عرفتيني انا منهو انا الخاين

[الحـــ مفاهيم ـــزنًٍ]

[]انا الخاين انا المذنب انا اللـي ماعـرف قـدرك
انا ذاك الذي اغمد سيـوف الغـدر فـي صـدرك
انا العاشق لتعذيبـك متيـم فـي هـوى التغييـر

انا اللي خنت احساسـك ودمـرت الوفـا تدميـر انا منهو ؟؟ ...عرفتيني انا تايـه وسـط بحـرك
انا اللي لا عشقت الامـس يومـي اقلبـه تذميـر
ترى ما اعجبني اسلوبـك ولا بـردك ولا حـرك
ولا تعجبنـي البسمـة وحبـي مايبـي تخيـيـر
تبين افلان..روحي له .. انـا ماهمنـي هجـرك
نصيحه لو بغيتي ذاك .. روحي لـه بـلا تحذيـر
انا منك عرفـت الغـدر ومنـك يحتصـر امـرك
انا فيـك ابتديـت الحلـم وانهيتـه بـلا تفسيـر
انا كل الخطايـا اللـي حملتيهـا علـى ظهـرك
انا ذنبك..وغفرانك..انـا الصـوره انـا التعبيـر
علـى فكـره عرفتينـي انـا جهرانـك وسـرك
انا اللي لا خفاني الامس يومـي كسـره تكسيـر
انا قصة رجل صابر علـى بعـدك علـى غـدرك
انـا الراضـي لاخطائـك وكلهـا مالهـا تبريـر
انا خيمـه نصبتيهـا علـى كفـك علـى بَـرك
كسرتـي دلـة اشواقـي بـلا توبـه ولا تكفيـر
انا ماني ولـد عاصـي افجـر نفسـي بصـدرك
انا المسجون بعماقك على كيفي وانـا لـه ميـر
انا من عذبي اسقيتك عساه يفيـض مـن مـرك
عساك ويا عسى يومك يفيض من الولـه تنكيـر
انا يابنت مانـي ذاك ولا مـن بـاح فـي سـرك
لعبتيها مع المسكيـن وسـرك لا يـزال ف بيـر
رغم هذا انا الخاين..!! انا اللي ماعرف قدرك..!!
اذا (فيصل) هو الخاين..!! من اللي يستحق تقدير
من اللي من بعد (فيصل) يكابر في زمن عصـرك
من اللي استعمر احشائك؟ من اللي ينتظر تحرير؟؟
عرفتي منهو الخاين؟؟ من اللي دمـره غـدرك؟؟
من اللي خانه الموقف ؟على شانـك بـلا تفكيـر
كفى يابنت ماعـادت اجروحـي تنتظـر عـذرك
تهني واتركي عمـري وعيشـي لعبـة التغييـر
عرفتيني انا من هو؟؟ انـا دنيـاك انـا قبـرك!!
انا حلمٍ تلاشى فيك.. وحـبٍ ينتهـي ويصيـر

[جفنشي]

مفاهيم الحزن أبدعت فأجدت ورسمت تلك الرائعه التي يتدفق فيها الكثير من الألم والحسره والعتاب الصادق (مفاهيم الحزن) تخونيني الكلمات أمام هذا الدفق الجميل صح لسانك ويعطيك الف عافيه وفي إنتظار جديدك
أخوك العضو الجديد/جفنشي