ياشعـر ليتك بس منــظــومة أبيـات ******* مـاكــان يمـديـنـي عـــرفت الـقــوافي ولاكان ســامرت النجوم السهيرات ******* يــوم المــريــح مســلـم أمره وغافي وكان الشـويب ماشـقـا بالجــزيلات ******* ولاشعــــر ابن لـعـبـون ولا النصافي ولاضم تفـكــيـره جـــواهــر ودانات ****** من الـبـيـــوت النـــــادرات الـنـظافي والبـارحــه قلت أكسر الليل غفوات ****** وأزيـــد من سهــــر الـليال أنتصافي لكن عصت عـيـنـي ولارضيت تبات ****** ورميت لـلــجـــو الـمـكــيـف لـحـافي وطـلـعـت للشـــارع ليــا ضو لمبات ****** وجـدران وسـفـلت وضجيج ومرافي ودقيت سـلف المعـتـبر بـضـع دقات ***** وحين أشتغـل زمت وبديت أنصرافي ووجـهتــــه لجـرد الفياض الخليات ***** وخـلـيــت بــنــيــان الـمـدينه اخلافي وأخذت لي مـع زامي الحزم سجات ****** أصبح بعـــدها الضيق طيب وعوافي فيها الهواء يشــرح قلوبٍ كسيرات ****** وكـن الـنـســيــم يمـر له في مصافي وأخــذت اركبـلي بيـــوتٍ طريفات ****** تبــان فـيـهــــا صـبـغـتـي واحـترافي وأقــول يارب الوطــــــا والسموات **** يــاعــالــمٍ في كـل مــاكـــــان خــافي تفــرج لـعـبــــدٍ معـتـنـي بالـجمالات ****** ولايـشـتـــكي لــو كان جيــعان حافي ماقــد شغــــل نفسه بجمع الريالات ****** عايش على الراتب ولاهــوب صافي له نيــةٍ يـــوم لـبــعــض ناس نيات ****** ونفسـه تعـــاف الـلــف والأنعـطـافي مـاقــد تــرك للـنفس راي وخيارات ****** ولالـه مـع أحــــزاب الضياع ائتلافي وابطـيـت أفـكـر فـالسنين الأخيرات ****** وأقـــول يــــاواقي وســـــاتر وكـافي يـــــارب ستــرك يـامــدير المجرات ***** لاحــــولت عــقـب الرشاش السوافي ومن كثـر ماشاهد صور واختلافات ****** ووضـــعٍ يسـمــونه تـطـــور خـرافي قــامت تـخطـفــنـــا يدين الحظارات ******* وحـنــــا ولانـعــــرف نـظــام التلافي جـمـيـع مـايـــرسل لنـــا له محطات ****** بعـقــــول نـــاسٍ تشتقي بالسـفـــافي نــاسٍ رضــت بـالمهزله والاهانات ****** مــاتعــرف من البــحر كود الضفافي مــاقد خــذو فـي ماقف العز وقفات ***** ولاحصــلو فـالطــيــب درسٍ اضافي أطيبهم اللـي مـنـشغل مع عربسات ****** وعــارف نظـــــــام البث والانحرافي مـقـضـيٍ وقـتــه مـابـيـن الـقـنـوات ***** ويشـــوف نـفـســـــه لافهمها سنافي هـذي حـقيقة بعض الأشكال بالذات ****** لــو كانت سـيـــوف الـحـقيقه رهافي أصبـــح لنــا فـي كل هزله شعارات ****** ونسيـــر الأقـــدام والـــنــور طـــافي من عـقـب ماكنـــــا للامجاد هامات ***** اليــــوم صـــاب الـمـجد منـــا جفافي وأتـفـه خـبـــر تابع غلاف المجلات ****** شف مـن وضـعـنــا صــورةٍ للغلافي كـنــا نـبــــاهي