موضوع خطير
ومهم
وحساس جدا
اتمنى من الجميع الاهتمام
بنات بخمس ريال سعودي؟؟؟
معقووول؟؟؟
كيف تيجي هذي ؟؟؟
انا اقولكم..
1ريال = بيبسي :
وهذا يعني ان البنت تشرب الغازيات
وما تهتم بصحتها
رغم معرفتها بضرارهالمشروبات على جسمها واسنانها
بالوقت الحاضر والمستقبل....
ويمكن تدمن عليه وماتسيبه...
وعلى حد ما قال لي واحد من الشباب يعرف وحده
دخلت المستشفى بسبب ادمانها عالبيبسي..
1ريال = جالكسي :
نفس اضرار الصحيه + انها ماتعرف تسوي حلى ,,
ولافكرت تتعب نفسها وتتعلم تسوي
وتأكل وتذوق اخوانها او زوجها من صنع يدها..
1 ريال = اندومي:
نفس الاشياء السابقه + ماتعرف تطبخ ولا فكرت تحترف شغل المطبخ
وتفنن وتصير لها "نفس بالاكل"
2 ريال = حجر الريموت:
وهذي هي الي باهتم فيها اكثر ,,,, اغلب البنات "ومو كلهم"...
مدمنات على التلفزيون.. ومتوسط جلوسهم عليه هو 6 ساعات يوميا ,,
توصل الى 10 ساعات...
وهذي مشكله بس ماهي المشكله؟؟؟
المشكله هي على ايش يقعدون.. على اغاني وحفلات وبرامج ماصخه جدا...
مثل ستار اكاديمي وماشابه... وتلاقي امها تشتغل بالمطبخ وهي متكيه..
بس اذا جاء اعلان يمكن جزاها الله خير وكثر من امثالها
تقوم تودي صحن الشاهي الي قدامها والفصفص
الي من امس وهو مكانه..
شيء خطير... لانه مو بس يأثر على تفكيرها كمان يأثر على حياتها ,,
ويمكن يهدم حياتها.. هي والأشياء لي سبقت
يعني تخيلي 5 ريال ممكن تهدم حياتك..
وراح اقولكم كيف ...
بس راح اقولكم كمان كيف تكوني البنت
الي يتمناها اي رجل سواء زوج او صديق ,.,
واخص الزوج لانه هو الاهم..
1- طبعا اول شيء هو المحافظه على الدين والقيم
وهو شيء اساسي ..
كل رجل يتمنى بنت محافظه على صلاتها بس ماهي متشدده..
ومالها باهل الفن وخرابيطه.
2- الذكاء>>>..
وهذا شيء مهم وضروري جدا ...
وانا مااقصد انك تكوني شاطره واعطيك مسأله حسابيه تحليها بسرعه.
. لا
الذكاء هو تعرفي كيف تتصرفي في كل المواقف ..
وكيف تحلي مشكالك مع زوجك بكل سهوله ,,
وتعرفي كيف تتعاملي مع اولادك بالمستقبل ,,,
وبنفس الوقت كيف تخلي زوجك مايشوف غيرك,,
ولا يفكر يتزوج او يروح لطريق خطأ...
وهذا الشيء مستحيل تحصلي عليه بهذيك الخمس ريال..
تحصلي عليه لمن تكوني بنت متفتحه لحياتك
وعارفه انك في بيت اهلك لفترة
بعدها راح تروحين لعالم ثاني اسمه عالم الرجل ....
تاخذيه من جلستك مع امك واهلك والكلام معاهم والصراحه في كل شيء..
لمن تكوني مع صحبات مجربات الحياه وتسأليهم وتطلبي منهم نصائح...
ومن الكتب والاطلاع والبرامج المفيده..
ولا يمنع الدخول للنت والبحث عن اشياء تفيدك عن عالم الرجل واسراره
وكيف تتعاملي معاه ,,
وكمان شيء مهم ولا مانع من ذكره وهو الثقافه الجنسيه,,
الي للاسف كثير من ابنات يجهلونها ويعاني منها ازواجهم ,,
ويمكن يدفعهم للبحث عن الرضى بطريقه اخرى..
وحتى المنتديات وللامانه ..
