ياخاين ارحل عزّم القلب ينسـاك
خلاص أنا بنساك وعنك تخلّيـت
ياما سهر قلبي وكل همه إرضـاك
وياما ظلمت القلب وبحقي أخطيت
كم يوم كان القلب طبٍ لشكـواك
وكم اشتكى قلبي ياقاسي وصديت
ماني بقايل لك عسى النار تجزاك
أرحم عظامك لبجهنـم تهاويـت
وماني بقايل لـو تعـذرت حيـاك
ابعد لأنك بالخطـا قـد تماديـت
ان رحت عنك جيتني تسبق خطاك
وان جيت لك صديت عني وتغلّيت
أشقيتنـي وأنـا أحبـك وأهـواك
أشقيت أنا نفسي لااجلك وضحيت
أرخصت لك عمري ولا فاد وإياك
وهبت لك قلبي وروحي لك اعطيت
وجازيتني بالصد وزادت خطايـاك
صدقت فيني حكيهم ثـم جافيـت
واليوم أنا عزمت ياخاين أنسـاك
خلاص أنا ياخاين العهـد مليـت
ياخاين أرحــل
العرض العادي
