24-12-2005, 10:06 AM
|
رقم المشاركة : 1
|
Band
|
™«®°•.¸.•°°•انــا وابــو سارهـ وينســـاب•°°•.¸.•°®»™
والله يالربع اني مدري تسيف ابدا في مشكلتي وفي معاناتي لكن اكيد ا نتم ادرى ,, لأن مثل مانتم خابرين المسلم للمسلم كالجسد اذا اشتكى منه عضو تداعى له باقي الجسم ب السهر و الحمى ,, بعيد عنكم انشاء الله ,, وقولوا لاإله الا الله محمد رسول الله ((يبي يكسب اجركم )),,, واقروا المعوذات والله الله في ركعتين ,,
كلكم اكتتبوا اكيد لانه هالمره صرااحه فله مغير كلها ضغطتين بالانـتــــــــر والينك مكتتب والا ثلاث ضغطات بصرافتك والا الدعوه تساهيل,,اسهل من بنك البلاد الله يهديه اربعه من اقاربنا توفوا الله يرحمهم عند بنك والسبه تهاوش ثنين مع مواطنين اخرين عند كوبون اشتراك ووصلت الا الاشتباكات العنيفه مما ادى الا فزعة الثنين الاخرين وكلهم راحوا في الرحله ,, لان الاسمراني اللي تهاوشوا معه طلع يلعب كرتيه ومردغهم كلهم صدز لازم تبلع العافيه ولاتبتلي الناس يبتلوونك,, طبعا لي جار شايب وكبير بالسن ولا له عيال كبار كلهم بنات ((اسمه ابو ساره)) الله يخليه لي ((رافع يدينه للسما ويدعي )) ويخلي لكم جيرانكم وجيراتانكم ((مؤنث يعني)) اكتتب في االبلاد ومشاء الله طلع الشايب ا ستثماري مع انه لايقرا ولايكتب .. باعها بتسع ميه واربعين وانطنخ مغير يمشي ويشرّهـ الحاره والعيال اللي فيها من زود الطنخه,,, دايم يسألني هاه يا ولد مافيه شركاتن جديده مافيه
وطبعا ابادره بالنفي حتى لو فيه لان الاكتتاب حق البلاد سبب لي مغص ووجع راس وللحين اتحلم فيه ((ياعمري يالحنان)) وبين فتره وفتره يسألني كل مايشوفني يقول هاه ياولدي مافيه اكتتاب بخمسين ريال .. والله مدري عن الشايب الضاهر شايفني قسيمة اكتتاب والا موضف بنك وانا مدري لكن اكيد ان الشيبان ادرى
طبعا ابو ساره ذا يعدني ولده يعني اي حاجه فيها مشكله بلوه يحطها براسي .. لانه جارنا من خمس طعش ونصف الطعش سنه ,, وابد هالشايب يمون اذا صكت براسه طق الباب و دخل الملحق وتقهوى وولع النار وماعنده مشاكل مع الحكوومه .. وام ساره من حمام الداره اربع وعشرين قطو وهي عندنا وسارهـ((لبى قلبها قصما ودي اتعرف عليها )) بس خايف من عمو ابو ساره ههههههههه
طبعا مثل ماقلت ابو ساره ذا ماله عيال كبار ,, ودايم انا اراجع به يعني انا الكل بالكل يعني انا المساتر مان((ماهوب عاقل ))..
