ياطير

[الجرح السعودي]

ياطير ياللي مرسلك صادق الشوق
حلق وعطنا أخبار الأحباب والـدار
عطني خبر عنهم مصدق وموثـوق
ترى الفكر في بعدهم صار محتـار
الصدر بالعبرات بالحيـل مخنـوق
والهـم زاد وزاد مـرات ومـرار
ياما وطيت الشوك من شان مخلوق
وياما تجرعت الهوى سم وأمـرار
ياما رويت قلوب والقلب محـروق
وياما كتبت أهواه بأوراق وجـدار
ياما شريت الود من غالي السـوق
وأرخصت من شانه ريالٍ ودينـار
تقطعت لأجله شراييـن وعـروق
وقطََعت عمري لأجل شوفه بالأسفار
ياطير ياللي معتلي بالسمـاء فـوق
لاواهنيـك يـوم تـدري بالأخبـار
لاواهنيك تكفخ جناحيـك وتـروق
ولاواعذاب من زاد همه ولا طـار
ياطير لاجيت الغضي حالي الـذوق
ياطير قل ياهيه هالبعد ماصـار00

اتمنى تحوز على رضا ذائقتكم أخوكم الشاعر / الجرح

[العـ راعي ـليا]

الجرح السعودي

يسعدني أن اكون اول من

يعااانق هذه الشااامخه

صح لساااانك وسلم بناااانك

تقبل مروري

دمت بوود

[الجرح السعودي]

اقتباس المشاركة الأصلية كتبت بواسطة العـ راعي ـليا الجرح السعودي يسعدني أن اكون اول من يعااانق هذه الشااامخه صح لساااانك وسلم بناااانك تقبل مروري دمت بوود

صح بدنك راعي العليا ويشرفني مرورك

[عذوب]

ياما شريت الود من غالي السـوق
وأرخصت من شانه ريالٍ ودينـار

تقطعت لأجله شراييـن وعـروق
وقطََعت عمري لأجل شوفه بالأسفار


كلمات رائعه والله

إحساس صادق

سلمت أخوي

وصح لسانكـ، ملايين

وحياكـ الرحمن بمنتداكـ،


دمت بود

[الجرح السعودي]

اقتباس المشاركة الأصلية كتبت بواسطة عذوب ياما شريت الود من غالي السـوق وأرخصت من شانه ريالٍ ودينـار تقطعت لأجله شراييـن وعـروق وقطََعت عمري لأجل شوفه بالأسفار كلمات رائعه والله إحساس صادق سلمت أخوي وصح لسانكـ، ملايين وحياكـ الرحمن بمنتداكـ، دمت بود

الف مليون شكر على هذا المرور الرائع