[ ألـفـيـّــة الـعــــذاب ] !

[سطآم]

ألفيه متواضعه وبسيطه أتمنى ترتقي لذائقتكم المترفه


.


.


.

الألف أولف من عذابي قصايد=يبكي لها شخصِ عن العين نايد
مما جرالي خذ علومِ وكايد=يحرم على قافي كلامِ خيالي
والبا بلادي كيف فيها تغرّبت=الناس جنبي بس ياخوك جنّبت
كلِّ شرابه عذب وأنا تعذّبت= يالعن أبو وقتِ يغّر الرجالي
والتا توالفنا وصرنا ولايف=ثم أفترقنا يا حسين الوصايف
خايف من الأيام يا بنت خايف=إن ما أجتمعنا ويش يجري لحالي
والثا ثمان سنين أمشي وأناديك=وأبكيت أهل الشرق من كثر ما أبكيك
أسمع صدى صوتي من سنين يدعيك=وأشكي على الله كل شيِّ جرالي
والجيم جاوبت الحمام بسماها=يا غايبه وجذور قلبي معاها
ما أدري متى الأيام يقضي بلاها =ويلتم شملِ فرقته الليالي
والحا حلفت لدار الأجناب لا أروح=يوم أنتهى صبري وضاقت بي الروح
لا صار سدّك بين الأنذال مفضوح=أقلب عقارب ساعتك للزوالي
والخا خساره يا بقيّة ربوعي=لفراقكم ترجف محاني ضلوعي
والله ماني للجماعه قطوعي=لاشك بركاني يذيب الجبالي
والدال دللني زماني ودارا =أقفى وخلانا يهود ونصارا
راحت حياتي مغترب باالديارا=أشد كفّي وأثري الكف خالي
والذال ذلّ النفس صعبِ علينا=ننسى ولو با الموت شخصِ نسينا
يا إللي نحت بك كلمة العاذلينا=إللي حكى لك فيك ياما حكى لي
والرا رسم لي صاحبي لوحة أخلاق=في ليلةِ ظلما تهيّض بمشتاق
وبا الشمس سالت لوحته كلها نفاق=وأقسمت ما أنظر لوحةِ با الليالي
والزاي زوله ساكنِ في عيوني=في سلوتي في خلوتي في شجوني
لو خنتني أعاهدك لك ما أخوني=الحب الأول .. ما ينسيه تالي
والسين سافرنا إلى الغرب والشرق=وماشفت مثله في حياتي ولا عرق
( بينه وما بين الأناثي صِدِقْ فرق )=ماله مثيلِ في دلال وجمالي
والشين شفت الموت مليون مرّه=بس أن موتي ما بلاني بشرّه
ول يا غريبِ جاليِ عن مقرّه=يطرق على الفنجال صفر الدلالي
والصاد صبر أيوب ربي يجيبه=عند الحبيب إللي غدا له حبيبه
تقلّبت فروة حياةِ غريبه= وشربت كاس المرّ من بعد حالي
والضاد ضيقة صدر وأحزان وهموم=تجمّعت في صدر رجّال محروم
صبّت عيونه ثم تابت عن النوم= بارضِ بعيده دونها الشوف مالي
والطا طويلات الليالي سهرناه=والبعد والحرمان غصبِ عرفناه
يالله أنا طالبك يالله يا الله=تفرج بجودك يا عزيز الجلالي
والعين عيد الناس يذكر ولا شيف=من لي ثمن سنين عيدي تصانيف
تفرقوا يا عيد فيك المواليف=وحبل الرجا يا عيد با الحيل طالي
والغين غرّ العين خادع سرابه=حتى تخاوينا أنا والذيابه
مابين غربات الزمان وعذابه=من بدّ كل النـاس أمشي لحالي
والفا فؤادي خايفِ لا يتفطّر=لا قمت في بعض الليال أتفكّر
الله من وقتِ علينا تغيّر=عجاجةِ تصفق بنا كل جالي
والقاف قابلته وفي عينها دموع=وأقفيت عدّ القلب با الأرض مجدوع
يالله نسجد لك ونركع لك ركوع=أرحم عبادك يا مجيب السؤالي
والكاف كلا ثم كلا وكلاّ=ما أنساك ما دام النهار يتجلاّ
لين الترايب فوق قبري تهلاّ=ويصير عقب الموت حبِّ خيالي
واللام لابدّ السّرا يدور يا هيه= يامن جحدت الطيب وأنكرت راعيه
يالعن أبو طيبِ غدا الهمّ تاليه=ماهي لنا يا عزوتي يا حلالي ؟
والنون نارِ تعتلق وتغمزلي=تاكل عيوني ثم با القلب تدلي
رجعت يا الراكب خلاوي ورجلي=ماعدّ لك بحبال شمّر حبالي
والها هنوفِ يابو نايف صغيره=صارت لي بعقد المشايخ عشيره
وطفلِ صغيرِ مادرى عن مصيره=أوصيك كان الموت فرّق غوالي
والواو وصيتك بطفلي وأنا أنخاك=يارد لحاله لو يجي وسط الأتراك
وقل له تخلص نفسك اليوم يمناك=رصّه على الرمضا وبرد الشمالي
والياء يا ربي رضينا بما صار=آمنت بك وأسلمت لك كل الأقدار
وأرجي عساها فكّةِ لي من النار=طالبك ياللي با السما فوق عالي