مضت برهتن من الزمن وعقارب الساعه تلوت ,, وووو
جت شركة المراعي والا واطمر على الشايب ابو ساره ببيته ... ابششششرك فيه شركه المراعي قال وشهي ذي قلت شركه زراعيه ,, قال اخوتس ياختي وانا ولد ابوي ((حسيت ان ابو سارهد يتمتطي جواده وناويها حرب على الهنود اللي عندنا بالحاره)) قلت لعيناك يابو سويرهـ وانا ادق اللطمه واجي اركض واطيح بالسيب السيراميك اللي سويناه مؤخرا الله لايعيده
قال ابو سارهـ : قم قامت عصبك يوم قال وانا اتمدد لاشعوريا وبلكمه خطافيه وحركه بهلوانيه وقفت وااااااقف قلت ابشر بعزك ((بيعلمكم انه رشيق هالضميني )) قال يلله البس ثوبك ونزل هالخرابيط اللي لابسها ((كنت لابس جينز ))
قلت ابشر بس ياعمو ترا ماهيب بخمسين ريال تراها بالف السهم ((بيصرفه عنها )) قال افا الملعونين ربحوا في البلاد وغلووها حسبنا الله ونعم الوكيل ويقوم يدعي وانا اصك الباب حق الغرفه خفت الشايب يتهور ونروح انا وياه ضحية بلوتووث
مضت الشهيرات والايام وجت ينساب
الله لايبارك فيها ((مب من قلب ترا قصما)) وينساب ينساب ,, (يانصاب
على ماقال ابوي))
رجعت من الدوام الساعه اربع داااااايخ اشوف الشارع كلها سرير واشوف الاشارهـ لمبه لازم اطفيها ,, رجعت للبيت بعد كم مشكله صارت . هذا يضرب بوري ويعلقه علشاني حديته والثاني يهاوشني ويطالبني لاني قدمت سيارتي عليه وحديته ومشاكل تكبر وتصغر . الشاهد من الكلام اضطجعت على حضني الدافئ وملاذي الاول والاخير سريري اللي متكسر رايح فيهاا في الملحق ومافيني حيل اغير ملابسي وماهي الا دقائق وانا في احلام ورديه ماهيب صاحيه,, دايم اذا نمت على مثل الحاله ذي اتحلم اني في حديقه وفيه وحده حلووه مره تهبل الناس كلهم وراها يبوون يرقموونها بلوتووث وهي تقول لا مابي الا ضميني مدري وش تبي فيني بس اكيد كالعاده الذووق عدم .. وبينما انا احاول اني اشغل البلوتووث((وانا اتحلم طبعا)) الا الضربه قممممممممممم قامت عصبك الا الضربه على قفاي دريت انه حبيبي البي ابو ساره لانه طارح الميانه معي مره ,, واقمز والضاهر ضربت له تحيه احترام لعيانك ياعموو . قال اليوم خويي في العمل يقول فيه ا كتتاب مشينا للبنك مششششينا اخلص شيل خلاقينك اللي فوقك ذي والبس ثوبك ومشينا ,,بروح احمي السياره
قلت يابو ساره تكفى تعبان خله بكرهـ قال ابك قم لاياخذوون الرياجيل اسهمنا .. ((عصامي هالبو سارهـ
ناويها بطيب والا هوش ))
قلت طيب ,, ترا هالمره سسسسسسهل مره الاكتتاب ,هات صرافتك وهات بطاقتك الشخصيه وانا بسجل لك في موقع الراجحي بالانترت واشترك لك من هناك ,, قال ماتعقب .. تلعب علي انت وش هالخرابيط اللي تقولها قم بس قم . قلت والله العضيم اني صادز قال الله ياخذ مخولك((يعني الله ياخذ خالك )) قلت ترا بعلم ام سارهـ انك تدعي علي
قال ابو ساره امزح ياولدي اص لاتسمعنا ا بس ,, قلت ايه ابلع العافيه .. مادريت الا الكف اللي يمشي ميه قال من يقول اني لغيرك هههههههههههههه
قلت طيب خلني ادق عليهم تلفوون وبيعلموونك , قال يلله دق وادق الا الدعوه كلها مشغووله ادق و ادق وطال الانتظار.. قال ابو سارهـ: لا يالخبل لو انا رحنا تسان يمدينا صفينا وانتهينا بس صراحه حقدت على حقون الراجحي مايردون على التلفوون تقول انّا نبيهم في مسأله شخصيه ياكافي ,, بس صراحتن مالووهم من هالعالم اللي تاكل الخظر واليابس
