البارحة ليلي هموم وكوابيس = وأبعد من الجوزاء علي الوناسة
ماغير أنا والليل والثالث أبليس = كلن على الثاني يبيلة رئاسة
مدري ظروف أو حب والا هواجيس = والا الثلاثة كلهن فوق راسة
أو ان عقلي صاير فيه تنكيس = وللعقل في بعض الامور انتكاسة
يالايمي لاتلومني قبل ماتقيس = واللوم للميس يزود بياسة
والشمت طبع للرجال الهلابيس = أهل الهدف والنمنمه والبلاسة
وانا معي عقل و مشاعر واحاسيس = وعيون وأخلاق وقلب وشراسة
لكن حصلي في زماني عواكيس = وعجزت هذا الوقت لعرف لناسة
هذا يموها بهرج تماليس = وهذا تجاهلها عناد وخساسة
وهذا يغرك مظهرة بالملابيس = وهذا يلبس لبس ماهو لباسة
وهذا تذعذع له هبوب النسانيس = وهذا تقل مغمغله بطاسة
وليا حصلك من زمانك كعاميس = أصبر وللصبر الجميل أنعكاسة
تدرسك دنياك من دون تدريس = ماهو لزوم أنك تدرس دراسة
وللناس بالدنيا خصوص وقواميس = اللي غرف بالدرام واللي بكاسة
وناس تهجس في غثى الوقت تهجيس = وناس تسايسها وتاتي سياسة
وناس تبي عرش مثل عرش بلقيس = وناس تبي لو يوم فرقا التعاسة
وترى الردي لو فيك سوى نواميس = ينقد على نفسه ويرجع لساسة
والتيس مثل العنز كان انخصى التيس = والتيس ما هو تيس لولا التياسة
قنعت واقنعني كتاب الوساويس = لكن عقب ماصرت شيك الفلاسة
راائعه من روائع البحر الميت(عبد الله باتل الرشيدي),,,, أتمنى ان تنال اعجابكم
تحياتي
ناس تبي عرش مثل عرش بلقيس**وناس تبي لو يوم فرقا التعاسة(رائعه البحر الميت)
العرض العادي