.


.


.


سطام الشمري

[العـ راعي ـليا]

اقتباس المشاركة الأصلية كتبت بواسطة سطآم ألفيه متواضعه وبسيطه أتمنى ترتقي لذائقتكم المترفه . . . الألف أولف من عذابي قصايد=يبكي لها شخصِ عن العين نايد مما جرالي خذ علومِ وكايد=يحرم على قافي كلامِ خيالي والبا بلادي كيف فيها تغرّبت=الناس جنبي بس ياخوك جنّبت كلِّ شرابه عذب وأنا تعذّبت= يالعن أبو وقتِ يغّر الرجالي والتا توالفنا وصرنا ولايف=ثم أفترقنا يا حسين الوصايف خايف من الأيام يا بنت خايف=إن ما أجتمعنا ويش يجري لحالي والثا ثمان سنين أمشي وأناديك=وأبكيت أهل الشرق من كثر ما أبكيك أسمع صدى صوتي من سنين يدعيك=وأشكي على الله كل شيِّ جرالي والجيم جاوبت الحمام بسماها=يا غايبه وجذور قلبي معاها ما أدري متى الأيام يقضي بلاها =ويلتم شملِ فرقته الليالي والحا حلفت لدار الأجناب لا أروح=يوم أنتهى صبري وضاقت بي الروح لا صار سدّك بين الأنذال مفضوح=أقلب عقارب ساعتك للزوالي والخا خساره يا بقيّة ربوعي=لفراقكم ترجف محاني ضلوعي والله ماني للجماعه قطوعي=لاشك بركاني يذيب الجبالي والدال دللني زماني ودارا =أقفى وخلانا يهود ونصارا راحت حياتي مغترب باالديارا=أشد كفّي وأثري الكف خالي والذال ذلّ النفس صعبِ علينا=ننسى ولو با الموت شخصِ نسينا يا إللي نحت بك كلمة العاذلينا=إللي حكى لك فيك ياما حكى لي والرا رسم لي صاحبي لوحة أخلاق=في ليلةِ ظلما تهيّض بمشتاق وبا الشمس سالت لوحته كلها نفاق=وأقسمت ما أنظر لوحةِ با الليالي والزاي زوله ساكنِ في عيوني=في سلوتي في خلوتي في شجوني لو خنتني أعاهدك لك ما أخوني=الحب الأول .. ما ينسيه تالي والسين سافرنا إلى الغرب والشرق=وماشفت مثله في حياتي ولا عرق ( بينه وما بين الأناثي صِدِقْ فرق )=ماله مثيلِ في دلال وجمالي والشين شفت الموت مليون مرّه=بس أن موتي ما بلاني بشرّه ول يا غريبِ جاليِ عن مقرّه=يطرق على الفنجال صفر الدلالي والصاد صبر أيوب ربي يجيبه=عند الحبيب إللي غدا له حبيبه تقلّبت فروة حياةِ غريبه= وشربت كاس المرّ من بعد حالي والضاد ضيقة صدر وأحزان وهموم=تجمّعت في صدر رجّال محروم صبّت عيونه ثم تابت عن النوم= بارضِ بعيده دونها الشوف مالي والطا طويلات الليالي سهرناه=والبعد والحرمان غصبِ عرفناه يالله أنا طالبك يالله يا الله=تفرج بجودك يا عزيز الجلالي والعين عيد الناس يذكر ولا شيف=من لي ثمن سنين عيدي تصانيف تفرقوا يا عيد فيك المواليف=وحبل الرجا يا عيد با الحيل طالي والغين غرّ العين خادع سرابه=حتى تخاوينا أنا والذيابه مابين غربات الزمان وعذابه=من بدّ كل النـاس أمشي لحالي والفا فؤادي خايفِ لا يتفطّر=لا قمت في بعض الليال أتفكّر الله من وقتِ علينا تغيّر=عجاجةِ تصفق بنا كل جالي والقاف قابلته وفي عينها دموع=وأقفيت عدّ القلب با الأرض مجدوع يالله نسجد لك ونركع لك ركوع=أرحم عبادك يا مجيب السؤالي والكاف كلا ثم كلا وكلاّ=ما أنساك ما دام النهار يتجلاّ لين الترايب فوق قبري تهلاّ=ويصير عقب الموت حبِّ خيالي واللام لابدّ السّرا يدور يا هيه= يامن جحدت الطيب وأنكرت راعيه يالعن أبو طيبِ غدا الهمّ تاليه=ماهي لنا يا عزوتي يا حلالي ؟ والنون نارِ تعتلق وتغمزلي=تاكل عيوني ثم با القلب تدلي رجعت يا الراكب خلاوي ورجلي=ماعدّ لك بحبال شمّر حبالي والها هنوفِ يابو نايف صغيره=صارت لي بعقد المشايخ عشيره وطفلِ صغيرِ مادرى عن مصيره=أوصيك كان الموت فرّق غوالي والواو وصيتك بطفلي وأنا أنخاك=يارد لحاله لو يجي وسط الأتراك وقل له تخلص نفسك اليوم يمناك=رصّه على الرمضا وبرد الشمالي والياء يا ربي رضينا بما صار=آمنت بك وأسلمت لك كل الأقدار وأرجي عساها فكّةِ لي من النار=طالبك ياللي با السما فوق عالي . . . سطام الشمري