قال مشينا بس قلت طيب يلله ,, وادف السياره بواحد وتفحط الا والكف الثاني قال استح مني وانا عمك لاتفحط بحلالنا وانا معك قلت ابشر ,,((وجه منحرج)) رحنا للصرافه على ان ابو ساره بيكتتب من الصرافه ,, وقلت دقيقه بنزل معك قال لا دقيقه وجايك .. ((مايبيني اشوف الرقم السري والحساب )) <<هذا تفكيري طبعاا ,,
قلت طيب ماتعينت بعد دقيقه الا الشايب صارف كااااش حقت الاكتتاب يالييييييييييييييييل وانا انزل قلت يابو سارهـ ترا هالحين الاكتتاب بالصرافه مايحتاج كاش وتصف .قال ماتترك استهبالاتك امش بس قلت والله
والله
والله واحشني مووت<<قعد يغني .. قلت لالا ترا صدز الحين بالصرافه قال امش مهبول انت تبيهم ياخذوون فلوووسنا عيني عينك,, لحوول قال امش بس للبنك ,,
رحنا
خشينا البنك الا اكثرهم شياااااااااب . هؤلاء الطبقه اللي مافيه امل تقتنع ب التطور و التكنلوجيا ,, وانواع الصفوف اللي مدري كيف قايله متداخله مع بعض بس الشهاده لله ان اخلاقهم عاااليه كلهم هالشيبان . ناظرت ييمين عند خدمة العملاء الا ثنين جالسين على الارض وجايبين معهم قدووع ودلة والجلسه محلووه عندهم ,, واسمع شايب يسولف عليهم يقول .. يقولوون ينساب بتوصل اربعه الاف اول ماتنزل بالسووق .. قال الثاني لاولله سمعت ان ينساب بيعطون مية سهم لكل شخص ,, قال الثالث اللي فعلا تحسون انه خربها قال انا اعرف لي واحدن بيعطيني الفين سهم لكل شخص ((يسوي فيها هالشايب الله يصلحه )) قال و احد من الحظوور .. حددد الارررررنب قال الشايب الثاني .. شفها جتك
ويضحكوون ويحرجون على هالشويب المهايطي وانا اضحك .. مادريت الا اللي جرني برقبتي امشششش صف مع الرياجيل قلت يابو سارهـ طلبتك خلني اكتتب لك من الصرافه والله تزبط قال تبي حلالنا يضيع .. قلت طيب خلنا نكتتب بعدين تشوف الزحمه ذي والا لا قال معلاك كلها ثلاث ساعات ونكتتب:
ياليل والله واصف والشايب جالس مع هالشيبان ويسوولف ,, جيت عند الموضف قال امر يالغالي . قلت ابي اكتتب قال غريبه شاب ومثقف المفروض تكتتب عن طريق الصرافه قلت والله الشايب جارنا الله يخليه لي يبي الاكتتاب يدويا وهو يقعد يضحك ههههههههههه
>>>>>>>>>>>>
قال الموضف هات اوراقك . قلت يابو سارهـ اوراقك الله لايهينك ,,ويمد لي ثلاثين صفحه واربعين معروض ومعها سته الاف مدري سبعه ,, واحذفها بوجه الموضف . قال سلامات يابو .. مسوي مناقصه انا وجاي باوراقك .. انا صراحه مت ضحك .. قال ابو ساره. لايكثر هرجك وخلصنا ((كفوو ابو ساره))
قال الموضف كم شخص تبي تكتتب عندك في السستم 13 نفر <<مشاء الله ابو سارهـ محسن النسل ولم يحدده هههههههه
قال اجعلها اربع طعش نفر نفداك ..
قال الموضف ليش يابو سارهـ .. قال ناوين الخدامه معنا ذا المره .. وتتطلع سنة ابو ساره الذهبيه,
قال الموضف مايصير يابو ساره لازم انت اللي تعيلها .
قال ابو ساره. وانا وش اسوي .. اكله شاربه ومستلمه فلووس ونبي اسمها بس ..
قال الموضف لا مايصير
((انا حسيت انه اشتد الوطيس ولازم اتدخل))
قلت يابو سارهـ خدامتك ماهيب سعوديه .. ومايجوز تكتتب فيها ..
قال ابو سارهـ: ياشششششين سنونك((يعني يبيني اتلايط واسكت)) قلت لبى سنتك الذهبيه يابو سارهـ .. واقعد اضحك
قال ابو سارهـ السيارهـ .. <<يقولها وهو معصب قلت لا لا اخر مرهـ ...
المهم قبعت الهوشه بين ابو سارهـ والموضف وابو ساره بغى يضرب الموضف لكمه خطافيه لولا القزازه بس جت سليمه,,, قال الموضف روح للمدير تفاهم معاه..
المهم راح ابو سااااارهـ للمدير.. وبعد دقايق الا رجع يلعن ويطالب.
يقول ابو ساره،..
