حاولت في قلبي وانا اقول بانساك
واعيش دنيا في حياتي جديده
اثر الغلا ما تعجبه غير دنياك
والقلب ما غيرك سكن في وريده
اشتقت لعيونك وصوتك ونجواك
واشتقت لظروفك ولو هي عنيده
قربك شربته كيف اجل ما اقدر اظماك
حبك عرفته كيف ما احتاج عيده
قلت السهر واثر السهر ما بعد جاك
معذور ما جربت همه وكيده
اسهرت عيني والسبب جور فرقاك
والبعد شوقي كل ليله يزيده
الله عطاني حبك العذب واعطاك
كل الخصال النايفات الحميده
انا وليلي والقمر لا ذكرناك
ينبت على اوراقي لعينك قصيده
العرض العادي
