يا نـازح البيـد لـولا نـازح البيـد=مـا دار حبـل السوانـي لسـوانـي
وطيتـهـا وادي وّطيتـهـا حـيـد=ووقتي عن اللي يبي قلبـي حدانـي
يا دمعة" وسط عينـي ماهـي تحيـد=كنيتهـا عـن فـلان وعـن فلانـي
اي والله العيد هذى ما هـو ب.عيـد=ضاقت بك السفن يا صـدر الموانـي
ساعات الاحبـاب لعيـون المواعيـد=ماملـت مـن الدقايـق والثـوانـي
جمر انتظارك حرقنـي حرقـة القيـد=( احرقني القيد يـا سيـد زمانـي )
تعـال يابـو التفاتـة ذايـر الصيـد=ان كـان ماهـو علشانـك عشانـي
ذبلت لك شـوق واحـزان وتناهيـد=وهموم وجـراح وشجـان وامانـي
شبّعني مـن الكـرز ومـن العناقيـد=بلل عطش لوعتـي والعمـر فانـي
يا اعذب من الشعر وابيات القواصيد=وزكى من الهيـل ومـن الزعفرانـي
تصمت ولا من حكيـت اقولـك عيـد=صمتك وحكيك سكـون وجـو ثانـي
وان قلت وينك وقمـت اعيـد وزيـد=ياويل قلبـي ليـا مـن قلـت كانـي
احسك اقـرب بشـر وشوفـك بعيـد=ابعد مـن الحلـم وسهيـل اليمانـي
وياخذني الجزر عـن مـد المناقيـد=وقـول يالله ترحـم مــن بـلانـي
ان كان ما نحت لها صـم الجلاميـد=عله مـا صـح بدنـي ولا لسانـي
ان جيت كلـي فـدى ياسيـد الغيـد=وان رحت غنيت ضيقه ( جرح ثاني )
والعيد هـذى وربـي ماهـو سعيـد=يضحك وحزنه يضمـه ف.المحانـي
ياضحكة العيد وش باقي مـن العيـد=لا تحسبيـن الدقـايـق والثـوانـي
العرض العادي
