--------------------------------------------------------------------------------
غريبة صوتك الناعم يحرك خافـقٍ قـد مـات
نبض واهتز في صدري وقام ومـزق الأكفـان
سمع صوتك وكلمني وفي نبضه صدى آهـات
يقول هـالصوت لايمكن يكون اللي حكاه إنسان
أكيد انه نغم شادي لفت بـه يمـك النسمـات
على سمعك وقع صدفة وحرك فيني الأشجـان
فقلت:- أرجوك يا قلبي خذ العبره من اللي فات
عن دروب الهوى خلك بعيد وحـاول النسيـان
تذكر قسوة الماضي كفى ما ذقت من طعنـات
كفايـة لا تضيعنـي وتتركنـي بـلا عنـوان
رفع صوته يعاتبني يقول: أنسى الحزن لحظات
تعلم كيف تتبسـم ولـو فـي داخلـك بركـان
حرام تعيش في صمتٍ يشابه عالـم الأمـوات
سجينٍ بين جدران الألـم والهـم والحرمـان
بدا قلبـي يعاندنـي ويكتـب لجلـك الأبيـات
حروف اسمك بقت مغنى يرددها مع الألحـان