يا صباح النور والبنور والمشمش المعصور ..
مراحب..
بصراحه اظن انو كل يوم عن التاني وشبابنا وبناتنا في تدهور اخلاقي مانقول الكل ولكن البعض .. والشي ده بيدفع بالاهل لتزويج البنت في اسرع وقت ممكن حتى لو ماكانت هي موافقه وده بيعمل مشاكل في المستقبل غالبا ماتنتهى بالطلاق والمشكله الاكبر لو كان الطلاقه ده ضحيتوا الاطفال .. دي قصه حقيقه حصلت لناس اعرفهم عز المعرفه في يوم من الايام اتقدم شاب لبنوته عسوله عشان يتجوزها وكانت البنت في قمه السعاده اتخطبت البنت وفي ايام الخطوبه اتبين انو خطيبها خطبها عشان يحس انو وقع البنت دي في حبوا وبس وبين ليها انو ما بيحبها ولا شي حاولت البنت تفهم اهلها ولكن مافي فايده الفاس وقعت في الراس اهلها غصبوها وبشكل قوي .. اتجوزت البنت وهي تبكي بدل الدموع دم وفي ليله الدخله طلبت من زوجها انو تكون الدخله مو في اول يوم ووافق على طلبها ومر اليوم الاول والتاني بسلام في اليوم الثالث حصل لبنت مايمنع المعاشره الزوجيه يعني" بلاش انتو فاهمين " سافرت البنت وزوجها يقضو شهر العسل وحاولت بكل الطرق انها تتقرب منو ولكن كان بيصدها حتى الكلمه الحلوه ماكان يقولها لها فهمت البنت زوجها انها مستحيل تعيش بالطريقه دي وانها اتغصبت علي زواجه وانو ما بيحبها وطلب منو انهم يعيشوا زي الاخوان ويطلقها بعد كم سنه عشان كلام الناس
طبعا مرت الايام وهي زوجته وحملت البنت ولكن راح الطفل بسبب قرحه في الرحم ومع كل ده كانت البنت بتحاول وبتحاول وبتحاول انها تقرب من زوجها اكتر وتقربوا منها اكتر لكن هو كان السهر مع اصحابوا وعملوا شاغلوا اكتر عن زوجته واحتياجاتها .. صارت نفسيه البنت بالمره تعبانه وسيئه وانتهى الموضوع بالطلاق ونقول الحمدلله انهم انفصلوا من غير ما يتركوا اطفال يعيشوا من غربه بعيدين عن امهم او ابوهم
15
العرض العادي
