السلام عليكم ورحمة الله وبركاته
هذه أول مشاركه شعريه لي معكم أتمني قبولها وأن تنال لو بعض الأعجاب
إليكم
بنار الجـــحـــــــــــــيــم
عندما ينكسر القلب وتذهب مشاعر الغلا إلي ألم الجروح وتسكن فيه لتعيش لحظات نزف الجروح وتسكب الدموع على ضياع الحب وخيبت الأمل تنطق شفاتنا ما لا ترضاه القلوب
كتبت قصيدتي وألمي بداخلي يعتصر ويخنق ذاتي لتنتثر عبراتي مع عباراتي فهل قلبي ظالم أم مظلوم
إليكم عباراتي مع عبراتي
عزمت أبتعد وأرحل بقلبي وأخليك.......... لجل تعرف قدر الهوى وحر الأشواق
بغيب عن عيونك وأعيش وأسهر لياليك......وأكتب قصتي معك على كل الأوراق
وأقول ماتستاهل قلب كان يغـليـك...........ولا تستاهل حب مزروع لك بالأعماق
وأقول عساك ماتفرح وتهنا بلياليك .............ويجزاك عن فعلك رب للناس خلاّق
وتلقا من الضيـم والـقهـر ما يـكـفيـك.............. وتبكي لين تغرق اعيونك اغراق
وتلقا الـهـم والليـل بنومـه يـجـافيـك..... .... وتسهر مثل اليتيم اللى به الهم ضاق
وعساك تمرض ولا تلقا دواء يشافيك........... ويمتد لك عذابه مثل طول نهر غداق
وعساك تفقد أهلك واصحابك وكل مغليك.... وتتعب وتحزن لين تشهق إشهاق
أبكيتني ياصاحبي واليوم والله لبكيك...... وأرمي غلاك من داخلي بلارحمه ولا شفاق
أنهيت حبك وقربك عسى الله ينهيك............ وتموت لحالك بليل مظلم ليل تسهربه العشاق
وبنار الجحيم يالخاين تشوف مراسيك............ وتحس بعذاب كل ظالم مثلك وبواق
مع تحياتي
للجميع الأعضاء
وخاصه الأخ المشرف الشاعر مسعد المطيري
وافي المحبه