اثاري البلا ماهوب منك من مديرك .. هذا مدير والا صندقة دجاج .. هذا مدير بنك والا بياع خظره((انا ميت ضحك ابو ساره استلم المدير تنتيف والموضفين يضحكوون)) .. هذا مدير والا حارس عماره باب واحد هههههههههههههههه
بينما ابو ساره يهاوش ويطالب .. الا شايب ثاني تهاوش مع نفس الموضف ههههههههههههههههههه .. صراحه حسيت ان الموضف ذا رايح فيهااا مسكين قصما قصمات انه اخلاق .. لكن الوقت ذا اللي اخلاق ياكلها سته صفر((سته صفر تعبير عن : خل اخلاقك تنفعك خخخخخ)) قربت منهم شوي الا الشاييب يقول ليه ماضيف بناتي .. انا اعيلهم وانا ادفع عليهم فلوس
قال الموضف ياشايب بناتك مو مضافات معاك بكرت العايله ذولي متزوجات .. قال الشايب و اذا متزوجات .. ماكتتب بتاكلووهم علي
قال الموضف لا ياخي المفروض هن يكتتبن والا ازواجهن..
قال ازواجهن رخوم وخبلان ما يبون يكتتبون ((اثاري الشايب بيكتتب باسامي بناته المتزوجات ههههههههههههههه))
المهم قاله الموضف روح للمدير..
قال الشايب وينهو فيه مديركم ذا .. اللي فيه مايخطيه. ويوم جاء بيطلع ويرجع الشايب قال عطني ثلاث استمارات بعبي كل بنت في استمارهوالاستماره الثالثه للضروف القاسيه((زاحف هالشايب)) والموضف يبي الفكه ويعطيه ارربع قال رح الله يستر عليك ويسمح دربك .
والشايب يطمر السياج اللي حاطينه البنك ((والله نشيط هالشويب)) ويخش المدير و بعد دقايق وهو يرجع
قال باعلى صوته.. هذا مدير والا قلة حيا . وش اللي مايبي يضيفهن والله قليل الحيا ولا شايفن نفسهه وجهه اللي تقول صبهه . وش شايفن نفسه عليه خشمه اللي تقول ذنب دجاجه والا يدينه تقول حفارات قبر مب ايدين ((الشايب خربها وقامم ينتف في المدير والموضفين المراجعين ميتين ضحك ))
انا من سمعت الكلام ذا مسكت بطني من الضحك . الا وييجيني هاه ياولدي تعبي لي الورقه والا انت بعد شايفن نفسك انت ووجهك اللي تقول طبق طائر هههههههههههههههههههههه
الموضفين كلهم ماتوا ضحك وهالشايب يضحك ويطالعني .. مسكت الورقه حقته وقعدت اعبيها والقلم يرتعش وانا ميت ضحك ومادريت الا يقولي : ياولدي ذا خط والا قلة حيا . لاتكون ترسم لك شجره وبجمبها سياره ههههههههههههههههههههههههههه
الشايب الله يهديه قلب علي الموجه .. واكملها له واعطيه اياها .قال والله لو اني مزوجك بنتي ابرك من زوجها هالحين قلت تسلم والله ...قال اجل سقها خلني اكتتب قلت طيب..
ابو سااااره شوفوه يداحم ويهاوش ويضارب من اليوم وبعد عناء ومشقه وبعد ماستحبني معه بالصف يقول صف معي يمكن يطرحوني وتصير انت ب الدور((ابوك يالتفكير))
اكتتبنا ولله الحمد
يوم جينا بنطلع ..
وابو سارهـ يلتفت للي في البنك قال
يانااااااااااااااااااااااااااااااااااااااااااااااا ااس
ياموضفييـــــــــــــــــــــــــــــــــــــ ن
يامديــــــــــــــــــــــــــــر
المهم البنك كله يسسسسكت والمدير يطلع من مكتبه والموضفين يوقفوون
قال ابو سااارهـ:
مااااااااااااالت عليكم تهبون كلككم
وهو ينحاش ويسحبني معه
وقوة ركض للسياره ويقولي انحش انحش الرياجيل لحقونا <<ابو ساره مسوي يذب عليهم
ويوم ركبنا السياره
الا ويطلع لي ورقه قال شف ياولدي شف عمك وش سوى
تدرون وش طلعت
ورقة اكتتاب ينساب يقول يمكن يجي اكتتاب ثاني نكتتب فيها
ههههههههههههههههههههههههههههههههههههههههههههه ههه
ههههههههههههههههههههههههههههههههههههههههههههه هههه
مايستفاد :
انك لاتروح مع اي شايب مرتن ثانيه ثمن تبلش.. ولاتسوي فيها الولد الخلوق اللي يساعد كل الناس تاكلها عشرين صفر..