صح لساااانك ولا هنت

ياسطاااام ...

وااافيه من راااس وااافي .

تقبل توااضع المرور

دمت بووود

[موضي]

عز الله انك شاعر

مشكور،،

[*+* مـهــآآآآجــرة *+*]

الشآآآعر القدير "

)*)سطـآآم الشمري )*)

ألفية الجمآآآل الذي ليس له مثيل

و تميز وإنفرآآد بالبوح الأصيل

لوحة تكونت من مفردآآت تخرج زفرآآت

الهم لتخفف وطأته وتضمنا بين حنايا

الهمس المعبر بأسلوب رآآقي

جزلة بحروفها شآآمخة بمعانيها

صح لسآآنك وربي لا هآآنك

سنظل نتعطش لجديدك المميز

كن بخير "

((للتثبيت ))

[العسجديھ]

أَلْفِيَّة العَذَآْب
عَلَى هَذَآْ جُبِلْنا .. وعَلَى هَذَآْ خُلِقْنَآْ


شَآْعِر الوِدّ
سَطَّآْم
سطُوْر رَآْئِعَهْـ ..أَخَذَتْنَآْ بِسِحْرِهَا
ورَحَلْتُ بَيْنَ طَيَّآْت بَوحك
عَشِقْنا حرُوْفَك رُغْمَ الألَم المُتَكَبّت فيْهـا ..!
صَحّ لسَآْنَك مَلاَيِيْن ..!

ودِّيْ

[الـعـاطفي]

الله الله ياسطام

عز الله انك شاعر مخضرم بمعنى الكلمة


صدقني سطام هذي تحتاج فنان كبير يغنيها


ولي علاقة بفنانيين كبار لكن انت سيد القرار


فكل فنان يحتاج اللفية لكي يتميز بها


صدقني راح تتهافت عليك الفنانين من كل حدب وصوب


لو عرضتها عليهم فقط


فيه الفنان حسن الحسن


وهو من فنانين حايل ويتميز باللفيات كثير


واسمه ابو نايف كمان

والفنان الكبير خالد عبدالرحمن اسمه ابو نايف

ولي علاقه ومعرفه فيه

واعتقد ان ابو نايف الذي تقصده بالقصيدة

صديق او قريب لك لكن القصيدة تركب على الكثير من الفنانيين


فيه فنانين كثير يحتاجونها


صدقني راح تأخذ هذي القصيدة حقها من الفن


اتمنى لك كل التوفيق يالغالي


تحياتي واحترامي وإعجابي

[فــهــد الشمـري]

صح لسانك سطام


قصيدة وافيه من راس وافي



آلفيه رائعه أعجبتني كثير




بأنتظار جديدك




تقبل مروري