(( درب السنين)) .. و .. (( سالفة عمري))

[خـفـآيـآ آلـم]

صبــآحكم ورد

//

على درب الظلام امشـي و اقـول : الله يسهّلهـا=و انا مدري على وين السنيـن اتسـوق خطواتـي
وحيـد .. وشايـل ٍ هـم الـدروب اللـي مقابلهـا=تايه في زمن ظالم .. و اضم ّ الخـوف فـي ذاتـي
دروب ٍ كلّهـا اشبـاه و لا ادري كيـف اكمّلـهـا=اخاف امشي بدرب الموت…واتـرك درب منجاتـي
صبرت و ياااا صبر ايوب .. عسى ربّـك يجمّلهـا=اتوه و مـا اشـوف ألا .. متاهاتـي .. متاهاتـي
يقولون الفـرج ياتـي .. إلـى ضاقـت مداهلهـا=و انا فيني يضيق الكون .. ولا اشوف الفرج ياتـي
ألا يا دربي الموحش .. عسى منتـه مطوّلهـا ..؟=خذ ما تشتهي و ارحل .. و ارحـم جمـرة آهاتـي
مشيتك و الليالـي سـود .. عـوج ٍ مـا تحمّلهـا=غرقت بمركب احلامي .. و احسب إن الهوى مواتي
هدّيـت الـذي ماانهـد ّ و جبـت آخرهـا فاوّلهـا=اشفـق لعنبـو جـد الـدروب و ريحهـا العاتـي
تبي تكسر ظهر رجل ٍ .. فعولـه مـا توصّلهـا .؟=تبطي يا زمـن تبطـي .. ولـو طالـت مسافاتـي
الى منّك كسرت الحلم .. يجيـك العلـم و ازهلهـا=قسم باللي له نصلّي .. لا اشـوف آخـر نهاياتـي
انـا مانيـب حـي الله ... و افهمهـا و حلّلـهـا=انا رجل ٍ خفا يمنـاه ... يهـل ّ الجـود بسكاتـي
رجل ٍ لـو قسـى حالـه .. يمينـه مـا يجادلهـا=رجـل ٍ عاصـي ٍ قلبـه .. و اهينـك بابتساماتـي
عشـت بعالـم ٍ كلّـه .. وحـوش ٍ مات/عاقلـهـا=رضيـت بقسمـة الوالـي و تعجبنـي معانـاتـي
والى من جتني الفرحـه .. علـى دربـي بغازلهـا=عساهـا تجبـر المكسـور .. واعلمهـا حكاياتـي
أبمشـي والحيـاه احـزان و اسايرهـا و احايلهـا=و ابترك سالفـة عمـري تمخطـر وسـط ابياتـي
يا درب ان ضقت في عابـر سبيلـك ردّه و قلهـا=قـل " يالشمـري" منـت بكفـو تاطـى مسافاتـي
ولو ترحل عـرب طـي .. و تنكـر قـاع حايلهـا=ابلطـم كـف عايلهـا... وابرجـع فـي بداياتـي
وانا يا درب مـا عشـت الحيـاه بشيـن مايلهـا=إلا في رجا مـن قـال : تصبّـر و الفـرج ياتـي

خفــآيا الم


//

[الأميـر]

المبدع

خفايا أمل

انه لشرف كبير لي أن أكون أول من يغازل هذه الشامخة الرائعة

أبدعت وأجدت

ثبات وعزة نفس تذيب الجليد

سجل اعجابي وتأثري الشديد الشديد بما خط يراعك

انك تحمل احساسا ولاأروع بين ثناياك

والقلم ينساق طائعاً لهذا الابداع الرائع

تقبل مروري سيدي

أخوك

الأميـر

[حـالـي ^^ الــذوق]

شاعرنا المبدع


خفايا ألم


قصيدة جميلة


وإبداع نادر


لاهنت ويعطيك الف عافية

ت
ح
ي
ا
ت
ي

[وهــ المصيف ــج]

بداع غير متناهي مشاء الله عليك متمكن من حرفك ومفرداتك معاني جميله وكلمات منتقاه رائعه سلم بوحك ولا حرمنا ربي وجودك المميز

[[] خفـوٍق الـرِوِح []]

لـي عـوده لمعـآنقـة تـلك الشـآمخـه ..

[خـفـآيـآ آلـم]

الأم ــير ^^


انــآ اشهد انك امير بذووقك ومرورك

الي اكثر من رائع

فـ ماذا سيكون الرائع الم يكن مرورك

..

تسلم ويسلم قلبك

خفايااا ،،

[متذوق الشعر]

روووعه اخووى خفاياااا الم


ولكــ تحياتى

[خـفـآيـآ آلـم]

ح ـآلي الذووق

//


الذووق هو مرورك

وتسلم يالغلا

خفاياا ،،

[نايف المايق]

خفايا الم

اهلا بك وبحرفك

حي الله هالمعزوفه وراعيها

حروف جميله كجمال خلقك

صح لسانك ولاتهان

ادام الله تواجدك

ولاخلا ولاعدم

اخوك

نايف الشمري

[خـفـآيـآ آلـم]

دلوع ــة الطـآيـف

..

//


الأبداع مرورك


سلم قلبك

وسلم .. تواجدك

خفايااا ،،