كم ضنكم بتوصل شركة ينساب عند التداول مع اني ماشتركت فيها ؟
يستفاد من السالفه ا ن الفول بريالين والخبز بريال ههههههههههه
طحياطووووووووو لكم جميعاااا[/FONT]
|
|
|
25-12-2005, 03:47 AM
|
رقم المشاركة : 2
|
( وِد ماسي )
|
خخخخخخخخخخخخخخخخ
الله يرجك رجا مبرحا حتي جاركم ماسلم منك<<<<<وحده حاقده
وشوهاالزحمه عشان بس هالأكتتاب
والله ذاك اليوم مير يسلمكم رحت لم البنك ابي اجدد بطاقتي"قررت أخيرا ان اعتقها وأخليها تموت"وأستبدلها الاوالله اشوف هالسووووووواد الا اثاريهم الحريم من كثر الزحمه طالعين يرا بالشاااااااااارع قلت اوف وش ذا المهم رحت اتميلح عند وحده اسالها وشفيهم قالت مادريتي أكتتاب قلت امشششششش وكلهم عجيزات الله يالدنيا..
المهم ياخ ضمضم يعطيك العافيه علي الموضوع ولي عوده للنقاش والأقتباسات في الموضوع
ههههههههههههههههههههههه<<<<<مادري علي شنوا تضحكين
تشاااو
صوصو الدلوعه
|
|
|
25-12-2005, 05:14 AM
|
رقم المشاركة : 3
|
( ود جديد )
|
|
|
|
25-12-2005, 09:23 AM
|
رقم المشاركة : 4
|
Band
|
<<<<<<<<<<<موليه الموضوع الوالد ..الله يخليه لي ...
وانا اقرأ القصه ياضمـ ضمـ فيه حاجات مافهمتها ..
مثل ما انت عارف اني مو سعودية الاصل ..خع خع
وش معنى ..
الطنخه..
./...
ههههههههههههههههه
الله يرجك رجا رجا ...ويرجكـ مع ــــــــــك ذا الشايبـ الملكع ..
يع ــــــــجبني ..
<<<تفكر تواع ــــــــــد أبو ساره بشارع التحليهـ ..
هع هع هع
يسلموووووو ضميني على الروووح الـ........روووعه,,
../...
روح الطفولهـ
دلــــــــــــــع
|
|
|
25-12-2005, 09:34 AM
|
رقم المشاركة : 5
|
Band
|
|
|
|
25-12-2005, 09:36 AM
|
رقم المشاركة : 6
|
Band
|
[blink]فاصل اعلاااااني...[/blink]
احلى تحيه للزوار اللي يقرون الموضووع
عدد الأعضاء الذي يتصفحون هذا الموضوع : 19 (1 عضو و 18 ضيف)
مشاء الله الموضوع زواره اربع ميه وهو ماله يوم ههههههههههههههه
تحياتي لكم حبايبي ,,
|
|
|
25-12-2005, 10:23 AM
|
رقم المشاركة : 7
|
Band
|
|
|
|
25-12-2005, 10:36 AM
|
رقم المشاركة : 8
|
Band
|
|
|
|
25-12-2005, 11:05 AM
|
رقم المشاركة : 9
|
Band
|
خوياااااتي بنات القص قص قصيـــــــــــــــم
والله مدري عنهم ...مدري الا عن بنت خالتي ...وعندهم امتحانات وسمعت انهم
طاقين خيمه جنب الجامعه ...وكاشتين هم والشباب ..خع خع
وبالنسبه للصور ..الاولى قبل لايجينا فيضان بالهند ..
والثانيه بعد الفيضان ....جيت للسعوديه وراح جما111لي فديت حالي ..
../...
خلا1111ص انا زعلانه ياضم ضم ..
أي زعل ...لاتخا11111ف الروووح رياضيه واع ــــــــــجبكـ ..
وحنا اخوان ياعسل ...شلون نزعل ..
../..
ومواعده ابوساره مواعدته ...
../..
قول له تعال لدلع ..واعطيه اسمي واسم جدتي ..
|
|
|
25-12-2005, 11:23 AM
|
رقم المشاركة : 10
|
Band
|
|
|
|
|