تباعدنا أنا وياك وخذاك الوقت غصب عني
...................وتهنا في خطاوينا ودروب الفرقا ذباحه
أنا مدري عن أخبارك ولا تدري بعد عني
...................وقلبي في بُعادك كل يوم تزيد به جراحه
حبيب العمر ياليتك عن أحوالك تطمني
..................وتريح قلبي اللي ماعرف للطعم أبد راحه
حبيبي والوفا فينا وقلبي عنك يسألني
.................. ذبحني كل مامرت طيوفك بعيني لماحه
عساك بدنيتك مبسوط وعايش دوم متهني
..............وعسى قلبك على خبري دايم عايش أفراحه
حبيبي فرحة أيامي أبيك اليوم تعذرني
................ذكرتك وهلت الدمعة.. وعيني دوم فضاحه
ذبحني الشوق في غيابك عذبني وجنني
...............وأنا والله ما اقدر عجزت أكبح أنا جماحه
لأنك يا حبيبي بعيد وأنا والله ما ظني
...............أبقدر زود أتحمل هـمــوم القلب وجـراحه
كئيب وحالتي حاله وبعدك من يصبرني
...............تعال وشوف هالعالم كيف الحزن إجتاحه
حبيبي يا بعد عمري أنا أرجوك أفهمني
............ترى هالكون من دونك ظلام وأنت مصباحه