر عن عيونك
وانتي كل الناس انتي
انتي غير الناس انتي
انتي محد يشبهك في أي حاجة
الا انتي
الا انتي ..
انتي آخر من خرج من ضلعي
الأعوج ..
ومن بعد كسرته ..
لا .. عدلته
لا .. حذفته
لا .. اخذتيه ومشيتي
بعدها يمكن نسيتي
ان اخر من تبقى من نساء الجاهلية
حفنة طعون .. وخناجر
وكيف اسافر ..
ومابقى لي في جنون العمر
دمعات ومحاجر .
العرض العادي
