سامحيني جرحتك
يمكن أني ما فهمتك ...
أو في لحظة طيش جرحتك
بس الأكيد أني ما قصدتك
هي لحظة ندم .سبقها حزن والم
وين الأمل...
وكيف أداوى جرح الفراق من عدم
عرفت معني الضياع من قلتي وداع
سامحيني جرحتك
أعرف انك تحبيني
واعرف انك ورده في بساتيني
واعرف أنك نغمة فرح تعطر هوى فنوني
واعرف أنك من الوله تحيا وتموت فيني
سامحيني جرحتك
ادري حروفك وقصيدك كلها شوق تناديني
واشتاق لها وأحس بمعانيها تناجيني
وادري انك شمعة تحترق من شان تضو يني
وادري إن جمر الحب في شوقك يدفيني
بس ما تدرين إن نبض حبك يغلي في شرا يني
سامحيني جرحتك
اعرف أني يا حبيبتي ظلمتك وقسيت
وبالوصل صديت عنك ورحت وجفيت
وادري انك تعذبتي في حبي وشقيتي
بس ما تدرين أني في غيابك كم مره بكيت
سامحيني جرحتك
لا تسأليني عن ماجري
أبي الفرح يعود والحب والهمس
أبي نطوى صفحة الأحزان ويمحيها شعاع الشمس
وعيني في عينك تلتقي وأشوفك بفستان الفرح والأنس
سامحيني جرحتك
أنا بنتظر منك ردك والجواب
ولا تقسي على ولا تكثر العتاب
تري الشوق نزف منى والعذاب
والهوى في ضلوعي شاب وذاب
سامحيني جرحتك سامحيني جرحتك
سامحيني جرحتك
العرض العادي
