يُـمه
والله إلا جت مطمـة
جبت انا العــيد
الله يســتر بس ... قـولـي آمين
ما بقـى بالناس ذمــة ...!!
شـالت الأيام هـم ... وحطت الأيام هـم ...
وخمني الغـــدار خَمَـــة
وياهـي خَـــمة
كنت اقـول إنه ... وإنه ...
وإنه الغـالــي وإنه ...
وإنه عيونــي وإنه ...
وآخـرتها جبت ( دمعـــة ) وبعـدهـا ( عشـرين ونة )
قالـــوا انه قال عني عند ربعـه
( بنت عِلَـــة ... كلهـا سُخـف ومِـذلــــة ...
تبغـى اعشقهـا غَصُب
بنت تتقـرب لقلبـــي ...
بس قلبي ما يهمـــه )
شفتي يُمـــه ...!!
انا صـرت الحين عنده مـو مُهِمَــه
كان يتغـزل بـ ( خصــــــــري )
وانه أحلـى خصــر في دنيا البنات
ولون شَعــري ... وعِطــر ثغــري
والـ ( نواهد ) في عيونه كايفـات
والـ ( ردوف ) اللـي يِـلفن العباة
وغيرهم خــدي ... وقــدي ... والعيون الناعسات
وكل مافيني يا يُمـــه
وكنت اصـدق كل كلمـــة
وآخـرتها صـرت ( لزقــة ) ورامية نفسي عليه ...؟!
وصار عشقه بس فسقــة
ليش ... من حضـــرة جنابه ...؟!
يعني داب وغـز نابه ... وساق فيني كل سمـه ...؟!
يعني ايش ...؟!
كان يتسلى وقضى ...؟!
ما يخـاف الله بعمــره ...
ما يحس ...؟!
ماحسب لحظـــة حِسابه ...؟!
وما استحى ... ومـا بقــى نقطـة بـ دمـــه
يووووه يُمـــه ...
كنت اضن العشـق جنة ...!!
اثر ضني غير ضنه
واثر كل العشـق غُمـــة ...!!
يلعن يُمـــه ...!!
ياما بَكَــــاني ...
ومناني بحضنه ...
لين قال ( والله ما تنسين حضني لو خذيتي منه ضمـة ...!! )
وخذت ضمة ...
وبعدها دورت وينه ...؟!
ماء بـ ملح ... مـدري ذاب ... وإلا طـار ...؟!
ورحت لـ اخته
وضحكت اخت علي
قالت ( إييييييييه
اثرها أنتي ...؟!
قبلك اربع يا خلف خاله وعمه ...!! )
قلت ( أربع ...؟! )
قالت ( اللي اشتكوا لي منه أربع ... غيرهم مدري يا يُمـــه )
قلت ( يعني ...؟! )
قالت ( اللي كانوا قبلك
ما قدرت وحدة تشمه ...!! )
قلت ( ذمـــة ...؟! )
قالت ( اي والله ذمـــة ...! )
شفتي يُمـــه
كلها من الـ ( نِت ) ومن الـ ( شَات ) ... والآفات
والـ ( جوال ) وقل الـ ( دين ) والـ ( إهمال )
ومن ( ابوي ) اللي ولا يدري بـ ( بنته )
وين اسهــر ...؟!
وين انام ...؟!
انا اصلي او ما صلي ...؟!
وكيف افكــر ...؟!
عمره مـرة ما ســألني ...!!
وأنتي ( يُمـــه ) مثل ابوي ... ويمكن اقصورك معـي اكبر كثير
ما بقى بالناس عـرف ... ولا ضمير ... وما بقى رحمة وذمـة
اختلط كلش بـ كلش
وابتلش هذا بهذا ... والنتيجة ( ضاع جيل )
بعد ماكُنا على الأخلاق قِمة
صرنا يا يُمـــه مَخَمة
ليت ابوي انتبه لي لو شوي
وأنتي يُمه
أنتم أسباب الألم
كنت اصوّت في ( ستار أكادمي ) للشباب وللبنات
الساقطين الساقطات
وشاعر المليون ... وكنت اعيش انا الجنون
وكنت اختار احلى شاعر
عادي عندي هو يجوز أو ما يجوز ... ما يهم
وكنت اذا صليت ادعي له يفوز
هذا شاعر .... وهذا مطرب
ولا فجر صليت يا يُمه ... ولا حسبت حساب مغرب
وعمري ما دعيت لك في يوم يُمـــه
لا صلاة ولا عِباده
بس اغاني وهز ردف
وآخر أخبار الشباب ... والسهر والليل
وهموم وعذاب
وباقي للقصة ( تَتِمة )
بس صعب اقولها ...
صعب يُمـــه ...!!
صعب اقول اني غلطت و ( شلت ) غلطة
صعب اقول اني دخلت بـ 1000 ورطة
بس صارت ...
والنتيجة ( إنتهت بنت
منقوووووووووووووووووووووووووول..
تحيـــــــــــــــــــــــــــــــــــــــــــــــ ـــــــــــــــاتي..
العرض العادي
