قصيده احبتي
من كتاباتي
اتمنى ان تلامس احساسكم
انتهت رحلة حياتي والهوى ماتت سنينه
__________ والحبيب اللي هويته انتخى له قلب ثاني
هبت رياح الموادع واعتلى الموج السفينه
_________ تاهت دروب المحبه مالقت شط ومواني
راح عني ماذكرلي لاتعبت القاه وينه
_________ ماعطاني فرصه احكي ماعطاني ماعطاني
اختفى زوله تركني ليلتن سودا حزينه
_________ هدني ظلمه ذبحني والحزن زلزل كياني
ايه وانا واقف احضن جرحك اللي تخبرينه
_______ انطفت شمعة حياتي واشتعل همي طواني
ايه ياوقتن قضيته كنت خاتم في يدينه
_______ كنت اموت ان غاب زوله لو ثواني لو ثواني
ماذكرلي في غيابه كيف اعيش بدون عينه
__________ ماذكر يومه حلف لي مااحد ياخذ مكاني
ايه ياعمر الطفوله ايه ياكانت ثمينه
___________ كنت لعيونه زمانه وكان لعيوني زماني
مانعرف اشلون نكره لاعتاب ولاغبينه
_________ قلب صادق والتقى له بالمحبه قلب حاني
نرسم قلوب المحبه بين رمل وبين طينه
___________ نحتري وقتن يحن ... يرحم قلوبن تعاني
وان بعدنا مابعدنا كلن ايرده حنينه
__________ اغرق بنظرة عيونه ويغرق بصادق حناني
نسقي الدنيا غرام ونحضن الشوق وانينه
______ اااه اموت اليا همس لي تكفى عشاني
ايه والله لو طلبني روحي اللي له رهينه
_________ افتديه بكل عمري حتى لو وقتي نهاني
ليه رحتي وانتي كل الحب ورده وياسمينه
_________ كيف قلبك مارحمني ابتعد عني نساني
ماعرفت اخدع واجامل ليه قلبي تخدعينه
_________ ليه قلبك ماذكرني صد عن قلبي جفاني
ماضربتك فوق يدك يوم جيتي تعاهدينه
___________ يوم قلبك ماتحمل طعنة الدنيا نخاني
من هو اللي مد يده ضم يدي في يمينه
_______ ومن هو اللي خان فيني حطم بقلبي الاماني
قلبك اللي ماخدعكي ماقدرتي تواجهينه
____________لو بكيت العمر كله ماكفاني ماكفاني
جرحي اللي في حشايه قادرن ربي يعينه
__________ وانتي اجمل من حكايه قلبها تاه وخذاني
شاعرن حبك بنى لك بالحشا قصر ومدينه
________ باع من شانك عيون وباع من شانك غواني
لاعشق يعشق بقلبه لانفاق ولاضغينه
_________ ماهو من يعشق مرام وباكر يواعد تهاني
شامخن راسه وقدره مانزل لحظه جبينه
_________ ايه ادوس القلب كانه ذلني حبه عصاني
ان هويتك مااخونك ومن هواني مااهينه
_____ وافيين واحمي كلامي وان رجعت اقطع لساني
مالك باقي ماتغير مثل منتي تذكرينه
__________ اول عيونن تضمك واخر احساسن بكاني
|
العرض العادي