تخلي البنت عندها رأي وفكر وتنمي قدرتها على المناقشه والحوار.
3- الاهتمام
>>>> وهذا شيء جوهري بالعلاقة..
كل بنت ممكن تقول انا اعرف كيف اهتم ,,,
بس يمكن هي تهتم بطريقة غلط... الرجل بكل صراحه "طفل كبير"
يحتاج طول الوقت للحب والحنان من زوجته ...
في كل شيء....
يعني لمن تهتم بمشاعره واحاسيسه,,, وتهتم باكله وشربه ,,,
وتهتم بلبسه ومظهره ,, وتهتم بصحته ومرضه ..
هذي اشياء تغيب عن كثير من البنات ..
تقول خلاص هو يعرف ايش ياكل وايش يلبس...
هو اكيد يعرف بس يتمنى تشاركيه ,,,,
ولمن ياكل من يدك لو كانت اكله خفيفه
عنده احلى واشهى من اكلة من افخم مطعم...
والشيء الثاني وهو اهتمام البنت بنفسها...
صدقوني كثير من بنات ابو خمس ريال مايهتموا بهالشيء..
تلاقيها قاعده على التلفزيون 24 ساعه اكل وشرب ,,
وزنها تلاقيه طن,,
وشعرها ما يتمشط ولو بمشط حديد...
وماتهتم بالبس ,,, تقول لمن اروح بيت زوجي اتعلم..
كثررري منها
التلفزيون يمكن يعلمك شوية موضه ومكياج ومدري ايش ...
بس مراح يوريك انتي كيف تلبسي او كيف شكلك وانتي باللبس او التسريحه..
لازم انتي تجربي وتختبري الاشيءا بنفسك..
عشان لمن يشوفك زوجك كل يوم" بلوك" جديد يطير عقله من راسه...
4- انتبي تكوني مملة او زنانه او حنانه,,,,,
لازم يكون عندك اسلوب بالطب واسولب بالرفض...
وتستخدمي دلعك معاااه ولا تخجلي منه كثير...
هذا التكنيك غاااااايب عن كثير من البنات...
استخدمي الدلع معاه على طول
. " مره واحد من الشباب مريته لقيته مطرطع ومعصصب,,,
سالته ايش فيك انت ووجهك كذا قافل..
. قال ياخوك انا قبل كم يوم سويت حادث
واكلت علي السياره تقريبا 5 الاف ريال
ويوم رجعت البيت استني زوجتي تخفف عني وتساندني,,
القاها تقولي والله بيت اختي بيسافرون
واحنا غير قاعدين هنا.,,,
ليش ماتدبر فلوس ونسافر؟؟"
5 - احذري تكوني تافهه...
يابنات انتبهوا تكونوا سطحيات ...
ترى الرجال يكره البنت الي تفكيرها بس بالظاهر...
يعني تكون لك راي وقرار وشخصية..
ولاتكوني مع الخيل ياشقرا,,, او تهتمي بالاشياء التافه..
يعني تخيل تدخل عليه البيت تلاقيه اتبكي وحاطة كرتونين كلينكس جنبها...
تسألأها شفيك..
احد مات او شيء؟؟
تقولك" مدري مين "طلع من ستار اكادمي..
حبايبي
لاتاخذون هالكلام على انه هجوم او تعصب,,
لا والله ..
انا قصدي هو انكم يابنات المنتدى الموقرات ...
تستفيدوا من هالكلام ... حتى لو كنتم تعرفونها ...
على الاقل تفكرون فيها...
.وتحاولون تشوفون حياتكم كيف ماشيه...
واذا كان يبغالها تعديل تعدلوها.. قبل لاتخسروا كل شيء..
انا شخصيا لسا ماجربت الحياه الزوجية...
وهذا كلله من وجهة نظري ... وبعد ماطلعت على كم بحث ودراسه ...
فكونت هالفكره وهالموضوع ,,,,
وقررت اطرحه بكل صراااحه وبدون لف ودوران..
وانشاء الله انكم فوق مستوى هالنوع..
وانا مستعد اسمع اراائكم وانتاقدكم شباب وبنات بكل صدر رحب
العرض العادي