بالـبـنــات الجميلات ****** وحـنـــــا نـشــوه لابســـــات الغدافي هـذي بـعـض مافالزمن من تفاهات ****** والخـــافي أعـظـــم والـبلا فالخوافي المسـعــد الـلـي معــتـني بالصلوات ******* ويحرص على نسك السعي والطوافي ومعـمـرن قـلـبـــه بـذكـــر وتلاوات ***** ومجـنـــبٍ شـــر الـبشــر وامـتـعـافي وليـا بغى نفس ضـميــــره بالأبيات ******** ان كــان مــاهي بس نـظــم وقـوافي الحقوق محفوظه راشد فارس
راشد فارس صح السانك وسلم بنانك تحيتي لك ودمـــــــــــــــت’’’
الراقــــــــــــــي مهـــــــــــــــد الذهب صح لســــــــــانكـ مليون ،، قصيدهـ رائعه جدا ,, إبداع صاحب السحب .. بإنتظــــــــاركـ دائما .. دمت بود.. ،، مــــــررت من هنا `•.¸ ) ¸.• )´ (.•´ ×´¨)(¨`× ¸.•´¸.•´¨) (¨`•.¸`•.¸ (¸.•´ ( * دلــــــع نجـد* ) `•.¸) (¨`•.¸`•.¸ ¸.•¨)
اقتباس أصبـــح لنــا فـي كل هزله شعارات ****** ونسيـــر الأقـــدام والـــنــور طـــافي من عـقـب ماكنـــــا للامجاد هامات ***** اليــــوم صـــاب الـمـجد منـــا جفافي وأتـفـه خـبـــر تابع غلاف المجلات ****** شف مـن وضـعـنــا صــورةٍ للغلافي راشد فارس شكرا لك على ذه القصيدة الرائعة والصحيح اني وجدت الكثير من القصائد الجميلة في هذا المنتدى الرائع ولكن بدون وزن .... ولكن هنا نرى نرى الجمال والوزن معا.. صح لسانك اخوي ولا هنت....
عتيبي الف شكر عاى المرور الف شكر والك تحيتي الخاصه مهد الذهب
دلع نجد مــــــررت من هنا ولك الشكر على المرور وشكر على الحضور ولك تحيه خاصه مهد الذهب
معماري كووول لك الشكر على الحضور وعلى الكلام الجميل جداا والك تحيه خاص جدااا
ووجـهتــــه لجـرد الفياض الخليات = وخـلـيــت بــنــيــان الـمـدينه اخلافي وأخذت لي مـع زامي الحزم سجات=أصبح بعـــدها الضيق طيب وعوافي فيها الهواء يشــرح قلوبٍ كسيرات = وكـن الـنـســيــم يمـر له في مصافي سلمت وصح لسانك رائعه ايهُ الشاعر الرائع تصوير رائع تنفست شعرك بل ارتويته حتى الثمالة ابدعت وتعليت قمة الشعر بهذا النص فالنص الذي لايثير أفق الانتظار , نص عاجز ويبقى بعجزه الضد أمام نصوصك الشامخة بأدبيتها السامية سيبقى للشعر وجود مابقييت قريحة شاعرنا راشد بن فارس العزيزي تحياتي لك نـ(ال مشعان)ـواف®
نـ(ال مشعان)ـواف® الف الف الف شكر اخي الغالي والك التحيه
صح لسانك وعطره الله بذكره وتسبيحه" تفــرج لعـبـدٍ معـتـنـي بالـجمالات ****** ولايـشـتكي لـو كان جيعان حافي ماقــد شغــــل نفسه بجمع الريالات ****** عايش على الراتب ولاهــوب صافي وقد عدد اموال الفـــقيـه"" ربي يعطيك عافيه """ 8 8 8 " اللبيب بالاشارة يفهم " " " بـصــمة بــــدوي ""
الشعر ماهو بس منظومة أبيات
2005x09x13.gif)
....
العرض العادي
