قولي وانا أسمع كل كلمه تقولين
عن كل مافي داخلك حدثيني
قولي وش تحبين وش ما تحبين
قولي كرهتك .. قولي إنك تبيني
أنا هويتك قبل اعرف الهوى وين
عرفت حبك قبل ما تعرفيني
حبيتك بسمعي قبل نظرة العين
وحبيتك أكثر يوم شافتك عيني
حبيت طبعك زين ولا ماهو زين
في كل حالاتك معي تعجبيني
في قسوتك والظلم في العطف واللين
في كل شي صار بينك وبيني
صحيح غيرك ناس واجد وغالين
لكن انتي شي مني .. وفيني
وداعك أصعب من وداع المحبين
ونسيانك اصعب من تناسي حنيني
دخيل ربك قبل عني تروحين
!!قولي ما أحبك لو كذب وأتركيني
العرض العادي
