معزوفتي غني علـى كـل الالحـان=ولا تطربين الـروس قبـل الاذانـي
ولا يشغلك بـدع القوافـي والاوزان=والله لسريهـا كـمـا البهبهـانـي
مادام معي احساس وشعور ولسـان=لومـك علـي اليـا تعثـر السانـي
والسالفـه ماهـي مفـارق وخـلان=ولاهي حبيـب" مـن فراقـه كوانـي
لا والله الا كان يـا كـان وش كـان=ويانفس قولي لي وش اللي دهانـي
تداعيات الفكر فـي بعـض الاحيـان=تخلق من الانسان .. انسـان ثانـي
انسان يقتل ما تبقـى مـن انسـان=حسب مقولة : ( عيش والعمر فاني )
وغرابة التفكير مـن غبـر الازمـان=تعكـس مسـارات وتّهـدم مبانـي
شتان مابين امـس واليـوم شتـان=وجه الفروقات استحى مـن زمانـي
نمنا على صـوت المحـدث والآذان=وقمنا على صوت الطبـل والاغانـي
نمنـا ولا زلنـا نحـاول الـى الآن=نحيـي حضـارة مجدنـا الأولانـي
ب/ صدرونا باقي من العـز شريـان=وفي روسنا حلـم وخيـال وامانـي
وياواقع ان عشناك !! عشناك نكران=ماعمرنـا عشنـاك صـدق وتفانـي
على كذا نبقى على روس الاغصـان=والريح ترمينـا ب/ وجـه الموانـي
لاعزنـا عـزه ولا شاننـا شــان=نخنـا كمـا نـاخ البعيـر العمانـي
زومان لو سمـوه ماهـوب زومـان=يضرس وهو بـارك وعقّلـه متانـي
ولو سيئات الخلق تمحى بالإحسـان=ماشفت دانينا مـن الضعـف دانـي
اسلافنـا تطـرب لقـارىء وقـرآن=وحنـا طربنـا ليـل دانـه لـدانـي
يالله ب/ عوفك واكثر العمر نقصـان=ويالله تعافينـي مـن اللـي بلانـي
العرض العادي
