من صدى فكري

احمد فايز · 11-02-2003, 08:28 PM

تحت القمر اكتب وتاخذني الافكار

تاخذني افكاري لعالم خيالي

اتخيلك جنبي واهادي لك اشعار

من كثر مااحلم خيالك طرالي

لوتبتعد..ليلي تجافيه الاقمار

.قربك غلا عمري ونور الليالي

الكون مايحلى بلا ورد وازهار

والليل مايحلى بدونك.. ياغالي

باهديلك سنيني مع اوراقي تذكار

وتحكي لك عيوني..شجوني وحالي

مشاعري ماتعرف حدود واسوار

لو باخر الدنيا..يجي لك وصالي

تحت القمر نجمه وغيمه وامطار

ووردة غلا ترسم بقلبي سؤالي

تسأل عن اللي مالي الكون انوار

اللي معه قلبي.. وعقلي.. وبالي

من طاحت الدمعه وانا مالي اسرار

حبك غدا مكشوف وماعاد ابالي

اتمني انشاءالله انها تعجبكم 00

تحياتي 0000

تغريد · 11-02-2003, 10:16 PM

قصائد منتهى الروعه
صح لسانك
وتسلم يمينك
عليها

تحياتي لك

تغريد

الجذ111ب · 12-02-2003, 12:12 AM

أخي احمد الفايز

قصيده جميله وفي قمة الخياااال

لله درك على هذي القصيده أبحرت بنا في عالم الخيال

الف الف صح لسانك وسلمت يمناك

لا تحرمنا من جديدك

تقبل خالص احترامي وتقديري
أخوك الجذ111ب

آخرة العنقود · 12-02-2003, 01:31 AM

سلمت يمينك اخي احمد على هذه الكلمات الرائعه

الكون مايحلى بلا ورد وازهار

والليل مايحلى بدونك.. ياغالي

باهديلك سنيني مع اوراقي تذكار

وتحكي لك عيوني..شجوني وحالي

مشاعري ماتعرف حدود واسوار

لو باخر الدنيا..يجي لك وصالي

قصيده اختصرت مساحات الجمال وقدره عجيبه في حبكها واسلوبها

وننتظر جديدك

آخرة العنقود