مات الغلا في داخلي مات وحفـر قبـره بيديـه=مات بشبابه للأسـف لمـا زمانـه مـا عطـاه
قبل المنيـه مانسـى نـادى رفيقـه قـال أبيـه=تكفـى دخيلـك خافقـي درب المحبـه لاتطـاه
كفن خفوقي صاحبه وعاش العزا دمعـه فعينيـه=يذكر ليالي صحبتـه يـوم الغـلا عايـش معـاه
يصرخ ويصـرخ والألـم دنيـا رداهـا مبتليـه=كل ما تخيـل دنيتـه دون الغـلا نومـه جفـاه
راح ولجا لاعظم إله ومنهـو لجـا يلجـا إليـه=صبـر خفوقـي ياكريـم وارحـم فقيـده ياإلـه
بعد الغلا قلبي خلـى مابـه أمـل يبقـى عليـه=كل الأمل عنده سـراب والا بعـد يمكـن نسـاه
قلبي فقد أغلى شعور أغلى غلا كنـت أحتويـه=سبة زمن ناسه قست والا زمن يفـرض قسـاه
حكم القدر فوق البشر غصـب علينـا نرتضيـه=دنيا بها الواحد يموت ..وواحد يجي لأرض الحياه
عشت بزمن كله غدر والأقنعـه وذيـك الوجيـه=اللي بها غيره وحسد واللي بهـا كـذب ووشـاه
لما رحل حس الرفيق صاب الخفا غربـه وتيـه=عشت بشعور المغترب اللي هجر أرضـه وتـاه
والافقيـر مالقـى منهـو علـى بابـه يجـيـه=عشت بشعوره لا فقد مـن هالزمـن زاده ومـاه
والا أنا دمعة يتيـم يبكـي علـى فقـد والديـه=وشعوري شعور مـن مثلـي فقـد امـه وابـاه
ايه اذكرك ياصاحبي لا قلـت لـي خلـك نبيـه=لا يغبنك درب الهوى دام الهـوى ظلـم وجنـاه
في هالزمن شح الوفا وشحت نفـوس تشتريـه=أحفظ كلامي وابتعـد لا يخدعـك سـود العبـاه
صنت الوصيه داخلي ودرب المحبه وش لي فيـه=وش لي في درب ماعطى ذاك الغلا بسمة شفـاه
راح العمر وأنا احتضن ذكرى غلا كنت اهتويـه=راح العمر كله وفـا واكبـر وفـا دمـي رثـاه
مات الخفوق بعزته منهو السبـب قولـو ياهيـه=موت الضماير والوفا والا الزمـن يرمـي بـلاه
مات الغلا ونبض الخفوق واللي بقى دمعه وليـه=ليه الغدر ضد الوفا وليه الكـذب يمشـي بعـزاه
هذا مثل لعظم وفـا واللـي وفـا بيفهـم عليـه=أما أنـا جثـه بقـت واللـي رحـل راح لغـلاه
.
//
//
//
وسلامتكم..
ضيف جديد,,يحمل لكم قصيدة يتمنى ان تنال اعجابكم..ويهمني رايكم.!!
العرض العادي
