وعدة عن اللي مايداري المسبه && اللي يدور بالقصيـر الغيابـي
عن الطيب عده نازلا له بغبه && يضرب علي درب الخطا مايهابي
لا باطن الهلباج خطوا الجلبة && يا حلو خبط عصيهـم بالركابـي
أطمر لهم وأبدي سلام المحبه && لا جو على هجناً يديهم خرابـي
سلام أخلى من شخاليل جبه && وأحلى من السمن الجديد العرابي
مع كبشً مصلاح راسه نجبه &&لا أدبـر الهيـن متيـن العلابـي
خطو الولد يوم الملاقي نكبه && يأتي علينا من حسـاب الزهابـي
وحتى ايش لو يلبس وبينن وجبه && معيرة على غضير الشبابـي
أنا لقيت الصبر يازين غبه && يرقيك رؤوس مشمرخات الهضابي
من لاصبر ياكليب في حكم ربه && هذاك يوم البعث ماله ثوابـي
يقولها اللي ما حسب المسبه && ولا عرقل الاجواد ببعض الهلابي
هذا هوى بالي وهذا مطبه && من قبـل مايسفـح علينـا الترابـي
1
سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-
الوالمه يا كليب عجل بصبه && والرزق عند اللي نشى السحابي
يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .
قال الامير محمد
:-
ما تقولي يالضلماوي وش عندك به يوم انك تقوصد يا
كليب يا كليب . فعرف الضلماوي ان الامير زعلان فقبلة وقام ومد يده
للامير وقاله :-
مده رهن لولاك ماقلت ياكليب && ولا قلت شب النار وصر موقدا لـه
في ليلة تجـدع سـواة المشاهيـب && نسريـة تلصـق خليـل لخلـه
نطعن بعزك ياحصان الاطاليب && عسى الله جمع حزمتـك مـا يفلـه
يالجوهر الناريز يالمسك يالطيب && يـا عنبـرا مـن جربـه مايملـه
تكفـي محاليـب وتملـى مجاليـب && وكبـد تيبسهـا وكبـدا تبلـه
ياطير شلوى مالقي بك عذاريب && لو تستحتي ما تجمع الطيـب كلـه
يا بو اليتامى والارامل ومن عيب && وأبوا لمن صار العصى ثالث لـه
وابو المحرول والاعمي والمحاديب && ومن ضامته بقعاء تصير ولدا له
أن كان هرجي به عليكم عذاريب && سامح عسى اللي عقبك بألف حله
وعقبة قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل
وعليكم السلام
مشكوره اختي الهنوف على هذي القصه والابيات الاكثر من رائعه وهي قصيده مشهوره ولكن كما قلتي يجهل الكثير قائل هذي القصيده ومناسبتها وفعلاً كما عودينا دائماً بنقلك الجميل .
ولكي تحياتي
اخوك السنافي
الهنوف تسلمييييييييين على هذا المجهود الرائع وتسلم يمينك يالغاليه فهذه دروس لابد ان المرء ان يراجعها ولا ينساها وانتي قمتي بتذكيرنا الله يذكرك الشهاده0آمين تسلمين اختي ومشكووووره0اخوك الحرالاشقر(مهناالعتيبي)
يعطيك الف الف الف عافيه اخت الهنوف
قصيده روعه وكنت حاب اني اسمعها
لاني سمعت عنها كثير واذكر اول بيت
الي يقول ياكليب شب النار شبه
والحمد الله بسلامتك قريتها لا وبعد
مع القصه يعطيك العافيه مره ثانيه
مع تحيات اخوكم الــفــيــصــل
مشكورة أختي الهنوف على هاالقصة مع الابيات والله انا كنت اعرف البيت الاول
ولا أدري من الي قاله ولااعرف القصة .... جزاك الله خير على الفائدة الي قدمتيها لنا
العرض العادي
